കോട്ടയം ജില്ലയിലെ പത്രപ്രവര്‍ത്തകേതര ജീവനക്കാര്‍ക്കുളള 2017 ഡിസംബര്‍ മാസത്തെ പെന്‍ഷന്‍ തുകയായ 6,000 രൂപയും ആശ്രിത പെന്‍ഷന്‍കാരുടെ 1250 രൂപയും പെന്‍ഷന്‍കാരുടെ ബാങ്ക് അക്കൗണ്ടില്‍ നിക്ഷേപിച്ചിട്ടുണ്ടെന്ന് വിവര പൊതുജന സമ്പര്‍ക്ക വകുപ്പ് കോട്ടയം മേഖലാ ഡെപ്യൂട്ടി ഡയറക്ടര്‍ അറിയിച്ചു.

ന്യൂനമര്‍ദ്ദം ശക്തി പ്രാപിച്ചതിനാല്‍ കേരളത്തിലെ തീരത്ത് നിന്നും ഒരു മത്സ്യത്തൊഴിലാളിയും മാര്‍ച്ച് 15 വരെ മത്സ്യ ബന്ധനത്തിനു പോകരുതെന്ന് സംസ്ഥാന ദുരന്ത നിവാരണ അതോറിറ്റി നിര്‍ദ്ദേശിച്ചു. 

നെഹ്റു യുവ കേന്ദ്ര മലപ്പുറവും എയ്സ് ഫൌണ്ടേഷന്‍ മലപ്പുറവും  സംയുക്തമായി ജില്ലാ തല ഇന്റ്റര്‍ യൂത്ത് ക്ലബ് കബഡി മത്സരം സംഘടിപ്പിക്കുന്നു. ഹാജിയാര്‍ പള്ളി മുനിസിപ്പല്‍ ഫെഡ് ലൈറ്റ് സ്റ്റേഡിയത്തില്‍ മാര്‍ച്ച് 24 നാണ് മത്സരം.  പങ്കെടുക്കാന്‍ ആഗ്രഹിക്കുന്ന നെഹ്റു യുവ കേന്ദ്രയില്‍ അഫിലിയേറ്റ് ചെയ്ത ക്ലബ്ബുകള്‍ ബന്ധപ്പെടുക. ഫോണ്‍ നമ്പര്‍: 9961297010, 9746858143.

ജില്ലയിലെ ക്ഷീര കര്‍ഷക ക്ഷേമനിധി അംഗങ്ങളായ ക്ഷീര കര്‍ഷകര്‍ക്ക് 2017- 18 സാമ്പത്തിക വര്‍ഷം വിവിധ ക്ഷേമപദ്ധതികളിലായി 9,10,549 (ഒന്‍പതു ലക്ഷത്തി പതിനായിരത്തി അഞ്ഞൂറ്റി നാല്‍പ്പത്തി ഒന്‍പത് രൂപ മാത്രം) രൂപ വിതരണം ചെയ്തതായി ക്ഷീര വികസന ഡെപ്യൂട്ടി ഡയറക്ടര്‍ അറിയിച്ചു. 3,114 ക്ഷേമനിധി അംഗങ്ങള്‍ക്ക് പ്രതിമാസം 1,100 രൂപ വീതം പെന്‍ഷനും 226 ക്ഷേമനിധി അംഗങ്ങള്‍ക്ക് 150 രൂപ വീതം കുടുംബ പെന്‍ഷനും നല്‍കി വരുന്നുണ്ട്. ജില്ലയിലാകെ 47 അംഗങ്ങള്‍ക്ക് പെണ്‍മക്കളുടെ വിവാഹ ധനസഹായമായി 2,19,000 രൂപ അനുവദിച്ചു.

മലപ്പുറം നെഹ്‌റു യുവകേന്ദ്ര വിവിധ ബ്ലോക്കുകളിലേക്കുള്ള നാഷണല്‍ യൂത്ത് വളണ്ടിയര്‍മാരുടെ അപേക്ഷക്കുള്ള തിയ്യതി മാര്‍ച്ച് 13ല്‍ നിന്നും മാര്‍ച്ച് 31 വരെ നീട്ടിയതായി ജില്ലാ യൂത്ത് കോഡിനേറ്റര്‍ അറിയിച്ചു. ഫോണ്‍ നമ്പര്‍- 04832734848.