നിയമസഭ തിരഞ്ഞെടുപ്പുമായി ബന്ധപ്പെട്ട്  ജില്ലയില്‍ ആന്റി ഡീഫേയ്‌സ്‌മെന്റ് സ്‌ക്വാഡിന്റെ നേതൃത്വത്തില്‍ ഇതുവരെ (മാര്‍ച്ച് 31) നീക്കം ചെയ്തത് 17,574 പ്രചാരണ സാമഗ്രികള്‍. 14,147 പോസ്റ്റര്‍, 1128 ബാനര്‍, 2299 മറ്റ് പ്രചരണ ബോര്‍ഡ് എന്നിവയാണ് നീക്കം ചെയ്തത്. മാതൃക പെരുമാറ്റച്ചട്ടം നോഡല്‍ ഓഫീസര്‍ ഡി എം ഡെപ്യൂട്ടി കലക്ടര്‍ ജി സുരേഷ് ബാബു, അസിസ്റ്റന്റ് നോഡല്‍ ഓഫീസര്‍ കിഫ്ബി സ്‌പെഷ്യല്‍ തഹസില്‍ദാര്‍ ജി ആനന്ദ് എന്നിവരുടെ മേല്‍നോട്ടത്തിലാണ് സ്‌ക്വാഡിന്റെ പ്രവര്‍ത്തനം.

നിയമസഭാ തിരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ടലംഘനം ശ്രദ്ധയില്‍പെട്ടാല്‍ പൊതുജനങ്ങള്‍ക്ക് പരാതിപ്പെടാനുള്ള സി-വിജില്‍  മൊബൈല്‍ ആപ്പ് വഴി പത്തനംതിട്ട ജില്ലയില്‍ ഇന്നലെ (ഏപ്രില്‍ ഒന്ന്) വരെ ലഭിച്ചത് 8209 പരാതി. 8197 പരാതിക്ക് നടപടി സ്വീകരിച്ചു. ജില്ലാ കണ്‍ട്രോള്‍ റൂമില്‍ സി വിജില്‍ ആപ്പ് മുഖേനെ ലഭ്യമാകുന്ന പരാതി  ബന്ധപ്പെട്ട ഫീല്‍ഡ് യൂണിറ്റിലേയ്ക്ക് കൈമാറി 100 മിനിറ്റിനുള്ളില്‍ പരിഹാരം കാണുന്ന വിധത്തിലാണ് ആപ്പ് ക്രമീകരിച്ചിട്ടുള്ളത്. തിരഞ്ഞെടുപ്പ് പെരുമാറ്റച്ചട്ട ലംഘനവുമായി ബന്ധപ്പെട്ട വിവരം സി-വിജില്‍ സംവിധാനത്തിലൂടെ അറിയിക്കാം.

ജില്ലയില്‍ ചൂട് ക്രമാതീതമായി ഉയരുന്ന സാഹചര്യത്തില്‍ സൂര്യാഘാതം സൂര്യാതാപം, നിര്‍ജലീകരണം തുടങ്ങിയ ആരോഗ്യ പ്രശ്നത്തിന് സാധ്യതയുള്ളതിനാല്‍ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. അനിതകുമാരി അറിയിച്ചു. പകല്‍ സമയത്ത് പ്രചാരണം ഉള്‍പ്പെടെയുള്ള പ്രവര്‍ത്തനത്തില്‍ ഏര്‍പ്പെടുമ്പോള്‍ നേരിട്ടുള്ള സൂര്യപ്രകാശം ഏല്‍ക്കാനും സൂര്യാഘാതം പോലുള്ള ആരോഗ്യ പ്രശ്നം ഉണ്ടാകാനും ഇടയുണ്ട്. നേരിട്ട് സൂര്യപ്രകാശം ഏല്‍ക്കാത്ത ആവശ്യത്തിന് സഞ്ചാരമുള്ള സ്ഥലത്ത് യോഗം നടത്തണം. യോഗം നടക്കുന്ന ഇടത്ത് ശുദ്ധമായ കുടിവെള്ളം ഉറപ്പാക്കണം.

ജില്ലയിലെ അര്‍ഹരായ എല്ലാ സമ്മതിദായകരെയും ജനാധിപത്യ പ്രക്രിയയുടെ ഭാഗമാക്കുമെന്ന്

ജില്ലയിലെ കോന്നി, റാന്നി മണ്ഡലങ്ങളിലെ നിയമസഭാ തിരഞ്ഞെടുപ്പ് പൊതു നിരീക്ഷകയായി
ന്യൂഡല്‍ഹി, ത്രിപുര ഭവന്‍ സ്പെഷ്യല്‍ റസിഡന്റ് കമ്മീഷണര്‍ ബ്രംനീത് കൗര്‍ ചുമതലയേറ്റു.
പൊതുജനങ്ങള്‍ക്കും രാഷ്ട്രീയ പാര്‍ട്ടി പ്രതിനിധികള്‍ക്കും തിരഞ്ഞെടുപ്പ് സംബന്ധിച്ച പരാതി അഴൂര്‍ സര്‍ക്കാര്‍ അതിഥി മന്ദിരത്തിലെ നിരീക്ഷകയുടെ ഓഫീസില്‍ നേരിട്ട് രാവിലെ 10 മുതല്‍ 11 വരെ അറിയിക്കാം.  ഇ-മെയില്‍ : generalrannikonni@gmail.com. ഫോണ്‍: 8590645258

ഫോം 12 ല്‍ അപേക്ഷിച്ച തിരഞ്ഞെടുപ്പ് ജോലിക്ക് നിയമിച്ച പോളിങ് ഉദ്യോഗസ്ഥര്‍ക്ക് അതാത് കേന്ദ്രങ്ങളിലെത്തി (ഏപ്രില്‍ ഒന്ന് ) മുതല്‍ ഏപ്രില്‍ ഏഴ് വരെ പോസ്റ്റല്‍ വോട്ട് ചെയ്യാം.

കേന്ദ്രങ്ങള്‍

തിരുവല്ല - സെന്റ് മേരീസ് കോളജ് ഫോര്‍ വുമണ്‍, പാലിയക്കര, തിരുവല്ല
റാന്നി - സെന്റ് തോമസ് കോളജ്, റാന്നി
ആറന്മുള - കാതോലിക്കേറ്റ് കോളജ്, പത്തനംതിട്ട
കോന്നി - എന്‍എസ്എസ് ട്രെയിനിങ് കോളജ്, കോന്നി
അടൂര്‍ - സര്‍ക്കാര്‍ ബോയ്‌സ് എച്ച്എസ്എസ്, അടൂര്‍
 

* 41962 പ്രവാസി വോട്ടര്‍മാര്‍

* 1,11,463 കന്നി വോട്ടര്‍മാര്‍

* 4,168 വോട്ടര്‍മാര്‍ 85 വയസ്സിന് മുകളില്‍

* 29,796 ഭിന്നശേഷി വോട്ടര്‍മാര്‍

നിയമസഭാ തെരഞ്ഞെടുപ്പില്‍ ജില്ലയില്‍ ആകെ 36,32,210 വോട്ടര്‍മാര്‍. ഇതില്‍ 18,19,198 പുരുഷന്‍മാരും 18,12,974 സ്ത്രീകളും 38 ട്രാന്‍സ്ജെന്‍ഡര്‍ വോട്ടര്‍മാരും ഉള്‍പ്പെടുന്നു. ഏറ്റവും കൂടുതല്‍ വോട്ടര്‍മാരുള്ളത് തിരൂര്‍ മണ്ഡലത്തിലാണ്. 2,55,441 പേര്‍. ഏറ്റവും കുറവ് വോട്ടര്‍മാരുള്ള മണ്ഡലം ഏറനാട് 1,99,556 ആണ്. വോട്ടര്‍മാരുടെ എണ്ണത്തില്‍ രണ്ടാമത് വണ്ടൂരും 2,47,184 മൂന്നാമത് കോട്ടക്കലു(2,43,01)മാണ്.

പത്തനംതിട്ട  എസ് ബി ഐ  ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ആറ് ദിവസത്തെ സൗജന്യ ചുരിദാര്‍ കട്ടിങ് ആന്‍ഡ് സ്റ്റിച്ചിംഗ്  വിത്ത് നൈറ്റി കട്ടിങ് ആന്‍ഡ് സ്റ്റിച്ചിംഗ് എന്നിവയുടെ പരിശീലനം  ഏപ്രില്‍ ആറിന് തുടങ്ങും. പ്രായപരിധി 19-49. ഫോണ്‍ :  0468 2270243, 04682992293, 8330010232..
 

കലാലയങ്ങളില്‍ പരിസ്ഥിതി സൗഹൃദമായ തിരഞ്ഞെടുപ്പ് രീതി പ്രോത്സാഹിപ്പിക്കുന്നതിന്റെ ഭാഗമായി പന്തളം എന്‍.എസ്.എസ് കോളജില്‍ ഗ്രീന്‍ ബട്ടണ്‍ സിഗ്‌നേച്ചര്‍ കാമ്പയിന്‍ സംഘടിപ്പിച്ചു. കോളജിലെ നാഷണല്‍ സര്‍വീസ് സ്‌കീമിന്റെയും ശുചിത്വമിഷന്റെയും സംയുക്താഭിമുഖ്യത്തിലാണ് പരിപാടി നടന്നത്.

നിയമസഭ തിരഞ്ഞെടുപ്പുമായി ബന്ധപ്പെട്ട്  ജില്ലയില്‍ ആന്റി ഡീഫേയ്‌സ്‌മെന്റ് സ്‌ക്വാഡിന്റെ നേതൃത്വത്തില്‍ ഇതുവരെ (മാര്‍ച്ച് 29) നീക്കം ചെയ്തത് 14,847 പ്രചാരണ സാമഗ്രികള്‍. 12,294 പോസ്റ്റര്‍,  891 ബാനര്‍, 1662 മറ്റ് പ്രചരണ ബോര്‍ഡ് എന്നിവയാണ് നീക്കം ചെയ്തത്. മാതൃക പെരുമാറ്റച്ചട്ടം നോഡല്‍ ഓഫീസര്‍ ഡി എം ഡെപ്യൂട്ടി കലക്ടര്‍ ജി സുരേഷ് ബാബു, അസിസ്റ്റന്റ് നോഡല്‍ ഓഫീസര്‍ കിഫ്ബി സ്‌പെഷ്യല്‍ തഹസില്‍ദാര്‍ ജി ആനന്ദ് എന്നിവരുടെ മേല്‍നോട്ടത്തിലാണ് സ്‌ക്വാഡിന്റെ പ്രവര്‍ത്തനം.