നിയമസഭാ തിരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങളുടെ തുടക്കം മുതല്‍ വോട്ടെണ്ണല്‍ വരെ എല്ലാ പ്രചാരണ പരിപാടികളിലും ഹരിതചട്ടം കര്‍ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്നേഹില്‍ കുമാര്‍ സിങ് നിര്‍ദേശിച്ചു. ഹരിതചട്ടവുമായി ബന്ധപ്പെട്ട് ചേര്‍ന്ന യോഗത്തില്‍ സംസാരിക്കുകയായിരുന്നു കലക്ടര്‍. 

ഗതാഗത നിയന്ത്രണം
 
തിരുവമ്പാടി നിയോജക മണ്ഡലത്തിലെ നൂറാംതോട് പാലം പുനര്‍നിര്‍മാണം നടക്കുന്നതിനാല്‍ ഇന്ന് (മാര്‍ച്ച് 24) മുതല്‍ പ്രവൃത്തി അവസാനിക്കുന്നത് വരെ ഗതാഗത നിയന്ത്രണം ഉണ്ടാകും. അടിവാരത്തുനിന്ന് തുഷാരഗിരി-വട്ടച്ചിറ ഭാഗത്തേക്ക് പോകുന്ന വാഹനങ്ങള്‍ നൂറാംതോട് മുസ്‌ലിം പള്ളിക്ക് ഇടതു വശത്തുള്ള കരിമ്പ് റോഡില്‍നിന്ന് മുട്ടിത്തോട് വഴി പോകണം. അടിവാരം ഭാഗത്തേക്കുള്ള വാഹനങ്ങള്‍ക്ക് ഇതേ റോഡ് വഴിയും ചാമുണ്ഡി പാലക്കല്‍ സ്‌കൂള്‍ റോഡ് വഴിയും പോകാമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.

തെരഞ്ഞെടുപ്പ് നടപടികള്‍ റദ്ദാക്കി

ജില്ലയില്‍ നിയമസഭ തിരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥര്‍ക്ക് മാര്‍ച്ച് 24 മുതല്‍ 29 വരെയുള്ള തീയതികളില്‍ പോസ്റ്റല്‍ ബാലറ്റിന് അപേക്ഷ നല്‍കാമെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ സ്നേഹില്‍കുമാര്‍ സിങ് അറിയിച്ചു. തെരഞ്ഞെടുപ്പ് ഡ്യൂട്ടിയുള്ള ഉദ്യോഗസ്ഥരുടെ പരിശീലനത്തിനായി നിശ്ചയിക്കപ്പെട്ട കേന്ദ്രങ്ങളില്‍ രാവിലെ 10 മണി മുതല്‍ വൈകിട്ട് അഞ്ച് മണി വരെയാണ് അപേക്ഷ സമര്‍പ്പിക്കാനാവുക. 

നിയമസഭ തിരഞ്ഞെടുപ്പിന് മുന്നോടിയായി ജില്ലയില്‍ സുരക്ഷാ ക്രമീകരണങ്ങള്‍ ശക്തമാക്കി. സംഘര്‍ഷ സാധ്യതയുള്ള പ്രദേശങ്ങളില്‍ സമാധാനം ഉറപ്പാക്കുന്നതിനായി പോലീസിന്റെയും കേന്ദ്ര സായുധ സേനകളുടെയും നേതൃത്വത്തില്‍ പ്രശ്‌നബാധിത ബൂത്ത് സന്ദര്‍ശനവും റൂട്ട് മാര്‍ച്ചും സജീവമാക്കിയിട്ടുണ്ട്.   

നിയമസഭ തെരഞ്ഞെടുപ്പിൽ മത്സരിക്കാനായി ഇന്നലെ (മാർച്ച് 21) 39 പേർ വിവിധ മണ്ഡലങ്ങളിലെ വരണാധികാരികൾ, ഉപവരണാധികാരികൾ മുമ്പാകെ നാമനിർദേശ പത്രിക സമർപ്പിച്ചു. കോഴിക്കോട് നോർത്ത് നാല്, കോഴിക്കോട് സൗത്ത് ഒന്ന്, ബേപ്പൂർ രണ്ട്, എലത്തൂർ മൂന്ന്, കുന്ദമം​ഗലം മൂന്ന്, കൊടുവള്ളി മൂന്ന്, തിരുവമ്പാടി നാല്, ബാലുശ്ശേരി നാല്, കൊയിലാണ്ടി മൂന്ന്, വടകര മൂന്ന്, കുറ്റ്യാടി രണ്ട്, പേരാമ്പ്ര മൂന്ന്, നാദാപുരം നാല് എന്നിങ്ങനെയാണ് നാമനിർദ്ദേശ പത്രികകൾ സമർപ്പിച്ചവരുടെ എണ്ണം. 

സി-വിജിൽ ആപ്പ് മുഖേന ജില്ലയിൽ ബുധനാഴ്ച 176 പരാതികൾ ലഭിച്ചു. മുഴുവൻ പരാതികളും പരിഹരിച്ചു. ജില്ലയിൽ ഇതുവരെ 1034 പരാതികളാണ് സി-വിജിൽ ആപ്പ് വഴി ലഭിച്ചത്.

തെരഞ്ഞെടുപ്പ് പെരുമാറ്റ ചട്ടലംഘനങ്ങള്‍ക്കെതിരെ ജില്ലയില്‍ ശക്തമായ നടപടി തുടരുന്നു. ആന്റി ഡീഫേസ്മെന്റ് സ്‌ക്വാഡിന്റെ നേതൃത്വത്തില്‍ ജില്ലയിലെ വിവിധ  ഇടങ്ങളിലായി നടത്തിയ പരിശോധനയില്‍ ബുധനാഴ്ച 147 പ്രചാരണ സാമഗ്രികള്‍ നീക്കം ചെയ്തു.
പൊതു ഇടങ്ങളില്‍ സ്ഥാപിച്ച പോസ്റ്ററുകളും ബാനറുകളും ഉള്‍പ്പെടെ 130 സാമഗ്രികളും സ്വകാര്യ സ്ഥലങ്ങളില്‍ അനുമതിയില്ലാതെ സ്ഥാപിച്ച 17 സാമഗ്രികളുമാണ്  നീക്കം ചെയ്തത്.

സ്വീപ്പ് ക്യാമ്പയിന്റെ  ഭാഗമായി വയനാടിന്റെ തെരഞ്ഞെടുപ്പ് മസ്കോട്ട് വോട്ട് ചിലപ്പൻ കൽപ്പറ്റ ഗവ. എൻഎംഎസ്എം കോളേജിൽ വോട്ട് ബോധവത്ക്കരണത്തിനെത്തി. സംവാദം, ബോധവത്കരണ ക്ലാസ്, പ്രതിജ്ഞ തുടങ്ങിയവ പരിപാടിയുടെ ഭാഗമായി നടന്നു. സ്വീപ് പദ്ധതിയെക്കുറിച്ച് കെ. ദിലീപ് കുമാർ വിശദീകരിച്ചു. കോളേജ് ഇലക്ടറൽ വിങ് ചുമതലയുള്ള അധ്യാപകൻ കൃഷ്ണൻ, സ്വീപ് ടീം അംഗം ഹംസ എന്നിവർ സംസാരിച്ചു.

നിയമസഭ തെരഞ്ഞെടുപ്പിന്റെ ഭാഗമായി മാനന്തവാടി സ്വീപ് അംഗങ്ങളുടെ  നേതൃത്വത്തിൽ തലപ്പുഴ ഗവ. എൻജിനീയറിങ് കോളേജിൽ വോട്ട് ബോധവത്കരണ പരിപാടിയും സിഗ്നേച്ചർ ക്യാമ്പയിനും സംഘടിപ്പിച്ചു. ജില്ലാ കളക്ടർ ഡി.ആർ മേഘശ്രീ പരിപാടി ഉദ്ഘാടനം ചെയ്തു. ഓരോ വോട്ടും രാജ്യത്തിന്റെ ഭാവി നിർണയിക്കുന്നതിൽ നിർണായകമാണെന്നും ജനാധിപത്യം ശക്തിപ്പെടുത്തുന്നതിനായി യുവജനങ്ങളുടെ സജീവ പങ്കാളിത്തം ഉറപ്പാക്കണമെന്നും കളക്ടർ പറഞ്ഞു.   യുവജനങ്ങളിൽ ജനാധിപത്യ പ്രക്രിയയെക്കുറിച്ച് അവബോധം വർധിപ്പിക്കുകയും വോട്ടവകാശത്തിന്റെ വിനിയോഗം ഉറപ്പാക്കുകയുമാണ് പരിപാടിയുടെ ലക്ഷ്യം. എൽ ആർ തഹസിൽദാർ എൻ.

2026 ലെ നിയമസഭാ പൊതു തെരഞ്ഞെടുപ്പുമായി ബന്ധപ്പെട്ട് സ്ഥാനാര്‍ത്ഥികളുടെ വരവ് ചെലവു കണക്കുകളുടെ  രജിസ്റ്ററുകള്‍ സൂക്ഷിക്കുന്നത് സംബന്ധിച്ച പരിശീലനം മാർച്ച് 27ന്  നൽകും. സിവില്‍ സ്റ്റേഷന്‍ എ.പി.ജെ ഹാളില്‍  രാവിലെ 10 നാണ്  പരിശീലനം.  പരിശീലനത്തിൽ സ്ഥാനാര്‍ത്ഥികളോ/അംഗീകൃത ഏജന്റുമാരോ പങ്കെടുക്കണമെന്ന് ഇലക്ഷന്‍ എക്‌സ്‌പെന്റീച്ചര്‍  നോഡല്‍ ഓഫീസര്‍ ഓഫീസര്‍  ആർ സാബു അറിയിച്ചു.