കീം പരീക്ഷാ ഫലപ്രഖ്യാപനം നാളെ(27.06.2027)

കീം(KEAM) പ്രവേശന പരീക്ഷയുടെ ഫലം നാളെ പ്രഖ്യാപിക്കും
എറണാകുളം കളമശേരി, പത്തടിപാലം ഗവൺമെൻ്റ് റെസ്റ്റ് ഹൗസിൽ വെച്ച് ഉച്ചക്ക് ഒരു മണിക്ക്  ഉന്നത വിദ്യാഭ്യാസ വകുപ്പ് മന്ത്രി റോജി.എം.ജോൺ ഫലപ്രഖ്യാപനം നടത്തും.നേരത്തെ, ജൂൺ 22ന് ഫലം പ്രഖ്യാപിക്കാൻ തീരുമാനിച്ചിരുന്നെങ്കിലും സിബിഎസ്ഇ പുനർമൂല്യനിർണ്ണയത്തെ തുടർന്ന് മാർക്ക് ചേർക്കാൻ കൂടുതൽ സമയം തേടി വിദ്യാർത്ഥികളും, രക്ഷിതാക്കളും ഉന്നത വിദ്യാഭ്യാസ മന്ത്രിയെ സമീപിച്ചതിന് പിന്നാലെയാണ് പ്രഖ്യാപനം മാറ്റിയത്.

​പിണ്ടിമന, കോട്ടപ്പടി പഞ്ചായത്തുകളിലെ ജനവാസമേഖലകളിൽ നിരന്തരം പ്രവേശിച്ച് നാശനഷ്ടമുണ്ടാക്കിയ കാട്ടാനയെ മയക്കുവെടി വെച്ച് പിടികൂടി റേഡിയോ കോളർ ഘടിപ്പിച്ചു.

മലയാറ്റൂർ ഡിവിഷനിലെ കോടനാട് റേഞ്ച്, മേയ്ക്കാപ്പാല ഫോറസ്റ്റ് സ്റ്റേഷൻ പരിധിയിൽ ഏതാനും ആഴ്ചകളായി ഭീതിപരത്തിയ മോഴയാനയെയാണ് വനംവകുപ്പ് ഉദ്യോഗസ്ഥർ മയക്കുവെടി വെച്ച് ചികിൽസ നൽകിയ ശേഷം കരിമ്പാനി വനമേഖലയിലേക്ക് തിരിച്ചുവിട്ടത്.

​

ചീഫ് വൈൽഡ് ലൈഫ് വാർഡൻ്റെ അനുമതിയോടെ രൂപീകരിച്ച  വിദഗ്ദ്ധ സമിതിയുടെ ശുപാർശപ്രകാരമാണ് നടപടി.

താത്കാലിക നിയമനം

എറണാകുളം സർക്കാർ മെഡിക്കൽ കോളേജ് ആശുപത്രിയിലെ കാർഡിയോളജി വിഭാഗത്തിലേക്ക് ജൂനിയർ റസിഡന്റ് തസ്തികയിലേക്ക് താത്കാലിക നിയമനം നടത്തുന്നു. എം.ബി.ബി.എസ് (MBBS) യോഗ്യതയുള്ളവർക്കാണ് അവസരം.
താല്പര്യമുള്ള ഉദ്യോഗാർത്ഥികൾ വയസ്സ്, യോഗ്യത, പ്രവൃത്തി പരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും അവയുടെ പകർപ്പും സഹിതം ജൂലൈ 7-ാം തീയതി എറണാകുളം മെഡിക്കൽ കോളേജിലെ സി സി എം ഹാളിൽ നടക്കുന്ന വാക്-ഇൻ ഇൻ്റർവ്യൂവിൽ പങ്കെടുക്കണം.

ജില്ലയിൽ കെട്ടിക്കിടക്കുന്ന ഭൂമി തരംമാറ്റ അപേക്ഷകൾ അടിയന്തരമായി തീർപ്പാക്കാൻ ജൂലൈ ഒന്നു മുതൽ 30 വരെ ഒരു മാസം നീണ്ടുനിൽക്കുന്ന കർമ്മപദ്ധതി നടപ്പാക്കാൻ ജില്ലാ കളക്ടർ ജി. പ്രിയങ്ക നിർദ്ദേശം നൽകി. 

തരംമാറ്റ നടപടികൾ വേഗത്തിലാക്കുന്നതിനുള്ള നടപടികൾ ചർച്ച ചെയ്യാൻ വിളിച്ചുചേർത്ത പ്രത്യേക യോഗത്തിൽ സംസാരിക്കുകയായിരുന്നു  ജില്ലാ കളക്ടർ. 

വനിതാ-ശിശു വികസന വകുപ്പിൻ്റെ ആഭിമുഖ്യത്തിൽ സ്റ്റേറ്റ് ചൈൽഡ് പ്രൊട്ടക്ഷൻ സൊസൈറ്റിയുടെ ഭാഗമായി ശിശു സംരക്ഷണ സ്ഥാപനങ്ങളിലെ എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയ കുട്ടികൾക്കുള്ള അനുമോദനവും കരിയർ ഓറിയൻ്റേഷൻ പരിപാടിയും  27-ന് രാവിലെ 11 ന് കാക്കനാട് ചിറ്റിലപ്പിള്ളി സ്ക്വയറിൽ നടക്കും. വനിതാ-ശിശു വികസനം, തൊഴിൽ, ക്ഷീര വികസനം, മൃഗ സംരക്ഷണം വകുപ്പ് മന്ത്രി അഡ്വ. ബിന്ദുകൃഷ്ണ പരിപാടി ഉദ്ഘാടനം ചെയ്യും. വിജയികളായ കുട്ടികൾക്കുള്ള അനുമോദനവും ഉപഹാര സമർപ്പണവും മന്ത്രി നിർവഹിക്കും.

വൈദ്യുതി മേഖലയിലെ വിതരണ, ഉൽപ്പാദന, പ്രസരണ പ്രയാസങ്ങൾ പരിഹരിച്ച് ജനങ്ങൾക്ക് തടസ്സമില്ലാതെ വൈദ്യുതി ലഭ്യമാക്കാൻ ജനപ്രതിനിധികളും ഉദ്യോഗസ്ഥരും ഒന്നിച്ച് പ്രവർത്തിക്കണമെന്ന് വൈദ്യുതി പരിസ്ഥിതി പാർലമെന്ററി കാര്യ വകുപ്പ് മന്ത്രി സണ്ണി ജോസഫ് പറഞ്ഞു. 

എറണാകുളം, ഇടുക്കി ജില്ലകളിലെ ജനപ്രതിനിധികളുടെയും മുതിർന്ന കെഎസ്ഇബി ഉദ്യോഗസ്ഥരുടെയും പങ്കാളിത്തത്തോടെ വൈദ്യതി മേഖലയുമായി ബന്ധപ്പെ വിവിധ വിഷയങ്ങൾ ചർച്ച ചെയ്യുന്നതിനായി കൊച്ചിയിൽ ചേർന്ന
അവലോകനയോഗത്തിൽ സംസാരിക്കുകയായിരുന്നു മന്ത്രി. 

തൂഫാൻ കെയർ പദ്ധതിക്ക് സംസ്ഥാനതലത്തിൽ തുടക്കമായി

കേരളത്തിലെ യുവശക്തിയെ തകർക്കുന്ന അന്താരാഷ്ട്ര മയക്കുമരുന്ന് ലോബിക്കെതിരെ കേരള പോലീസിന്റെ ഓപ്പറേഷൻ തൂഫാൻ കൊടുങ്കാറ്റ് പോലെ ആഞ്ഞടിക്കുകയാണെന്ന് ആഭ്യന്തര മന്ത്രി രമേശ് ചെന്നിത്തല.
പദ്ധതിയുടെ രണ്ടാം ഘട്ടമായ തൂഫാൻ കെയർ, തൂഫാൻ വാരിയർ എന്നിവയുടെ സംസ്ഥാനതല ഉദ്ഘാടനം അങ്കമാലി ലിറ്റിൽ ഫ്ലവർ ആശുപത്രിയിൽ നിർവഹിച്ചു സംസാരിക്കുകയായിരുന്നു അദ്ദേഹം.

ലഹരിമുക്തമാക്കാനായി ആവിഷ്കരിച്ച ഓപ്പറേഷൻ തൂഫാൻ.പദ്ധതിയിലൂടെ സംസ്ഥാനത്തെ ലഹരി ശൃംഖലയെ അടിയോടെ തകർക്കുമെന്ന് ആഭ്യന്തര വകുപ്പ് മന്ത്രി രമേശ് ചെന്നിത്തല പറഞ്ഞു. പെരുമ്പാവൂരിൽ സംഘടിപ്പിച്ച തൂഫാൻ ജാഗരൺ സംവാദ പരിപാടിയിൽ സംസാരിക്കുകയായിരുന്നു അദ്ദേഹം. 

താത്കാലിക ഒഴിവ് 

ഫെർട്ടിലൈസേർസ് ആൻ്റ് കെമിക്കൽസ് ട്രാവൻകൂർ ലിമിറ്റഡ്, (FACT) കൊച്ചി, കേരള, റെസിഡന്റ് കൺസ്ട്രക്ഷൻ മാനേജർ (RCM) തസ്‌തികയുടെ താത്കാലിക ഒഴിവിലേക്ക് നിയമനത്തിന് അപേക്ഷകൾ ക്ഷണിച്ചു. അർഹരായ വിമുക്തഭടന്മാരായ ഉദ്യോഗാർത്ഥികൾ 30 ന് പകൽ 11 മണിക്ക് മുൻപായി www.fact.co.in -എന്ന വെബ്സൈറ്റിൽ അപേക്ഷ സമർപ്പിക്കണം. ഡൌൺലോഡ് ചെയ്തെടുത്ത അപേക്ഷയും അനുബന്ധരേഖകളും സഹിതം 30 നു ഹ്യൂമൻ റിസോഴ്‌സ് ഡിപ്പാർട്ട്മെൻ്റ്, FEDO ബിൽഡിംഗ്, ഫാക്‌ട് ലി., ഉദ്യോഗമണ്ഡൽ, കേരളം  683501 എന്ന വിലാസത്തിൽ അഭിമുഖത്തിനായി നേരിട്ട് ഹജരാകേണ്ടതാണെന്ന് ജില്ലാ സൈനികക്ഷേമ ഓഫീസർ അറിയിച്ചു.

മഴക്കാല രോഗങ്ങളും, പുതുതായി ആവിർഭവിക്കുന്ന രോഗങ്ങളും, വിവിധ രോഗങ്ങൾ ഉയർത്തുന്ന വെല്ലുവിളികളും ഫലപ്രദമായി നേരിടാൻ എറണാകുളം ജില്ലാ പഞ്ചായത്തും,  ആരോഗ്യ വകുപ്പും സംയുക്തമായി വിഭാവനം ചെയ്ത ആരോഗ്യ ഭേരി എന്ന പുതിയ കർമ്മ പദ്ധതി മാതൃകാപരമെന്ന് ഉന്നത വിദ്യാഭ്യാസ വകുപ്പ് മന്ത്രി റോജി എം ജോൺ പറഞ്ഞു.

ആരോഗ്യ ഭേരി ജില്ലാതല ശില്പശാല ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.