സര്‍ക്കാര്‍ വകുപ്പുകള്‍, പൊതുമേഖലാ സ്ഥാപനങ്ങളുടെ കീഴിലുള്ള പ്ലാന്റേഷനുകള്‍, ഫാമുകള്‍, കര്‍ഷകര്‍, സഹകരണ സംഘങ്ങള്‍ എന്നിവിടങ്ങളില്‍ നിന്നും സംസ്ഥാന കശുവണ്ടി വികസന കോര്‍പറേഷനും കാപെക്‌സിനും ലഭ്യമാക്കുന്ന തോട്ടണ്ടിക്ക് വില നിര്‍ണയിക്കുന്നതിന് രൂപീകരിച്ച വിലനിര്‍ണയ സമിതിയുടെ ചെയര്‍മാനായി കശുവണ്ടി വ്യവസായ വകുപ്പിന്റെ ചുമതലയുള്ള പ്രിന്‍സിപ്പല്‍ സെക്രട്ടറിയെ നിയമിച്ച് ഉത്തരവായി.  കൃഷി വകുപ്പ് പ്രിന്‍സിപ്പല്‍ സെക്രട്ടറി/സെക്രട്ടറി കമ്മിറ്റിയില്‍ അംഗമായി തുടരും. 
പി.എന്‍.എക്‌സ്.1353/18
 

    സംസ്ഥാന സര്‍ക്കാര്‍ കുണ്ടറ മണ്ഡലത്തില്‍ നടപ്പിലാക്കുന്ന ഇടം പദ്ധതി സുസ്ഥിര വികസനത്തിന്റെ മാതൃകയായി അവതരിക്കപ്പെട്ട  ദിവസം ഐക്യരാഷ്ട്ര സഭയില്‍ കേരളം നിറഞ്ഞുനിന്നു. ആഗോള സമൂഹത്തിനു മുന്നില്‍ വികസനത്തിലെ കേരള മോഡല്‍ ചര്‍ച്ചയായതിനൊപ്പം സംസ്ഥാനത്തിന്റെ വികസന നായകരെയും സാമൂഹിക പരിഷ്‌കര്‍ത്താക്കളെയുംകുറിച്ച് പരാമര്‍ശവുമുണ്ടായി.

    സംസ്ഥാന സര്‍ക്കാരിന്റെ വികസന ക്ഷേമ പദ്ധതികളുടെ മാതൃകാപരമായ ഏകോപനം ലക്ഷ്യമിട്ട് കുണ്ടറ നിയോജക മണ്ഡലം കേന്ദ്രീകരിച്ച് നടപ്പാക്കുന്ന ഇടം പദ്ധതി ഐക്യരാഷ്ട്രസഭയില്‍ അവതരിപ്പിച്ചു. യു.എന്‍ അക്കാദമിക് ഇംപാക്ടിന്റെ(യു.എന്‍.എ.ഐ) ആഭിമുഖ്യത്തില്‍ ന്യൂയോര്‍ക്കിലെ യു.എന്‍. ആസ്ഥാനത്ത്  സുസ്ഥിര വികസന ലക്ഷ്യങ്ങളും സാമൂഹിക ശാക്തീകരണവും എന്ന വിഷയത്തില്‍ സംഘടിപ്പിച്ച സമ്മേളനത്തില്‍ മന്ത്രി ജെ.മേഴ്‌സിക്കുട്ടിയമ്മയാണ് അവതരണം നടത്തിയത്.

    സര്‍ക്കാര്‍ രണ്ടു വര്‍ഷം പൂര്‍ത്തിയാക്കുമ്പോള്‍ അഭിമാനകരമായ നേട്ടങ്ങള്‍ കൈവരിക്കാന്‍ സംസ്ഥാന പിന്നാക്ക വിഭാഗ വികസന കോര്‍പ്പറേഷന് കഴിഞ്ഞിട്ടുണ്ടെന്ന് പട്ടികജാതി പട്ടികവര്‍ഗ പിന്നാക്ക വിഭാഗ ക്ഷേമവകുപ്പ് മന്ത്രി എ.കെ. ബാലന്‍ പറഞ്ഞു. പിന്നാക്ക വിഭാഗ വികസന കോര്‍പ്പറേഷന്‍ വാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു മന്ത്രി.

    പട്ടികജാതി വികസന വകുപ്പ് ഡയറക്ടറേറ്റില്‍ പ്രവര്‍ത്തിക്കുന്ന ഹാന്‍ഡ് ഹോള്‍ഡിംഗ് സെല്ലില്‍ ഒരു ഡാറ്റാ എന്‍ട്രി ഓപ്പറേറ്ററുടെ താല്ക്കാലിക ഒഴിവുണ്ട് .  അപേക്ഷകര്‍ പ്ലസ് ടു, ഡി.സി.എ എന്നീ യോഗ്യതകള്‍ ഉള്ളവരും ടൈപ്പ്‌റൈറ്റിംഗ് ഇംഗ്ലീഷ്, മലയാളം, എം.എസ്.വേഡ്, എം.എസ്.എക്‌സല്‍ എന്നിവയില്‍ പ്രാവീണ്യം ഉള്ളവരും ആയിരിക്കണം.  2018 ജനുവരി ഒന്നിന് 18 വയസ് പൂര്‍ത്തയായവരും 30 വയസ് പൂര്‍ത്തിയാകാത്തവരുമായിരിക്കണം.  10,000 രൂപയാണ് പ്രതിമാസ വേതനം.  അപേക്ഷകള്‍ ഏപ്രില്‍ 25 വൈകുന്നേരം അഞ്ചിന് മുമ്പ് ഡയറക്ടര്‍, പട്ടികജാതി വികസന വകുപ്പ് ഡയറക്ടറേറ്റ്, അയ്യങ്കാളി ഭവന്‍, കനകനഗര്‍, വെള്ളയമ്പലം എന്ന വിലാസത്തില്‍ ലഭ്യമാക

    കാര്യക്ഷമമായ പ്രവര്‍ത്തനത്തിന്റെ അടിസ്ഥാനത്തില്‍ എക്‌സൈസ് വകുപ്പിന്റെ വരുമാനം വര്‍ധിച്ചു.  അബ്കാരി നയത്തിന്റെ ഭാഗമായി ഏര്‍പ്പെടുത്തിയ വിവിധ നികുതി,  ലൈസന്‍സ് ഫീസ് ഇനങ്ങളിലുണ്ടായ വര്‍ദ്ധനവിന്റെയും എന്‍ഫോഴ്‌സ്‌മെന്റ് പ്രവര്‍ത്തനം ശക്തിപ്പെടുത്തി വ്യാജമദ്യം ലഹരി വസ്തുക്കള്‍ എന്നിവയുടെ ഉപയോഗം പരമാവധി തടഞ്ഞ് നികുതി ചോര്‍ച്ച ഒഴിവാക്കി പ്രവര്‍ത്തിച്ചതിന്റെയും ഫലമായാണ് 2017-18 സാമ്പത്തിക വര്‍ഷത്തില്‍ എക്‌സൈസ് വകുപ്പിന് 2192.56 കോടി രൂപയുടെ റവന്യൂ വരുമാനം നേടാന്‍ കഴിഞ്ഞത്.  മുന്‍ സാമ്പത്തിക വര്‍ഷത്തെ അപേക്ഷിച്ച് 184.69 കോടി രൂപയുടെ വര്‍ദ്ധനയാണ് ഈ വര്‍ഷമുണ്ടായത്.