കേരള കർഷക തൊഴിലാളി ക്ഷേമനിധി ബോർഡിൽ 10 വർഷ കാലപരിധിയ്ക്കുള്ളിൽ അംശാദായം 24 മാസത്തിലധികം കുടിശിക വരുത്തി അംഗത്വം നഷ്ടപ്പെട്ട തൊഴിലാളികൾക്ക് അംശാദായ കുടിശ്ശിക പിഴ സഹിതം ജനുവരി 10നകം അടച്ച് അംഗത്വം പുനഃസ്ഥാപിക്കാം. സെപ്റ്റംബർ 1 മുതലുള്ള കുടിശിക അടയ്ക്കാം. അംഗത്വം പുനഃസ്ഥാപിക്കുന്നതിന് അംഗത്തിന്റെ ആധാർ, ബാങ്ക് പാസ്ബുക്ക് എന്നിവയുടെ പകർപ്പുകൾ, ഫോട്ടോ, ഫോൺ നമ്പർ എന്നിവ സമർപ്പിക്കണം.

ചൂഷണത്തിന് വിധേയരായി അവിവാഹിത അവസ്ഥയിൽ  അമ്മമാരാകുന്ന ബി.പി.എൽ വിഭാഗത്തിൽപെട്ട സ്ത്രീകൾക്ക് സ്‌നേഹസ്പർശം പദ്ധതി ധനസഹായത്തിനായി പുതിയ അപേക്ഷ സമർപ്പിക്കാം. പ്രായപരിധി 60 വയസ്).

  കേരള സാമൂഹ്യ സുരക്ഷാ മിഷൻ മുഖേന നടപ്പിലാക്കി വരുന്ന സമാശ്വാസം പദ്ധതിയിൽ ധനസഹായം ലഭിച്ചുകൊണ്ടിരിക്കുന്ന ഗുണഭോക്താക്കൾ തുടർന്നും ധനസഹായം ലഭിക്കുന്നതിനായി ലൈഫ് സർട്ടിഫിക്കറ്റ്, ബാങ്ക് പാസ് ബുക്കിന്റെ പകർപ്പ്

 ആഗോളതലത്തിൽ ശ്രദ്ധിക്കപ്പെടുന്ന 'എ.ഐ ഇംപാക്ട് സമ്മിറ്റ് 2026'-ന് മുന്നോടിയായി കേരള സർക്കാർ സംഘടിപ്പിക്കുന്

* ഭൂരിഭാഗം നിർദ്ദേശങ്ങളും നടപ്പാക്കി

മൃഗസംരക്ഷണ വകുപ്പില്‍ ആലപ്പുഴ ജില്ലയിലെ വിവിധ ബ്ലോക്കുകളിലേക്ക് രാത്രികാല അടിയന്തര മൃഗചികില്‍സ സേവനത്തിന് വെറ്ററിനറി സര്‍ജന്‍ തസ്തികയില്‍ കരാര്‍ അടിസ്ഥാനത്തില്‍ നിയമനം നടത്തുന്നു. വാക്ക് ഇന്‍ ഇന്റര്‍വ്യൂ ജനുവരി എട്ടിന് രാവിലെ 11 മുതല്‍ 12 വരെ ജില്ലാകോടതി പാലത്തിന് സമീപമുള്ള ജില്ലാ മൃഗസംരക്ഷണ ഓഫീസില്‍ നടക്കും. വെറ്ററിനറി സയന്‍സിലെ ബിരുദം, കേരളാ സ്റ്റേറ്റ് വെറ്ററിനറി കൗണ്‍സില്‍ രജിസ്ട്രേഷന്‍ എന്നീ യോഗ്യതകളോടൊപ്പം വെറ്ററിനറി ഒബ്‌സ്റ്റട്രിക്‌സ് ആന്‍ഡ് ഗൈനക്കോളജി, ക്ലിനിക്കല്‍ മെഡിസിന്‍, സര്‍ജറി എന്നിവയിലെ ബിരുദാനന്തര ബിരുദം എന്നിവ അഭിലഷണീയ യോഗ്യതയായി കണക്കാക്കും.  ഫോണ്‍: 0477-2252431.

റീബില്‍ഡ് കേരള ഇനിഷ്യേറ്റീവ് പദ്ധതിയില്‍ ഉള്‍പ്പെടുത്തി ആലപ്പുഴ ജില്ലയ്ക്ക് അനുവദിച്ച മൊബൈല്‍ വെറ്ററിനറി യൂണിറ്റിലേക്ക് വെറ്ററിനറി സര്‍ജന്‍ തസ്തികയില്‍ കരാര്‍ അടിസ്ഥാനത്തില്‍ നിയമനം നടത്തുന്നു.  വാക്ക് ഇന്‍ ഇന്റര്‍വ്യൂ ജനുവരി എട്ടിന് രാവിലെ 10.30  മുതല്‍ 11 വരെ ജില്ലാകോടതി പാലത്തിന് സമീപമുള്ള ജില്ലാ മൃഗസംരക്ഷണ ഓഫീസില്‍ നടക്കും. വെറ്ററിനറി സയന്‍സിലെ ബിരുദം, കേരളാ സ്റ്റേറ്റ് വെറ്ററിനറി കൗണ്‍സില്‍ രജിസ്ട്രേഷന്‍, മലയാളം കൈകാര്യം ചെയ്യുവാനുള്ള കഴിവ്, ചെറുവാഹനങ്ങള്‍ ഓടിക്കുവാനുള്ള ലൈസന്‍സ് എന്നിവയാണ് യോഗ്യതകള്‍. ഫോണ്‍ : 0477-2252431.

പട്ടികവർഗക്കാർക്കായി സൗജന്യ സിവിൽ സർവീസ് പരിശീലനത്തിന് അപേക്ഷ ക്ഷണിച്ചു. 30 വയസ്സിന് താഴെ പ്രായമുള്ളവർക്കും 50 ശതമാനം മാർക്കോടെ ബിരുദം നേടിയവർക്കും (അവസാന സെമസ്റ്റർ പരീക്ഷാഫലം കാത്തിരിക്കുന്നവർ ഉൾപ്പെടെ) അപേക്ഷിക്കാം. 

കുടുംബ വാർഷിക വരുമാനം 2.50 ലക്ഷം രൂപയിൽ കവിയരുത്. മെറിറ്റ് അടിസ്ഥാനത്തിൽ തിരഞ്ഞെടുക്കപ്പെടുന്ന 50 പേർക്ക് തിരുവനന്തപുരത്ത് ഒരു മാസത്തെ ഓറിയന്റേഷൻ ക്ലാസും, അതിനുശേഷം സ്ക്രീനിംഗ് ടെസ്റ്റിലൂടെ തിരഞ്ഞെടുക്കപ്പെടുന്ന 30 പേർക്ക് പ്രമുഖ ഇൻസ്റ്റിറ്റ്യൂട്ടുകളിൽ ഒരു വർഷത്തെ സൗജന്യ കോച്ചിംഗും നൽകുന്നതാണ്.കോഴ്സ് ഫീ, താമസം, ഭക്ഷണം എന്നിവ വകുപ്പ് വഹിക്കും. 

എറണാകുളം മഹാരാജാസ് കോളേജിലെ ജിയോളജി വിഭാഗത്തിൽ 2025-26 അധ്യയന വർഷത്തേക്ക് അതിഥി അധ്യാപക ഒഴിവ്. ജിയോളജിയിൽ ബിരുദാനന്തര ബിരുദമാണ് അടിസ്ഥാന യോഗ്യത.നെറ്റ്,പി എച്ച് ഡി ,എന്നിവയുള്ളവർക്കും പ്രവൃത്തിപരിചയമുള്ളവർക്കും മുൻഗണന ഉണ്ടായിരിക്കും. 

എറണാകുളം കോളേജ് വിദ്യാഭ്യാസ വകുപ്പ് ഉപമേധാവിയുടെ കാര്യാലയത്തിലെ ഗസ്റ്റ് ലക്ചറർ പാനലിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾക്ക് അപേക്ഷിക്കാം. താല്പര്യമുള്ളവർ അസ്സൽ സർട്ടിഫിക്കറ്റുകളും അവയുടെ ഒരു സെറ്റ് പകർപ്പുകളുമായി ജനുവരി 12 തിങ്കളാഴ്ച രാവിലെ 10.30 ന് പ്രിൻസിപ്പലുടെ ഓഫീസിൽ നടത്തുന്ന അഭിമുഖത്തിന് നേരിട്ട് ഹാജരാകേണ്ടതാണ്.

മത്സ്യബന്ധനത്തിനിടെ ബോട്ടില്‍ നിന്ന് കടലിൽ വീണ് കാണാതായ മത്സ്യത്തൊഴിലാളി, മാരാരിക്കുളം തെക്ക് പഞ്ചായത്ത് കാട്ടൂര്‍ കറുകപ്പറമ്പില്‍ ക്‌ളീറ്റസ് മകന്‍ ജോസഫിന്റെ കുടുംബത്തിന് മത്സ്യത്തൊഴിലാളി ക്ഷേമനിധി ബോര്‍ഡിന്റെ അടിയന്തിര ധനസഹായം നൽകി. വീട്ടിൽ നടന്ന ചടങ്ങിൽ പി.പി. ചിത്തരഞ്ജന്‍ എം.എല്‍.എ. ധനസഹായം കൈമാറി. കുടുംബത്തിന് വാസയോഗ്യമായ പുതിയ വീട് നിര്‍മ്മിച്ചു നല്‍കാനും കടം എഴുതിത്തളളാനും തുടര്‍ നടപടി സ്വീകരിക്കുമെന്ന് എം.എല്‍.എ. അറിയിച്ചു.