സംസ്ഥാന സഹകരണ യൂണിയന്‍' നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ- ഓപ്പറേറ്റീവ് മാനേജ്‌മെന്റില്‍ (കിക്മ) സൗജന്യമായി നടത്തുന്ന മൂന്നു മാസത്തെ ജൂനിയര്‍ മാര്‍ക്കറ്റിംഗ് അസോസിയേറ്റ്, അക്കൗണ്ടിംഗ് അസിസ്റ്റന്റ് വിത്ത് റ്റാലി, അക്കൗണ്ടിംഗ് എന്നീ റസിഡന്‍ഷ്യല്‍ കോഴ്‌സുകളിലേയ്ക്ക് നവംബര്‍ 20ന് രാവിലെ 10 മുതല്‍ നെയ്യാര്‍ഡാമിലെ കിക്മ ക്യാമ്പില്‍ അഭിമുഖം നടത്തും.  18നും 35നും മധ്യേ പ്രായമുളള പ്ലസ് ടു വിജയിച്ചവര്‍ക്ക്  പങ്കെടുക്കാം.  അപേക്ഷ www.kicmakerala.in വെബ്‌സൈറ്റിലും കിക്മ ഓഫീസിലും ലഭ്യമാണ്.  നേരത്തെ അപേക്ഷിക്കാത്ത യോഗ്യതയുളള വിദ്യാര്‍ത്ഥികള്‍ക്കും  പങ്കെടുക്കാം.  ഫോണ്‍: 8547618290, 9995302

എല്‍.ബി.എസ് സെന്ററിന്റെ ആഭിമുഖ്യത്തില്‍ പ്രവര്‍ത്തിക്കുന്ന പൂജപ്പുര സെന്റര്‍ ഓഫ് എക്‌സലന്‍സ് ഫോര്‍ ഡിസെബിലിറ്റി സ്റ്റഡീസ് ഭിന്നശേഷിയുള്ള ഉദ്യോഗാര്‍ത്ഥികള്‍ക്ക് സൗജന്യ എംപ്ലോയ്‌മെന്റ് കോച്ചിംഗ് നല്‍കും. ഇതിനുള്ള അഭിമുഖം നവംബര്‍ 20 ന് രാവിലെ 10.30 ന് സെന്ററില്‍ നടത്തും. ഫോണ്‍ : 0471  2345627.

പി.എന്‍.എക്‌സ്.4881/17

കാക്കനാട്: ദേശീയ നഗര ഉപജീവന ദൗത്യം പദ്ധതി പ്രകാരം കുടുംബശ്രീയുടെ ആഭിമുഖ്യത്തില്‍ 50,000 രൂപയില്‍ താഴെ വാര്‍ഷിക വരുമാനമുള്ള തൃക്കാക്കര, ആലുവ നഗരസഭയില്‍ സ്ഥിരതാമസക്കാരായ 18 നും 35 നും മധ്യേ പ്രായമുള്ള യുവതീ യുവാക്കളില്‍ നിന്ന് വിവിധ കോഴ്‌സുകളിലേക്ക് അപേക്ഷ ക്ഷണിച്ചു. യോഗ്യത ബ്രാക്കറ്റില്‍ .

കാക്കനാട്: ജില്ല പ്ലാനിംഗ് ഓഫീസിലെ ഉപയോഗത്തിന് ഏഴു സീറ്റില്‍ കൂടാത്ത 1500 സിസിയില്‍ കുറവുള്ള വാഹനം വാടകയ്ക്ക് ആവശ്യമുണ്ട്. മാസം 1000 കിലോമീറ്റര്‍ ഓടുന്നതിന് ഡ്രൈവറുടെ വേതനം ഉള്‍പ്പടെ 27,500 രൂപയില്‍ കൂടതരുത്. ആയിരത്തിന് മുകളില്‍ ഓരോ കിലോമീറ്ററിനും സര്‍ക്കാര്‍ നിരക്ക് നല്‍കും. താത്പര്യമുള്ളവര്‍ നവംബര്‍ 30 വൈകിട്ട് അഞ്ചിനകം ജില്ല പ്ലാനിംഗ് ഓഫീസര്‍, ജില്ല പ്ലാനിംഗ് ഓഫീസ്, സിവില്‍ സ്റ്റേഷന്‍, കാക്കനാട് എന്ന വിലാസത്തില്‍ നേരിട്ടോ തപാല്‍ മുഖേനയോ ക്വട്ടേഷന്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് 0484 2422290 എന്ന നമ്പറില്‍ ബന്ധപ്പെടുക. 

കാക്കനാട്: രണ്ടാം ലോക മഹായുദ്ധത്തില്‍ പങ്കെടുത്ത സേനാനികള്‍ക്കും ഭാര്യമാര്‍ക്കും സംസ്ഥാന സര്‍ക്കാര്‍ നല്‍കുന്ന പ്രതിമാസ സാമ്പത്തിക സഹായം കിട്ടുന്നതിനുള്ള അപേക്ഷ ജില്ല സൈനിക ക്ഷേമ ഓഫീസില്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് ജില്ല സൈനിക ക്ഷേമ ഓഫീസുമായി ബന്ധപ്പെടുക. ഫോണ്‍-0484 2422239.

പുതിയ ജില്ലാ കോടതി കെട്ടിടത്തിന്റെ ഉദ്ഘാടനം നാളെ (നവംബര്‍ 18) രാവിലെ 9.30 ന് ജസ്റ്റിസ് കുര്യന്‍ ജോസഫ് നിര്‍വഹിക്കും. ഹൈക്കോടതി ജസ്റ്റിസ് പി.ആര്‍.രാമചന്ദ്രന്‍ അദ്ധ്യക്ഷത വഹിക്കും. പൊതുമരാമത്ത് വകുപ്പു മന്ത്രി ജി സുധാകരന്‍, കൃഷി വകുപ്പു മന്ത്രി അഡ്വ.വി.എസ്.സുനില്‍ കുമാര്‍ മുഖ്യപ്രഭാഷണം നടത്തും.

കാക്കനാട്: കോട്ടയം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (സോഷ്യല്‍ സ്റ്റഡീസ്) മലയാളം മീഡിയം (കാറ്റഗറി നമ്പര്‍ 660/12) തസ്തികയിലേക്കുള്ള ഇന്റര്‍വ്യൂവിന് അര്‍ഹരായവരുടെ ചുരുക്കപ്പട്ടിക പ്രസിദ്ധീകരിച്ചു. വിശദവിവരങ്ങള്‍ പിഎസ്‌സി വെബ്‌സൈറ്റില്‍. www.keralapsc.gov.in
  

കാക്കനാട്: കോട്ടയം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (മാത്തമാറ്റിക്‌സ്) മലയാളം മീഡിയം (കാറ്റഗറി നമ്പര്‍ 661/12) തസ്തികയിലേക്കുള്ള ഇന്റര്‍വ്യൂവിന് അര്‍ഹരായവരുടെ ചുരുക്കപ്പട്ടിക പ്രസിദ്ധീകരിച്ചു. വിശദവിവരങ്ങള്‍ പിഎസ്‌സി വെബ്‌സൈറ്റില്‍. www.keralapsc.gov.in
 

ചാവക്കാട് താലൂക്കിലെ ഒരുമനയൂര്‍-ചേറ്റുവ പ്രദേശത്തെ കണ്ടല്‍ വനം റിസര്‍വ്വ് വനമായി പ്രഖ്യാപിക്കുന്നു. ചേറ്റുവ പുഴയില്‍ ചുറ്റപ്പെട്ട് കിടക്കുന്ന സര്‍വെ നമ്പര്‍ 256/പി 3.3853 സെക്ടര്‍ പ്രദേശമാണ് റിസര്‍വ്വ് വനമായി പ്രഖ്യാപിക്കുന്നത്. ഇത് കൊണ്ട് തന്നെ ഈ ഭാഗത്തെ ഭൂമിയിലേക്ക് അവകാശവാദമുന്നയിക്കാനോ കൃഷി നടത്താനോ, കാട് വെട്ടിതെളിക്കാനോ പാടുളളതല്ല.

അവകാശവാദം ഉന്നയിക്കുന്നവരോ ആക്ഷേപമുളളവരോ ഉണ്ടെങ്കില്‍ ആറ് മാസത്തിനുളളില്‍ ആവശ്യമായ രേഖകള്‍ സഹിതം അപേക്ഷ നല്‍കണമെന്ന് സബ് കളക്ടര്‍ അറിയിച്ചു. അതിന് ശേഷം നല്‍കുന്ന അപേക്ഷകള്‍ പരിഗണിക്കുന്നതല്ല.