സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണത്തിന്റെ ഭാഗമായി 1000 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം മാര്‍ച്ച് 20  ന് മുംബൈ ഫോര്‍ട്ടിലുളള റിസര്‍വ് ബാങ്കില്‍ നടക്കും. ഇ-കുബേര്‍ സിസ്റ്റത്തിലൂടെയാണ് ഇടപാടുകള്‍. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്സൈറ്റായ www.finance.kerala.gov.in ല്‍ ലഭിക്കും. (വിജ്ഞാപന നമ്പര്‍ എസ്.എസ്.1/122/2018 ധനവകുപ്പ് തീയതി 16.03.2018).
പി.എന്‍.എക്‌സ്.1003/18

    പൊതുജന സേവന രംഗത്ത് നൂതനാശയാവിഷ്‌കാരം പ്രോല്‍സാഹിപ്പിക്കുന്നതിനായി പേഴ്‌സണല്‍ മാനേജ്‌മെന്റ്, പബ്ലിക് സര്‍വീസ് ഡെലിവറി, ഡെവലപ്‌മെന്റ് ഇന്റര്‍വെന്‍ഷന്‍, പ്രൊസിഡ്യൂറല്‍ ഇന്റര്‍വെന്‍ഷന്‍ എന്നീ വിഭാഗങ്ങളില്‍ മുഖ്യമന്ത്രിയുടെ അവാര്‍ഡ് 2016 നല്‍കും. കേരള സ്റ്റാര്‍ട്ടപ്പ് മിഷന്‍ ടെക്‌നോപാര്‍ക്ക് തിരുവനന്തപുരം, നാഷണല്‍ എംപ്ലോയ്‌മെന്റ്ഡയറക്ടറേറ്റ്, വനിതാ ശിശു വികസന വകുപ്പ് എന്നിവയ്ക്കാണ് അവാര്‍ഡ് നല്‍കുന്നത്.  മാര്‍ച്ച് 21 ന് വൈകിട്ട് മൂന്നിന് സെക്രട്ടേറിയറ്റ് ഡര്‍ബാര്‍ ഹാളില്‍ മുഖ്യമന്ത്രി പിണറായി വിജയന്‍ അവാര്‍ഡ് വിതരണം ചെയ്യും. 

    ജില്ലാ കലക്ടറുടെ നേതൃത്വത്തില്‍ തിരൂരങ്ങാടി താലൂക്കിലെ പൊതുജന പരാതി പരിഹാര അദാലത്ത് ഇന്ന് (മാര്‍ച്ച് 17) രാവിലെ ഒമ്പത് മുതല്‍ ഉച്ചവരെ തിരൂരങ്ങാടി മിനി സിവില്‍ സ്റ്റേഷനില്‍ നടക്കും.  എല്ലാ ജില്ലാതല ഓഫീസര്‍മാരും അദാലത്തില്‍ പങ്കെടുക്കും.  പൊതുജനങ്ങളുടെ പരാതികള്‍ക്ക് മറുപടി നല്‍കുന്നതിന് പ്രത്യേക കൗണ്ടറുകള്‍ സജ്ജീകരിക്കും.  ഓണ്‍ലൈനായി ലഭിച്ചിട്ടുള്ള പരാതികള്‍ക്കുള്ള മറുപടി കൗണ്ടറുകളില്‍ നിന്നും ലഭിക്കും.

കാളികാവ് സബ്‌സ്റ്റേഷനു കീഴിലെ 33 കെ വി ലൈനില്‍ അറ്റകുറ്റപണി നടക്കുന്നതിനാല്‍ മാര്‍ച്ച് 18ന് രാവിലെ എട്ട് മുതല്‍ വൈകിട്ട് അഞ്ച് വരെ  കാളികാവ് സെക്ഷന്‍ പരിധിയില്‍ വൈദുതി വിതരണം  മുടങ്ങുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.

    അറക്കുളം ഉപജില്ലയില്‍ മികച്ചരീതിയില്‍ ഉച്ചഭക്ഷണ പദ്ധതി നടപ്പാക്കിയ സ്‌കൂളുകള്‍ക്കുള്ള അവാര്‍ഡുകള്‍ ജില്ലാപഞ്ചായത്ത് പ്രസിഡന്റ് കൊച്ചുത്രേസ്യ പൗലോസ് വിതരണം ചെയ്തു. അടുത്തവര്‍ഷം ജില്ലയിലെ മുഴുവന്‍ ട്രൈബല്‍ സ്‌കൂളുകളിലും പ്രഭാത ഭക്ഷണ പദ്ധതി നടപ്പാക്കുമെ് ജില്ലാപഞ്ചായത്ത് പ്രസിഡന്റ് അറിയിച്ചു.
    വാഴത്തോപ്പ് സെന്റ് ജോര്‍ജ്ജ് യു.പി സ്‌കൂളില്‍ നട ചടങ്ങില്‍ ഇടുക്കി 'ോക്ക് പഞ്ചായത്ത് പ്രസിഡന്റ് ആഗസ്തി അഴകത്ത് അധ്യക്ഷനായിരുു. എ.ഇ.ഒ കെ.വി രാജു,  ഉച്ചഭക്ഷണ പദ്ധതി നോഡല്‍ ഓഫീസര്‍ കെ.വി ഫ്രാന്‍സിസ്, ഹെഡ്മാസ്റ്റര്‍ ടോമി മൈക്കിള്‍ തുടങ്ങിയവര്‍ സംസാരിച്ചു.