കണ്ണൂര്‍ യൂണിവേഴ്‌സിറ്റി വൈസ് ചാന്‍സലറായി ഡോ.ഗോപിനാഥ് രവീന്ദ്രന്‍ ചുമതലയേറ്റു.

                ജില്ലയിലെ മിലിട്ടറി മൊബൈല്‍ ക്യാന്റീന്‍ ഡിസംബര്‍ 18 മുതല്‍ 21 വരെ ജിനചന്ദ്ര മെമ്മോറിയല്‍ ഓഡിറ്റോറിയത്തില്‍ പ്രവര്‍ത്തിക്കും.  പുതിയ ക്യാന്റീന്‍ കാര്‍ഡിനുള്ള രേഖകള്‍ ഈ ദിവസങ്ങളില്‍ സ്വീകരിക്കും.

ജില്ലാ പഞ്ചായത്തിന്റെ ആഭിമുഖ്യത്തില്‍ നടക്കുന്ന സമഗ്രപുഴസംരക്ഷണ കര്‍മ്മപരിപാടിയായ 'അഴുക്കില്‍ നിന്ന് അഴകിലേക്ക്' പദ്ധതിയുടെ ഭാഗമായുള്ള ആദ്യ പുഴസമ്മേളനം  18 ന് വളപട്ടണം പാലത്തിന് താഴെ വെച്ച് നടക്കും. അതോടനുബന്ധിച്ച ഉച്ചയ്ക്ക് 2 മണി മുതല്‍ പരിസ്ഥിതിസംരക്ഷണ സന്ദേശമുള്‍ക്കൊള്ളുന്ന ഗാനങ്ങളുടെയും കവിതകളുടെയും ആലാപനമത്സരവും സംഘടിപ്പിക്കും. പ്രായഭേദമന്യേ എല്ലാവര്‍ക്കും മത്സരത്തില്‍ പങ്കെടുക്കാം. (കരോക്കേ അനുവദനീയമാണ്). താല്‍പര്യമുള്ളവര്‍ 0497 2768260 എന്ന നമ്പറില്‍ 18-ന് ഉച്ചയ്ക്ക് 12 മണിക്ക് മുമ്പ് പേര്‍ രജിസ്റ്റര്‍ ചെയ്യണം.

അഴിയൂര്‍ ഗ്രാമപഞ്ചായത്ത് 2017-18 വര്‍ഷത്തിലെ വികലാംഗര്‍ക്ക് ഉപകരണങ്ങള്‍ വാങ്ങല്‍ പദ്ധതി നടപ്പിലാക്കുന്നതിനായി ഡിസംബര്‍ 26 ന് രാവിലെ 10 മണി മുതല്‍ അഴിയൂര്‍ പ്രാഥമിക ആരോഗ്യ കേന്ദ്രത്തില്‍   ഗുണഭോക്താക്കളെ തെരഞ്ഞെടുക്കുന്നതിനുള്ള ക്യാമ്പ് നടത്തുന്നു. ക്യാമ്പില്‍ അര്‍ഹതയുള്ള മുഴുവന്‍ ആളുകളും പങ്കെടുക്കണമെന്ന് അറിയിക്കുന്നു.
 

ഹാന്‍ഡക്‌സില്‍ (കേരള സ്റ്റേറ്റ് ഫാന്റ്‌ലൂം വീവേഴ്‌സ് കോ ഓപ്പറേറ്റീവ് സൊസൈറ്റി)  സെയില്‍സ്മാന്‍/ സെയില്‍സ്‌വുമണ്‍ (കാറ്റഗറി നം.524/13) തസ്തികയിലേക്കുളള ഒ.എം.ആര്‍ പരീക്ഷ കോഴിക്കോട് ജില്ലയിലെ 213 പരീക്ഷാകേന്ദ്രങ്ങളില്‍ ഡിസംബര്‍ 16 ന് ഉച്ചക്ക് 1.30 മുതല്‍ 3.15 വരെ നടക്കും. ഉദ്യോഗാര്‍ത്ഥികള്‍ സൈറ്റില്‍ നിന്ന് ഡൗണ്‍ലോഡ് ചെയ്ത അഡ്മിഷന്‍ ടിക്കറ്റ്, കമ്മീഷന്‍ അംഗീകരിച്ച അസ്സല്‍ തിരിച്ചറിയില്‍ രേഖകള്‍  എന്നിവ സഹിതം ഉച്ചക്ക് 1.30 മുമ്പായി പരീക്ഷാകേന്ദ്രങ്ങളില്‍ എത്തേണ്ടതാണ്.
 

മത്സ്യോത്സവം 2017 ന്റെ ഭാഗമായി നവംബര്‍ 19 ന് കോഴിക്കോട് ബീച്ചില്‍ ഫിഷറീസ് വകുപ്പ് മന്ത്രി നടത്തിയ മത്സ്യ അദാലത്തില്‍ റേഷന്‍ കാര്‍ഡ് മുന്‍ഗണനാ ലഭിക്കുന്നതിനു വേണ്ടി അപേക്ഷ സമര്‍പ്പിച്ച മത്സ്യത്തൊഴിലാളികള്‍ അപേക്ഷകന്‍ ഉള്‍പ്പെടുന്ന റേഷന്‍ കാര്‍ഡിന്റെ ഒന്ന്, രണ്ട് പേജുകളുടെ പകര്‍പ്പുകള്‍, ആധാര്‍ കാര്‍ഡിന്റെ പകര്‍പ്പ് എന്നിവ സഹിതം  കോഴിക്കോട് ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ ഹാജരാകണമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.
 

    പല്ലശ്ശന കൃഷിഭവനും  പാലക്കാട് ആത്മയും ചേര്‍ന്ന് ഇന്ന് (ഡിസംബര്‍ 15 ന്)'കിസാന്‍ ഗോഷ്ടി' : കാര്‍ഷിക ഉല്‍പ്പന പ്രദര്‍ശനവും വിപണനവും നടത്തും. പല്ലാവൂര്‍ കൃഷിഭവന്‍ അങ്കണത്തില്‍ നടക്കുന്ന പരിപാടി രാവിലെ 10 ന്  പല്ലശന ഗ്രാമപഞ്ചായത്ത് പ്രസിഡന്‍റ് കെ. രമാധരന്‍ ഉദ്ഘാടനം ചെയ്യും. വൈസ് പ്രസിഡന്‍റ് കെ.ശ്യാമള അധ്യക്ഷയാകും. ബ്ലോക്ക്- ഗ്രാമപഞ്ചായത്ത് അംഗങ്ങള്‍, കൃഷി വകുപ്പ് ഉദ്യോഗസ്ഥര്‍, രാഷ്ട്രീയ പാര്‍ട്ടി പ്രതിനിധികള്‍ എന്നിവര്‍ പങ്കെടുക്കും.
 

    കേരള മോട്ടോര്‍ തൊഴിലാളി ക്ഷേമിനിധി ബോര്‍ഡില്‍ അടക്കുവാനുളള ക്ഷേമനിധി വിഹിതം സൗത്ത് ഇന്ത്യന്‍ ബാങ്ക് വഴി സ്വീകരിക്കും. വാഹന ഉടമകള്‍ ഈ സൗകര്യം ഉപയോഗപ്പെടുത്തണമെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു.