നിയമസഭാ തെരഞ്ഞെടുപ്പില്‍ മലപ്പുറം ജില്ലയില്‍ ഉപയോഗിക്കാനുള്ള ഇലക്ട്രോണിക് വോട്ടിങ് യന്ത്രങ്ങളുടെ (ഇ.വി.എം) കമ്മീഷനിങ് ജില്ലയിലെ വിവിധ കേന്ദ്രങ്ങളിലായി ആരംഭിച്ചു. ജില്ലയിലെ 16 മണ്ഡലങ്ങളുടെയും സ്വീകരണ-വിതരണ കേന്ദ്രങ്ങളിലാണ് ഇ.വി.എം കമ്മീഷനിങ് ഇന്ന് നടന്നത്. നാളെയും (വ്യാഴം) കമ്മീഷനിങ് തുടരും. അതത് നിയമസഭാ മണ്ഡലങ്ങളുടെ ചുമതലയുള്ള റിട്ടേണിങ് ഓഫീസര്‍, അസിസ്റ്റന്റ് റിട്ടേണിങ് ഓഫീസര്‍ എന്നിവരുടെ നേതൃത്വത്തില്‍ രാഷ്ട്രീയ പാര്‍ട്ടി പ്രതിനിധികളുടെ സാന്നിധ്യത്തിലാണ് കമ്മിഷനിങ് നടന്നത്.

നിയമസഭ തെരഞ്ഞെടുപ്പില്‍ വോട്ട് ചെയ്യാന്‍ എത്തുന്ന വോട്ടര്‍മാരുടെ മൊബൈല്‍ ഫോണ്‍ സൂക്ഷിക്കുന്ന ചുമതല കുടുംബശ്രീ വോളണ്ടിയര്‍മാര്‍ക്ക്. ജില്ലാ കളക്ടര്‍ വിനയ് ഗോയലിന്റെ ചേംബറില്‍ ചേര്‍ന്ന യോഗത്തിലാണ് മലപ്പുറം ജില്ലയിലെ 3689 ബൂത്തുകളിലും വോളണ്ടിയര്‍മാരുടെ സേവനം കുടുംബശ്രീ മെമ്പര്‍മാര്‍ മുഖേന ഏര്‍പ്പെടുത്താന്‍ തീരുമാനിച്ചത്. കുടുംബശ്രീയാണ് ഭിന്നശേഷിക്കാര്‍ക്കും വയോജനങ്ങള്‍ക്കും ഗര്‍ഭിണികള്‍ക്കും സേവനം നല്‍കുന്നത്.

പെരുമാറ്റച്ചട്ട ലംഘനവുമായി ബന്ധപ്പെട്ട് ജില്ലയില്‍ പൊതുജനങ്ങള്‍ക്ക് പരാതി നല്‍കാവുന്ന സി വിജില്‍ ആപ്പിലൂടെ  ബന്ധപ്പെട്ട് മാര്‍ച്ച്  25 മുതല്‍ 31 വരെ ലഭിച്ചത് 11654 പരാതികള്‍. 11623 പരാതികള്‍ പരിഹരിച്ചു. ഏറ്റവും കൂടുതല്‍ പരാതികള്‍ ലഭിച്ചത് കോട്ടക്കല്‍ മണ്ഡലത്തിലാണ് 1284 എണ്ണം. കൊണ്ടോട്ടി മണ്ഡലത്തിലാണ് കുറവ് പരാതികള്‍ ലഭിച്ചത്, 247 എണ്ണം.

നിയമസഭാ തെരഞ്ഞെടുപ്പിന്റെ മാതൃകാ പെരുമാറ്റച്ചട്ട ലംഘനം കര്‍ശനമായി തടയാന്‍ ജില്ലയില്‍ ആന്റി ഡീഫേസ്‌മെന്റ് സ്‌ക്വാഡ് പരിശോധന തുടരുന്നു. ഇതിന്റെ ഭാഗമായി ഇതുവരെ പൊതുഇടങ്ങളിലും സ്വകാര്യ വ്യക്തികളുടെ സ്ഥലങ്ങളിലുമായി അനധികൃതമായി സ്ഥാപിച്ച 53,257 പ്രചാരണ സാമഗ്രികള്‍ നീക്കം ചെയ്തു.

ഫോം 12 ഡി യില്‍ അപേക്ഷിച്ച അവശ്യസേവന വിഭാഗത്തില്‍പ്പെട്ട വകുപ്പില്‍ നിന്നും തിരഞ്ഞെടുപ്പ് ജോലിക്ക് നിയുക്തരായ ഉദ്യോഗസ്ഥര്‍ക്ക്  (മാര്‍ച്ച് 31) മുതല്‍ ഏപ്രില്‍ ആറ് വരെ സെന്ററുകളില്‍ എത്തി വോട്ട് രേഖപ്പെടുത്താം.

നിയമസഭ തിരഞ്ഞെടുപ്പുമായി ബന്ധപ്പെട്ട് പൊതുജനങ്ങള്‍ക്ക്് പരാതി അറിയിക്കുന്നതിനും തിരഞ്ഞെടുപ്പ് നടപടി സുതാര്യമായി നടപ്പാക്കുന്നതിനും ജില്ല തലത്തില്‍ സമഗ്ര പരാതി പരിഹാര സംവിധാനം സജ്ജം. പരാതിക്കും അന്വേഷണത്തിനും കോള്‍ സെന്ററുമായി ബന്ധപ്പെടണം. ടോള്‍ ഫ്രീ നമ്പര്‍ : 1800 233 7861
 

നിയമസഭ തിരഞ്ഞെടുപ്പുമായി ബന്ധപ്പെട്ട് ജില്ലയിലെ വിവിധ പോളിങ് ബൂത്തുകളിലേക്ക് 650 വെബ് കാസ്റ്റിംഗ് ഓപ്പറേറ്റര്‍മാരെ ആവശ്യമുണ്ട്. ഏപ്രില്‍ ഒമ്പതിന് നടക്കുന്ന തിരഞ്ഞെടുപ്പില്‍ പോളിംഗ് ബൂത്തുകളില്‍ സ്ഥാപിച്ചിട്ടുള്ള കാമറയുടെ പ്രവര്‍ത്തനം നിരീക്ഷിക്കുകയാണ് ജോലി.  പോളിങ് സമയവും തിരഞ്ഞെടുപ്പ് തലേദിവസം രണ്ട് മണിക്കൂര്‍ ട്രയല്‍ വെബ് കാസ്റ്റിംഗിനും ഹാജരാകണം. 18 വയസ് പൂര്‍ത്തിയായ, പ്ലസ് ടു യോഗ്യതയുള്ള സ്മാര്‍ട്ട് ഫോണ്‍ കൈവശമുള്ളവര്‍ക്ക് അപേക്ഷിക്കാം.
വേതനമായി 1000 രൂപ ലഭിക്കും. ഫോണ്‍ : 9946479009 /9446911812

ജില്ലയിലെ കോന്നി, റാന്നി മണ്ഡലങ്ങളിലെ നിയമസഭാ തിരഞ്ഞെടുപ്പ് പൊതു നിരീക്ഷകയായി
ന്യൂഡല്‍ഹി, ത്രിപുര ഭവന്‍ സ്‌പെഷ്യല്‍ റസിഡന്റ് കമ്മീഷണര്‍ ബ്രംനീത് കൗര്‍ ചുമതലയേറ്റു.

നിയമസഭാ പൊതുതിരഞ്ഞെടുപ്പിനോടനുബന്ധിച്ച് ജില്ലയിലെ വിവിധ കേന്ദ്രങ്ങളിൽ നടന്ന ഇവിഎം കമ്മീഷനിം​ഗ് പൂർത്തിയായി.

വിവിധ മണ്ഡലങ്ങളിലെ ഇവിഎം കമ്മീഷനിംഗ് നടന്ന കേന്ദ്രങ്ങൾ

തിരുവനന്തപുരം- കാർത്തിക തിരുനാൾ ഗവ.വി.എച്ച്.എസ്.എസ്, മണക്കാട്

വാമനപുരം- മോഹൻദാസ് എഞ്ചിനീയറിംഗ് കോളേജ്, ആനാട്

ചിറയിൻകീഴ് ഗവ. കോളേജ്, ആറ്റിങ്ങൽ

കഴക്കൂട്ടം-നാലാഞ്ചിറ സര്‍വോദയ വിദ്യാലയ ഐസിഎസ്ഇ സ്‌കൂള്‍

വര്‍ക്കല-വര്‍ക്കല എസ്.എന്‍ കോളേജ്

പാറശ്ശാല-പാറശ്ശാല ഗവ.ജി.എച്ച്.എസ്.എസ്

ആറ്റിങ്ങല്‍- ഗവ.ബോയ്‌സ് എച്ച്.എസ്.എസ് ആറ്റിങ്ങല്‍

വട്ടിയൂര്‍ക്കാവ്- കേന്ദ്രീയ വിദ്യാലയ, പട്ടം

വോട്ടേഴ്‌സ് ബോധവത്കരണത്തിന്റെ ഭാഗമായി ചീഫ് ഇലക്ഷൻ കമ്മിഷൻ കേരളയുടെ ആഭിമുഖ്യത്തിൽ കോവളം കടൽത്തീരത്ത് മണൽ ശില്പം ഒരുക്കി.

സ്വീപ്‌ നോഡൽ ഓഫീസറും അസിസ്റ്റന്റ് കളക്ടറുമായ ഡോ ശിവശക്തിവേൽ സി ഉദ്ഘാടനം ചെയ്തു. ദീപക് മൗത്താട്ടിൽ ആണ് മണൽ ശില്പം തയ്യാറാക്കിയത്.
 
ഡി.എൽ.എസ്.എ അവതരിപ്പിച്ച നാടകവും  റോഷിൻ ദാസും നോയലും അവതരിപ്പിച്ച സംഗീത നിശയും അരങ്ങേറി.