ജില്ലയിലെ ക്വാറികളില്‍ ഖനന പ്രവര്‍ത്തനങ്ങള്‍ നിയന്ത്രിതമായി മാത്രം നടത്തണമെന്നും തുടര്‍ച്ചയായി മഴ പെയ്യുന്ന അവസരങ്ങളില്‍ ഖനന പ്രവൃത്തി നിര്‍ത്തിവയ്ക്കണമെന്നും മൈനിംഗ് ആന്‍ഡ് ജിയോളജി ഡയറക്ടര്‍ അറിയിച്ചു.           (പിഎന്‍പി 3233/17)

    വള്ളിക്കോട് ഗ്രാമപഞ്ചായത്തില്‍ നിന്നും വിധവാ പെന്‍ഷന്‍ വാങ്ങുന്ന ഗുണഭോക്താക്കള്‍ പുനര്‍വിവാഹം ചെയ്തിട്ടില്ല എന്ന് സ്വയം സാക്ഷ്യപ്പെടുത്തുന്ന സാക്ഷ്യപത്രം ഡിസംബര്‍ 10ന് മുമ്പ് പഞ്ചായത്ത് ഓഫീസില്‍ ഹാജരാക്കണം.         (പിഎന്‍പി 3232/17)
 

സംസ്ഥാന ചരക്ക് സേവന നികുതി വകുപ്പ് ജില്ലയിലെ വ്യാപാരികള്‍, പ്രാക്ടീഷണര്‍മാര്‍, അക്കൗണ്ടന്‍റുമാര്‍ എന്നിവര്‍ക്കായി ഇ-വേ ബില്‍ സംബന്ധിച്ച പരിശീലന ക്ലാസ് ഡിസംബര്‍ നാലിന് രാവിലെ 11 മുതല്‍ പത്തനംതിട്ട അബാന്‍ ഓഡിറ്റോറിയത്തില്‍ നടത്തും. ഫോണ്‍: 0468 2325088.  

കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡിയുടെ തിരുവനന്തപുരത്ത് പ്രവര്‍ത്തിക്കുന്ന മോഡല്‍ ഫിനിഷിംഗ് സ്‌കൂളില്‍ സിസ്റ്റം അനലിസ്റ്റ് യോഗ്യത: ബി.ടെക് ഇന്‍ കമ്പ്യൂട്ടര്‍ സയന്‍സ്/എം.സി.എ (ഫസ്റ്റ് ക്ലാസ്), ലാബ് അസിസ്റ്റന്റ് യോഗ്യത: ഇലക്ട്രോണിക്‌സ്/കമ്പ്യൂട്ടര്‍ ഡിപ്ലോമ (ഫസ്റ്റ് ക്ലാസ്) എന്നീ തസ്തികകളില്‍ കരാര്‍ അടിസ്ഥാനത്തില്‍ അപേക്ഷ ക്ഷണിച്ചു.

താത്പര്യമുളളവര്‍ അസല്‍ സര്‍ട്ടിഫിക്കറ്റുകളുമായി ഡിസംബര്‍ ആറിന് രാവിലെ 11ന് തിരുവനന്തപുരം മോഡല്‍ ഫിനിഷിംഗ് സ്‌കൂളില്‍ എത്തിച്ചേരണം. ഫോണ്‍: 0471 2307733.

പി.എന്‍.എക്‌സ്.5127/17