സംസ്ഥാന പട്ടിക ജാതി പട്ടിക വര്‍ഗ വികസന കോര്‍പറേഷന്‍ നടപ്പിലാക്കുന്ന 'സമൃദ്ധി കേരളം'-ടോപ്പ് അപ്പ് ലോണ്‍ പദ്ധതിയിലേക്ക് അപേക്ഷ ക്ഷണിച്ചു. പട്ടികജാതിക്കാരായ നിലവിലുള്ള സംരംഭകരുടെ ബിസിനസ്സ് വികസനവും സാമ്പത്തിക ശാക്തീകരണവും ലക്ഷ്യമിട്ട് സര്‍ക്കാര്‍ നടപ്പിലാക്കുന്ന പദ്ധതിയില്‍ ഒരു ഗുണഭോക്താവിന് പരമാവധി 10 ലക്ഷം രൂപ വരെ ടേം ലോണ്‍/വര്‍ക്കിങ് ക്യാപിറ്റല്‍ ലോണ്‍ ആയി ലഭിക്കും.

അറ്റകുറ്റപ്പണി നടക്കുന്നതിനാല്‍ മേലാറ്റൂര്‍- പാണ്ടിക്കാട് റോഡിലെ മേലാറ്റൂര്‍ റെയില്‍വേ ഗേറ്റ് ജനുവരി ആറിന് രാവിലെ എട്ട് മുതല്‍ ഉച്ചക്ക് 12 വരെ റെയില്‍വേ ഗേറ്റ് അടച്ചിടുമെന്ന് അങ്ങാടിപ്പുറം സതേണ്‍ റെയില്‍വേ സീനിയര്‍ സെക്ഷന്‍ എന്‍ജിനീയര്‍ അറിയിച്ചു. വാഹനങ്ങള്‍ മേലാറ്റൂര്‍-പട്ടിക്കാട്-പാണ്ടിക്കാട് വഴിയും മേലാറ്റൂര്‍-ഇരിങ്ങാട്ടിരി-തുവ്വൂര്‍-പാണ്ടിക്കാട് വഴിയും പോകണം.

വാണിയമ്പലം- നിലമ്പൂര്‍ റെയില്‍പാതയില്‍ അറ്റകുറ്റപണികള്‍ നടക്കുന്നതിനാല്‍ വണ്ടൂര്‍- കാളികാവ് റോഡിലെ റെയില്‍വേ ഗേറ്റ് ജനുവരി ആറിന് ഉച്ചക്ക് ഒന്ന് മുതല്‍ വൈകീട്ട് അഞ്ചുവരെ അടച്ചിടുമെന്ന് അങ്ങാടിപ്പുറം സതേണ്‍ റെയില്‍വേ സീനിയര്‍ സെക്ഷന്‍ എന്‍ജിനീയര്‍ അറിയിച്ചു. വാഹനങ്ങള്‍ വാണിയമ്പലം-വെള്ളാമ്പ്രം-നടുവത്ത്-വണ്ടൂര്‍ വഴി പോകണം.

മലപ്പുറം ജി.ജി.എച്ച്.എസ്.എസില്‍ എച്ച്.എസ്.ടി (ഫിസിക്കല്‍ സയന്‍സ്) വിഭാഗത്തിലെ താല്ക്കാലിക ഒഴിവിലേക്ക് നിയമനം നടത്തുന്നു. താത്പര്യമുള്ളവര്‍ ജനുവരി അഞ്ചിന് രാവിലെ 10.30ന് സ്‌കൂളില്‍ നടക്കുന്ന കൂടിക്കാഴ്ചയ്ക്ക് ഹാജരാകണം.

ന്യൂനപക്ഷ ക്ഷേമവകുപ്പിന് കീഴില്‍ വളാഞ്ചേരി കാവുംപുറം മമ്പഉല്‍ ഹുദ സെക്കന്‍ഡറി മദ്‌റസയില്‍ പ്രവര്‍ത്തിക്കുന്ന ന്യൂനപക്ഷ പരിശീലന കേന്ദ്രത്തില്‍ ജനുവരി 15ന് ആരംഭിക്കുന്ന ആറുമാസം ദൈര്‍ഘ്യമുള്ള സൗജന്യ പി.എസ്.സി പരിശീലന ബാച്ചുകളിലേക്ക് അപേക്ഷ ക്ഷണിച്ചു. പി.എസ്.സി, യു.പി.എസ്.സി, എസ്.എസ്.സി, ബാങ്കിങ് തുടങ്ങിയ മത്സര പരീക്ഷകള്‍ക്ക് തയാറെടുക്കുന്ന 18 വയസ് പൂര്‍ത്തിയായവര്‍ക്ക് അപേക്ഷിക്കാം. ഉദ്യോഗാര്‍ത്ഥികളുടെ സൗകര്യമനുസരിച്ച് റെഗുലര്‍, ഹോളിഡേ ബാച്ചുകള്‍ ലഭ്യമാണ്.

കോട്ടയം: സംസ്ഥാന പരിവർത്തിത ക്രൈസ്തവ ശുപാർശിത വിഭാഗം വികസന കോർപ്പറേഷനിൽ നിന്ന് വായ്പയെടുത്തിട്ടുള്ളവർക്കായി കുടിശിക നിവാരണ യജ്ഞം സംഘടിപ്പിക്കുന്നു. ഒറ്റ തവണയായോ തവണകളായോ ജനുവരി ഒന്നു മുതൽ മാർച്ച് 31 വരെ കുടിശിക അടച്ചു തീർക്കുന്നവർക്ക് പിഴപ്പലിശ, സർവീസ് ചാർജ്, നോട്ടീസ് ചാർജ് എന്നിവ ഒഴിവാക്കി നൽകും. കൂടാതെ 2022 മാർച്ച് 31ന് മുൻപായി വായ്പയെടുത്തിട്ടുള്ളവർക്ക് വ്യവസ്ഥകൾക്ക് വിധേയമായി കുടിശിക പുനഃക്രമീകരിക്കുന്നതിന് നവജീവൻ പദ്ധതി(രണ്ടാം ഘട്ടം)യും നടപ്പിലാക്കും. വിശദവിവരത്തിന് അതത് റീജണൽ/ സബ് ഓഫീസുകളുമായി ബന്ധപ്പെടണം. ഫോൺ: 0481-2564304, 9400309740.
 

കോട്ടയം: സ്റ്റേറ്റ് റിസോഴ്സ് സെന്ററിന്റെ നേതൃത്വത്തിലുള്ള എസ്.ആർ.സി. കമ്മ്യൂണിറ്റി കോളജ് ജനുവരി സെഷനിൽ ആരംഭിക്കുന്ന വിവിധ പ്രോഗ്രാമുകളിലേക്ക് അപേക്ഷിക്കാനുള്ള തീയതി ജനുവരി 15 വരെ നീട്ടി. 17 വയസിനു മുകളിൽ പ്രായമുള്ളവർക്ക് അപേക്ഷിക്കാം. ലിങ്ക് https://app.srccc.in/register . ഫോൺ: 0471-2325101, 8281114464.

കോട്ടയം: പ്രമുഖ സ്വകാര്യ സ്ഥാപനത്തിലെ നൂറിലധികം ഒഴിവുകളിലേക്ക് ജില്ലാ എംപ്ലോയ്മെന്റ് എക്സ്ചേഞ്ചിൽ പ്രവർത്തിക്കുന്ന എംപ്ലോയബിലിറ്റി സെന്ററിൽ വച്ച് അഭിമുഖം നടത്തും. ഉദ്യോഗാർഥികൾ ജനുവരി അഞ്ചിന് രാവിലെ 10ന് കളക്ടറേറ്റിൽ പ്രവർത്തിക്കുന്ന എംപ്ലോയബിലിറ്റി സെന്ററിൽ എത്തി രജിസ്റ്റർ ചെയ്യണം. ഫോൺ: 0481-2563451, 8138908657.
 

കോട്ടയം: ജില്ലാ വനിതാ ശിശുവികസന ഓഫീസിന്റെ പ്രവർത്തനത്തിന് കരാർ അടിസ്ഥാനത്തിൽ എ.സി. വാഹനം നൽകുന്നതിന് താത്പര്യമുള്ള വ്യക്തികൾ/ ഏജൻസികൾ എന്നിവരിൽ നിന്ന് ടെൻഡർ ക്ഷണിച്ചു. ജനുവരി 12 ഉച്ചകഴിഞ്ഞ് 2.30 വരെ ടെൻഡറുകൾ നൽകാം. വിശദവിവരങ്ങൾക്ക് ജില്ലാ വനിതാ ശിശു വികസന ഓഫീസുമായി നേരിട്ടോ 0481 2961272 എന്ന നമ്പറിലോ ബന്ധപ്പെടണം.
 

കോട്ടയം: പാമ്പാടി രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജിയിൽ കമ്പ്യൂട്ടർ സയൻസ് ആൻഡ് എൻജിനീയറിംഗ് വിഭാഗത്തിൽ അസിസ്റ്റന്റ് പ്രൊഫസർമാരുടെ താൽക്കാലിക ഒഴിവുണ്ട്. എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. സർട്ടിഫിക്കറ്റുകളുമായി ജനുവരി അഞ്ചിന് രാവിലെ 10ന് കമ്പ്യൂട്ടർസയൻസ് ആൻഡ് എൻജിനീയറിംഗ് വിഭാഗത്തിലെത്തണം. വിശദവിവരങ്ങൾക്ക് www.rit.ac.in , ഫോൺ: 0481-2506153, 0481-2507763.