സായുധസേന പതാകനിധിയിലേക്ക് ടോക്കൺ ഫ്‌ളാഗിന്റെയും കാർ ഫ്‌ളാഗിന്റെയും 2017 ലെയും മുൻവർഷങ്ങളിലെയും തുക കുടിശ്ശിക സഹിതം അടക്കാത്തവരുടെ ലിസ്റ്റ് സർക്കാരിലേക്ക് സമർപ്പിക്കേണ്ടതിനാൽ സായുധസേന പതാകനിധിയുടെ ടോക്കൺ ഫ്‌ളാഗും കാർ ഫ്‌ളാഗും ലഭിച്ച് തുക അടക്കാത്ത എല്ലാ സ്ഥാപനങ്ങളും 27 ന് മുമ്പ് കുടിശ്ശിക സഹിതം അടച്ച് റസീറ്റ് കൈപ്പറ്റണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.  

പി എൻ സി/500/2018 

കേന്ദ്രീയ സൈനിക ബോർഡിൽ നിന്നും പെന്വറി ഗ്രാന്റ് വാങ്ങിക്കൊണ്ടിരിക്കുന്ന ലൈഫ് സർട്ടിഫിക്കറ്റ്  സമർപ്പിക്കാത്ത വിമുക്ത ഭടൻമാരും  മരണപ്പെട്ട വിമുക്ത ഭടൻമാരുടെ ഭാര്യമാരും 31 ന് മുമ്പ് െസെനിക ക്ഷേമ ഓഫീസിൽ ഒപ്പിട്ട ലൈഫ് സർട്ടിഫിക്കറ്റ് ഓൺലൈനായി സമർപ്പിക്കണമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.  

പി എൻ സി/500/2018 

സാക്ഷരതാ മിഷൻ പ്രേരക്മാരുടെ ജനുവരി, ഫിബ്രവരി മാസങ്ങളിലെ ഓണറേറിയം ജില്ലാ സാക്ഷരതാ മിഷൻ ഓഫീസിൽ നിന്നും കൈപ്പറ്റണമെന്ന് ജില്ലാ കോ-ഓർഡിനേറ്റർ അറിയിച്ചു. തദ്ദേശ സ്വയംഭരണ സ്ഥാപന സെക്രട്ടറി സാക്ഷ്യപ്പെടുത്തിയ റിപ്പോർട്ടുകളുമായി ജില്ലാ ഓഫീസിൽ ഹാജരാകണമെന്ന് അധികൃതർ അറിയിച്ചു. 

പി എൻ സി/500/2018 

സംസ്ഥാന സാക്ഷരതാ മിഷൻ നടത്തുന്ന പത്താംതരം ഹയർ സെക്കണ്ടറി തുല്യതാ കോഴ്‌സിന് ജില്ലയിലെ വിവിധ ബാച്ചുകളിലേക്ക് അദ്ധ്യാപനം നടത്തുന്നതിനുള്ള അദ്ധ്യാപക ബാങ്കിലേക്ക് അപേക്ഷ ക്ഷണിച്ചു. 

പത്താംതരം തുല്യതയിൽ കണക്ക്, ഇംഗ്ലീഷ് വിഷയങ്ങളിലും ഹയർ സെക്കണ്ടറിയിൽ സോഷ്യോളജി, പൊളിറ്റിക്കൽ സയൻസ് എന്നീ വിഷയങ്ങളിലുമാണ് അപേക്ഷ സ്വീകരിക്കുന്നത്. പത്താംതരം തുല്യതയിൽ ബന്ധപ്പെട്ട വിഷയത്തിൽ ബിരുദവും ബി.എഡുമാണ് അടിസ്ഥാന യോഗ്യത

മുഴപ്പിലങ്ങാട് കൃഷിഭവനിൽ നിന്നും കർഷക പെൻഷൻ കൈപറ്റുന്ന കർഷകർക്ക് സെപ്തംബർ 2017 മുതലുള്ള പെൻഷൻ ലഭിക്കാൻ മാർച്ച് 20 നുള്ളിൽ വരുമാന സർട്ടിഫിക്കറ്റ് ഹാജരാക്കേണ്ടതാണെന്ന് കൃഷി ഓഫീസർ അറിയിച്ചു.

പി എൻ സി/500/2018 

ശ്രീനാരായണ വിലാസം സീനിയർ ബേസിക് സ്‌കൂൾ സ്മാർട്ട് ക്ലാസ്‌റൂമിന്റെയും ഓഡിറ്റോറിയത്തിൻെയും സ്‌കൂൾ വാർഷികാഘോഷത്തിന്റെയും ഉദ്ഘാടനം ഇന്ന് 18ന്  രാവിലെ 10 മണിക്ക് തുറമുഖ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. അഡ്വ. എ.എൻ. ഷംസീർ എം.എൽ.എ അധ്യക്ഷത വഹിക്കും. ന്യൂമാഹി ഗ്രാമപഞ്ചായത്ത് പ്രസിഡൻറ് എ.വി. ചന്ദ്രദാസൻ എൻഡോവ്‌മെൻറ് വിതരണം നടത്തും.

കണ്ണൂർ ഡയറ്റിന്റെ ആഭിമുഖ്യത്തിൽ 2017-18 അധ്യയന വർഷത്തിൽ ജില്ലയിൽ മികച്ച പ്രവർത്തനങ്ങൾ കാഴ്ചവെച്ച 44 പ്രൈമറി വിദ്യാലയങ്ങളിൽ നൂതന പ്രവർത്തനങ്ങളുടെ അവതരണമായ എക്‌സലൻഷ്യ 2018 പാലയാട് ഡയറ്റിൽ എസ്.സി.ഇ.ആർ.ടി ഡയറക്ടർ ഡോ. ജെ.പ്രസാദ് ഉദ്ഘാടനം ചെയ്തു. പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സംസ്ഥാനത്തെ എല്ലാ സ്‌കൂളുകളിലേയും ഭൗതിക സാഹചര്യം മെച്ചപ്പെടുത്തുമെന്ന് അദ്ദേഹം പറഞ്ഞു. സംസ്ഥാനത്തെ 45000 ക്ലാസ്സ് മുറികൾ വരുന്ന മൂന്നു വർഷത്തിനകം ഹൈടെക് ആക്കുന്നതിന് സർക്കാർ ലക്ഷ്യമിടുന്നു. ചിട്ടയോടെ പ്രവർത്തിക്കുന്നതിനുള്ള അക്കാദമിക മാസ്റ്റർപ്ലാനും ഇതിനകം രൂപീകരിക്കപ്പെട്ടു കഴിഞ്ഞു.

റോഡ് പ്രവൃത്തിയുടെ പൂർത്തീകരണത്തിന് തടസ്സം കരാറുകാരനാണെങ്കിൽ കരാറുകാരനെ മാറ്റാൻ നടപടി സ്വീകരിക്കണമെന്ന് തുറമുഖ വകുപ്പ്, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി. കലക്ടറേറ്റിൽ ചേർന്ന എം.എൽ.എ ഫണ്ട് മുഖേന നടപ്പിലാക്കുന്ന പ്രവൃത്തികളുടെ അവലോകന യോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു മന്ത്രി. തോട്ടട-കിഴുന്നപ്പാറ റോഡ് പ്രവൃത്തി ഇഴയുന്നതുമായി ബന്ധപ്പെട്ടാണ് മന്ത്രി ഉദ്യോഗസ്ഥർക്ക് കർശന നിർദേശം നൽകിയത്. ജില്ലാശുപത്രിയിൽ ഡയാലിസിസ് യൂനിറ്റ് സ്ഥാപിക്കുന്നതിന്റെ പ്രവൃത്തി ഇഴയുന്നതും മന്ത്രിയുടെ രൂക്ഷവിമർശനത്തിനിടയാക്കി.

കാര്‍ഷിക-വിദ്യാഭ്യാസ-പശ്ചാത്തല വികസന മേഖലകളില്‍ വന്‍കുതിപ്പിന് വഴിയൊരുക്കിയും അടിസ്ഥാന വിഭാഗങ്ങള്‍ക്ക് സംരക്ഷണത്തിന്റെ കരുതല്‍ നല്‍കിയും സ്ത്രീശാക്തീകരണ പ്രവര്‍ത്തനങ്ങള്‍ക്ക് മികച്ച പരിഗണന നല്‍കിയും  ജില്ലാ പഞ്ചായത്തിന്റെ 2018-19  വാര്‍ഷിക ബജറ്റ്. ജില്ലയുടെ സമഗ്ര പുരോഗതി മുന്നില്‍ക്കണ്ട് ഗ്രാമ-ബ്ലോക്ക് പഞ്ചായത്തുകളുടെ സഹകരണത്തോടെ നടപ്പിലാക്കുന്ന സംയോജിത പദ്ധതികള്‍ക്ക് ഊന്നല്‍ നല്‍കുന്നുവെന്ന സവിശേഷതയും ഇത്തവണത്തെ ബജറ്റിനുണ്ട്.

നാടിന്റെ വികസന സങ്കല്‍പങ്ങള്‍ നിര്‍വചിക്കുന്നത് കാലമാണെന്നും സമൂഹത്തിന്റെ വികസന കാഴ്ചപ്പാടുകളില്‍ കാലാനുസൃതമായ മാറ്റങ്ങള്‍ ഉള്‍ക്കൊണ്ടുള്ള ബജറ്റാണ് ജില്ലാ പഞ്ചായത്തിന്റേതെന്നും പ്രസിഡന്റ് കെ.വി സുമേഷ്. ജില്ലാ പഞ്ചായത്തിന്റെ ബജറ്റ് അവതരണ യോഗത്തില്‍ ആമുഖ പ്രഭാഷണം നിര്‍വഹിക്കുകയായിരുന്നു അദ്ദേഹം. ഒരു രൂപ പോലും നഷ്ടപരിഹാരം വാങ്ങാതെ ഏക്കര്‍ കണക്കിന് ഭൂമി വികസന പ്രവര്‍ത്തനങ്ങള്‍ക്കായി സംഭാവന നല്‍കിയ ചരിത്രമാണ് നമ്മുടെ നാടിന് പറയാനുള്ളത്. മലയോര ഹൈവേ യാഥാര്‍ഥ്യമാക്കാന്‍ ഒട്ടനവധി കര്‍ഷകര്‍ അവരുടെ ഭൂമി വിട്ടുനല്‍കിയിട്ടുണ്ട്.