കെ.എസ്.ആര്‍.ടി.സിയിലെ ജനറല്‍ മാനേജര്‍, ഡെ.ജനറല്‍ മാനേജര്‍, ചാര്‍ട്ടേഡ്/കോസ്റ്റ് അക്കൗണ്ടന്റ് എന്നീ തസ്തികകളില്‍ രണ്ട് വീതം ഒഴിവുകളില്‍ നിയമനത്തിന് അപേക്ഷ ക്ഷണിച്ചു.  അപേക്ഷാ ഫോമും വിശദവിവരങ്ങളും www.prdkerala.gov.in, www.keralartc.com/html/Employzonehtml എന്നീ വെബ്‌സൈറ്റുകളില്‍ ലഭിക്കും.
പി.എന്‍.എക്‌സ്.1029/18
 

    2018 ലെ അര്‍ജുന, ധ്യാന്‍ ചന്ദ്, രാജീവ് ഗാന്ധി ഖേല്‍രത്‌ന എന്നീ അവാര്‍ഡുകള്‍ക്കായി കേന്ദ്ര യുവജന കാര്യാലയം അപേക്ഷകള്‍ ക്ഷണിച്ചു.  അപേക്ഷകള്‍ കേന്ദ്ര യുവജന കാര്യാലയ മന്ത്രാലയത്തിലേക്ക് ശുപാര്‍ശ ചെയ്ത് അയയ്ക്കുന്നതിനായി സെക്രട്ടറി, കേരള സ്‌പോര്‍ട്‌സ് കൗണ്‍സില്‍, തിരുവനന്തപുരം എന്ന മേല്‍വിലാസത്തില്‍ മാര്‍ച്ച് 27ന് വൈകുന്നേരം  നാലിന് മുമ്പ് ലഭിക്കണം.  അപേക്ഷയുടെ മാതൃകകള്‍ www.sportscouncil.kerala.gov.in എന്ന വെബ്‌സൈറ്റില്‍ ലഭിക്കും.  ഫോണ്‍: 0471 2330167.
പി.എന്‍.എക്‌സ്.1027/18
 

    പട്ടികജാതി വിഭാഗത്തില്‍പ്പെടുന്ന വിദ്യാര്‍ത്ഥികള്‍ക്ക് വിദ്യാഭ്യാസ ഉന്നതിക്കും തൊഴില്‍ നേരിടുന്നതിനും വേണ്ടിയുളള പ്രത്യേക സഹായ പദ്ധതിയായ മെന്ററിംഗ് പ്രോഗ്രാമിലേക്ക് സൈബര്‍ശ്രീ, സി-ഡിറ്റ് അപേക്ഷ ക്ഷണിച്ചു.  ഉന്നത വിദ്യാഭ്യാസത്തിനും തൊഴിലിനും വേണ്ടിയുളള മത്സര പരീക്ഷകളില്‍ വിദ്യാര്‍ത്ഥികളെ  മാനസികമായി ശക്തിപ്പെടുത്തുന്നതിനോടൊപ്പം വ്യക്തിത്വ വികസനം, കമ്മ്യൂണിക്കേഷന്‍, സാമൂഹിക പരിജ്ഞാനം, കരിയര്‍ വികസനം എന്നീ മേഖലകളില്‍ പ്രത്യേകം പരിശീലനം നല്‍കും.

    സംസ്ഥാന ദാരിദ്ര്യ നിര്‍മാര്‍ജന മിഷന്‍ (കുടുംബശ്രീ) സംസ്ഥാന ഓഫീസിലേക്കും വിവിധ ജില്ലാ മിഷനുകളിലേക്കും കരാറടിസ്ഥാനത്തില്‍ വിവിധ ഒഴിവുകളിലേക്ക് നിയമനത്തിന് അപേക്ഷ ക്ഷണിച്ചു. യോഗ്യതയും പരിചയസമ്പത്തുമുള്ള ഉദ്യോഗാര്‍ത്ഥികള്‍ വിശദമായ ബയോഡാറ്റ, സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകള്‍, ഡിമാന്റ് ഡ്രാഫ്റ്റ് എന്നിവ സഹിതം നിശ്ചിത ഫോര്‍മാറ്റില്‍ അപേക്ഷകള്‍ പി.ബി. നം. 436, തൈക്കാട് പി.ഒ., തിരുവനന്തപുരം - 695014 എന്ന വിലാസത്തില്‍ അയയ്ക്കണം. അപേക്ഷ ലഭിക്കേണ്ട അവസാന തീയതി ഏപ്രില്‍ മൂന്ന്. കൂടുതല്‍ വിവരങ്ങള്‍ക്ക് www.kudumbashree.org ല്‍.

* റീടേണ്‍ പ്രവാസി പുനരധിവാസ പദ്ധതിയും സ്റ്റാര്‍ട്ടപ് വായ്പാ പദ്ധതിയും ഉദ്ഘാടനം ചെയ്തു
    ജന്മനാട്ടില്‍ തൊഴില്‍ സംരംഭങ്ങള്‍ തുടങ്ങുന്ന പ്രവാസി മലയാളികള്‍ക്ക് ആശ്വാസകരമായ പദ്ധതികള്‍ സര്‍ക്കാര്‍ ആരംഭിച്ചിട്ടുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞു. സംസ്ഥാനത്തെ പിന്നാക്കവിഭാഗങ്ങളുടെയും മത ന്യൂനപക്ഷങ്ങളുടെയും ഉന്നമനം ലക്ഷ്യമാക്കി ആരംഭിക്കുന്ന പ്രവാസി പുനരധിവാസ പദ്ധതിയായ റീടേണ്‍, പ്രൊഫഷണലുകള്‍ക്കുള്ള സ്റ്റാര്‍ട്ടപ് വായ്പാ പദ്ധതി എന്നിവയുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു മുഖ്യമന്ത്രി.

സാംസ്‌കാരിക വകുപ്പിന് കീഴില്‍ പത്തനംതിട്ട ജില്ലയിലെ ആറന്‍മുളയില്‍ പ്രവര്‍ത്തിക്കുന്ന വാസ്തു വിദ്യാ, ചുമര്‍ചിത്ര സംരക്ഷണ കേന്ദ്രമായ വാസ്തുവിദ്യാ ഗുരുകുലം വിവിധ കോഴ്സുകളിലേക്ക് അപേക്ഷ ക്ഷണിച്ചു.
പി.ജി. ഡിപ്ലോമ ഇന്‍ ട്രഡീഷനല്‍ ആര്‍ക്കിടെക്ചര്‍: യോഗ്യത-സിവില്‍, ആര്‍ക്കിടെക്ചര്‍ ബിരുദം. ഒരു വര്‍ഷത്തെ കോഴ്സാണ്. ജോലി ചെയ്യുന്ന ആര്‍ക്കിടെക്ടുകള്‍ക്കും എന്‍ജിനീയര്‍മാര്‍ക്കും അപേക്ഷിക്കാം. ഫീസ്: 20,000 രൂപ. സീറ്റ്: 25. പ്രവേശന പരീക്ഷയും അഭിമുഖവുമുണ്ട്. അപേക്ഷാഫീസ്: 200.

മുഖ്യമന്ത്രി പിണറായി വിജയന്റെ എം.എല്‍.എമാര്‍ക്കുള്ള പ്രത്യേക വികസനനിധിയില്‍നിന്ന് മൂന്ന് പ്രവൃത്തികള്‍ക്ക് നല്‍കിയ ഭരണാനുമതി, നിര്‍മ്മാണ നിരക്ക് കുറഞ്ഞതിനാല്‍ ജില്ലാ കലക്ടര്‍ പുതുക്കി നല്‍കി ഉത്തരവായി. ഇതുപ്രകാരം പെരളശ്ശേരി ഗ്രാമപഞ്ചായത്തിലെ ചെറുമാവിലായി യു.പി സ്‌കൂളിനും മുണ്ടലൂര്‍ മാപ്പിള എല്‍.പി സ്‌കൂളിനും മുണ്ടലൂര്‍ വെസ്റ്റ് എല്‍.പി സ്‌കൂളിനും മൂത്രപ്പുര നിര്‍മ്മിക്കുന്നതിന് 98,477 രൂപ വീതം വിനിയോഗിക്കുന്നതിനാണ് ഉത്തരവായത്.

ആരോഗ്യ കുടുംബക്ഷേമ കുപ്പിന്റെ ആഭിമുഖ്യത്തിലുള്ള ലോക വദനാരോഗ്യ ദിനം ജില്ലാതല ഉദ്ഘാടനം നാളെ (മാര്‍ച്ച് 20) രാവിലെ 10.30ന് ജില്ലാ ആശുപത്രിയില്‍ ജില്ലാ പഞ്ചായത്ത് പ്രസിഡന്റ് കെ.വി. സുമേഷ് നിര്‍വഹിക്കും. ജില്ലാ പഞ്ചായത്ത് ആരോഗ്യ, വിദ്യാഭ്യാസ സ്ഥിരം സമിതി ചെയര്‍മാന്‍ കെ.പി ജയബാലന്‍ അധ്യക്ഷത വഹിക്കും. ഡി.എം.ഒ (ആരോഗ്യം) ഡോ. കെ. നാരായണ നായ്ക് ദിനാചരണ സന്ദേശം നല്‍കും. ദന്താരോഗ്യ സെമിനാറില്‍ ഡോ. സി.പി ഗീത, കെ. അജയ് കുമാര്‍ എന്നിവര്‍ വിഷയം അവതരിപ്പിക്കും. തുടര്‍ന്ന് കുട്ടികള്‍ക്ക് പുഞ്ചിരി മത്സരം, ക്വിസ് മത്സരം എന്നിവ നടക്കും.
പി എന്‍ സി/500/2018