കേരളത്തിൽ 2026-ലെ സെൻസസ് (കാനേഷുമാരി) നടപടികൾ ആരംഭിക്കുന്നതിന്റെ ഭാഗമായി എറണാകുളം ജില്ലയിൽ 
ജൂൺ 16 മുതൽ 15 ദിവസത്തെ സെൽഫ് എന്യുമറേഷനുമായി  പൊതു ജനങ്ങൾ പൂർണമായി സഹകരിക്കണമെന്ന് 
പ്രിൻസിപ്പൽ  സെൻസസ് ചാർജ് ഓഫീസർ കൂടിയായ ജില്ലാ കളക്ടർ ജി പ്രിയങ്ക അഭ്യർത്ഥിച്ചു.

ജില്ലയിലെ നിയമസഭാ തിരഞ്ഞെടുപ്പ് നടപടിക്രമങ്ങൾ മികച്ച രീതിയിൽ പൂർത്തിയാക്കിയ ഉദ്യോഗസ്ഥരെ അഭിനന്ദിച്ച് ജില്ലാ കളക്ടർ ജി. പ്രിയങ്ക. ഒരു ടീം ആയി പ്രവർത്തിച്ചത് വഴിയാണ് കുറ്റമറ്റ രീതിയിൽ തിരഞ്ഞെടുപ്പ് പ്രവർത്തനങ്ങൾ പൂർത്തിയാക്കാനായത് എന്ന് ജില്ലാ കളക്ടർ ജി. പ്രിയങ്ക പറഞ്ഞു.

കെട്ടിട നിർമാണ തൊഴിലാളി ക്ഷേമനിധി അംഗങ്ങളുടെ ആശ്രിതർക്ക് 50 ശതമാനം ഫീസിളവോടെ സിവിൽ സർവീസ് പരിശീലനം നൽകുന്നു. കേരള ഇൻസ്റ്റിറ്റ്യൂട്ട് ഓഫ് ലേബർ ആന്റ് എംപ്ലോയ്മെന്റ് സംഘടിപ്പിക്കുന്ന പരിശീലനത്തിൽ ബിരുദധാരികൾക്കും അവസാന വർഷ വിദ്യാർത്ഥികൾക്കും അപേക്ഷിക്കാം. ക്ഷേമനിധി ബോർഡിൽ നിന്നുള്ള ആശ്രിത സർട്ടിഫിക്കറ്റ് സഹിതം www.kile.kerala.gov.in/kileiasacademy എന്ന വെബ്‍സൈറ്റ് വഴി അപേക്ഷ നൽകണം. ഫോൺ: 0471 2479966, 8075768537

വയനാട് സർക്കാർ നഴ്സിങ് കോളേജിൽ ഒരു വർഷത്തെ കരാർ അടിസ്ഥാനത്തിൽ ബോണ്ടഡ് ലെക്ചറർ നിയമനം നടത്തന്നതിന് അപേക്ഷ ക്ഷണിച്ചു. സർക്കാർ കോളേജുകളിൽ നിന്ന് യോഗ്യത നേടിയവരുടെ അഭാവത്തിൽ സ്വകാര്യ കോളേജുകളിൽ നിന്ന് എം.എസ്.സി നഴ്സിങ് പൂർത്തിയാക്കിയ, കെ.എൻ.എം.സി രജിസ്ട്രഷനുള്ളവർക്കാണ് അവസരം. താത്പര്യമുള്ളവർ യോഗ്യതാ സർട്ടിഫിക്കറ്റുകളുടെ അസ്സലും ആധാർ ഉൾപ്പെടെയുള്ള രേഖകളുമായി മെയ് 22 രാവിലെ 11ന് കോളേജ് പ്രിൻസിപ്പലിന്റെ ഓഫീസിൽ നടക്കുന്ന വാക്ക് ഇൻ ഇന്റർവ്യൂവിൽ ഹാജരാവണം. ഫോൺ: 04935 246434.

സാമൂഹ്യനീതി വകുപ്പിന് കീഴില്‍  തൊടുപുഴ  മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന ജില്ലാ പ്രൊബേഷന്‍ ഓഫീസിലേക്ക് 2026 മെയ് മുതല്‍ 2027 മാര്‍ച്ച് 31 വരെ (2026-2027) വാടകയ്ക്ക് കരാര്‍ അടിസ്ഥാനത്തില്‍ വാഹനം എടുക്കുന്നതിന് ടെൻഡര്‍ ക്ഷണിച്ചു. കൂടുതൽ വിവരങ്ങൾക്ക്:

ഫോണ്‍:  8714621992

ഇമെയില്‍: dpoidk11@gmail.com

മാനന്തവാടി ഗവ. കോളേജിൽ ഇം ഗ്ലീഷ് വിഷയത്തിൽ ഗസ്റ്റ് അധ്യാപക ഒഴിവുണ്ട്. കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടർ ഓഫീസ് തയ്യാറാക്കിയ പാനലിൽ ഉൾപ്പെട്ടവർ യോഗ്യതാ സർട്ടിഫിക്കറ്റുകളുടെ അസ്സലും ഒരു പകർപ്പുമായി മെയ് 13 രാവിലെ 10.30ന് കോളേജിൽ അഭിമുഖത്തിന് ഹാജരാവണം. ഫോൺ: 04935 240351, 9539596905

വനിത ശിശു വികസന വകുപ്പിന് കീഴിലെ അഴുത അഡീഷണല്‍ ഐസിഡിഎസ് പ്രോജക്ട് ഓഫീസിലേക്ക് വാഹന ടെൻഡർ കണിച്ചു.  ഒരു വര്‍ഷത്തേക്ക്  പ്രതിമാസം 1500 കിലോമീറ്റര്‍ ഓടുന്നതിന് പരമാവധി 35000/ രൂപ നിരക്കില്‍ ടാക്‌സി പെര്‍മിറ്റ് ഉള്ള കാര്‍/ജീപ്പ് കരാര്‍ അടിസ്ഥാനത്തില്‍ വാടകയ്ക്ക് നല്കു ന്നതിന് തയ്യാറുള്ള വ്യക്തികള്‍/സ്ഥാപനങ്ങള്‍ നിന്നും മത്സരസ്വഭാവമുള്ള ടെൻഡറുകള്‍ ക്ഷണിച്ചു. മെയ് 25 ഒരു മണി വരെ ടെൻഡർ ഫോം സമർപ്പിക്കാം. അന്നേ ദിവസം 2.30 ന് ടെൻഡർ തുറന്ന് പരിശോധിക്കും.  കൂടുതൽ വിവരങ്ങൾക്ക് അഴുത അഡീഷണൽ ഐസിഡിഎസ് പ്രൊജക്ട് ഓഫീസിൽ പ്രവൃത്തി ദിവസങ്ങളിൽ നേരിട്ട് ബന്ധപ്പെടാം. ഫോൺ: 04869252030, 9746540439

സംസ്ഥാന സര്‍ക്കാർ തൊഴിൽ വകുപ്പിന് കീഴിലുള്ള സ്വയംഭരണ സ്ഥാപനമായ കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്മെന്റ് (കിലെ) നടത്തുന്ന തിരുവനന്തപുരം കിലെ-ഐ.എ.എസ് അക്കാഡമിയില്‍ 2026-2027 വര്‍ഷത്തെ വിവിധ സിവില്‍ സര്‍വീസ് പരീക്ഷ പരിശീലനങ്ങള്‍ക്കായുള്ള രജിസ്‌ട്രേഷന്‍ ആരംഭിച്ചു. ഒരു വര്‍ഷം ദൈര്‍ഘ്യമുള്ള റഗുലര്‍ ഓണ്‍ലൈന്‍ / ഓഫ് ലൈന്‍ ബാച്ച്, ഓണ്‍ലൈന്‍ ഫൌണ്ടേഷന്‍ ബാച്ച്, റിപ്പീറ്റേഴ്‌സ് ബാച്ച്, മെയിന്‍സ് ബാച്ച്, എന്നിങ്ങനെ വിവിധ പരിശീലനങ്ങള്‍ക്ക് ചുവടെയുള്ള ക്യൂ ആര്‍ കോഡ് സ്‌കാന്‍ ചെയ്ത് സൌജന്യമായി രജിസ്റ്റര്‍ ചെയ്യാവുന്നതാണ്.

മേപ്പാടി കുടുംബാരോഗ്യ കേന്ദ്രത്തിലെ ഈവനിങ് ഒ.പിയിൽ ഒഴിവുള്ള അസിസ്റ്റന്റ് സർജൻ തസ്തികയിലേക്ക് താത്കാലികാടിസ്ഥാനത്തിൽ നിയമനം നടത്തുന്നു. താത്പര്യമുള്ളവർ അസ്സൽ സർട്ടിഫിക്കറ്റുകളുമായി മെയ് 20 രാവിലെ 11ന് മേപ്പാടി കുടുംബാരോഗ്യ കേന്ദ്രം ഓഫീസിൽ എത്തണം. ഫോൺ: 04936 282854.

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ ജില്ലയില്‍  മെയ് 2, 16, 23, 30 തീയതികളില്‍ പീരുമേട് ഇന്‍ഡസ്ട്രിയല്‍ ട്രൈബ്യൂണല്‍ ഓഫീസിലും 26 ന്  തൊടുപുഴ കോടതി കോംപ്ലക്‌സിലും സിറ്റിംഗ് നടത്തും. മറ്റു പ്രവൃത്തിദിനങ്ങളില്‍ ആസ്ഥാനത്തും തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും. വിശദവിവരങ്ങള്‍ക്ക്: 0474-2792892.