മണര്‍കാട് ദേവീക്ഷേത്രത്തിലെ പത്താമുദയ മഹോത്സവത്തോടനുബന്ധിച്ച് ക്ഷേത്രത്തിന് മൂന്ന് കിലോമീറ്റര്‍ ചുറ്റളവിലുളള പ്രദേശം ഏപ്രില്‍ 15 മുതല്‍ 24 വരെ ഉത്സവമേഖലയായി ജില്ലാ കളക്ടര്‍ പ്രഖ്യാപിച്ചു.  

കൊച്ചി: പിണറായി വിജയന്‍ നേതൃത്വം നല്‍കുന്ന സംസ്ഥാന സര്‍ക്കാരിന്റെ രണ്ടാം വാര്‍ഷികം ജില്ലയില്‍ വിപുലമായ പരിപാടികളോടെ സംഘടിപ്പിക്കും. വിവിധ വകുപ്പുകളുടെ അമ്പതോളം പദ്ധതികള്‍ മെയ് ഒന്നു മുതല്‍ 31 വരെ നീളുന്ന വാര്‍ഷികാഘോഷവേളയില്‍ ഉദ്ഘാടനം ചെയ്യും. സര്‍ക്കാര്‍ വകുപ്പുകളുടെ നേട്ടങ്ങളും ക്ഷേമപ്രവര്‍ത്തനങ്ങളും വ്യക്തമാക്കുന്ന പ്രദര്‍ശനം മെയ് 12 മുതല്‍ 19 വരെ എറണാകുളത്തപ്പന്‍ ഗ്രൗണ്ടില്‍ നടക്കും. ഈ ദിവസങ്ങളില്‍ കലാ-സാംസ്‌കാരിക പരിപാടികളും സെമിനാറികളും സംഘടിപ്പിക്കും.

    പുതുതലമുറയില്‍ ലഹരി വസ്തുക്കള്‍ പടരുന്നത് തടയുന്നതിനും അവരെ ബോധവത്കരിക്കുന്നതിനുമായി എക്‌സൈസ് വകുപ്പ് കൈപ്പുസ്തകം പുറത്തിറക്കി. കഞ്ചാവ്, ഹെറോയിന്‍, കൊക്കയിന്‍, ഫെന്‍സൈക്ലിഡിന്‍, ഓപിയം, എല്‍.എസ്.ഡി, ചരസ്, ബ്രൗണ്‍ ഷുഗര്‍, ഹാഷിഷ്, മാജിക് മഷ്‌റൂം, ലഹരിക്കുവേണ്ടി ഉപയോഗിക്കുന്ന ഇംഗ്ലീഷ് മരുന്നുകള്‍, ആംഫിറ്റമിന്‍, എക്‌സറ്റസി, മെഥാംഫീറ്റീന്‍, ബ്രൂപ്രിനോര്‍ഫിന്‍, കഫ്‌സിറപ്പുകള്‍, നൈട്രാസെപാം, ഡയസെപാം, അനാവര്‍, ഡെക്കാഡുറാബൊലിന്‍, ഗ്രോത്ത്, വിന്‍സ്‌ട്രോള്‍, ഇന്‍ഹെലന്റ്‌സ് എന്നിവയുടെ വിവരങ്ങള്‍ പുസ്‌കത്തിലുണ്ട്.

    ദേശീയ പാത വികസനവുമായി ബന്ധപ്പെട്ട് മലപ്പുറം ജില്ലയിലുണ്ടായ അഭിപ്രായ വ്യത്യാസങ്ങള്‍ക്ക് പരിഹാരമുണ്ടാക്കാന്‍ പൊതുമരാമത്ത് മന്ത്രി ജി. സുധാകരന്റെ അധ്യക്ഷതയില്‍ ചേര്‍ന്ന സര്‍വകക്ഷി യോഗത്തില്‍ ധാരണയായി. ഭൂമി ഏറ്റെടുക്കല്‍ വിഷയത്തില്‍ ജനങ്ങള്‍ക്കുണ്ടായ ആശങ്കകള്‍ക്ക് പരിഹാരമുണ്ടാക്കാന്‍ എല്ലാ പാര്‍ട്ടികളും ഒരുമിച്ച് പരിശ്രമിക്കുമെന്നും യോഗശേഷം മന്ത്രി സുധാകരന്‍ പത്രസമ്മേളനത്തില്‍ പറഞ്ഞു.

    2017 സെപ്റ്റംബറില്‍ നടന്ന ഹയര്‍സെക്കണ്ടറി തുല്യതാ പരീക്ഷയുടെ (ഒന്നാം വര്‍ഷ ഇംപ്രൂവ്‌മെന്റ്) സ്‌കോര്‍ഷീറ്റ് പരീക്ഷാര്‍ത്ഥികള്‍ 2016 ഓഗസ്റ്റിലെ ഹയര്‍സെക്കണ്ടറി ഒന്നാം വര്‍ഷ തുല്യതാ പരീക്ഷയ്ക്ക് രജിസ്‌ട്രേഷന്‍ നടത്തിയ സ്‌കൂളുകളിലെ പ്രിന്‍സിപ്പാളില്‍ നിന്നും കൈപ്പറ്റണം.
പി.എന്‍.എക്‌സ്.1355/18