സംസ്ഥാന ന്യൂനപക്ഷ കമ്മീഷന്‍ സിറ്റിംഗ് നാളെ (21ന്) രാവിലെ 11ന് ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടക്കും.                           

    കോന്നി ബ്ലോക്കിലെ മൈലപ്ര ക്ഷീരോല്പാദക സംഘം പുനരുദ്ധരിച്ചു. മൈലപ്ര ജംഗ്ഷനിലെ കളീക്കല്‍ ബില്‍ഡിംഗിലാണ് പുനരുദ്ധരിച്ച സംഘം പ്രവര്‍ത്തനം ആരംഭിച്ചത്. വാര്‍ഡംഗം രതീഷ് ഉദ്ഘാടനം  ചെയ്തു. ഗ്രാമപഞ്ചായത്ത് അംഗങ്ങളായ ചന്ദ്രിക സുനില്‍, പുഷ്പലത, മഞ്ജു, ക്ഷീരവികസന ഓഫീസര്‍ രമണി, ഡയറി ഫാം ഇന്‍സ്ട്രക്ടര്‍ മിനി എന്നിവര്‍ പങ്കെടുത്തു.                                           

    കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്‍ഡ് ഡെവലപ്‌മെന്റ് (സിഎഫ്ആര്‍ഡി)യിലേക്ക് കരാര്‍ അടിസ്ഥാനത്തില്‍ വാല്യു അഡീഷണല്‍ കണ്‍സ ള്‍ട്ടന്റ്  നിയമനത്തിന് ഈ മാസം 28 വരെ അപേക്ഷിക്കാം. കൂടുതല്‍ വിവരം www.supplycokerala.com എന്ന വെബ്‌സൈറ്റില്‍ ലഭിക്കും. ഫോണ്‍: 0468 2241144, 9447975060.                                  

    ജില്ലയില്‍ മൃഗസംരക്ഷണ വകുപ്പില്‍ രാത്രികാല മൃഗചികിത്സാ സേവനത്തിനായി കരാ ര്‍ അടിസ്ഥാനത്തില്‍ വെറ്ററിനറി സര്‍ജന്മാരെ നിയമിക്കുന്നു. വൈകിട്ട് ആറ് മുതല്‍ രാവിലെ ആറ് വരെയാണ് സേവന സമയം. താത്പര്യമുള്ള രജിസ്റ്റേഡ് വെറ്ററിനറി സര്‍ജന്മാര്‍ പത്തനംതിട്ട മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ മൃഗസംരക്ഷണ ഓഫീസില്‍ ഈ മാസം 24ന് രാവിലെ 11ന് നടക്കുന്ന കൂടിക്കാഴ്ചയില്‍ അസല്‍ സര്‍ട്ടിഫക്കറ്റുകള്‍ സഹിതം ഹാജരാകണം. ഫോണ്‍: 0468 2322762.                             

    ഏനാദിമംഗലം ഗ്രാമപഞ്ചായത്തിലെ കെട്ടിടങ്ങളുടെ നികുതി ഈ മാസം 25നകം അടച്ച് പ്രോസിക്യൂഷന്‍ നടപടികളില്‍ നിന്നും ഒഴിവാകണമെന്ന് സെക്രട്ടറി അറിയിച്ചു. നികുതി സ്വീകരിക്കുന്നതിന് അവധി ദിവസങ്ങളിലും ഓഫീസ് പ്രവര്‍ത്തിക്കും. 
    ഏഴംകുളം ഗ്രാമപഞ്ചായത്തില്‍ ഈ മാസം 30 വരെ പിഴകൂടാതെ കെട്ടിട നികുതി കുടിശിക സ്വീകരിക്കും. ഇതിനായി എല്ലാ അവധിദിവസങ്ങളിലും രാവിലെ 10 മുതല്‍ ഉച്ചയ്ക്ക് ശേഷം മൂന്ന് വരെ ഓഫീസ് പ്രവര്‍ത്തിക്കും. ഈ കാലയളവില്‍ നികുതി ഒടുക്കാത്തവര്‍ക്കെതിരെ പ്രോസിക്യൂഷന്‍ നടപടികള്‍ സ്വീകരിക്കുമെന്ന് സെക്രട്ടറി അറിയിച്ചു.
                                              

ജില്ലയിലെ മുതിര്‍ന്ന പൗര•ാരുടെ സുരക്ഷ, സംരക്ഷണം, അവര്‍ നേരിടുന്ന വിവിധ പ്രശ്‌നങ്ങള്‍, പരാതികള്‍ എന്നിവ സംബന്ധിച്ച് ജില്ലാ പോലീസിന്റെ ആഭിമുഖ്യത്തില്‍ ഇന്ന് (മാര്‍ച്ച് 18) ഉച്ചക്ക് മൂന്നിന് മലപ്പുറം എം.എസ്.പി കമ്മ്യൂണിറ്റി ഹാളില്‍ ശില്‍പശാല സംഘടിപ്പിക്കും.   പി. ഉബൈദുള്ള എം.എല്‍.എ പരിപാടി ഉദ്ഘാടനം ചെയ്യും.  ജില്ലാ പൊലീസ് മേധാവി ദേബേഷ്‌കുമാര്‍ ബെഹ്‌റ അധ്യക്ഷത വഹിക്കും.   ജില്ലാ പഞ്ചായത്ത് പ്രസിഡന്റ്  എ.പി. ഉണ്ണികൃഷ്ണന്‍, നഗരസഭാ ചെയര്‍പേഴ്‌സണ്‍ സി.എച്ച് ജമീല എന്നിവര്‍ പങ്കെടുക്കും.

    കോന്നി താലൂക്കില്‍ പഞ്ചായത്ത് അടിസ്ഥാനത്തില്‍ ജിപിഎസ് ഘടിപ്പിച്ച ടാങ്കര്‍ ലോറികളില്‍ കുടിവെള്ള വിതരണം നടത്തുന്നതിന് വാഹന ഉടമകള്‍ക്ക് ക്വട്ടേഷന്‍ നല്‍കാം. ക്വട്ടേഷനുകള്‍ ഈ മാസം 24ന് വൈകിട്ട് അഞ്ചിന് മുമ്പ് തഹസീല്‍ദാര്‍ക്ക് ലഭിക്കണം. ഫോണ്‍: 0468 2240087.                                                      

       ജില്ലാ ആസൂത്രണ സമിതിയോഗം ഇന്ന് (20) ഉച്ചയ്ക്ക് ശേഷം മൂന്നിന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. 2018-19ലെ വാര്‍ഷിക പദ്ധതികള്‍ക്ക് അംഗീകാരം നല്‍കുന്ന യോഗത്തില്‍ ബന്ധപ്പെട്ട എല്ലാവരും പങ്കെടുക്കണമെന്ന് ജില്ലാ കളക്ടര്‍ അറിയിച്ചു.                                                                                      

ലോക ജലദിനത്തോടനുബന്ധിച്ച് ജില്ലാതല പ്രശ്‌നോത്തരിയും ജലസുരക്ഷാ സെമിനാറും സംഘടിപ്പിച്ചു. മലപ്പുറം ഗവ. കോളേജില്‍ നടന്ന ജലസുരക്ഷ സെമിനാര്‍ ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ ഉദ്ഘാടനം ചെയ്തു. എല്‍.ഡബ്ല്യു.ആര്‍.സി.ഇ തലവന്‍ ഡോ. അബ്ദുള്‍ ഹക്കിം, ചമ്രവട്ടം പ്രൊജക്ട് ഡിവിഷന്‍ എക്‌സി.എഞ്ചിനീയര്‍ പി.പി എബ്രഹാം, ഹരിതകേരളം ജില്ലാകോ-ഓഡിനേറ്റര്‍ പി.രാജു, ചെറുകിട ജലസേചന ഉപവിഭാഗം എക്‌സി.എഞ്ചിനീയര്‍ ഉസ്മാന്‍, അസി.എക്‌സി.എഞ്ചിനീയര്‍ കെ.എന്‍ അബ്ദുള്‍ അസീസ്, പി.ശ്രീനിവാസന്‍ തുടങ്ങിയവര്‍ സെമിനാറില്‍ സംസാരിച്ചു.

തിരൂരങ്ങാടി താലൂക്ക് തല ജനസമ്പര്‍ക്കപരിപാടി മിനി സിവില്‍ സ്റ്റേഷനില്‍ സംഘടിപ്പിച്ചു. എ.ഡി.എം ടി വിജയന്‍ ജനസമ്പര്‍ക്കപരിപാടി ഉദ്ഘാടനം ചെയ്തു. 23 ഓണ്‍ലൈന്‍ പരാതികളടക്കം 93 പരാതികളാണ് ലഭിച്ചത്. പരാതികള്‍ അതത് വകുപ്പുകള്‍ക്ക് കൈമാറി. തിരൂരങ്ങാടി  തഹസില്‍ദാര്‍  പി രാജു, ഡപ്യൂട്ടി കലക്ടര്‍മാരായ രാമചന്ദ്രന്‍, നിര്‍മലകുമാരി, രമ, ഹുസൂര്‍ ശിരസ്തദാര്‍ ഗീത കാണിശ്ശേരി തുടങ്ങിയവര്‍ പങ്കെടുത്തു.