കല, സാഹിത്യം, വിദ്യാഭ്യാസം, കായികം, വൈദ്യശാസ്ത്രം, സാമൂഹിക പ്രവർത്തനം, ശാസ്ത്രം, എൻജിനീയറിംഗ്, പൊതുകാര്യങ്ങൾ, സിവിൽ സർവ്വീസ്, വ്യാപാരം, വ്യവസായം തുടങ്ങിയ എല്ലാ മേഖലകളിലും മികച്ചതും അസാധാരണവുമായ നേട്ടങ്ങൾ കൈവരിച്ചവർക്കായി കേന്ദ്ര സർക്കാർ ഏർപ്പെടുത്തിയിട്ടുള്ള പദ്മ അവാർഡ്-2027ന് നാമനിർദ്ദേശം ക്ഷണിച്ചു. നിർദ്ദിഷ്ട മാനദണ്ഡപ്രകാരം ഓൺലൈൻ ആയി നാമനിർദ്ദേശം ലഭ്യമാക്കേണ്ട അവസാന തീയതി ജൂലൈ 31. കൂടുതൽ വിവരങ്ങൾ കേന്ദ്ര സർക്കാരിന്റെ www.awards.gov.in എന്ന വെബ് സൈറ്റിൽ ലഭിക്കും.
 

​ജില്ലാ പഞ്ചായത്തും റോട്ടറി ഡിസ്ട്രിക്റ്റ് 3205-ഉം റോട്ടറി ക്ലബ് ഓഫ് കളമശ്ശേരിയും സംയുക്തമായി സംഘടിപ്പിക്കുന്ന സൗജന്യ മെക്കാനിക്കൽ കൃത്രിമ കൈ വിതരണ ക്യാമ്പ് ഇന്ന് (ജൂൺ 30 ) ജില്ലാ പഞ്ചായത്ത് ഹാളിൽ നടക്കും. 

സംസ്ഥാനത്തെ സർക്കാർ/ എയ്ഡഡ്/ അംഗീകൃത അൺഎയ്ഡഡ്/സി.ബി.എസ്.ഇ, ഐ.സി.എസ്.ഇ. അഫിലിയേറ്റഡ് സ്‌കൂളുകളിൽ ഒന്നു മുതൽ 10 വരെ ക്ലാസ്സുകളിലെ വിദ്യാർഥികളുടെ 2026-27 അധ്യയന വർഷത്തെ ഒ.ഇ.സി./ഒ.ബി.സി. (എച്ച്) പ്രീമെട്രിക് വിദ്യാഭ്യാസാനുകൂല്യങ്ങളുമായി ബന്ധപ്പെട്ട അപേക്ഷ വിദ്യാർഥികളിൽ നിന്ന് സ്വീകരിച്ച് സ്‌കൂൾ അധികൃതർക്ക് ഇ ഗ്രാന്റ്സ് മുഖേന ഓൺലൈൻ ഡാറ്റാ എൻട്രി നടത്തുന്നതിനുള്ള അവസാന തീയതി ജൂലൈ 27 വരെ നീട്ടി. ഇതു സംബന്ധിച്ച സർക്കുലർ www.egrantz.kerala.gov.in എന്ന വെബ് സൈറ്റിൽ ലഭ്യമാണ്. കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പ് എറണാകുളം മേഖലാ ഓഫീസുമായി ബന്ധപ്പെടണം. ഫോൺ - 0484 2983130.

​രാജ്യപുരോഗതിക്കാവശ്യമായ പദ്ധതികൾ തയ്യാറാക്കുന്നതിലും യാഥാർത്ഥ്യങ്ങൾ തിരിച്ചറിയുന്നതിലും വിവരവിശകലനം വലിയ പങ്ക് വഹിക്കുന്നതായി കണ്ണൂർ സർവ്വകലാശാല വൈസ് ചാൻസലർ ഡോ. കെ.കെ. സാജു പറഞ്ഞു.

 20-ാമത് ദേശീയ സ്റ്റാറ്റിസ്റ്റിക്സ് ദിനാചരണത്തോടനുബന്ധിച്ച് സാമ്പത്തിക സ്ഥിതിവിവരക്കണക്ക് വകുപ്പ് ജില്ലാ കാര്യാലയം സംഘടിപ്പിച്ച പരിപാടിയിൽ മുഖ്യപ്രഭാഷണം നടത്തുകയായിരുന്നു അദ്ദേഹം. 

ജില്ലയിൽ വിദ്യാഭ്യാസ വകുപ്പിൽ എൽ.പി സ്‌കൂൾ ടീച്ചർ (കാറ്റഗറി നമ്പർ 663/2024) തസ്തികയ്ക്കായി 2025 ഒക്ടോബർ 10ന് നിലവിൽ വന്ന റാങ്ക് പട്ടികയിൽ നിന്ന് നിയമനശുപാർശ ചെയ്ത ഉദ്യോഗാർഥി ജോലിയിൽ പ്രവേശിച്ചതിനാൽ  2026 ജനുവരി 17ന് പൂർവ്വാഹ്നത്തിൽ നിലവിലില്ലാത്ത വിധം റാങ്ക് പട്ടിക റദ്ദാക്കിയതായി ജില്ലാ പി.എസ്.സി ഓഫീസർ അറിയിച്ചു.

*കേരള മീഡിയ അക്കാദമി 2026-27 ബിരുദാനന്തര ഡിപ്ലോമ ബാച്ചുകൾക്ക് തുടക്കമായി

മാധ്യമരംഗത്തേക്ക് കടന്നുവരുന്ന വിദ്യാർത്ഥികൾ അക്കാദമിക മികവിനൊപ്പം സാമൂഹിക പ്രതിബദ്ധതയും ഉയർത്തിപ്പിടിക്കണമെന്ന് എറണാകുളം ജില്ലാ കളക്ടർ ജി. പ്രിയങ്ക.

കേരള മീഡിയ അക്കാദമിയുടെ ജേണലിസം ആൻഡ് കമ്യൂണിക്കേഷൻ, ടി വി ജേണലിസം, പബ്ലിക് റിലേഷൻസ് ആൻഡ് അഡ്വർടൈസിംഗ് ബിരുദാനന്തര ഡിപ്ലോമ കോഴ്സുകളുടെ 47-ാം ബാച്ചിന്റെ ഉദ്ഘാടനം അക്കാദമി ഓഡിറ്റോറിയത്തിൽ നിർവഹിച്ചു സംസാരിക്കുകയായിരുന്നു ജില്ലാ കളക്ടർ.

​ജൂലൈ 6 മുതൽ 9 വരെ എറണാകുളത്ത് നടക്കുന്ന ബ്രിക്സ് വനിതാ-ശിശുക്ഷേമ മന്ത്രിമാരുടെ അന്താരാഷ്ട്ര സമ്മേളനത്തിന്റെ മുന്നൊരുക്കങ്ങൾ വിലയിരുത്തുന്നതിനായി കേന്ദ്ര സംഘത്തിൻ്റെ നേതൃത്വത്തിൽ ഉന്നതതല യോഗം ചേർന്നു.

കേന്ദ്ര വനിതാ ശിശു വികസന മന്ത്രാലയം അഡീഷണൽ സെക്രട്ടറി ​കാരലിൻ ഖോങ്വർ യോഗത്തിൽ അധ്യക്ഷത വഹിച്ചു.സംസ്ഥാന വനിതാ ശിശുവികസന വകുപ്പ് സെക്രട്ടറി ഡോ. ഷർമിള മേരി ജോസഫ് ഓൺ ലൈനായി പങ്കെടുത്തു.

സമ്മേളനത്തിന്റെ ഭാഗമായി മന്ത്രിതല ചർച്ചകൾ, പാനൽ സംവാദങ്ങൾ, പ്രദർശനമേള എന്നിവ സംഘടിപ്പിക്കും.

​

ജില്ലയിൽ എക്സൈസ് ആൻഡ് പ്രൊഹിബിഷൻ വകുപ്പിൽ സിവിൽ എക്സൈസ് ഓഫീസർ ഡ്രൈവർ(എച്ച്.ഡി.വി-കാറ്റഗറി നമ്പർ 386/2025) തസ്തികയിലേക്കുള്ള തെരഞ്ഞെടുപ്പിനായി 2026 ജൂൺ മൂന്നിന് പ്രസിദ്ധീകരിച്ച ചുരുക്കപ്പട്ടികയിൽ ഉൾപ്പെട്ട ഉദ്യോഗാർഥികൾക്കുള്ള ശാരീരിക അളവെടുപ്പും പ്രായോഗിക പരീക്ഷയും ജൂലൈ 21,22,23 തീയതികളിൽ രാവിലെ അഞ്ചു മുതൽ തൃക്കോതമംഗലം ഗവ. വി.എച്ച്.എസ്.എസ് ഗ്രൗണ്ടിൽ വച്ച് നടത്തുമെന്ന് ജില്ലാ പി.എസ്.സി ഓഫീസർ അറിയിച്ചു.

സ്പോട്ട് അഡ്മിഷൻ

​എറണാകുളം മഹാരാജാസ് കോളേജിൽ ജിയോളജി വിഭാഗത്തിൽ ബിരുദാനന്തര ബിരുദ  പ്രവേശനത്തിന് എല്ലാ വിഭാഗങ്ങളിലുമായി സീറ്റുകൾ ഒഴിവുണ്ട്.യോഗ്യത ജിയോളജിയിലുള്ള ബിരുദം. പ്രവേശനത്തിനായുള്ള സ്പോട്ട് അഡ്മിഷൻ ജൂൺ 29 തിങ്കളാഴ്ച രാവിലെ 10.30-ന് കോളേജിലെ ജി.എൻ.ആർ ഹാളിൽ നടക്കും. പ്രവേശനം നേടാൻ താല്പര്യമുള്ള അപേക്ഷകർ ആവശ്യമായ രേഖകളുമായി കോളേജിൽ നേരിട്ട് ഹാജരാകണം.

അഭിമുഖം  മാറ്റി

സംസ്ഥാനത്ത് മുൻഗണനാ (പിങ്ക്) വിഭാഗത്തിൽ നിലവിലുള്ള ഒഴിവുകളിലേക്ക് ഉൾപ്പെടുത്തുന്നതിനായി അർഹരായ മുൻഗണനേതര (വെള്ള, നീല) റേഷൻ കാർഡ് ഉടമകളിൽ നിന്നും അപേക്ഷകൾ ക്ഷണിച്ചു. അപേക്ഷകൾ  പൊതുജന സേവന കേന്ദ്രങ്ങൾ മുഖാന്തിരമോ അല്ലെങ്കിൽ ecitizen.civilsupplieskerala.gov.in എന്ന വെബ്‌സൈറ്റിലെ സിറ്റിസൺ ലോഗിൻ വഴിയോ ഓൺലൈനായി സമർപ്പിക്കണം.