*ഇന്ത്യാ സ്‌കില്‍സ് കേരള മേഖലാതല മത്സരങ്ങള്‍ തുടങ്ങി

മലപ്പുറം ആര്‍.ടി.എ യോഗം ഏപ്രില്‍ 19ന് രാവിലെ 10.30ന് കലക്‌ട്രേറ്റ് സമ്മേളന ഹാളില്‍ നടക്കും.

ജന്‍ ശിക്ഷണ്‍ സന്‍സ്ഥാന്‍ അനെര്‍ട്ടുമായി സഹകരിച്ച് നടത്തുന്ന അക്ഷയ ഊര്‍ജ്ജ സേവന കേന്ദ്രത്തിലേക്ക് ഐടിഐ/പോളി/ബി ടെക് ഇലക്ട്രിക്കല്‍ ആന്റ് ഇലക്ട്രോണിക്‌സ് യോഗ്യതയുള്ളവരെ ആവശ്യമുണ്ട്.  താല്പര്യമുള്ളവര്‍ ബയോഡാറ്റയും സര്‍ട്ടിഫിക്കറ്റുകളുടെ അറ്റസ്റ്റ് ചെയ്ത പകര്‍പ്പുമായി ഏപ്രില്‍ 12നകം നിലമ്പൂരിലുള്ള ജെഎസ്എസ് ഓഫീസില്‍ എത്തണം.      നിലമ്പൂര്‍ നിയമസഭാമണ്ഡലത്തിന്റെ പരിധിയിലുള്ളവര്‍ക്ക് മുന്‍ഗണന.

 ദേശീയപാത സ്ഥലമെടുപ്പ് സംബന്ധിച്ച ജനങ്ങളുടെ ആശങ്ക നീക്കാന്‍ എല്ലാ പഞ്ചായത്തുകളിലും ഭൂവുടമകളുടെ യോഗം വിളിച്ചുചേര്‍ക്കാന്‍ ജില്ലാ കലക്ടറുടെ അധ്യക്ഷതയില്‍ ചേര്‍ന്ന യോഗത്തില്‍ ധാരണയായി. ഭൂവുടമകളുടെ ബാങ്ക് അക്കൗണ്ടില്‍ പണം വന്ന ശേഷം മാത്രമേ ഭൂമി ഏറ്റെടുക്കുകയുള്ളൂവെന്ന് യോഗത്തില്‍ ജില്ലാകലക്ടര്‍ അമിത് മീണ് ഉറപ്പുനല്‍കി. ജനങ്ങളുടെ എല്ലാ ആശങ്കകളും തീര്‍ക്കും. ഏറ്റെടുക്കപ്പെടുന്ന ഭൂമിയുടെയും വസ്തുവകകളുടെയും നഷ്ടപരിഹാരം നല്‍കിക്കഴിഞ്ഞ് നവംബര്‍ അവസാനത്തോടെ മാത്രമേ പ്രവൃത്തികള്‍ ആരംഭിക്കുകയുള്ളൂവെന്നും കലക്ടര്‍ പറഞ്ഞു.

ജില്ലയിലെ വിവിധ താലൂക്കുകളില്‍ കുടിവെള്ളം വിതരണം നടത്തുന്നതിന് വാടകയ്ക്ക് എടുക്കുവാന്‍ ഉദ്ദേശിക്കുന്ന ലോറികളില്‍ ഏറ്റവും കുറഞ്ഞ നിരക്കില്‍ ജി.പി.എസ്സ് ഘടിപ്പിക്കുന്നതിന് പൊതുമേഖല / സ്വകാര്യ സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ഡെപ്യൂട്ടി കലക്ടര്‍, ദുരന്ത നിവാരണം, കലക്‌ട്രേറ്റ്, മലപ്പുറം വിലാസത്തില്‍ ഏപ്രില്‍ 26ന് വൈകീട്ട് രണ്ടിനകം ലഭിക്കണം.

എടരിക്കോട് 110 കെ.വി സബ്‌സ്റ്റേഷനില്‍ അറ്റകുറ്റപ്പണി നടക്കുന്നതിനാല്‍ ഊരകം ഇലക്ട്രിക്കല്‍ സെക്ഷന്‍ പരിധിയില്‍പ്പെട്ട കോട്ടുമല, വെങ്കുളം, കല്ലേങ്ങല്‍പ്പടി, മമ്പീതി, കിളിനക്കോട്, തടത്തിപ്പാറ, കരിമ്പിലി, വട്ടപ്പറമ്പ്, യാറം, തങ്ങള്‍പ്പടി, കുറ്റാളൂര്‍, ചേലത്തുര്‍, മാളിയേക്കത്തൊടി, നെടുംപറമ്പ്, അഞ്ചുപറമ്പ്, ആലുക്കാപറമ്പ്, മിനി, അത്താണിക്കുണ്ട്  ഭാഗങ്ങളില്‍ ഇന്ന് (ഏപ്രില്‍ 10)  രാവിലെ എട്ട് മുതല്‍ വൈകുന്നേരം അഞ്ച് വരെ വൈദ്യുതി മുടങ്ങും.

ജില്ലയില്‍ വാഴക്കാട് (0483 2725215), വട്ടംകുളം (0494 2681498), പെരിന്തല്‍മണ്ണ (04933 225086) എന്നിവിടങ്ങളിലെ ടെക്‌നിക്കല്‍ ഹയര്‍ സെക്കന്‍ഡറി സ്‌കൂളുകളിലേക്ക് എട്ടാം ക്ലാസ്സ് പ്രവേശനത്തിന് അപേക്ഷ ക്ഷണിച്ചു.  അപേക്ഷാ ഫോമും പ്രോസ്‌പെക്ടസും ംംം.ശവൃറ.മര.ശി ല്‍ ലഭിക്കും.

കല്ലിങ്ങല്‍ - ദാമോദരന്‍പടി റോഡില്‍ പ്രവൃത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതം നിരോധിച്ചു.  വാഹനങ്ങള്‍ തിരുനാവായ - കല്‍പ്പകഞ്ചേരി റോഡ് വഴിയോ പുത്തനത്താണി - താനാളൂര്‍ വഴിയോ പോവണം.