പട്ടികവര്‍ഗ്ഗ വികസന വകുപ്പിന് കീഴില്‍ വെളിയന്തോട് പ്രവര്‍ത്തിക്കുന്ന ഇന്ദിരാഗാന്ധി മെമ്മോറിയല്‍ മോഡല്‍ റസിഡന്‍ഷ്യല്‍ സ്‌കൂളില്‍ ഡ്രൈവര്‍ കം ഓഫീസ് അറ്റന്‍ഡന്റ് തസ്തികയിലേക്ക് താത്ക്കാലിക നിയമനം നടത്തുന്നതിനുള്ള അഭിമുഖം ജൂലൈ 28 ന് രാവിലെ 10.30 ന് നടക്കും.  ദിവസവേതനാടിസ്ഥാനത്തിലാണ് നിയമനം. പി.എസ്.സി നിഷ്‌കര്‍ഷിക്കുന്ന യോഗ്യതയുള്ളവര്‍ക്ക് അപേക്ഷിക്കാം.  താത്പര്യമുള്ള ഉദ്യോഗാര്‍ത്ഥികള്‍ യോഗ്യത, പ്രവൃത്തിപരിചയം, ജാതി എന്നിവ തെളിയിക്കുന്ന ഒറിജിനല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിനെത്തണം. ഫോണ്‍: 9446388895, 9947299075.

ഇടപ്പള്ളി ഗവ. ഐ.ടി.ഐയിൽ അഡ്മിഷൻ ആരംഭിച്ചു

പട്ടികജാതി വികസന വകുപ്പിന് കീഴിലുള്ള ഇടപ്പള്ളി ഗവൺമെന്റ് ഐ.ടി.ഐയിൽ അഡ്മിഷൻ ആരംഭിച്ചു. എൻ.സി.വി.ടി അഫിലിയേഷനുള്ള മോട്ടോർ വെഹിക്കിൾ മെക്കാനിക്,  വെൽഡർ എന്നീ കോഴ്‌സുകളിലേക്കാണ് പ്രവേശനം.താല്പര്യമുള്ളവർക്ക് scdditiadmission.kerala.gov.in എന്ന ലിങ്ക് വഴിയോ സ്ഥാപനത്തിൽ നേരിട്ടെത്തിയോ ഓൺലൈനായി അപേക്ഷ സമർപ്പിക്കാം.പഠനം പൂർണ്ണമായും സൗജന്യമാണ്. കൂടുതൽ വിവരങ്ങൾക്ക് 9447991174, 9446977762 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.

മലബാര്‍ സ്പെഷ്യല്‍ പോലീസ് (എം.എസ്.പി) ക്യാംപില്‍ ക്യാംപ് ഫോളോവര്‍മാരുടെ ജനറല്‍ വിഭാഗത്തിലെ നിലവിലുള്ള ഒഴിവുകളിലേക്ക് 59 ദിവസത്തേക്ക് ദിവസവേതനാടിസ്ഥാനത്തില്‍ താത്ക്കാലിക നിയമനം നടത്തുന്നതിനുള്ള അഭിമുഖവും പ്രായോഗിക പരീക്ഷയും ജൂലൈ 21 ന് രാവിലെ 10 ന്  കമാന്‍ഡന്റ് ഓഫീസില്‍ നടക്കും. താത്പര്യമുള്ളവര്‍ അപേക്ഷ, പ്രവൃത്തി പരിചയ സര്‍ട്ടിഫിക്കറ്റ്, ആധാര്‍ കാര്‍ഡിന്റെ പകര്‍പ്പ്, ബാങ്ക് അക്കൗണ്ട് പാസ്ബുക്കിന്റെ പകര്‍പ്പ് എന്നിവ സഹിതം ഹാജരാകണം. ഫോണ്‍- 04832734921.
 

അരീക്കോട് ഗവ. ഇന്‍ഡസ്ട്രിയല്‍ ട്രെയിനിംഗ് ഇന്‍സ്റ്റിറ്റ്യൂട്ടില്‍ ഡിപ്ലോമ ഇന്‍ ഓയില്‍ ആന്‍ഡ് ഗ്യാസ് ടെക്നോളജി കോഴ്സിലേക്ക് അപേക്ഷ ക്ഷണിച്ചു. എസ്.എസ്.എല്‍.സി., പ്ലസ് ടു, ഡിഗ്രി, ഡിപ്ലോമ എന്നിവയാണ് അപേക്ഷിക്കാനുള്ള യോഗ്യത. ഫോണ്‍-9526415698, 8086415698.

ലോക യുവജന നൈപുണ്യ ദിനത്തോടനുബന്ധിച്ച് തവനൂര്‍ അസാപ് കേരള കമ്മ്യൂണിറ്റി സ്‌കില്‍ പാര്‍ക്കിന്റെ നേതൃത്വത്തില്‍ വിപുലമായ ആഘോഷ പരിപാടികള്‍ സംഘടിപ്പിച്ചു. അഡ്വ. വി.എസ്. ജോയ് എം.എല്‍.എ.പരിപാടി ഉദ്ഘാടനം ചെയ്തു. ആധുനിക തൊഴില്‍ മേഖലകളില്‍ യുവജനങ്ങള്‍ക്ക് ആവശ്യമായ നൈപുണ്യ വികസനത്തിന്റെ പ്രാധാന്യത്തെക്കുറിച്ചും യുവതലമുറയെ സ്വയംപര്യാപ്തരാക്കുന്നതില്‍ അസാപ് കേരള വഹിക്കുന്ന നിര്‍ണായക പങ്കിനെക്കുറിച്ചും അദ്ദേഹം ഉദ്ഘാടന പ്രസംഗത്തില്‍ വ്യക്തമാക്കി.

വൈവിധ്യങ്ങളെയും എല്ലാവരെയും ഉള്‍ക്കൊള്ളുന്ന സമത്വ മനോഭാവത്തെയും ഉയര്‍ത്തിപ്പിടിച്ച് വേറിട്ട ഫുട്‌ബോള്‍ മത്സരം ജൂലൈ 18 ന് മലപ്പുറം ലെജന്‍ഡ് സോക്കര്‍ ക്ലബ്ബ് ടര്‍ഫില്‍ വൈകുന്നേരം നാലിന് അരങ്ങേറും. 'ആക്‌സസ് ഈസ് ദി ഗോള്‍' എന്ന പ്രമേയത്തില്‍ മലപ്പുറം സിവില്‍ സ്റ്റേഷന്‍ ആസ്ഥാനമാക്കി പ്രവര്‍ത്തിക്കുന്ന ചാരിറ്റബിള്‍ സൊസൈറ്റിയായ ആക്‌സസ് മലപ്പുറവും മലപ്പുറം ജില്ലാ ഭരണകൂടവും സംയുക്തമായാണ് ഈ ഇന്‍ക്ലൂസിവ് ഫുട്‌ബോള്‍ മത്സരം സംഘടിപ്പിക്കുന്നത്.

ഫുട്‌ബോള്‍ ലോകകപ്പിന്റെ ആവേശത്തെ മാലിന്യ തരംതിരിക്കല്‍ ബോധവത്ക്കരണവുമായി സമന്വയിപ്പിച്ച് മലപ്പുറം ജില്ലാ ശുചിത്വ മിഷന്‍ സംഘടിപ്പിച്ച അടിക്കാം സെഗ്രിഗേഷന്‍ ഗോള്‍ ചലഞ്ച് മത്സരം പെരിന്തല്‍മണ്ണ അല്‍ ജാമിയ ആര്‍ട്‌സ് ആന്‍ഡ് സയന്‍സ് കോളേജില്‍ സംഘടിപ്പിച്ചു. പെരിന്തല്‍മണ്ണ സബ് കളക്ടര്‍ സാക്ഷി മോഹന്‍ ഉദ്ഘാടനം ചെയ്തു. ശാസ്ത്രീയ മാലിന്യ സംസ്‌കരണത്തിനും ഉറവിട മാലിന്യ തരംതിരിക്കലിനും യുവജനങ്ങളുടെ പങ്കാളിത്തം അനിവാര്യമാണെന്നും കളിയിലൂടെ സന്ദേശങ്ങള്‍ സമൂഹത്തിലേക്ക് എത്തിക്കുന്ന ഇത്തരം നവീന മാതൃകകള്‍ മികച്ച സാമൂഹിക മാറ്റങ്ങള്‍ക്ക് വഴിയൊരുക്കുമെന്നും സബ് കളക്ടര്‍ പറഞ്ഞു.

നഗരത്തില്‍ മികച്ച അടിസ്ഥാനസൗകര്യങ്ങള്‍ ഒരുക്കുക എന്ന ലക്ഷ്യത്തോടെ നടപ്പിലാക്കുന്ന സിറ്റി ഇംപ്രൂവ്മെന്റ് പ്രോജക്ടിന്റെ രണ്ടാംഘട്ട അവലോകന യോഗം നാളെ (വെള്ളി) രാവിലെ 10.30 ന് മലപ്പുറം പി.ഡബ്ല്യു.ഡി ഗസ്റ്റ് ഹൗസില്‍ നടക്കും. വ്യവസായ-ഐടി വകുപ്പ് മന്ത്രി പി. കെ. കുഞ്ഞാലിക്കുട്ടി, പൊതുമരാമത്ത് വകുപ്പ് മന്ത്രി പി.കെ.ബഷീര്‍ എന്നിവരുടെ നേതൃത്വത്തിലാണ് യോഗം വിളിച്ചുചേര്‍ത്തിട്ടുള്ളത്. മുന്‍ മലപ്പുറം ജില്ലാ കളക്ടര്‍ വി.ആര്‍. വിനോദ്, വിവിധ വകുപ്പുകളിലെ ഉന്നത ഉദ്യോഗസ്ഥര്‍ എന്നിവര്‍ യോഗത്തില്‍ പങ്കെടുക്കും.