ലളിതകലാ അക്കാദമിയുടെ ആഭിമുഖ്യത്തില്‍ സംഘടിപ്പിക്കുന്ന ടി. പത്മനാഭന്‍ സാംസ്‌കാരികോത്‌സവത്തോടനുബന്ധിച്ച് നടക്കുന്ന രേഖാ ചിത്രീകരണ ക്യാമ്പിലെ രചനങ്ങളുടെ പ്രദര്‍ശനം മാര്‍ച്ച് ആറുമുതല്‍ 10 വരെ കണ്ണൂര്‍ സാംസ്‌കാരികോത്‌സവ നഗരിയില്‍ നടക്കും.

ടി. പത്മനാഭന്‍ കഥകളുടെ രേഖാ ചിത്രീകരണ ക്യാമ്പ് നടന്നുവരികയാണ്. രേഖാ ചിത്രീകരണ രംഗത്തെ പ്രമുഖരായ 11 പേര്‍ പങ്കെടുക്കുന്ന ക്യാമ്പില്‍ ഫൈന്‍ ആര്‍ട്‌സ് കോളേജുകളില്‍ നിന്ന് തെരഞ്ഞെടുക്കപ്പെട്ട വിദ്യാര്‍ഥികളെയും ഉള്‍പ്പെടുത്തിയിട്ടുണ്ട്.

സ്‌കൂള്‍ ഉച്ചഭക്ഷണ പദ്ധതിയുടെ പരിധിയില്‍ വരുന്ന മുഴുവന്‍ കുട്ടികള്‍ക്കും, ഓണം-ക്രിസ്തുമസ് അവധിക്കു മുന്നോടിയായി അരി വിതരണം ചെയ്തിരുന്നതു പോലെ,  2017-18 അദ്ധ്യയന വര്‍ഷത്തിലെ മധ്യവേനല്‍ അവധിക്കാലം ആരംഭിക്കുന്നതിനു മുമ്പായി ഓരോ കുട്ടിക്കും 4 കിലോ അരി വീതം വിതരണം ചെയ്യുന്നതിന് സര്‍ക്കാര്‍ ഉത്തരവായി.

പി.എന്‍.എക്‌സ്.803/18

ഈ വര്‍ഷത്തെ എഴുത്തച്ഛന്‍ പുരസ്‌കാരം മാര്‍ച്ച് എട്ട് വൈകിട്ട് നാലിന് സെക്രട്ടേറിയറ്റ് ദര്‍ബാര്‍ ഹാളില്‍ നടക്കുന്ന ചടങ്ങില്‍ സച്ചിദാനന്ദന് മുഖ്യമന്ത്രി പിണറായി വിജയന്‍ സമ്മാനിക്കും. സാംസ്‌കാരിക വകുപ്പ് മന്ത്രി എ.കെ. ബാലന്‍ അധ്യക്ഷത വഹിക്കും. ചീഫ് സെക്രട്ടറി പോള്‍ ആന്റണി പ്രശസ്തി പത്രം വായിക്കും. സാംസ്‌കാരിക വകുപ്പ് സെക്രട്ടറി റാണി ജോര്‍ജ്, പുരസ്‌കാര നിര്‍ണയസമിതി ചെയര്‍മാന്‍ വൈശാഖന്‍, സച്ചിദാനന്ദന്‍, കേരള സാഹിത്യ അക്കാദമി സെക്രട്ടറി ഡോ. കെ.പി. മോഹനന്‍ തുടങ്ങിയവര്‍ സംബന്ധിക്കും. 

പി.എന്‍.എക്‌സ്.802/18

   കേന്ദ്ര - സംസ്ഥാന സര്‍ക്കാരുകള്‍ സംയുക്തമായി നടപ്പിലാക്കി വരുന്ന ആര്‍.എസ്. ബി.വൈ ചിസ് സ്മാര്‍ട്ട് കാര്‍ഡ് 2018 -19 പുതുക്കല്‍ ജില്ലയിലെ വിവിധ പഞ്ചായത്തുകളില്‍ തുടങ്ങി. നിലവില്‍ കാലാവധിയുള്ള സ്മാര്‍ട്ട് കാര്‍ഡ് - റേഷന്‍ കാര്‍ഡ് എന്നിവ എടുത്ത് കുടുംബാംഗങ്ങളില്‍ ആരെങ്കിലും ഒരാള്‍ പുതുക്കല്‍ കേന്ദ്രത്തില്‍ എത്തിയാല്‍ മതിയാകും. 30 രൂപയാണ് പുതുക്കല്‍ ഫീസ്. പഞ്ചായത്ത് ,  പുതുക്കല്‍ കേന്ദ്രം,   തീയതി എന്നി ക്രമത്തില്‍ ചുവടെ. 

   ആദിവാസി വിഭാഗത്തില്‍പ്പെട്ട ടി.ടി.സി,. ബി.എഡ്, ബിരുദം തുടങ്ങിയ വിദ്യാഭ്യാസ യോഗ്യതയുള്ള ആദിവാസി യുവതീ-യുവാക്കളെ കണ്ടെത്തി ആദിവാസി മേഖലയിലെ സ്‌കൂളുകളില്‍ ഗോത്രഭാഷാ പഠന സഹായ അദ്ധ്യാപകരായി നിയമിക്കുമെന്ന് മന്ത്രി എ.കെ ബാലന്‍ പറഞ്ഞു. 

   പ്രൊഫഷണല്‍ കോഴ്‌സുകള്‍ക്ക് പഠിക്കുന്ന് പട്ടികവര്‍ഗ വിദ്യാര്‍ഥികള്‍ക്ക് ലാപ്‌ടോപ് നല്‍കുന്ന പദ്ധതിയുടെ സംസ്ഥാനതല ഉദ്ഘാടനം കാസര്‍കോട് പരവനടുക്കം മോഡല്‍ റസിഡന്‍ഷ്യല്‍ സ്‌കൂളില്‍ നടന്ന പട്ടികജാതി-പട്ടികവര്‍ഗ, പിന്നോക്കക്ഷേമവകുപ്പ് മന്ത്രി എ.കെ ബാലന്‍ നിര്‍വഹിച്ചു. സംസ്ഥാനത്ത് മൊത്തം 225 വിദ്യാര്‍ഥികള്‍ക്കാണ് ഈ വര്‍ഷം  ലാപ്‌ടോപ് നല്‍കുന്നതെന്ന് മന്ത്രി പറഞ്ഞു. 

   മൂന്നു നിലകളിലായി 2394 ചതുരശ്രമീറ്ററില്‍ പണി പൂര്‍ത്തിയാക്കിയ ഹോസ്റ്റല്‍ കെട്ടിടത്തിന് 3.48 കോടി രൂപയാണ് ചെലവഴിച്ചത്. ഓരോ നിലയിലും നാലു വീതം ഡോര്‍മിറ്ററികളും രണ്ടു വീതം വലിയ മുറികളുമാണ്.

 ഹയര്‍ സെക്കന്‍ഡറി ഹോസ്റ്റലും റിക്രിയേഷന്‍ ഹാളും ഉദ്ഘാടനം ചെയ്തു 
 പ്രൊഫഷണല്‍ വിദ്യാര്‍ഥികള്‍ക്കുള്ള ലാപ്ടോപും  വിതരണം ചെയ്തു 

അപേക്ഷ ക്ഷണിച്ചു

കൊച്ചി: 2018 ഏപ്രില്‍ ഒന്നു മുതല്‍ 2019 മാര്‍ച്ച് 31 വരെയുളള കാലയളവിലേക്ക് മട്ടാഞ്ചേരി സ്ത്രീകളുടെയും കുട്ടികളുടെയും ആശുപത്രിയിലെ മുഷിഞ്ഞ തുണികള്‍ അലക്കുന്നതിന് താത്പര്യമുളള വ്യക്തികളില്‍ നിന്നും സ്ഥാപനങ്ങളില്‍ നിന്നും മുദ്രവച്ച ടെന്‍ഡറുകള്‍ ക്ഷണിച്ചു. ടെന്‍ഡറുകള്‍ മാര്‍ച്ച് ആറിന് ഉച്ചയ്ക്ക് 12 വരെ നല്‍കാം.