കൊച്ചി: എറണാകുളം ജനറല്‍ ആശുപത്രിയിലെ ഒ.പി കെട്ടിടത്തിന്റെ ദൃഢത പരിശോധിച്ച് റിപ്പോര്‍ട്ട് നല്‍കാന്‍ കഴിയുന്ന അംഗീകൃത സ്ഥാപനങ്ങളില്‍ നിന്നും ടെന്‍ഡറുകള്‍ ക്ഷണിച്ചു. ടെന്‍ഡര്‍ ഫോമുകള്‍ വിതരണം ചെയ്യുന്ന അവസാന തീയതി മാര്‍ച്ച് 15-ന് വൈകിട്ട് നാലു വരെ. ടെന്‍ഡറുകള്‍ മാര്‍ച്ച് 16-ന് ഉച്ചയ്ക്ക് ഒന്നു വരെ നല്‍കാം. കൂടുതല്‍ വിവരങ്ങള്‍ ഓഫീസില്‍ അറിയാം.

കൊച്ചി: ജനന സമയത്ത് സങ്കീര്‍ണമായ ഹൃദ്രോഗങ്ങളുമായി ജനിക്കുന്ന കുട്ടികള്‍ക്ക് സംസ്ഥാന സര്‍ക്കാരിന്റെ ഹൃദ്യം പദ്ധതിയിലൂടെ സൗജന്യ ചികിത്സക്ക് സൗകര്യം. പ്രതിവര്‍ഷം 2000 കുട്ടികളാണ് സങ്കീര്‍ണമായ ഹൃദ്രോഗങ്ങളുമായി ജനിക്കുന്നത്. നിലവില്‍ എട്ടുവയസുവരെ പ്രായമുള്ള കുട്ടികളുടെ ശസ്ത്രക്രിയക്ക് അഞ്ചുലക്ഷം രൂപയോളമാണ് ചെലവ്. ഹൃദ്യം പദ്ധതിയിലൂടെ ഈ ചികിത്സ സൗജന്യമായി ലഭിക്കും. ഹൃദ്രോഗം മൂലം കുട്ടികള്‍ മരിക്കുന്നത് പൂര്‍ണമായും ഒഴിവാക്കുകയെന്ന ലക്ഷ്യത്തോടെ ആവിഷ്‌കരിച്ച പദ്ധതിയാണ് ഹൃദ്യം.

കൊച്ചി: ചെറായി ബീച്ചില്‍ സാഹസിക ജല കായികവിനോദ(അഡ്വഞ്ചര്‍ വാട്ടര്‍ സ്‌പോര്‍ട്‌സ്)ങ്ങള്‍ക്ക് തുടക്കം. ജില്ലാ ടൂറിസം പ്രമോഷന്‍ കൗണ്‍സിലിന്റെ അംഗീകാരത്തോടെ ചെറായ് വാട്ടര്‍സ്‌പോര്‍ട്‌സാണ് സേവനദാതാവെന്ന നിലയില്‍ സാഹസിക കടല്‍ യാത്രകള്‍ ഉള്‍പ്പെടെ വിവിധ ഉല്ലാസപരിപാടികള്‍ സംഘടിപ്പിക്കുന്നത്.

കാക്കനാട്: പാലത്തിനു മുകളിലെ ഗേജിന്റെ അറ്റകുറ്റപ്പണികള്‍ നടക്കുന്നതിനാല്‍  കുമ്പളം-തുറവൂര്‍ റെയില്‍വേ സ്റ്റേഷനിടയിലുള്ള 30-ാം നമ്പര്‍ റെയില്‍ അണ്ടര്‍ ബ്രിഡ്ജിലൂടെയുള്ള റോഡ് മാര്‍ച്ച് അഞ്ച് രാത്രി എട്ടു മണി മുതല്‍ ആറാം തീയതി രാവിലെ ആറു മണി വരെ അടച്ചിടും. ടോള്‍ പ്ലാസ മുതല്‍ കുമ്പളം ഫെറി വരെയുള്ള ഗതാഗതം സമാന്തര വഴിയിലൂടെ തിരിച്ചു വിടുമെന്ന് സതേണ്‍ റെയില്‍വേ സീനിയര്‍ സെക്ഷന്‍ എന്‍ജിനീയര്‍ അറിയിച്ചു. 

കാക്കനാട്: എറണാകുളം ജില്ല ഹോമിയോ ആശുപത്രിയില്‍ ദിവസവേതനാടിസ്ഥാനത്തില്‍ താത്കാലിക ഡ്രൈവര്‍-കം-ഓഫീസ് അസിസ്റ്റന്റ് ആയി ജോലി ചെയ്യുവാന്‍ താത്പര്യമുള്ളവര്‍ തിരിച്ചറിയല്‍ രേഖയും യോഗ്യത, പ്രവൃത്തി പരിചയം എന്നിവ തെളിയിക്കുന്ന രേഖകള്‍ സഹിതം മാര്‍ച്ച് എട്ട് വ്യാഴം രാവിലെ 11 മണിക്ക് പുല്ലേപ്പടിയിലുള്ള ജില്ല ഹോമിയോ ആശുപത്രിയില്‍ നടക്കുന്ന വാക്ക്-ഇന്‍-ഇന്റര്‍വ്യൂവില്‍ പങ്കെടുക്കണം. 

    ജില്ലയില്‍ പട്ടികവര്‍ഗ വികസന വകുപ്പിന് കീഴില്‍ പ്രവര്‍ത്തിക്കുന്ന വടശേരിക്കര  മോഡല്‍ റസിഡന്‍ഷ്യല്‍ സ്‌കൂള്‍, ചിറ്റാര്‍, കടുമീന്‍ചിറ എന്നിവിടങ്ങളില്‍ പ്രവര്‍ത്തിക്കുന്ന പ്രീമെട്രിക് ഹോസ്റ്റലുകള്‍ എന്നീ സ്ഥാപനങ്ങളിലെ അന്തേവാസികളായ വിദ്യാര്‍ഥികള്‍ക്ക്  വ്യക്തിത്വവികസനം, സ്വഭാവരൂപീകരണം, പഠനശേഷി വര്‍ധിപ്പിക്കല്‍ തുടങ്ങിയവയില്‍ കൗണ്‍സിലിംഗ് നല്‍കുന്നതിനും കരിയര്‍ ഗൈഡന്‍സ് നല്‍കുന്നതിനും 2018-19 അധ്യയന വര്‍ഷത്തേക്ക് കരാര്‍ അടിസ്ഥാനത്തില്‍ മൂന്ന് കൗണ്‍സിലര്‍മാരെ (രണ്ട് പുരുഷന്‍, ഒരു സ്ത്രീ) നിയമിക്കുന്നു. ഈ വര്‍ഷം ജൂണ്‍ മുതല്‍ 2019 മാര്‍ച്ച് വരെയാണ് നിയമനം. 

എറണാകുളം ജില്ലയിലെ പോത്താനിക്കാട്ട് വൃദ്ധയെ ഭക്ഷണവും വെള്ളവും നല്‍കാതെ പൂട്ടിയിട്ടതിലും ഐരാപുരത്ത് സ്വകാര്യ എഞ്ചിനീയറിംഗ് കോളേജ് വിദ്യാര്‍ഥിനികളെ സഹപാഠികള്‍ അപമാനിച്ചതിലും  വനിതാ കമ്മീഷന്‍ സ്വമേധയാ കേസെടുത്തു.

പല്ലാരി മംഗലം കൂവള്ളൂര്‍ നത്തുകണ്ണിയിലാണ് എണ്‍പത്ത് വയസ്സുള്ള ബ്രിജിതിനെ വീട്ടില്‍ പൂട്ടിയിട്ടിരുന്നത്. വിവാഹിതരായ മകനും മകളും വേറെ വീടുകളിലാണ്. കഴിഞ്ഞ ദിവസം പോലീസ് മകളെ വിളിച്ചുവരുത്തി വൃദ്ധയെ സര്‍ക്കാര്‍ ആശുപത്രിയില്‍ പ്രവേശിപ്പിച്ചിരുന്നു. ഈ സംഭവത്തില്‍ ആര്‍.ഡി.ഒ ഇടപെട്ട് വൃദ്ധയുടെ സംരക്ഷണം ഉറപ്പുവരുത്തണമെന്ന് കമ്മീഷനംഗം അഡ്വ. ഷിജി ശിവജി നിര്‍ദേശിച്ചു. 

    ചെന്നീര്‍ക്കര ഗ്രാമപഞ്ചായത്തില്‍ കെട്ടിട നികുതി കുടിശിക ഒറ്റത്തവണയായി അടയ്ക്കുന്നവ ര്‍ക്ക് പലിശയും പിഴപ്പലിശയും മാര്‍ച്ച് 31 വരെ ഒഴിവാക്കിയിട്ടുള്ളതായി സെക്രട്ടറി അറിയിച്ചു.                          

    പെരിന്തല്‍മണ്ണ ഗവ. പോളി ടെക്‌നിക് കോളേജിലെ വിവിധ ലാബുകളിലും വര്‍ക്ക് ഷോപ്പുകളിലും ഉപയോഗ ശൂന്യമായ സ്‌ക്രാച്ച് വസ്തുക്കള്‍ ലേലം ചെയ്യുന്നതിന് ക്വട്ടേഷന്‍  ക്ഷണിച്ചു.  ക്വട്ടേഷന്‍ മാര്‍ച്ച് ആറിന് രാവിലെ 10നകം കോളേജില്‍ ലഭിക്കണം.  കൂടുതല്‍ വിവരങ്ങള്‍ക്ക് പോളിടെക്‌നിക് കോളേജുമായി ബന്ധപ്പെടണം.  ഫോണ്‍ 04933 227253.