വെള്ളമുണ്ട ഇലക്ട്രിക്കൽ സെക്ഷൻ പരിധിയിലെ അംബേദ്കർ - തോണിച്ചാൽ റോഡ്, കടത്തനാട് കളരി റോഡ് എന്നിവിടങ്ങളിൽ ഇന്ന് (ശനിയാഴ്ച) രാവിലെ 8.30 മുതൽ വൈകുന്നേരം 5.30വരെ വൈദ്യുതി വിതരണം ഭാഗികമായി തടസപ്പെടും.

ഗതാഗത നിയന്ത്രണം

ബാലുശ്ശേരി കുറുമ്പൊയില്‍-വയലട-തലയാട് റോഡില്‍ ഭിത്തി നിര്‍മാണം നടക്കുന്നതിനാല്‍ മെയ് 12 മുതല്‍ പ്രവൃത്തി പൂര്‍ത്തിയാകുന്നത് വരെ വലിയ വാഹനങ്ങള്‍/ഭാരം കൂടിയ വാഹനങ്ങള്‍ എന്നിവ നിരോധിച്ചതായി എക്‌സിക്യൂട്ടീവ് എഞ്ചിനീയര്‍ അറിയിച്ചു.

ശുചിത്വ മിഷനില്‍ ഇന്റേണ്‍ 

ജില്ലാ വനിതാ സംരക്ഷണ ഓഫീസിലെ ഔദ്യോഗിക ആവശ്യത്തിന് ഉപയോഗിക്കുന്നതിനായി വാഹനം വാടകയ്ക്ക് എടുക്കുന്നതിന് ടെണ്ടർ ക്ഷണിച്ചു. പ്രതിമാസം 1500 കിലോമീറ്ററിന് പരമാവധി 30,000 രൂപ വാടക നൽകും. ഏഴ് വർഷത്തിൽ താഴെ കാലപ്പഴക്കമുള്ള വാഹനങ്ങൾ ലഭ്യമാക്കാൻ താത്പര്യമുള്ളവർ മെയ് 22 ഉച്ചയ്ക്ക് 12ന് മുമ്പ് ടെണ്ടറുകൾ സമർപ്പിക്കണം. ഫോൺ: 04936 206616, 8281999063

വാഴവറ്റ കുടുംബാരോഗ്യ കേന്ദ്രത്തിലെ പെയിൻ ആന്റ് പാലിയേറ്റീവ് പ്രൊജക്ടിൽ ഹോം കെയർ സേവനം നൽകുന്നതിനാവശ്യമായ വാഹനം ലഭ്യമാക്കാൻ ക്വട്ടേഷൻ ക്ഷണിച്ചു. അഞ്ച് പേർക്ക് യാത്ര ചെയ്യാവുന്നതും ദുർഘടമായ പാതയിലൂടെ സഞ്ചരിക്കാവുന്നതുമായ വാഹനമാണ് ആവശ്യം. ഒരു ദിവസത്തെ തുക രേഖപ്പെടുത്തിയ ക്വട്ടേഷനുകൾ മെയ് 23 ഉച്ചയ്ക്ക് 2ന് മുമ്പ് ആശുപത്രി ഓഫീസിൽ ലഭിക്കണം. ഫോൺ: 04936 249495.

പട്ടികവർഗ വകുപ്പിന് കീഴിലുള്ള പൂക്കോട് ഏകലവ്യ മോഡൽ റെസിഡൻഷ്യൽ സ്കൂളിൽ വാട്ടർ പ്യൂരിഫയർ സ്ഥാപിക്കാൻ ക്വട്ടേഷൻ ക്ഷണിച്ചു. ക്വട്ടേഷനുകൾ മെയ് 12 ഉച്ചയ്ക്ക് ശേഷം 2.30ന് മുമ്പ് സ്കൂൾ ഓഫീസിൽ ലഭിക്കണം. ഫോൺ: 04936 296095

വയനാട് ജില്ലയില്‍ വിദ്യാഭ്യാസ വകുപ്പില്‍ ഹൈ സ്കൂൾ ടീച്ചർ - ഇംഗ്ലീഷ് (കാറ്റഗറി നമ്പർ 603/2024) തസ്തികയിലെ ഇന്റര്‍വ്യൂ മേയ് 13,14 തിയ്യതികളിലും, ഹൈ സ്കൂൾ ടീച്ചർ - ഹിന്ദി (കാറ്റഗറി നമ്പർ 604/2024) തസ്തികയിലെ ഇന്റര്‍വ്യൂ മെയ് 15നും പി.എസ്.സി വയനാട് ജില്ലാ ഓഫീസിൽ വെച്ച് നടക്കും.  ഉദ്യോഗാര്‍ത്ഥികള്‍ക്കുളള വ്യക്തിഗത അറിയിപ്പ് അവരവരുടെ പ്രൊഫൈലിലും എസ്.എം.എസ് വഴിയും ലഭ്യമാക്കിയിട്ടുണ്ട്.  പ്രൊഫൈലില്‍ നിന്ന് ഡൗണ്‍ലോഡ് ചെയ്ത ഇന്റര്‍വ്യൂ മെമ്മോ, ഒ.ടി.വി സർട്ടിഫിക്കറ്റിന്റെ പകര്‍പ്പ്, ബയോഡേറ്റാ ഫോം, വിദ്യാഭ്യാസ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍, അസ്സല്‍ തിരിച്ചറിയല്‍ കാര്‍ഡ് എന്നിവ സഹിത

വയനാട് ജില്ലയില്‍ ആരോഗ്യ വകുപ്പില്‍ ജൂനിയർ പബ്ലിക് ഹെൽത്ത് നഴ്സ് ഗ്രേഡ് 2 (സ്പെഷ്യൽ റിക്രൂട്ട്മെന്റ്, കാറ്റഗറി നമ്പർ - 339/2020) തസ്തികയിലേക്ക് 2023 ഏപ്രിൽ 11ന് നിലവില്‍ വന്ന റാങ്ക് പട്ടിക 2026 ഏപ്രിൽ 10ന് കാലാവധി പൂര്‍ത്തിയായതോടെ ഏപ്രിൽ 11 മുതല്‍ റദ്ദാക്കിയതായി ജില്ലാ പി.എസ്.സി ഓഫീസർ അറിയിച്ചു

കൽപ്പറ്റ പുത്തൂർവയലിലുള്ള എസ്.ബി.ഐ ആർസെറ്റിയിൽ മെയ് 11ന് ആരംഭിക്കുന്ന 6 ദിവസത്തെ സൗജന്യ കേക്ക് നിർമാണ പരിശീലനത്തിന് അപേക്ഷ ക്ഷണിച്ചു. 18നും 50നും ഇടയിൽ പ്രായമുള്ള തൊഴിൽരഹിതരായ യുവതീ - യുവാക്കൾക്കാണ് അവസരം. ഫോൺ: 7012992238, 8078711040

മൃഗ സംരക്ഷണ വകുപ്പിന് കീഴിൽ ജില്ലയ്ക്ക് അനുവദിച്ച മൊബൈൽ വെറ്ററിനറി യൂണിറ്റിലേക്ക് വെറ്ററിനറി  സർജനെ താത്കാലികാടിസ്ഥാനത്തിൽ നിയമിക്കുന്നു. വെറ്ററിനറി ബിരുദമുള്ള ഉദ്യോഗാർത്ഥികൾ  ബയോഡേറ്റ, യോഗ്യതാ സർട്ടിഫിക്കറ്റുകൾ, തിരിച്ചറിയൽ രേഖ, വെറ്ററിനറി കൗൺസിൽ രജിസ്ട്രേഷൻ സർട്ടിഫിക്കറ്റ് എന്നിവയുടെ അസ്സലും പകർപ്പുമായി മെയ് 12 ഉച്ചയ്ക്ക് 2ന് ജില്ലാ മൃഗസംരക്ഷണ ഓഫീസിൽ എത്തണം. ഫോൺ: 04936 202292

മീനങ്ങാടി സാമൂഹിക ആരോഗ്യ കേന്ദ്രത്തിലെ സായാഹ്ന ഒ.പിയിലേക്ക് ദിവസ വേതന വ്യവസ്ഥയിൽ ഡോക്ടർ, നഴ്സ്, ഫാർമസിസ്റ്റ് എന്നിവരെ നിയമിക്കുന്നു. ഡോക്ടർക്ക് എം.ബി.ബി.എസും ടി.സി.എം.സി രജിസ്ട്രേഷനുമാണ് യോഗ്യത. നഴ്സിന് പ്ലസ് ടു സയൻസ്, ജി.എൻ.എം അല്ലെങ്കിൽ ബി.എസ്.സി നഴ്സിങ്, കെ.എൻ.എം.സി രജിസ്ട്രേഷൻ എന്നിവയാണ് യോഗ്യത. ഫാർമസിസ്റ്റിന് അംഗീകൃത സ്ഥാപനത്തിൽ നിന്നുള്ള ഡി.ഫാം അല്ലെങ്കിൽ ബി.ഫാം യോഗ്യതയും ഫാർമസി കൗൺസിൽ രജിസ്ട്രേഷനും ആവശ്യമാണ്. താത്പര്യമുള്ളവർ മെയ് 18 രാവിലെ 10ന് അഭിമുഖത്തിന് ഹാജരാവണം. ഫോൺ: 04936 247290