തിരുവനന്തപുരത്ത് ജനുവരി 19 മുതല്‍ 21 വരെ നടക്കുന്ന കാര്‍ണിവല്‍ ഓഫ് ദി ഡിഫന്റ് ഭിന്നശേഷി സര്‍ഗോത്സവത്തില്‍ പങ്കെടുക്കാന്‍ അവസരം. പൊതു വിദ്യാലയങ്ങള്‍, കോളേജുകള്‍, സ്‌പെഷ്യല്‍ സ്‌കൂളുകള്‍, ബഡ്സ് സ്ഥാപനങ്ങള്‍, പുനരധിവാസ കേന്ദ്രങ്ങള്‍, തൊഴില്‍ പരിശീലന കേന്ദ്രങ്ങളിലെ ഭിന്നശേഷി സര്‍ട്ടിഫിക്കറ്റുള്ളവര്‍ക്ക് മേളയില്‍ പങ്കെടുക്കാം. ക്ലാസിക്കല്‍-സിനിമാറ്റിക്ക് ഡാന്‍സ്, സ്‌കിറ്റ്/മൈം, ലളിത ഗാനം, ശാസ്ത്രീയ സംഗീതം, സിനിമ ഗാനം, തിരുവാതിര, മാര്‍ഗ്ഗംകളി, ഒപ്പന, പരമ്പരാഗത നൃത്ത ഇനങ്ങള്‍, സ്‌പെഷ്യല്‍ പെര്‍ഫോര്‍മന്‍സ് എന്നീ ഇനങ്ങളാണ് ടാലന്റ് ഫെസ്റ്റില്‍ ഉള്‍പ്പെടുത്തിയിട്ടുള്ളത്.

മുണ്ടക്കൈ-ചൂരല്‍മല ദുരന്ത ബാധിതര്‍ക്കായി എല്‍സ്റ്റണ്‍ എസ്റ്റേറ്റില്‍ ഉയരുന്ന ടൗണ്‍ഷിപ്പില്‍ 237 സ്വപ്ന ഭവനങ്ങളുടെ വാര്‍പ്പ് പൂര്‍ത്തിയായി. അഞ്ച് സോണുകളിലായാണ് നിര്‍മ്മാണ പ്രവര്‍ത്തനങ്ങള്‍ പുരോഗമിക്കുന്നത്. 350 വീടുകള്‍ക്കുള്ള സ്ഥലമൊരുക്കല്‍ പൂര്‍ത്തിയായി. 332 വീടുകളുടെ അടിത്തറയൊരുക്കലും 331 വീടുകളുടെ എര്‍ത്ത് വര്‍ക്ക്, 310 വീടുകള്‍ക്കായുള്ള പ്ലെയിന്‍ സിമന്റ് കോണ്‍ക്രീറ്റ് പ്രവൃത്തികളും ഇതിനോടകം പൂര്‍ത്തിയായി. 306 വീടുകളുടെ അടിത്തറ നിര്‍മ്മാണം, 306 വീടുകള്‍ക്കുള്ള സ്റ്റമ്പ്, 297 വീടുകളുടെ പ്ലിന്ത്, 295 വീടുകളില്‍ ഷിയര്‍ വാള്‍ എന്നിവയുടെ പ്രവര്‍ത്തനങ്ങള്‍ പൂര്‍ത്തിയായി.

മകരവിളക്കിന് 900 ബസ്സുകള്‍ സജ്ജം

മാനന്തവാടി ഗവ. പോളി‌ടെക്നിക്ക് കോളേജിലെ  എൻ.എസ്.എസ് സപ്ത ദിന ക്യാമ്പ് സമാപിച്ചു. ഡിസംബർ 25 മുതൽ മാനന്തവാടി ഗവ യു.പി സ്കൂളിൽ നടന്ന ക്യാമ്പിൽ മാനന്തവാടി മെഡിക്കൽ കോളേജ് ആശുപത്രിയിലെ തുരുമ്പെടുത്ത് ഉപയോഗിക്കാതിരുന്ന ഒരു ലക്ഷം രൂപയുടെ ഫർണിച്ചറുകൾ ക്യാമ്പിൻ്റെ ഭാഗമായി വിദ്യാർത്ഥികൾ ഉപയോഗ യോഗ്യമാക്കി. ആശുപത്രിയിലെ മെഡിക്കൽ റെക്കോർഡുകളുടെ തരം തിരിക്കൽ, മാലിന്യ കൂമ്പാരമായി കിടന്നിരുന്ന സ്ഥലങ്ങൾ വൃത്തിയാക്കൽ തുടങ്ങി മെഡിക്കൽ കോളേജിൽ മാതൃകാപരമായ പ്രവർത്തനങ്ങൾ വിദ്യാർത്ഥികൾ കാഴ്ചവെച്ചു.

തദ്ദേശ തെരഞ്ഞെടുപ്പില്‍ ജനപ്രതിനിധികളായി തിരഞ്ഞെടുക്കപ്പെട്ട കുടുംബശ്രീ അംഗങ്ങളെ ആദരിച്ചു
 

ശബരിമല മകരജ്യോതി ദര്‍ശനത്തിനായുള്ള വ്യൂ പോയിന്റുകളില്‍ സുരക്ഷ ഉറപ്പാക്കുമെന്ന് ജില്ലാ കലക്ടര്‍ എസ് പ്രേം കൃഷ്ണന്‍. മകരവിളക്ക്, തിരുവാഭരണ ഘോഷയാത്ര മുന്നൊരുക്കങ്ങള്‍ വിലയിരുത്താന്‍ കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന അവലോകന യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. അംഗീകൃതമല്ലാത്ത വ്യൂ പോയിന്റുകളില്‍ തീര്‍ഥാടകര്‍ക്ക് പ്രവേശനം അനുവദിക്കില്ല. വ്യൂ പോയിന്റുകളിലും അപകട സാധ്യതയുളള വഴികളിലും സുരക്ഷാവേലി സ്ഥാപിക്കും. അപകടകരമായി നില്‍ക്കുന്ന മരച്ചില്ലകള്‍ മുറിച്ച് മാറ്റും.  

കാലാവസ്ഥാനുസൃതവും സുസ്ഥിരവുമയ കൃഷി പ്രോത്സാഹിപ്പിച്ച് കർഷകർക്ക് മികച്ച വിപണി, ന്യായമായ വില ഉറപ്പാക്കാൻ സർക്കാർ 2365 കോടി രൂപ വകയിരുത്തി കേര പദ്ധതി നടപ്പാക്കുമെന്ന് കാർഷിക വികസന–കർഷക ക്ഷേമ മന്ത്രി പി. പ്രസാദ്.
അമ്പലവയൽ  സെന്റർ ഓഫ് എക്സലൻസ് ട്രെയിനിങ് ഹാളിൽ നടത്തിയ വാർത്താ സമ്മേളനത്തിൽ സംസാരിക്കുകയായിരുന്നു മന്ത്രി. സംസ്ഥാനത്തെ കാർഷിക മേഖലയുടെ വളർച്ചയ്ക്ക് നിരവധി പദ്ധതികളാണ് നടപ്പാക്കിയതെന്നും
40 വർഷത്തിനിടയിൽ സംസ്ഥാനത്ത് കൃഷി വകുപ്പ് നടപ്പാക്കുന്ന ഏറ്റവും  വലിയ പദ്ധതിയാണ് കേരയെന്നും മന്ത്രി  പറഞ്ഞു. 

വെണ്ണികുളം സര്‍ക്കാര്‍ പോളിടെക്‌നിക് കോളജില്‍ ഗസ്റ്റ് ലക്ചറര്‍ തസ്തികയില്‍ ഓട്ടോമൊബൈല്‍ എഞ്ചിനീയറിംഗ് വിഭാഗത്തിലെ താല്‍കാലിക ഒഴിവിലേക്ക് ജനുവരി അഞ്ചിന് നടക്കേണ്ട അഭിമുഖം ജനുവരി 16 ന് രാവിലെ 11 ന് നടക്കുമെന്ന് പ്രിന്‍സിപ്പല്‍ അറിയിച്ചു. ബന്ധപ്പെട്ട വിഷയത്തില്‍ ഒന്നാംക്ലാസ് ബിരുദമാണ് യോഗ്യത. ഫോണ്‍: 0469 2650228.

കുമ്പഴ കോന്നി- വെട്ടൂര്‍ റോഡില്‍ ജനുവരി ആറുവരെ ടാറിംഗ് പ്രവൃത്തി നടക്കുന്നതിനാല്‍ വാഹന ഗതാഗതം പൂര്‍ണമായി നിരോധിച്ചു. പുനലൂര്‍- മൂവാറ്റുപുഴ റോഡ് വഴി വാഹനങ്ങള്‍ പോകണം.
 

റാന്നി പെരുനാട് ഗ്രാമപഞ്ചായത്തിന്റെ പരിധിയിലെ വാട്ടര്‍ കണക്ഷന്‍ നിലവിലില്ലാത്ത ഗുണഭോക്താക്കള്‍ക്ക് ജലജീവന്‍ മിഷന്റെ ഭാഗമായി ഗാര്‍ഹിക കണക്ഷന്‍ ലഭ്യമാക്കുന്നതിന് അപേക്ഷ ക്ഷണിച്ചു. അതാത് വാര്‍ഡ് മെമ്പര്‍മാരുമായോ പഞ്ചായത്ത് ഓഫീസുമായോ ബന്ധപ്പെട്ട് അപേക്ഷ നല്‍കാം. ഫോണ്‍: 04735240230.