നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ മാതൃക പെരുമാറ്റച്ചട്ടം നടപ്പാക്കുന്നതിന്റെ ഭാഗമായി അനധികൃത പരസ്യ സാമഗ്രികള്‍ നീക്കം ചെയ്യല്‍ നടപടികള്‍ ശക്തം. ആന്റി ഡീഫേസ്‌മെന്റ് സ്‌ക്വാഡിന്റെ നേതൃത്വത്തില്‍ ഇതുവരെ നീക്കം ചെയ്തത് 737 പ്രചാരണ സാമഗ്രികള്‍. വിവിധ രാഷ്ട്രീയപാര്‍ട്ടികളുടെ 186 പോസ്റ്ററുകള്‍, 19 ബാനറുകള്‍, 49 മറ്റ് പ്രചരണ ബോര്‍ഡുകള്‍എന്നിവയാണ് ഇന്ന് നീക്കം ചെയ്തത്.

നിയമസഭാ തെരഞ്ഞെടുപ്പ് ബോധവത്കരണ പരിപാടിയുടെ ഭാഗമായി ജില്ലയില്‍ സ്വീപ് (സിസ്റ്റമാറ്റിക് വോട്ടേഴ്‌സ് എജുക്കേഷന്‍ ആന്‍ഡ് ഇലക്ടറല്‍ പാര്‍ട്ടിസിപ്പേഷന്‍  പ്രോഗ്രാം) പ്രവര്‍ത്തനങ്ങള്‍ക്ക് തുടക്കമായി. വോട്ടവകാശത്തിന്റെ പ്രാധാന്യം ജനങ്ങളിലേക്ക് എത്തിക്കുക,  
തെരഞ്ഞെടുപ്പില്‍ സമ്മതിദായകരുടെ പങ്കാളിത്തം ഉറപ്പാക്കുക, വോട്ടര്‍ സാക്ഷരത വര്‍ധിപ്പിക്കുക എന്നിവയാണ് പദ്ധതിയുടെ ലക്ഷ്യം.

കല്‍പ്പറ്റ നഗരസഭാ മേഖലയില്‍ ശുദ്ധജല വിതരണ പൈപ്പ് ലൈനില്‍ അറ്റകുറ്റ പ്രവൃത്തി നടക്കുന്നതിനാല്‍ നാളെ (മാര്‍ച്ച് 23) കല്‍പ്പറ്റ നഗരസഭ പരിധിയില്‍ ഭാഗികമായോ, പൂര്‍ണമായോ ജലവിതരണം മുടങ്ങും.

മുട്ടില്‍ ഗ്രാമപഞ്ചായത്തിലെ പൈപ്പ് ലൈനില്‍ അറ്റകുറ്റ പ്രവൃത്തികള്‍ നടക്കുന്നതിനാല്‍ നാളെ (മാര്‍ച്ച് 23) ചേനംകൊല്ലി, പരിയാരം, പാറക്കല്‍, എടപ്പെട്ടി, ചിലഞ്ഞിച്ചാല്‍, മുട്ടില്‍ ടൗണ്‍, താഴെ മുട്ടില്‍, ചിറമൂലവയല്‍, അടുവാടിവയല്‍, തങ്ങള്‍കുന്ന്, സ്‌കൂള്‍കുന്ന്, കുഞ്ഞുണ്ണിപ്പടി, മാണ്ടാട് പ്രദേശങ്ങളില്‍ ജലവിതരണം താല്‍ക്കാലികമായി  മുടങ്ങും.

ജില്ലയില്‍ വന്യജീവി ശല്യം പരിഹരിക്കുന്നതിന്റെ ഭാഗമായി സ്വകാര്യ വക്തികളുടെ തോട്ടങ്ങള്‍ കാട് വെട്ടി വൃത്തിയാക്കാന്‍ ജില്ലാ ദുരന്ത നിവാരണ അതോറിറ്റി ചെയര്‍പേഴ്‌സണ്‍ കൂടിയായ ജില്ലാ കളക്ടര്‍ ഡി. ആര്‍. മേഘശ്രീ ഉത്തരവിട്ടു. സ്വകാര്യ വ്യക്തികള്‍, സ്ഥാപനങ്ങളുടെ കൈവശമുള്ള പരിപാലിക്കാത്ത തോട്ടങ്ങളില്‍ വന്യ മൃഗങ്ങളുടെ വിഹാരകേന്ദ്രമാകാന്‍ സാധ്യതയുള്ളവ കണ്ടെത്തി കാട് വെട്ടിതെളിച്ച് ദുരന്ത സാധ്യത ഒഴിവാക്കണം. ജില്ലയുടെ വിവിധ പ്രദേശങ്ങളില്‍ വന്യജീവികള്‍ ജനവാസ കേന്ദ്രങ്ങളിലെത്തി ജീവനും സ്വത്തിനും ഭീഷണിയാകുന്ന സാഹചര്യത്തിലാണ് നടപടി.

നിയമസഭാ തിരഞ്ഞെടുപ്പ് സമാധാനപരമായി നടത്തുന്നതിൻ്റെ ഭാഗമായി എറണാകുളം ജില്ലയിൽ കർശന നിയന്ത്രണങ്ങൾ ഏർപ്പെടുത്തി.
 വോട്ടെടുപ്പിനോടനുബന്ധിച്ച് ജില്ലയിൽ ആയുധങ്ങൾ കൈവശം വെക്കുന്നതും കൊണ്ടുനടക്കുന്നതും നിരോധിച്ചുകൊണ്ട് ജില്ലാ കളക്ടറും ജില്ലാ മജിസ്‌ട്രേറ്റുമായ ജി പ്രിയങ്ക  ഉത്തരവിട്ടു.

​ഭാരതീയ നാഗരിക് സുരക്ഷാ സംഹിത (BNSS) 2023-ലെ സെക്ഷൻ 163 പ്രകാരമാണ് നിരോധനാജ്ഞ പുറപ്പെടുവിച്ചിരിക്കുന്നത്. ഏപ്രിൽ 9-ന് നടക്കുന്ന വോട്ടെടുപ്പിന്റെ പശ്ചാത്തലത്തിൽ മാതൃകാ പെരുമാറ്റച്ചട്ടം നിലവിൽ വന്ന സാഹചര്യത്തിലാണ് ഈ നടപടി.

പഴയ തുണികൾ ശേഖരിച്ച് പോളിങ് ബൂത്തുകളിൽ മൊബൈൽ ഫോണുകൾ സൂക്ഷിക്കാനുള്ള 'ഹരിത മൊബൈൽ കീപ്പിങ് പൗച്ച്' ആക്കി മാറ്റുന്ന പദ്ധതിയുടെ ഭാഗമായി കാക്കനാട് സിവിൽ സ്റ്റേഷനിൽ ആരംഭിച്ച കളക്ഷൻ സെൻ്റർ ജില്ലാ കളക്ടർ ജി പ്രിയങ്ക ഉദ്ഘാടനം ചെയ്തു. 

പൊതുജനങ്ങൾക്ക്  വ്യാഴാഴ്ച്ച വരെ പഴയ തുണികൾ കളക്ഷൻ സെൻ്ററിൽ നൽകാം. പഴയ വസ്ത്രങ്ങൾ, സാരികൾ, ബെഡ്ഷീറ്റുകൾ എന്നിവയാണ്  സ്വീകരിക്കുക. കോട്ടൺ  തുണികൾ മാത്രമേ സ്വീകരിക്കുകയുള്ളൂ.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ  ഒരുക്കങ്ങളും നടപടിക്രമങ്ങളും വിശദീകരിക്കുന്നതിനായി തിരഞ്ഞെടുപ്പ് നിരീക്ഷകരുടെ സാന്നിധ്യത്തിൽ ജില്ലാ കളക്ടർ ജി പ്രിയങ്കയുടെ നേതൃത്വത്തിൽ രാഷ്ട്രീയ പാർട്ടികളുടെ സർവകക്ഷി യോഗം ചേർന്നു. 

ജില്ലയിൽ ആകെ 3148 പോളിംഗ് സ്റ്റേഷനുകളാണുള്ളത്. ഇവയുടെ സുരക്ഷ ഉറപ്പാക്കാൻ എല്ലാ ബൂത്തുകളിലും വെബ്കാസ്റ്റിംഗ് സൗകര്യം ഏർപ്പെടുത്തിയിട്ടുണ്ട്. സ്ത്രീകൾ നിയന്ത്രിക്കുന്ന 14 ബൂത്തുകളും, 70 മോഡൽ പോളിംഗ് സ്റ്റേഷനുകളും, ഭിന്നശേഷിക്കാർ നിയന്ത്രിക്കുന്ന 2 ബൂത്തുകളും ജില്ലയിൽ സജ്ജീകരിച്ചിട്ടുണ്ട്. 

തിരഞ്ഞെടുപ്പ് ജോലിയിൽ ഏർപ്പെട്ടിട്ടുള്ള ഉദ്യോഗസ്ഥർക്ക് പോസ്റ്റൽ ബാലറ്റ് പേപ്പറുകൾ വിതരണം ചെയ്യുന്നതിനുള്ള ജില്ലാ/ സംസ്ഥാനതല ക്ലിയറൻസ് സെൻ്റർ കാക്കനാട് ജില്ലാ പഞ്ചായത്ത് പ്രിയദർശനി ഹാളിൽ പ്രവർത്തനമാരംഭിച്ചു. 

ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടർ ജി പ്രിയങ്ക ഉദ്ഘാടനം ചെയ്തു .
ഇലക്ഷൻ ഡെപ്യൂട്ടി കളക്ടർ എ.എസ്  ശ്രീകല, ദുരന്തനിവാരണം ഡെപ്യൂട്ടി കളക്ടറും പോസ്റ്റൽ ബാലറ്റ്
നോഡൽ ഓഫീസറുമായ  ജി. ശ്രീകുമാർ  സംസ്ഥാനതല ക്ലിയറൻസ് സെൻ്റർ ഇൻ ചാർജ് ജെ.സിമി തുടങ്ങിയവർ പങ്കെടുത്തു.

നിയമസഭാ തെരഞ്ഞെടുപ്പിനോടനുബന്ധിച്ച് മലപ്പുറം ജില്ലയിലെ പണം, മദ്യം, ലഹരി വസ്തുക്കള്‍ എന്നിവയുടെ ഒഴുക്ക് തടയുന്നതിനായി വിവിധ സ്‌ക്വാഡുകളുടെ നേതൃത്വത്തില്‍ നടത്തിയ പരിശോധനകളില്‍ 3,28,10,430 രൂപയുടെ പണവും മദ്യവും മയക്കുമരുന്നുകളും പിടിച്ചെടുത്തു. പൊലിസ്, എക്‌സൈസ്, ഇന്‍കം ടാക്‌സ്, ഡി.ആര്‍.ഐ, ഫ്ളയിംഗ് സ്‌ക്വാഡ് എന്നിവ നടത്തിയ പരിശോധനയിലാണ് പെരുമാറ്റച്ചട്ട ലംഘനം കണ്ടെത്തിയത്. മാര്‍ച്ച് 15 മുതല്‍ 23 വരെയുള്ള കണക്കാണിത്.

എം.എസ്.പി ഡെപ്യൂട്ടി കമാന്‍ഡന്റ് ബംഗ്ലാവിന്റെ കിച്ചണിന്റെ മേല്‍ക്കൂരയ്ക്കു മുകളിലേക്ക് അപകടകരമായ അവസ്ഥയിലുള്ള 515 നമ്പര്‍ വെള്ള പൊടുവെണ്ണി (കുമിള്‍-1) മാര്‍ച്ച് 26ന് രാവിലെ 11 ന്  എം.എസ്.പി ആസ്ഥാനത്ത് ലേലം ചെയ്യും. ഫോണ്‍-0483 2734921.