സമഗ്ര ഗുണമേന്മാ വിദ്യാഭ്യാസം ഉറപ്പാക്കാനായി തൃക്കൊടിത്താനം ഗവൺമെന്റ് എച്ച്.എസ്.എസിൽ ക്രിയേറ്റീവ് കോർണർ ആരംഭിച്ചു.  പദ്ധതിയുടെ ഉദ്ഘാടനം സ്‌കൂൾ ഓഡിറ്റോറിയത്തിൽ നടന്ന ചടങ്ങിൽജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ നിർവഹിച്ചു.

 വനമഹോത്സവുമായി ബന്ധപ്പെട്ട 2025 ലെ ആഘോഷ പരിപാടികളുടെ സംസ്ഥാനതല ഉദ്ഘാടനം ജൂലൈ മൂന്നിന് വനം-വന്യജീവി വകുപ്പ് മന്ത്രി എ.കെ. ശശീന്ദ്രൻ നിർവഹിക്കും. കോട്ടയം സി.എം.എസ.് കോളജിൽ ഉച്ചകഴിഞ്ഞ് 2.30 ന് നടക്കുന്ന പരിപാടിയിൽ സഹകരണം-തുറമുഖം-ദേവസ്വം വകുപ്പ് മന്ത്രി വി.എൻ. വാസവൻ അധ്യക്ഷത വഹിക്കും.

 ബിസിൽ ട്രെയിനിംഗ് ഡിവിഷൻ നടത്തുന്ന തൊഴിലധിഷ്ഠിത സ്‌കിൽ ഡിപ്ലോമ കോഴ്സുകളായ ലോജിസ്റ്റിക്സ് ആൻഡ്  സപ്ലൈ ചെയിൻ മാനേജ്മെന്റ്, ഹോസ്പിറ്റൽ അഡ്മിനിസ്ട്രേഷൻ, മോണ്ടിസ്സോറി ആൻഡ്  പ്രീപ്രൈമറി ടീച്ചർ ട്രെയിനിങ് തുടങ്ങിയ കോഴ്സുകളിലേക്ക് പ്രവേശനം ആരംഭിച്ചു. ഫോൺ: 7994449314 .

 സ്‌കോൾ കേരളയിൽ നാഷണൽ ആയുഷ്മിഷന്റെയും സംസ്ഥാന ആയുഷ്മിഷന്റെയും അംഗീകാരത്തോടെ ആരംഭിച്ച ഡിപ്ലോമ ഇൻ യോഗിക് സയൻസ് ആൻഡ് സ്പോർട്സ് യോഗ കോഴ്സിന്റെ മൂന്നാം ബാച്ച് പ്രവേശനത്തിന് അപേക്ഷ ക്ഷണിച്ചു. ജൂലൈ 16 വരെ www.scolekerala.org എന്ന സൈറ്റിൽ രജിസ്റ്റർ ചെയ്യാം. ഫോൺ: 0481 2300443, 9496094157.

ജില്ലയിൽ വിദ്യാഭ്യാസവകുപ്പിലെ ഹൈസ്‌കൂൾ ടീച്ചർ(മലയാളം- കാറ്റഗറി നമ്പർ 255/2021) തസ്തികയ്ക്കായി 2023 ജൂലൈ ആറിന് നിലവിൽ വന്ന 546/2023/എസ്.എസ് 3 നമ്പർ റാങ്ക് പട്ടികയിൽ മുഖ്യപട്ടികയിലുൾപ്പെട്ട എല്ലാ ഉദ്യോഗാർഥികളെയും നിയമനശുപാർശ ചെയ്തതിനേത്തുടർന്ന് റാങ്ക് പട്ടിക 2025 ജൂൺ അഞ്ചിന് നിലവിലില്ലാതായതായി ജില്ലാ പി.എസ്.സി. ഓഫീസർ അറിയിച്ചു.

പ്രതിഭ പദ്ധതിയുടെ 2025 - 2026 വർഷത്തേയ്ക്കുള്ള അപേക്ഷ ക്ഷണിച്ചു. ട്രാൻസ്‌ജെൻഡർ വ്യക്തികൾക്ക് സംസ്ഥാന - ദേശീയ -അന്തർ ദേശീയ തലത്തിൽ ബോഡി ബിൽഡിംഗ് ചാമ്പ്യൻഷിപ്പിൽ മത്സരിക്കുന്നതിന് നിശ്ചിത കാലയളവിൽ പരിശീലനം നേടുന്നതിനും ദേശീയ- അന്തർദേശീയ തലങ്ങളിൽ നടക്കുന്ന സൗന്ദര്യ മത്സരം, മറ്റു കലാകായിക മത്സരങ്ങൾ എന്നിവയിൽ പങ്കെടുക്കുന്നതിന് ചെലവാകുന്ന തുക ധനസഹായമായി അനുവദിക്കുന്ന വ്യക്തിഗത ഗുണഭോക്ത പദ്ധതിയാണ് പ്രതിഭ. അപേക്ഷകൾ ആവശ്യമായ രേഖകൾ സഹിതം ജില്ലാ സാമൂഹ്യനീതി ഓഫീസർക്ക് സമർപ്പിക്കണം. അപേക്ഷകൾക്കും വിശദവിവരങ്ങൾക്കും ജില്ലാ സാമൂഹ്യനീതി ഓഫീസുമായി ബന്ധപ്പെടണം. ഫോൺ: 0481- 2563980.

നടത്തറ ഗ്രാമപഞ്ചായത്തിലെ രണ്ട് റോഡുകൾ നാടിന് സമർപ്പിച്ചു. ഗ്രാമപഞ്ചായത്തിലെ രണ്ടാം വാർഡിലെ നമസ്തേപുരം റോഡും മൂന്നാം വാർഡിലെ അമ്പാടി ലൈൻ റോഡും ആണ് റവന്യൂ ഭവന നിർമ്മാണ വകുപ്പ് മന്ത്രി അഡ്വ. കെ രാജൻ നാടിന് സമർപ്പിച്ചത്. 

മന്ത്രി അഡ്വ. കെ രാജന്റെ പ്രത്യേക വികസന ഫണ്ടിൽ നിന്ന് അനുവദിച്ച തുക വിനിയോഗിച്ചാണ് രണ്ട് റോഡുകളും നിർമ്മിച്ചത്.

 മുളയം പണ്ടാരച്ചിറ ചെക്ക് ഡാം ജലവിഭവ വകുപ്പ് മന്ത്രി റോഷി അഗസ്റ്റിൻ ഓൺലൈനായി ഉദ്ഘാടനം ചെയ്തു. റവന്യൂ വകുപ്പ് മന്ത്രി കെ. രാജൻ അധ്യക്ഷത വഹിച്ചു. മണലി പുഴയ്ക്ക് കുറുകെ രണ്ടര മീറ്റർ നീളമുള്ള ചെക്ക് ഡാം വന്നപ്പോൾ ജലസേചനത്തിനും കുടിവെള്ളത്തിനും ഉള്ള ജനങ്ങളുടെ ഏറ്റവും പ്രധാനപ്പെട്ട ഒരു വിഷയമാണ് പരിഹരിക്കപ്പെടുന്നത് എന്ന് ഡാം ജലവിഭവ വകുപ്പ് മന്ത്രി പറഞ്ഞു.

 ശാസ്ത്രത്തിന്റെ വിസ്മയലോകത്തേക്ക് വാതിലുകൾ തുറന്നിട്ട് കോഴാ സയൻസ് സിറ്റി. ഇനി പ്രപഞ്ചസത്യങ്ങളുടെ വിശാലവിസ്മയങ്ങളിലേക്ക് കൗതുകപ്രവേശനം. ഉന്നത വിദ്യാഭ്യാസ വകുപ്പിനുകീഴിലുള്ള സംസ്ഥാന ശാസ്ത്ര സാങ്കേതിക മ്യൂസിയത്തിന്റെ ആഭിമുഖ്യത്തിൽ കോട്ടയം ജില്ലയിൽ സ്ഥാപിക്കുന്ന സയൻസ് സിറ്റിയുടെ ഒന്നാംഘട്ടമായ സയൻസ് സെന്റർ യാഥാർഥ്യമായി. ഉദ്ഘാടനം ജൂലൈ മൂന്ന് വ്യാഴാഴ്ച മുഖ്യമന്ത്രി പിണറായി വിജയൻ നിർവഹിക്കും. ഉന്നതവിദ്യാഭ്യാസ സാമൂഹികനീതി വകുപ്പ് മന്ത്രി ഡോ.ആർ. ബിന്ദു അധ്യക്ഷത വഹിക്കും.

ചേലക്കര ശ്രീമൂലം തിരുനാൾ ഗവൺമെൻ്റ് ഹയർ സെക്കൻഡറി സ്കൂളിൽ സാക്ഷരതാ മിഷൻ പത്താം തരം ഹയർസെക്കൻഡറി തുല്യതാ പഠിതാക്കളുടെ സംഗമവും മുതിർന്ന പഠിതാക്കളെ ആദരിക്കലും കെ രാധാകൃഷ്ണൻ എം പി ഉദ്ഘാടനം ചെയ്തു.