ചെങ്ങന്നൂര്‍-ചിങ്ങവനം പാത ഇരട്ടിപ്പിക്കലിന്റെ ഭാഗമായി കാലായിപ്പടി-പുളിമൂട് റെയില്‍വേ ഓവര്‍ബ്രിഡ്ജ് വഴിയുളള ഗതാഗതം എട്ടാം തീയതി മുതല്‍ നിരോധിക്കും. ഇതുവഴിയുളള ഗതാഗതം ചിങ്ങവനം- പരുത്തുംപാറ ജംഗ്ഷന്‍ വഴിയും മന്ദിരം-പുളിമൂട് റോഡ് വഴിയും തുരുത്തി -മലകുന്നം റോഡ് വഴിയും തിരിച്ചു വിടും. 

                2012 മാര്‍ച്ച് 31 വരെ മോട്ടോര്‍ വാഹന നികുതി കുടിശ്ശികയുള്ള വാഹനങ്ങള്‍ക്കായി സര്‍ക്കാര്‍ പ്രഖ്യാപിച്ചിട്ടുള്ള ഒറ്റത്തവണ തീര്‍പ്പാക്കല്‍ പദ്ധതിയുടെ കാലാവധി ഡിസംബര്‍ 31 ന് അവസാനിക്കും.  നികുതി കുടിശ്ശികയുള്ളവര്‍ 31ന് മുമ്പ് ആര്‍.ടി.ഓഫീസുമായി ബന്ധപ്പെടണം.

                മുഖ്യമന്ത്രിയുടെ ദുരിതാശ്വാസം, പിഎംജി ദിശ എന്നീ വിഷയങ്ങളില്‍ സംരംഭകര്‍ക്കായി  പരിശീലനം നടത്തി. ജില്ലാ ഇ-ഗവേര്‍ണന്‍സ് സൊസൈറ്റി മാനേജര്‍ ജെറിന്‍ സി ബോബന്‍, സിഡിറ്റ് കോ-ഓര്‍ഡിനേറ്റര്‍ റനീഷ്, പിഎംജി ദിശ ജില്ലാ കോ-ഓര്‍ഡിനേറ്റര്‍ വിഷ്ണു  എന്നിവര്‍ ക്ലാസെടുത്തു.

                കല്‍പ്പറ്റ കെ.എം.എം. ഗവ. ഐ.ടി.ഐ.യില്‍ ഹോസ്പിറ്റാലിറ്റി മാനേജ്‌മെന്റ് ട്രേഡില്‍ ഹോട്ടല്‍ അക്കൗണ്ടന്‍സി ഗസ്റ്റ് ഇന്‍സ്ട്രക്ടര്‍ക്കുള്ള കൂടിക്കാഴ്ച ഡിസംബര്‍ 11ന് രാവിലെ 11ന് ഐ.ടി.ഐ.യില്‍ നടക്കും. കൊമേഴ്‌സില്‍ ബിരുദാനന്തര ബിരുദവും ബി.എഡും യോഗ്യതയുള്ള ഉദേ്യാഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റും പകര്‍പ്പുമായി പങ്കെടുക്കണം. ഫോണ്‍ 04936 205519.