കൊടുവായൂരില്‍ പ്രവര്‍ത്തിക്കുന്ന കോഴിക്കോട് സര്‍വകലാശാലയുടെ  സെന്റര്‍ ഫോര്‍ കമ്പ്യൂട്ടര്‍ സയന്‍സ് ആന്‍ഡ് ഇന്‍ഫര്‍മേഷന്‍ ടെക്‌നോളജി (CCSIT) യില്‍ ബി സി എ ക്ലാസിലേക്ക് സ്റ്റാറ്റിറ്റിക്‌സ് ഗസ്റ്റ് അധ്യാപക ഒഴിവിലേക്ക് അപേക്ഷിക്കാം. മണിക്കൂര്‍ അടിസ്ഥാനത്തിലാണ് ക്ലാസുകള്‍ എടുക്കേണ്ടത്. എം എസ് സി സ്റ്റാറ്റിറ്റിക്‌സും ബി എഡുമാണ് യോഗ്യത. നെറ്റ് യോഗ്യതയുള്ളവര്‍ക്ക് മുന്‍ഗണന ലഭിക്കുമെന്ന് അസോസിയേറ്റ് കോര്‍ഡിനേറ്റര്‍ അറിയിച്ചു. ഫോണ്‍: 04923253768.

മണ്ണാര്‍ക്കാട് അഡീഷ്ണല്‍ ഐ സി ഡി എസ് ഓഫീസിന്റെ ആവശ്യങ്ങള്‍ക്കായി 2025-26, 2026- 27 വര്‍ഷത്തില്‍ കരാര്‍ അടിസ്ഥാനത്തില്‍ വാഹനം ലഭ്യമാക്കുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ ഫോം വില്‍പ്പന ജനുവരി അഞ്ചിന് അവസാനിക്കും. അന്നേ ദിവസം വൈകീട്ട് മൂന്നിന് ലഭിച്ച ടെന്‍ഡറുകള്‍ തുറക്കും. കൂടുതല്‍ വിവരങ്ങള്‍ മണ്ണാര്‍ക്കാട് ബ്ലോക്ക് ഓഫീസ് കെട്ടിടത്തില്‍ പ്രവര്‍ത്തിക്കുന്ന മണ്ണാര്‍ക്കാട് അഡീഷ്ണല്‍ ഐ സി ഡി എസ് ഓഫീസില്‍ നിന്ന് ലഭിക്കും.

സരസ് മേളയിലെ കുടുബശ്രീ മെഗാ ഭക്ഷ്യമേളയില്‍ കാടിറങ്ങി വന്ന അടപ്പാടിയിലെ വനസുന്ദരിക്ക് ആവശ്യക്കാര്‍ ഏറെയാണ്.  അട്ടപ്പാടി കൂക്കം പാളയം ആദിവാസി ഉന്നതിയിലെ രുചി പൂരം കുടുംബശ്രീ അംഗങ്ങളായ അമല അഭയ കുമാര്‍, സരോജിനി, വിജികി എന്നിവരാണ് വനസുന്ദരി തയ്യാറാക്കുന്നത്.