കണ്ണൂര്‍ താലൂക്ക് പരാതി പരിഹാര അദാലത്ത് നാളെ (മാര്‍ച്ച് 20) രാവിലെ 10 മുതല്‍ കലക്‌ടേറ്റ് ഓഡിറ്റോറിയത്തില്‍ നടക്കും. ജില്ലാ കലക്ടര്‍ മീര്‍ മുഹമ്മദ് അലി നേതൃത്വം നല്‍കും. ജില്ലാ പഞ്ചായത്ത് പ്രസിഡന്റ് കെ.വി. സുമേഷ്, സബ് കലക്ടര്‍ എസ് ചന്ദ്രശേഖര്‍, തഹസില്‍ദാര്‍ വി.എം. സജീവന്‍ തുടങ്ങിയവര്‍ സംബന്ധിക്കും. അദാലത്തില്‍  റേഷന്‍ കാര്‍ഡ്, ചികിത്സാസഹായം ഒഴികെപുതിയ പരാതികള്‍ സ്വീകരിക്കുന്നതും അടിയന്തിര സ്വഭാവമുള്ളവയില്‍ ഉടന്‍ നടപടി കൈക്കൊള്ളുന്നതുമാണ്. നേരത്തെ നല്‍കിയ പരാതികളില്‍ നടപടി തൃപ്തികരമല്ലെന്ന് തോന്നുന്ന പക്ഷം പരാതിക്കാര്‍ക്ക് കലക്ടറെ നേരിട്ട് കാണാന്‍ അവസരമുണ്ടാവും.

കണ്ണൂര്‍ ഗവ.എഞ്ചിനീയറിംഗ് കോളേജില്‍ മെക്കാനിക്കല്‍ എഞ്ചിനീയറിംഗ് വിഭാഗത്തിലേക്ക് വയറിംഗ് സാമഗ്രികള്‍, ഇലക്ട്രിക്കല്‍ & ഇലക്‌ട്രോണിക്‌സ് എഞ്ചിനീയറിംഗ് വിഭാഗത്തിലേക്ക് ടോണര്‍,  ഇലക്ട്രിക്കല്‍ എഞ്ചിനീയറിംഗ് വിഭാഗത്തിലേക്ക് വയറിംഗ് സാമഗ്രികള്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  24 ന്  രാവിലെ 11 മണി വരെ ക്വട്ടേഷന്‍ സ്വീകരിക്കും.  ഫോണ്‍: 0497 2780226.
പി എന്‍ സി/500/2018
 

 ജില്ലാ ആസൂത്രണ സമിതി യോഗം മാര്‍ച്ച് 21 ഉച്ചക്ക് 2 മണിക്ക് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ ചേരും.
പി എന്‍ സി/500/2018 
 

 ജില്ലാ പി എസ് സി ഓഫീസിലെ ഉപയോഗശൂന്യമായ മേശകള്‍ 27 ന് രാവിലെ 11 മണിക്ക് ഓഫീസില്‍ ലേലം ചെയ്യും.  കൂടുതല്‍ വിവരങ്ങള്‍ 0497 2700482 ല്‍ ലഭിക്കും.
പി എന്‍ സി/500/2018 
 

എക്‌സൈസ് വകുപ്പ് 21 ന് നടത്താന്‍ നിശ്ചയിച്ചിരുന്ന വാഹന ലേലം 23 ലേക്ക് മാറ്റിയതായി ഡെപ്യൂട്ടി എക്‌സൈസ് കമ്മീഷണര്‍ അറിയിച്ചു.
പി എന്‍ സി/500/2018 
 

 കേന്ദ്ര ടെക്‌സ്റ്റൈല്‍ മന്ത്രാലയത്തിന്റെ കീഴിലുള്ള ടെക്‌സ്റ്റൈല്‍ കമ്മീഷണര്‍ ഓഫീസ് പവര്‍ലൂം സര്‍വീസ് സെന്ററില്‍ ഡ്രെസ് ഡിസൈനിങ്/തയ്യല്‍ പരിശീലനം കോഴിസിന്റെ പുതിയ ബാച്ചിലേക്ക് അപേക്ഷ ക്ഷണിച്ചു.  രണ്ട് മാസത്തെ കോഴ്‌സിന് 18 വയസ് പൂര്‍ത്തിയായവര്‍ക്ക് അപേക്ഷിക്കാം.  താല്‍പര്യമുള്ളവര്‍ മാര്‍ച്ച് 31 ന് മുമ്പുള്ള ശനി, ഞായര്‍ ദിവസങ്ങളില്‍ മരക്കാര്‍കണ്ടിയിലുള്ള പവര്‍ലൂം സര്‍വീസ് സെന്ററില്‍ ആധാര്‍ കാര്‍ഡിന്റെയും എസ് എസ് എല്‍ സി ബുക്കിന്റെയും പകര്‍പ്പും 1500 രൂപ ഫീസും പാസ്‌പോര്‍ട്ട് സൈസ് ഫോട്ടോയും സഹിതം നേരിട്ട് ഹാജരാകണം.  ഫോണ്‍: 0497 2734950.
പി എന്‍ സി/500/2018 
 

കേന്ദ്ര സര്‍ക്കാര്‍ അംഗീകൃത എന്‍ ജി ഒ സര്‍ട്ടിഫിക്കറ്റോടുകൂടി ഗവ.ഐ ടി ഐ യും ഐ എം സി യും സംയുക്തമായി നടത്തുന്ന തൊഴിലധിഷ്ഠിത ക്യു എ,ക്യു സി-എന്‍ ഡി ടി(മെക്കാനിക്കല്‍) കോഴ്‌സിലേക്ക് അപേക്ഷ ക്ഷണിച്ചു.  യോഗ്യത: ഡിപ്ലോമ/ബി ടെക്ക്(മെക്കാനിക്കല്‍), ഐ ടി ഐ - വെല്‍ഡര്‍/മെക്കാനിക്കല്‍.  28 വരെ അപേക്ഷ സ്വീകരിക്കും.  കൂടുതല്‍ വിവരങ്ങള്‍ 8921503040, 8304970276.
പി എന്‍ സി/500/2018 
 

പട്ടിജാതി വികസന വകുപ്പിന് കീഴില്‍ ഇടുക്കി ജില്ലയില്‍ പീരുമേട് പ്രവര്‍ത്തിക്കുന്ന ഗവ.മോഡല്‍ റസിഡന്‍ഷ്യല്‍ സ്‌കൂളില്‍ 2018-19 അധ്യയന വര്‍ഷത്തേക്ക് ഹയര്‍ സെക്കണ്ടറി വിഭാഗത്തിലും ഹൈസ്‌കൂള്‍ വിഭാഗത്തിലും(തമിഴ് മീഡിയം) അധ്യാപകരെ കരാര്‍ വ്യവസ്ഥയില്‍ നിയമിമക്കുന്നു.  

സാക്ഷരതാ മിഷന്‍ സംഘടിപ്പിക്കുന്ന പത്താംതരം, ഹയര്‍ സെക്കണ്ടറി തുല്യതാ ക്ലാസുകളിലെ ക്ലാസ് ലീഡര്‍മാര്‍ക്കുള്ള പരിശീലനം നാളെ (മാര്‍ച്ച് 20)ജില്ലാ പഞ്ചായത്ത് ഹാളില്‍ രാവിലെ 10 മണിക്ക് നടക്കും. ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ കെ.പി.ജയബാലന്റെ അധ്യക്ഷതയില്‍ ജില്ലാ പഞ്ചായത്ത് പ്രസിഡണ്ട് കെ.വി. സുമേഷ് ഉദ്ഘാടനം ചെയ്യും. 
പി എന്‍ സി/500/2018 
 

 വിദ്യാലയങ്ങള്‍ കേന്ദ്രീകരിച്ചും അല്ലാതെയും വിദ്യാര്‍ഥികള്‍ക്കിടയില്‍ വര്‍ധിച്ചുവരുന്ന ലഹരി ഉപയോഗം തടയാന്‍ രക്ഷാകര്‍തൃസമിതികളുടെ കൂടി പങ്കാളിത്തം ഉറപ്പുവരുത്തണമെന്ന് ജില്ലാതല ജനകീയ കമ്മിറ്റി യോഗം ആവശ്യപ്പെട്ടു. എക്‌സൈസ്-വിദ്യാഭ്യാസ വകുപ്പുകള്‍ക്കൊപ്പം രക്ഷാകര്‍ത്താക്കള്‍ കൂടി ജാഗ്രത പാലിച്ചാല്‍ മാത്രമേ ഇക്കാര്യത്തില്‍ പുരോഗതി കൈവരിക്കാനാവൂ എന്ന് യോഗത്തില്‍ അധ്യക്ഷത വഹിച്ച എ.ഡി.എം ഇ മുഹമ്മദ് യൂസുഫ് പറഞ്ഞു.