വിദ്യാര്‍ത്ഥിനികള്‍ക്ക് ആശങ്കരഹിതമായ ആര്‍ത്തവദിനങ്ങള്‍ ഉറപ്പുവരുത്തുന്നത് ലക്ഷ്യമാക്കി സ്‌കൂളുകളില്‍ ഷീ പാഡ് പദ്ധതിക്ക് തുടക്കമായി. ആറു മുതല്‍ 12 ാം  ക്‌ളാസ് വരെയുള്ള വിദ്യാര്‍ത്ഥിനികള്‍ക്ക് സൗജന്യമായി നല്‍കുന്നതിന് ഗുണമേന്മയുള്ള സാനിട്ടറി നാപ്കിന്നുകള്‍, സൂക്ഷിക്കുന്നതിന് അലമാരകള്‍, ഉപയോഗിച്ച പാഡുകള്‍ ശാസ്ത്രീയമായി സംസ്‌കരിക്കുന്നതിന് ഇന്‍സിനേറ്ററുകള്‍ എന്നിവ  വിതരണം ചെയ്യുന്ന പദ്ധതിക്കാണ് തുടക്കമായത്.  ഒറ്റശേഖരമംഗലം ജനാര്‍ദ്ദനപുരം ഹയര്‍സെക്കന്‍ഡറി സ്‌കൂളില്‍ ആരോഗ്യ,  സാമൂഹ്യനീതി വകുപ്പ് മന്ത്രി കെ.കെ ശൈലജ ടീച്ചര്‍ പ്രിന്‍സിപ്പല്‍ വി.

സര്‍ട്ടിഫിക്കറ്റ് കോഴ്‌സ് ഇന്‍ ഹോമിയോയ്ക്ക് അപേക്ഷിച്ചവരുടെ വ്യക്തിഗത അക്കാദിമിക വിവരങ്ങള്‍ www.lbscentre.in ല്‍ പ്രസിദ്ധീകരിച്ചു. അപാകതകള്‍ ഉണ്ടെങ്കില്‍ സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം എല്‍.ബി.എസ് ജില്ലാ ഫെസിലിറ്റേഷന്‍ സെന്ററുകളില്‍ 13 ന് വൈകിട്ട് അഞ്ച് മണിക്ക് മുന്‍പ് അപേക്ഷ സമര്‍പ്പിക്കണം.  കൂടുതല്‍ വിവരങ്ങള്‍ 0471-2560362, 63, 64, 65.

പി.എന്‍.എക്‌സ്.4779/17
 

സര്‍ക്കാര്‍/സ്വാശ്രയ കോളേജുകളിലെ പ്രൊഫഷണല്‍ ഡിപ്ലോമാ ഇന്‍ ഫാര്‍മസി, ഹെല്‍ത്ത് ഇന്‍സ്‌പെക്ടര്‍, മറ്റു പാരാമെഡിക്കല്‍ കോഴ്‌സുകളില്‍ ഒഴിവുള്ള സീറ്റുകളിലേക്ക് എല്‍.ബി.എസ് ജില്ലാ ഫെസിലിറ്റേഷന്‍ സെന്ററുകളില്‍ 10 ന് രാവിലെ 10 മണിക്ക് സ്‌പോട്ട് അഡ്മിഷന്‍ നടത്തും.  ഒരു സ്വാശ്രയ കോളേജില്‍ നിന്നും മറ്റൊരു സ്വാശ്രയ കോളേജിലേക്ക് മാറ്റം അനുവദിക്കില്ല.

അലോട്ട്‌മെന്റ് ലഭിക്കുന്നവര്‍ അന്നേ ദിവസം തന്നെ നിര്‍ദിഷ്ട ഫീസ് അടയ്ക്കണം.  അലോട്ട്‌മെന്റ് ലഭിച്ചവര്‍ അതത് കോളേജുകളില്‍ 13 ന് വൈകുന്നേരം അഞ്ച് മണിയ്ക്കകം പ്രവേശനം നേടണം.

പി.എന്‍.എക്‌സ്.4778/17

കൊല്ലം-തിരുമംഗലം ദേശീയ പാതയില്‍(എന്‍.എച്ച് 744) കൊല്ലം ചിന്നക്കട മുതല്‍ ചന്ദനത്തോപ്പ് വരെയുള്ള പരസ്യബോര്‍ഡുകളും അനധികൃത ഇറക്കുകളും കൊല്ലം കോര്‍പ്പറേഷന്റെയും ദേശീയപാതാ വിഭാഗത്തിന്റെയും സംയുക്താഭിമുഖ്യത്തില്‍ നവംബര്‍ 15ന് നീക്കം ചെയ്യുമെന്ന് എക്‌സിക്യുട്ടീവ് എന്‍ജിനീയര്‍ അറിയിച്ചു. 

 (പി.ആര്‍.കെ.നമ്പര്‍  2555/17)

സാക്ഷരതാ മിഷന്‍ ചിറ്റുമലയില്‍ സംഘടിപ്പിച്ച തുടര്‍വിദ്യാഭ്യാസ കലോത്സവത്തില്‍ 73 പോയിന്റോടെ അഞ്ചല്‍ ബ്ലോക്ക് പഞ്ചായത്ത് കിരീടം നേടി. കൊട്ടാരക്കര നഗരസഭയും(52) ചിറ്റുമല ബ്ലോക്ക് പഞ്ചായത്തു(31) മാണ് യഥാക്രമം രണ്ടും മൂന്നും സ്ഥാനങ്ങളില്‍.30 പോയിന്റ് നേടിയ ട്രാന്‍സ്‌ജെന്‍ഡേഴ്‌സിന് പ്രത്യേക സമ്മാനം നല്‍കി. 

സമാപന സമ്മേളനം ഉദ്ഘാടനം ചെയ്ത കോവൂര്‍ കുഞ്ഞുമോന്‍ എം.എല്‍.എ സമ്മാനദാനം നിര്‍വഹിച്ചു. ഘോഷയാത്രയില്‍ കരുനാഗപ്പള്ളി നഗരസഭ ഒന്നാം സ്ഥാനവും കൊട്ടാരക്കര നഗരസഭ രണ്ടാം സ്ഥാനവും നേടി. 

ശിശുദിനാഘോഷ റാലിയും പൊതുസമ്മേളനവും സംബന്ധിച്ചുള്ള ആലോചനാ യോഗം ഇന്ന് (നവംബര്‍ 9) വൈകിട്ട് നാലിന് കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.

ജില്ലാ കലക്ടര്‍ ഡോ. എസ്. കാര്‍ത്തികേയന്റെ അധ്യക്ഷതയില്‍ ചേരുന്ന യോഗത്തില്‍ കൊല്ലം വിദ്യാഭ്യാസ ജില്ലയിലെ ഹെഡ്മാസ്റ്റര്‍മാരും പങ്കെടുക്കണമെന്ന് ശിശുക്ഷേമ സെക്രട്ടറി ആര്‍. സന്തോഷ് അറിയിച്ചു.

(പി.ആര്‍.കെ.നമ്പര്‍  2553/17)

നവംബര്‍ മാസത്തെ ജില്ലാ വികസന സമിതി യോഗം 25ന് രാവിലെ 11ന് ജില്ലാ കലക്ടറുടെ അധ്യക്ഷതയില്‍ കലക്‌ട്രേറ്റ് സമ്മേളന ഹാളില്‍ ചേരും.

(പി.ആര്‍.കെ.നമ്പര്‍  2552/17)

ശുചിത്വ കൊല്ലം പദ്ധതിയുമായി ബന്ധപ്പെട്ട് ജില്ലയിലെ മാലിന്യ പ്രശ്‌നങ്ങളെ കുറിച്ചും മാലിന്യ സംസ്‌കരണ മാര്‍ഗങ്ങളെക്കുറിച്ചും ചര്‍ച്ച ചെയ്യുന്നതിനുള്ള യോഗം നാളെ(നവംബര്‍ 10) വൈകുന്നേരം 3.30ന്  കൊല്ലം ടൗണ്‍ ഹാളില്‍ നടക്കും. ഫിഷറീസ് മന്ത്രി ജെ. മേഴ്‌സിക്കുട്ടിയമ്മ അധ്യക്ഷത വഹിക്കും.

ജില്ലാ നിയമ സേവന അതോറിറ്റി നിയമസേവന ദിനാചരണത്തോടനുബന്ധിച്ച് സംഘടിപ്പിക്കുന്ന ദശദിന പ്രചാരണ പരിപാടിയുടെ ഉദ്ഘാടനം ഇന്ന്(നവംബര്‍ ഒമ്പത്) രാവിലെ പത്തിന് ജില്ലാ പഞ്ചായത്ത് ഐ.ടി. ഹാളില്‍  അതോറിറ്റി ചെയര്‍മാന്‍ ജില്ലാ ആന്റ് സെഷന്‍സ് ജഡ്ജി ഇ. എം. മുഹമ്മദ് ഇബ്രാഹിം നിര്‍വഹിക്കും. ജില്ലാ പഞ്ചായത്ത് പ്രസിഡന്റ് കെ. ജഗദമ്മ അധ്യക്ഷത വഹിക്കും. 

പാലക്കാട് വ്യാവസായിക ട്രൈബ്യൂണലും, ഇന്‍ഷുറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ നവംബര്‍ 13, 14, 20, 21, 27, 28 തീയതികളില്‍ പാലക്കാട് റവന്യൂ ഡിവിഷണല്‍ മജിസ്‌ട്രേറ്റ് കോടതി ഹാളിലും(ആര്‍.ഡി.ഒ കോര്‍ട്ട്) ഇന്ന് (നവംബര്‍ 9) പെരിന്തല്‍മണ്ണ സബ് ഡിവിഷണല്‍ മജിസ്‌ട്രേറ്റ് കോടതി ഹാളിലും 17ന് മഞ്ചേരി ഇന്ദിരാഗാന്ധി ബസ് ടെര്‍മിനല്‍ ബില്‍ഡിംഗിലെ ഒന്നാം നിലവിലെ കോടതി ഹാളിലും 24നകം തിരൂര്‍ സബ് കളക്ടറുടെ കാര്യാലയത്തിലെ രണ്ടാം നിലയിലെ കോര്‍ട്ട് ഹാളിലും തൊഴില്‍ തര്‍ക്ക കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.

പി.എന്‍.എക്‌സ്.4770/17