സംസ്ഥാന മന്ത്രിസഭയുടെ രണ്ടാം വാര്‍ഷികാഘോഷങ്ങളുടെ ഭാഗമായി ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ സംസ്ഥാനത്തെ 14 ജില്ലകളിലും സംഘടിപ്പിക്കുന്ന ഉത്പന്ന പ്രദര്‍ശന വിപണന മേളയ്ക്ക് താത്കാലിക  ഹാംഗര്‍ സ്ഥാപിച്ച് സ്റ്റാളുകളും മറ്റും സജ്ജമാക്കുന്നതിന് ഈ മേഖലയില്‍ പ്രവൃത്തി പരിചയമുളള സ്ഥാപനങ്ങളില്‍/ഏജന്‍സികളില്‍ നിന്നും ഇ ടെണ്ടര്‍ ക്ഷണിച്ചു. വിശദവിവരങ്ങള്‍ക്ക് etenders.kerala.gov.in. അവസാന തീയതി: ഏപ്രില്‍ 17 വൈകിട്ട് നാലു മണി.
പി.എന്‍.എക്‌സ്.1341/18
 

    തിരുവനന്തപുരം വി.എസ്.എസ്.സിയില്‍ ഭിന്നശേഷി വിഭാഗത്തിലുളളവര്‍ക്ക് (അസ്ഥിസംബന്ധമായ) സംവരണം ചെയ്തിരിക്കുന്ന ഒരു താത്കാലിക (ഒരു വര്‍ഷം) ഒഴിവിലേക്ക് രജിസ്റ്റര്‍ ചെയ്യാം.  എസ്.എസ്.എല്‍.സി/എസ്.എസ്.സി, അംഗീകൃത നാഷണല്‍ ട്രേഡ് സര്‍ട്ടിഫിക്കറ്റ് (ടര്‍ണര്‍) ആണ് യോഗ്യത. പ്രായപരിധി: മെയ് ഒന്നിന് 30 വയസ്, ഒ.ബി.സി - 33, എസ്.സി/എസ്.റ്റി - 35, പി.എച്ച് 10 വര്‍ഷം ഇളവ്. 7000 രൂപ പ്രതിമാസ ശമ്പളം ലഭിക്കും. 
    നിശ്ചിത യോഗ്യതയുളള ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകളുമായി അതത് എംപ്ലോയ്‌മെന്റ് എക്‌സ്‌ചേഞ്ചില്‍ 20 നകം പേര് രജിസ്റ്റര്‍ ചെയ്യണം.
പി.എന്‍.എക്‌സ്.1338/18
 

    കേരള സ്റ്റേറ്റ് ഇലക്‌ട്രോണിക്‌സ് ഡവലപ്‌മെന്റ് കോര്‍പ്പറേഷന്‍ (കെല്‍ട്രോണ്‍) കഴിഞ്ഞ സാമ്പത്തിക വര്‍ഷം 402.12 കോടി രൂപയുടെ വിറ്റുവരവോടെ മികച്ച നേട്ടം കൈവരിച്ചതായി മാനേജിംഗ് ഡയറക്ടര്‍ അറിയിച്ചു..  മുന്‍വര്‍ഷം കമ്പനിയുടെ വിറ്റുവരവ് 380 കോടി രൂപയായിരുന്നു.  2017-18 സാമ്പത്തിക വര്‍ഷത്തില്‍ കമ്പനിയുടെ കണക്കാക്കപ്പെടുന്ന ലാഭം 2.60 കോടി രൂപയാണ്.

    സംസ്ഥാന പിന്നാക്ക വിഭാഗ വികസന കോര്‍പറേഷന്റെ വാര്‍ഷിക അവലോകന യോഗം ഇന്ന് (ഏപ്രില്‍ 11) രാവിലെ 11.15 ന് എസ്.സി/എസ്.ടി, പിന്നാക്കക്ഷേമ മന്ത്രി എ.കെ. ബാലന്‍ മാസ്‌കറ്റ് ഹോട്ടലില്‍ ഉദ്ഘാടനം ചെയ്യും. 2017-18 വര്‍ഷത്തെ പ്രവര്‍ത്തന മികവിനുള്ള വിവിധ പുരസ്‌കാരങ്ങള്‍ മന്ത്രി വിതരണം ചെയ്യും. പ്രിന്‍സിപ്പല്‍ സെക്രട്ടറി ഡോ. വി. വേണു മുഖ്യപ്രഭാഷണം നടത്തും.
പി.എന്‍.എക്‌സ്.1336/18

    സംസ്ഥാന സര്‍ക്കാരിന്റെ ഇ-ഹെല്‍ത്ത് പദ്ധതിയുടെ ഭാഗമായി ശേഖരിച്ച വിവരങ്ങള്‍ സുരക്ഷിതമാണെന്ന് പ്രോജക്ട് ഡയറക്ടര്‍ അറിയിച്ചു. എം-ഹെല്‍ത്ത് മൊബൈല്‍ ആപ്ലിക്കേഷന്‍ പിന്‍വലിച്ചതായുള്ള വാര്‍ത്ത ശരിയല്ലെന്നും അദ്ദേഹം അറിയിച്ചു.