കൊച്ചി: സര്‍വ്വ ശിക്ഷാ അഭിയാന്‍ നടപ്പിലാക്കി വരുന്ന സംയോജിത വിദ്യാഭ്യാസ പദ്ധതിയില്‍ (ഐ.ഇ.ഡി.സി) കരാര്‍ അടിസ്ഥാനത്തില്‍ ഓട്ടിസം സെന്ററുകളിലേക്ക് റിസോഴ്‌സ് അധ്യാപകരെ നിയമിക്കുന്നു. 

കൊച്ചി: കുട്ടികളില്‍ ശാരീരികമായ നിഷ്‌ക്രിയത്വം അവസാനിപ്പിച്ച് നല്ല ശീലങ്ങള്‍ വളര്‍ത്തിയെടുക്കുന്നതിനായി നടത്തുന്ന നല്ല ഭാവിക്കായി നല്ല ശീലങ്ങള്‍ കാമ്പയിന് തുടക്കമായി. കൊച്ചി നഗരസഭ, ദേശീയ ആരോഗ്യദൗത്യം അമൃത ഇന്‍സ്റ്റിറ്റിയൂട്ട്  ഓഫ്‌മെഡിക്കല്‍ സയന്‍സസ് കമ്മ്യൂണിറ്റി വിഭാഗം, സെന്റ് അഗസ്റ്റിന്‍സ് സ്‌കൂള്‍ എന്നിവരുടെ സംയുക്താഭിമുഖ്യത്തില്‍ സംഘടിപ്പിച്ച പരിപാടി ഹൈബി ഈഡന്‍ എം എല്‍ എ ഉദ്ഘാടനം ചെയ്തു. 

സംസ്ഥാനത്തെ ഉദ്യോഗസ്ഥശേഷി വികസനം സംബന്ധിച്ച്  ഭരണപരിഷ്‌കാര കമ്മീഷന്‍ നടത്തുന്ന പഠനത്തിന്റെ ഭാഗമായി കേരളത്തിലെ എല്ലാ ഉദ്യോഗസ്ഥ പരിശീലന സ്ഥാപനങ്ങളുടെയും മേധാവികളെയും ബന്ധപ്പെട്ടവരെയും പങ്കെടുപ്പിച്ച് ഭരണപരിഷ്‌കാര കമ്മീഷന്‍ ഇന്ന് (നവംബര്‍ 15) ശില്പശാല നടത്തും.  തിരുവനന്തപുരം ഐ.എം.ജി യിലെ പത്മം ഹാളില്‍ രാവിലെ 10 മുതല്‍ വൈകുന്നേരം 4.30 വരെ നടക്കുന്ന ശില്പശാലയില്‍ കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ അധ്യക്ഷത വഹിക്കും.  കമ്മീഷന്‍ അംഗം സി.പി. നായര്‍ പങ്കെടുക്കും.  മുന്‍ ചീഫ് സെക്രട്ടറി എസ്.എം.

കേരളത്തിലെ സര്‍വകലാശാലകളിലേക്കും കോളേജുകളിലേക്കും എം.ബി.എ പ്രവേശനത്തിനായുള്ള കെ മാറ്റ് കേരള 2018 പരീക്ഷ ഫെബ്രുവരി നാലിന് നടത്തും. 

അപേക്ഷകള്‍ നവംബര്‍ 16 മുതല്‍ ഓണ്‍ലൈനായി നല്‍കാം. വിശദ വിവരങ്ങള്‍ www.kmatkerala.in ല്‍ ലഭ്യമാണ്. 2018 ജനുവരി 19 വരെ ഓണ്‍ലൈനായി ഫീസടക്കാം. ഓണ്‍ലൈന്‍ അപേക്ഷ 2018 ജനുവരി 20 നകം നല്‍കണം. ജനറല്‍ വിഭാഗത്തിന് ആയിരം രൂപയും എസ്.സി/എസ്.റ്റി വിഭാഗത്തിന് 750 രൂപയുമാണ് ഫീസ്.

അബ്കാരി തൊഴിലാളി ക്ഷേമനിധി പദ്ധതിയില്‍ അംഗങ്ങളായവരുടെ മക്കളില്‍ ഉന്നത വിജയം നേടിയവര്‍ക്ക് വിദ്യാഭ്യാസ സ്‌കോളര്‍ഷിപ്പും ലേബലിംഗ് തൊഴിലാളികള്‍ക്കുള്ള അംഗത്വകാര്‍ഡ് വിതരണവും വൈലോപ്പിള്ളി സംസ്‌കൃതി ഭവനില്‍ തൊഴില്‍, എക്‌സൈസ് വകുപ്പ് മന്ത്രി ടി.പി. രാമകൃഷ്ണന്‍ ഇന്ന് (15) രാവിലെ 11 ന് നിര്‍വഹിക്കും. കെ. മുരളീധരന്‍ എം.എല്‍.എ അധ്യക്ഷത വഹിക്കും. ജനപ്രതിനിധികള്‍, ബോര്‍ഡ് ചെയര്‍മാന്‍, ഡയറക്ടര്‍മാര്‍ എന്നിവര്‍ പങ്കെടുക്കും. 

പി.എന്‍.എക്‌സ്.4835/17

തദ്ദേശ സ്വയംഭരണ സ്ഥാപനങ്ങള്‍ക്കായുള്ള തിരുവനന്തപുരം വഞ്ചിയൂര്‍ കോടതി സമുച്ചയത്തിലെ ട്രൈബ്യൂണലിന്റെ കാര്യാലയത്തില്‍ ഒരു സീനിയര്‍ ക്ലര്‍ക്കിന്റെയും ഒരു ഓഫീസ് അറ്റന്‍ഡന്റിന്റെയും തസ്തികകളില്‍ ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് അപേക്ഷ ക്ഷണിച്ചു. സംസ്ഥാന സര്‍ക്കാരിന്റെ വിവിധ വകുപ്പുകളില്‍ സമാന തസ്തികകളില്‍ ജോലിചെയ്യുന്നവര്‍ക്ക് അപേക്ഷിക്കാം.

മലപ്പുറം ജില്ലയിലെ സംസ്ഥാന സര്‍ക്കാര്‍ സ്ഥാപത്തില്‍ സി.എസ്.ആര്‍ ടെക്‌നീഷ്യന്‍ തസ്തികയില്‍ രണ്ട് താല്‍ക്കാലിക ഒഴിവുകളുണ്ട് (ഓപ്പണ്‍ പ്രയോറിറ്റി - ഒന്ന്, ഇ.റ്റി.ബി. പ്രയോറിറ്റി - ഒന്ന്). എസ്.എസ്.എല്‍.സി., എന്‍.ടി.സി ഇന്‍സ്ട്രുമെന്റ് മെക്കാനിക്ക്/മെഡിക്കല്‍ ഇലക്‌ട്രോണിക് ടെക്‌നോളജിയിലുള്ള നാഷണല്‍ ട്രേഡ് സര്‍ട്ടിഫിക്കറ്റ് സര്‍ക്കാര്‍ സ്ഥാപനത്തില്‍ നിന്നോ സര്‍ക്കാര്‍ അംഗീകൃത സ്ഥാപനത്തില്‍ നിന്നോ ലഭിച്ച സി.എസ്.ആര്‍ ടെക്‌നോളജിയിലുള്ള ഒരു വര്‍ഷത്തെ അപ്രന്റീസ്ഷിപ്പ് കോഴ്‌സ് എന്നിവയാണ് യോഗ്യത. 2017 ജനുവരി ഒന്നിന് 18 നും 41 നുമിടയിലായിരിക്കണം പ്രായം. നിയമാനുസൃത വയസ്സിളവ് ലഭിക്കും.

സംസ്ഥാന സര്‍ക്കാരിന്റെ ഇ-ടിക്കറ്റിംഗ് സംവിധാനത്തിന്റെ ഭാഗമായുള്ള ഓണ്‍-ലൈന്‍ ടിക്കറ്റ് ബുക്കിംഗ് പരീക്ഷണാടിസ്ഥാനത്തില്‍ സംസ്ഥാന ചലച്ചിത്ര വികസന കോര്‍പ്പറേഷന്റെ (കെ.എസ്.എഫ്.ഡി.സി) വഴുതയ്ക്കാടുള്ള കലാഭവന്‍ തിയേറ്ററില്‍ ഇന്നു (നവംബര്‍ 15) മുതല്‍ നടപ്പിലാക്കും. പ്രേഷകര്‍ക്ക് ഇനിമുതല്‍ ഓണ്‍ലൈനായി www.keralafilms.gov.in എന്ന വെബ്‌സൈറ്റ് മുഖാന്തരം ടിക്കറ്റുകള്‍ ബുക്കുചെയ്യാം. റിസര്‍വേഷന്‍ സംബന്ധിച്ചുള്ള സാങ്കേതിക സഹായത്തിന് ഇന്‍ഫര്‍മേഷന്‍ കേരള മിഷന്റെ 0471-2773170 എന്ന നമ്പരില്‍ ബന്ധപ്പെടണം. 

പി.എന്‍.എക്‌സ്.4832/17

 * ലോക പ്രമേഹ ദിനാചരണം മന്ത്രി ഉദ്ഘാടനം ചെയ്തു

ജില്ലാ ശിശുക്ഷേമസമിതിയുടെ ആഭിമുഖ്യത്തില്‍ ശിശുദിനാഘോഷത്തോടനുബന്ധിച്ച് കാഞ്ഞങ്ങാട് ശിശുദിനറാലിയും കുട്ടികളുടെ സംഗമവും സംഘടിപ്പിച്ചു. സംസ്ഥാനശിശുക്ഷേമസമിതി രൂപം നല്‍കിയ തണല്‍-കുട്ടികളുടെ അഭയകേന്ദ്രത്തിന്റെ ജില്ലാതല പ്രഖ്യാപനവും നടന്നു.  പരിപാടി കാഞ്ഞങ്ങാട്  ടൗണ്‍ഹാളില്‍ ജില്ലാകളക്ടര്‍ ജീവന്‍ബാബു കെ ഉദ്ഘാടനം ചെയ്തു. വിവരസാങ്കേതിക വിദ്യയെ  തെറ്റായ രീതിയില്‍ ഉപയോഗിക്കാതിരിക്കാനും വിദ്യാര്‍ത്ഥികള്‍ക്കിടയില്‍  ലഹരി ഉപയോഗം തടയാനും പൊതുസമൂഹം ജാഗ്രത പാലിക്കണമെന്ന്  ജില്ലാകളക്ടര്‍ പറഞ്ഞു.