ജില്ലയിൽ 2025 ഡിസംബർ 23 ന് പ്രസിദ്ധീകരിച്ച എസ്ഐആർ കരടു പട്ടികയിൽ ഉൾപ്പെട്ട വോട്ടർമാരിൽ 2002 ലെ എസ്ഐആർ പട്ടികയുമായി ബന്ധപ്പെടുത്തുവാൻ സാധിക്കാതിരുന്ന (അൺമാപ്ഡ്) വോട്ടർമാരുടെ ഹിയറിംഗ് ജനുവരി അഞ്ചിന് ആരംഭിക്കുമെന്ന് ജില്ലാ കളക്ടർ അറിയിച്ചു. അൺമാപ്ഡ് വോട്ടർമാർ ഹിയറിംഗുമായി സഹകരിക്കണമെന്നും എല്ലാ അംഗീകൃത രാഷ്ട്രീയ പാർട്ടികളുടെയും ബൂത്ത് ലെവൽ ഏജൻ്റമാർ ഈ പ്രവർത്തി വിജയകരമായി പൂർത്തിയാക്കുവാൻ സഹകരിക്കണമെന്നും ജില്ലാ കളക്ടർ അഭ്യർത്ഥിച്ചു.

2026 ലെ നിയമസഭ തിരഞ്ഞെടുപ്പ് ഒരുക്കങ്ങളുടെ ഭാഗമായി ജില്ലയിൽ ഉപയോഗിക്കുന്നതിനുള്ള വോട്ടെടുപ്പ് യന്ത്രങ്ങളുടെ ഒന്നാം ഘട്ട പരിശോധന (ഫസ്റ്റ് ലെവൽ ചെക്കിംഗ്) ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടറുടെ മേൽനോട്ടത്തിൽ ഇന്ന് (ജനുവരി 03ന്) ആരംഭിക്കും. പരിശോധന 20 ദിവസത്തോളം നീണ്ടുനിൽക്കും. ജില്ലയിൽ ആകെയുള്ള 1898 പോളിംഗ് ബൂത്തുകളിൽ ഉപയോഗിക്കേണ്ട വോട്ടെടുപ്പ് യന്ത്രങ്ങൾ നിർമ്മാണ സ്ഥാപനമായ ഭാരത് ഇലക്ട്രോണിക്സ് ലിമിറ്റഡിലെ എഞ്ചിനീയർമാരാണ് പരിശോധിക്കുന്നത്. പരിശോധനയിൽ വിജയിക്കുന്ന വോട്ടെടുപ്പ് യന്ത്രങ്ങളാണ് തിരഞ്ഞെടുപ്പിന് ഉപയോഗിക്കുന്നത്.

കണക്ട് ടു വര്‍ക്ക് പദ്ധതിയിലേക്ക് അപേക്ഷിക്കാം

നൈപുണ്യ പരിശീലനത്തില്‍ പങ്കെടുക്കുന്ന, മത്സര പരീക്ഷകള്‍ക്കായി തയ്യാറെടുക്കുന്ന യുവജനങ്ങള്‍ക്കായി മാസം 1000 രൂപ സാമ്പത്തിക സഹായം നല്‍കുന്ന മുഖ്യമന്ത്രിയുടെ കണക്ട് ടു വര്‍ക്ക് പദ്ധതിയിലേക്ക് അപേക്ഷ ക്ഷണിച്ചു. eemployment.kerala.gov.in പോര്‍ട്ടല്‍ മുഖേന ഓണ്‍ലൈനായാണ് അപേക്ഷ നല്‍കേണ്ടത്. കേരളത്തില്‍ സ്ഥിരതാമസക്കാരായ 18 മുതല്‍ 30 വയസ് വരെയുള്ളവര്‍ക്ക് അപേക്ഷിക്കാം. കുടുംബ വാര്‍ഷിക വരുമാനം ഒരു ലക്ഷം രൂപയില്‍ കവിയാന്‍ പാടില്ല.

*സിറ്റിസൺ റെസ്പോൺസ് പ്രോഗ്രാം ഭവന സന്ദർശനത്തിന് കായംകുളം മണ്ഡലത്തിൽ തുടക്കം

ഭിന്നശേഷി കുട്ടികൾക്ക് സർക്കാർ നിരവധി സഹായ പദ്ധതികൾ നടപ്പിലാക്കുന്നുണ്ടെന്നും അവ കുട്ടികൾക്ക് വലിയ പിന്തുണയാണ് നൽകുന്നതെന്നും ഭിന്നശേഷി കുട്ടികൾക്ക് നൽകുന്ന പരമോന്നത ബഹുമതിയായ ശ്രേഷ്ഠ ദിവ്യാങ്ക് ബാലക് പുരസ്കാര ജേതാവ് മുഹമ്മദ് യാസീൻ പറഞ്ഞു. സിറ്റിസൺ റെസ്പോൺസ് പ്രോഗ്രാമിനോടനുബന്ധിച്ച് കായംകുളം മണ്ഡലത്തിൽ ആരംഭിച്ച ഭവന സന്ദർശന പരിപാടിയുടെ ഭാഗമായെത്തിയ കർമ്മസമിതി അംഗങ്ങളോട് സംസാരിക്കുകയായിരുന്നു മുഹമ്മദ് യാസീൻ. 

കണ്ണൂര്‍ തെക്കി ബസാറില്‍ പുതിയ കെട്ടിടത്തിലേക്ക് പ്രവര്‍ത്തനം മാറ്റിയ സ്‌നേഹിത ഹെല്‍പ് ഡെസ്‌ക്കിന്റെ ഉദ്ഘാടനം രജിസ്‌ട്രേഷന്‍ പുരാവസ്തു പുരാരേഖ മ്യൂസിയം വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. 2017 മുതല്‍ മുണ്ടയാട് പ്രവര്‍ത്തിക്കുന്ന കുടുംബശ്രീ സ്‌നേഹിത ഹെല്‍പ് ഡെസ്‌ക്, കൂടുതല്‍ കാര്യക്ഷമമായ പ്രവര്‍ത്തനങ്ങള്‍ക്കും മെച്ചപ്പെട്ട സേവനങ്ങള്‍ക്കുമായാണ് തെക്കി ബസാറിലെ പുതിയ കെട്ടിടത്തിലേക്ക് മാറ്റിയത്.

പത്തനംതിട്ട ജില്ലയിലെ ആറന്മുള നിയോജകമണ്ഡലത്തിൽ ഉൾപ്പെടുന്ന കിഫ്‌ബി പദ്ധതിയായ മഞ്ഞിനിക്കര ഇലവുംതിട്ട  കോട്ട റോഡിൽ
 കോട്ട ജംഗ്ഷനിൽ   കലുങ്കിൻ്റെ നിർമ്മാണം ജനുവരി അഞ്ചിന് ആരംഭിക്കുകയാണ്. ആയതിനാൽ മുളക്കുഴ കോട്ട ഭാഗത്ത് കൂടി പത്തനംതിട്ടയിലേക്കും, ചെങ്ങന്നൂരിലേക്കും ഉള്ള ഗതാഗതം താൽക്കാലികമായി 60 ദിവസ കാലയളവിലേക്ക്  തിങ്കളാഴ്ച മുതൽ നിരോധിക്കുമെന്ന് കേരള റോഡ് ഫണ്ട് ബോർഡ് എക്സി. എഞ്ചിനീയർ അറിയിച്ചു. ഈ ഭാഗത്ത് കൂടി കടന്നു പോകേണ്ട വാഹനങ്ങൾ കിടങ്ങന്നൂർ -കുറിച്ചുമുട്ടം- ചെങ്ങന്നൂർ റോഡ് വഴി പോകണം

*ജില്ലയിലെ വകുപ്പുകളുടെ പ്രവർത്തനപുരോഗതി വിലയിരുത്താൻ മന്ത്രിതല യോഗം ചേർന്നു

*ജില്ലയിൽ 34,000 ലൈഫ് വീടുകൾ പൂർത്തിയായി

രജിസ്ട്രേഷന്‍ ദിനാചരണത്തിന്റെ സംസ്ഥാനതല ഉദ്ഘാടനം ജനുവരി നാല് ഞായറാഴ്ച രാവിലെ 10 മണിക്ക് മുഖ്യമന്ത്രി പിണറായി വിജയന്‍ നിര്‍വ്വഹിക്കും. അഞ്ചരക്കണ്ടി ഹയര്‍സെക്കന്‍ഡറി സ്‌കൂള്‍ ഓഡിറ്റോറിയത്തില്‍ നടക്കുന്ന പരിപാടിയില്‍ രജിസ്ട്രേഷന്‍, മ്യൂസിയം, പുരാവസ്തു,പുരാരേഖാ വകുപ്പ് മന്ത്രി രാമചന്ദ്രന്‍ കടന്നപ്പള്ളി അധ്യക്ഷത വഹിക്കും. എം.പി മാരായ ജോണ്‍ ബ്രിട്ടാസ്, അഡ്വ.പി.സന്തോഷ് കുമാര്‍, ഡോ.വി.ശിവദാസന്‍, കെ.സുധാകരന്‍, ജില്ലാപഞ്ചായത്ത്  പ്രസിഡന്റ് അഡ്വ.ബിനോയ് കുര്യന്‍, ജില്ലാ കലക്ടര്‍ അരുണ്‍ കെ.വിജയന്‍ എന്നിവര്‍ വിശിഷ്ടാതിഥികളാകും. രജിസ്ട്രേഷന്‍ ഇന്‍സ്പെക്ടര്‍ ജനറല്‍ കെ.മീര സംസാരിക്കും. 

*ജില്ലയിൽ സിറ്റിസൺ റെസ്പോൺസ് പ്രോഗ്രാം ഭവന സന്ദർശനത്തിന് തുടക്കം

കായലുകളുടെയും ഇടത്തോടുകളുടെയും സമീപം റോഡുകൾ പണിയുകയും റോഡുകൾക്കൊപ്പം സമാന്തര യാത്ര മാർഗ്ഗങ്ങൾ വർദ്ധിപ്പിക്കുന്നതിന് നടപടി എടുക്കണമെന്നും സാധ്യമായ എല്ലായിടത്തും വാട്ടർ മെട്രോ മാതൃകയിൽ ബോട്ട് സർവീസുകൾ ആരംഭിക്കണമെന്നും കില മുൻ ഡയറക്ടറും കണ്ണൂർ സർവ്വകലാശാല മുൻ വൈസ് ചാൻസലറുമായിരുന്ന പ്രൊഫ. പി കെ മൈക്കിൾ തരകൻ പറഞ്ഞു.  സിറ്റിസൺ റെസ്പോൺസ് പ്രോഗ്രാമിന്റെ ഭാഗമായി അരൂർ മണ്ഡലത്തിൽ ആരംഭിച്ച കർമ്മസമിതി അംഗങ്ങളുടെ ഭവന സന്ദർശന പരിപാടിക്ക് തുടക്കം കുറിച്ചുകൊണ്ട് സംസാരിക്കുകയായിരുന്നു അദ്ദേഹം.

*നവകേരളം സിറ്റിസൺ റെസ്പോൺസ് പ്രോഗ്രാം ഭവന സന്ദർശനത്തിന് തുടക്കം

സംസ്ഥാന സർക്കാർ നടത്തുന്ന വികസനപ്രവർത്തനങ്ങൾക്ക് ‘ലാൽസലാം’ പറഞ്ഞ പ്രശസ്ത തിരക്കഥാകൃത്ത് ചെറിയാൻ കൽപകവാടി ‘പക്ഷേ’ അവയുടെ ‘ഉള്ളടക്കം’  ജനങ്ങളിലേക്ക് എത്തേണ്ടതുണ്ടെന്നും അഭിപ്രായപ്പെട്ടു. സംസ്ഥാനത്തിന്റെ പുരോഗതിക്കും വികസനത്തിനും ജനങ്ങളുടെ അഭിപ്രായങ്ങൾ ആരായാൻ സംസ്ഥാന സർക്കാർ സംഘടിപ്പിക്കുന്ന നവകേരളം സിറ്റിസൺ റെസ്പോൺസ് പ്രോഗ്രാമിന് പുതുവർഷ ദിനത്തിൽ ജില്ലയിൽ തുടക്കംകുറിച്ചു കൊണ്ട് വീട്ടിലെത്തിയ കർമസമിതി അംഗങ്ങളോട് സംസാരിക്കുകയായിരുന്നു നിരവധി ഹിറ്റ് സിനിമകളുടെ തിരക്കഥാകൃത്തായ അദ്ദേഹം.