കേരള മീഡിയ അക്കാദമി സംഘടിപ്പിക്കുന്ന രണ്ടാമത് അന്താരാഷ്ട്ര പ്രസ് ഫോട്ടോ ഫെസ്റ്റിവല്‍ മാര്‍ച്ച് എട്ട്, ഒമ്പത്, 10,11 തിയതികളില്‍ തിരുവനന്തപുരത്ത് വിവിധ വേദികളില്‍ നടക്കും. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ സഹകരണത്തോടെ സംഘടിപ്പിക്കുന്ന ഫോട്ടോ ഫെസ്റ്റിവല്‍ എട്ടിന് വൈകിട്ട് ആറിന് തിരുവനന്തപുരം ടാഗോര്‍ സെന്റിനറി ഹാളില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മീഡിയ അക്കാദമിയുടെ പ്രഥമ വേള്‍ഡ് പ്രസ് ഫോട്ടോഗ്രാഫര്‍ അവാര്‍ഡ് വിയറ്റ്‌നാം യുദ്ധത്തിന്റെ ഭീകരത പകര്‍ത്തി അന്താരാഷ്ട്ര പ്രശസ്തനായ ഫോട്ടോഗ്രഫര്‍ നിക് ഊട്ടിന് മുഖ്യമന്ത്രി സമ്മാനിക്കും.

ഹരിത വിദ്യാലയം വിദ്യാഭ്യാസ റിയാലിറ്റിഷോയുടെ ഗ്രാന്റ് ഫിനാലെ മാര്‍ച്ച് അഞ്ചിന് വൈകുന്നേരം ആറു മണിക്ക് നിശാഗന്ധി ആഡിറ്റോറിയത്തില്‍ നടക്കും.  പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പൊതുവിദ്യാലയങ്ങളുടെ മികവുകള്‍ പങ്കുവയ്ക്കുന്നതിന്റെ ഭാഗമായാണ് ഈ പരിപാടി സംഘടിപ്പിച്ചിരിക്കുന്നത്.

മുഖ്യമന്ത്രി പിണറായി വിജയന്‍, ധനമന്ത്രി തോമസ് ഐസക്, വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് തുടങ്ങിയവര്‍ സംബന്ധിക്കും.

പി.എന്‍.എക്‌സ്.813/18

* റെക്കോഡ് പരിശോധിക്കാന്‍ ഗിന്നസ് ബുക്ക് സംഘം എത്തും

തിരുവനന്തപുരം ജില്ലാ പഞ്ചായത്ത് നടപ്പാക്കിവരുന്ന 'രക്ഷ' കരാട്ടെ പരിശീലന പദ്ധതിയിലെ പെണ്‍കുട്ടികളുടെ കരാട്ടെ പ്രദര്‍ശനം മാര്‍ച്ച് എട്ടിന് കാര്യവട്ടം ഗ്രീന്‍ഫീല്‍ഡ് സ്‌റ്റേഡിയത്തില്‍ നടക്കും. വൈകിട്ട് മൂന്നിന് മുഖ്യമന്ത്രി പിണറായി വിജയന്‍ സമ്മേളനം ഉദ്ഘാടനം ചെയ്യും. 

സംസ്ഥാനത്തെ റേഷന്‍ കടകളിലൂടെ 2018 മാര്‍ച്ച് മാസത്തില്‍ എ.എ.വൈ വിഭാഗത്തില്‍പ്പെട്ടവര്‍ക്ക് (മഞ്ഞ നിറത്തിലുള്ള റേഷന്‍ കാര്‍ഡ്) കാര്‍ഡിന് 30 കി.ഗ്രാം അരിയും അഞ്ച് കി.ഗ്രാം ഗോതമ്പും സൗജന്യമായി ലഭിക്കും.

കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ പുതിയതായി ആരംഭിക്കുന്ന പട്ടികജാതിയില്‍പ്പെട്ട സര്‍ക്കാര്‍ ഉദ്യോഗസ്ഥര്‍ക്കുള്ള കാര്‍ ലോണ്‍ പദ്ധതിയിന്‍ കീഴില്‍ വായ്പ അനുവദിക്കുന്നതിനായി അപേക്ഷ ക്ഷണിച്ചു.

കേരള സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍,  നടപ്പിലാക്കുന്ന, പരമാവധി 3.70 ലക്ഷം രൂപ പദ്ധതി തുകയുള്ള ഓട്ടോ ടാക്‌സി പദ്ധതിക്കു കീഴില്‍ വായ്പ അനുവദിക്കുന്നതിനായി കേരളത്തിലെ പട്ടികജാതിയില്‍പ്പെട്ട തൊഴില്‍രഹിതരായ യുവതീ യുവാക്കളില്‍ നിന്നും അപേക്ഷ ക്ഷണിച്ചു.

തൃശൂര്‍ വ്യാവസായിക ട്രൈബ്യൂണലും ഇന്‍ഷുറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ ആര്‍. ശ്രീവല്‍സന്‍ 2018 മാര്‍ച്ച് ആറ്, എട്ട്, ഒന്‍പത്, 13, 15, 16, 20, 22, 23, 27 തീയതികളില്‍ തൃശൂര്‍ സബ് ഡിവിഷണല്‍ മജിസ്‌ട്രേറ്റ് കോടതി ഹാളില്‍ തൊഴില്‍ തര്‍ക്ക കേസുകളും ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.

പി.എന്‍.എക്‌സ്.807/18

ജില്ലാതല ഔദ്യാഗിക ഭാഷാ ഏകോപനസമിതിയില്‍ സ്ഥലം എം.എല്‍.എ., ജില്ലാ പഞ്ചായത്തിലെ രണ്ടു പ്രതിനിധികള്‍, ഔദ്യോഗിക ഭാഷാ വകുപ്പ് പ്രതിനിധി എന്നിവരെ കൂടി ഉള്‍പ്പെടുത്തി പുനഃസംഘടിപ്പിച്ച് ഉത്തരവായി. ജില്ലാതല ഔദ്യാഗിക ഭാഷാ ഏകോപനസമിതി സമ്മേളിക്കുന്ന തീയതി, സ്ഥലം, സമയം എന്നിവ രണ്ടാഴ്ചയ്ക്കു മുമ്പ് ബന്ധപ്പെട്ട അംഗങ്ങളെ അറിയിക്കണമെന്ന് ഉത്തരവില്‍ നിര്‍ദേശമുണ്ട്.

പി.എന്‍.എക്‌സ്.806/18