മലപ്പുറം ജില്ലാ ശുചിത്വമിഷന്റെ നേതൃത്വത്തില്‍ ജില്ലയിലെ കോളേജുകള്‍ കേന്ദ്രീകരിച്ച് നടത്തുന്ന വോട്ട് വിത്തൗട്ട് വേസ്റ്റ് ക്യാമ്പയിന് മികച്ച സ്വീകാര്യത. യുവജനങ്ങള്‍ക്കിടയില്‍ മാലിന്യ സംസ്‌കരണത്തിന്റെ അവബോധം വര്‍ദ്ധിപ്പിക്കുകയും തെരഞ്ഞെടുപ്പില്‍ എങ്ങനെയൊക്കെ മാലിന്യത്തിന്റെ അളവ് കുറയ്ക്കാം എന്ന സന്ദേശം നല്‍കുകയുമാണ് വോട്ട് വിത്തൗട്ട് വേസ്റ്റ് ക്യാമ്പയിന്‍.

നിയമസഭാ തെരഞ്ഞെടുപ്പിന്റെ ഭാഗമായി സിവില്‍ സ്റ്റേഷനില്‍ കളക്ടറുടെ ചേംബറിനു മുമ്പില്‍ ഒരുക്കിയ മാതൃകാ ഹരിത പോളിംഗ് ബൂത്തിന്റെ ഉദ്ഘാടനം ഇലക്ഷന്‍ ജനറല്‍ ഒബ്സര്‍വര്‍ രാജേന്ദ്രകുമാര്‍, ജില്ലാ കളക്ടര്‍ ഡോ. വിനയ് ഗോയല്‍ എന്നിവര്‍ ചേര്‍ന്ന് നിര്‍വഹിച്ചു. തെരഞ്ഞെടുപ്പ് കമ്മീഷന്റെ ഒബ്സര്‍വര്‍മാര്‍, സബ് കളക്ടര്‍മാരായ ദിലീപ് കെ കൈനിക്കര, സാക്ഷി മോഹന്‍, എ.ഡി.എം രാജേഷ് സി.എസ്, ജില്ലാ ഇന്‍ഫര്‍മേഷന്‍ ഓഫീസര്‍ കെ. മുഹമ്മദ്, ശുചിത്വ മിഷന്‍ ഡെപ്യൂട്ടി ഡയറക്ടറും ജില്ലാ കോഓര്‍ഡിനേറ്ററുമായ എ. ആതിര തുടങ്ങിയവര്‍ ഉദ്ഘാടന ചടങ്ങിന് സാക്ഷിയായി.

അടൂര്‍ താലൂക്കില്‍ പന്തളം വില്ലേജില്‍ ബ്ലോക്ക് നമ്പര്‍ 01 ല്‍ 17603 നമ്പര്‍ തണ്ടപേരില്‍ റീസര്‍വേ നമ്പര്‍ 576/7 ല്‍പെട്ട 01.80 ആര്‍ സ്ഥലം കോടതി പിഴ ഇനത്തിലുളള തുക ഈടാക്കുന്നതിന് മേയ് ആറിന് രാവിലെ 11.30
ന് പന്തളം വില്ലേജ് ഓഫീസില്‍ അടൂര്‍ തഹസില്‍ദാര്‍ ലേലം ചെയ്യും. ഫോണ്‍ : 04734 224826.
 

വലിയകാവ് റിസര്‍വ്  റോഡില്‍ ടാറിംഗ് നടക്കുന്നതിനാല്‍ മാര്‍ച്ച് 30 മുതല്‍ ചിറക്കപടി മുതല്‍ വലിയകാവ്  വരെ ഗതാഗത നിരോധനം ഏര്‍പ്പെടുത്തിയതായി അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു

ഇട്ടിയപാറ- അമ്മച്ചികാട് റോഡില്‍ ടാറിംഗ് നടക്കുന്നതിനാല്‍ മാര്‍ച്ച് 30 മുതല്‍ ഇട്ടിയപാറ മുതല്‍ ഒഴുവാന്‍പാറ വരെ ഗതാഗത നിരോധനം ഏര്‍പ്പെടുത്തിയതായി അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

മല്ലപ്പളളി കെല്‍ട്രോണ്‍ നോളജ് സെന്ററില്‍ അവധികാല ക്ലാസുകള്‍ ഏപ്രില്‍ ആറ് മുതല്‍ ആരംഭിക്കും. മൂന്ന് മുതല്‍ 12-ാം ക്ലാസ് വരെ പഠിക്കുന്നവര്‍ക്ക് അപേക്ഷിക്കാം. ഫോണ്‍ : 8281905525, 0469 2961525.
 

ഗാര്‍ഹിക പാചക വാതക സിലിണ്ടറുകളുടെ  ദുരുപയോഗം തടയുന്നതിന്   ജില്ലാ സപ്ലൈ ഓഫീസര്‍  ജി.എസ് ഗോപകുമാറിന്റെ നേതൃത്വത്തില്‍ റാന്നി, മല്ലപ്പളളി, തിരുവല്ല, അടൂര്‍  താലൂക്കുകളില്‍  മിന്നല്‍ പരിശോധന നടത്തി.  ഗാര്‍ഹിക പാചക വാതക  സിലിണ്ടറുകള്‍  ഹോട്ടലുകളില്‍ ഉപയോഗിക്കുന്നതായി കണ്ടെത്തിയതിനെ തുടര്‍ന്ന്  10 ഗാര്‍ഹിക പാചക വാതക  സിലിണ്ടറുകള്‍ കസ്റ്റഡിയില്‍  എടുത്തു. കുറ്റക്കാര്‍ക്കെതിരെ  1955 അവശ്യസാധന നിയമത്തിലെ വിവിധ വകുപ്പ്  പ്രകാരം ജില്ല കലക്ടര്‍ക്ക് റിപ്പോര്‍ട്ട് സമര്‍പ്പിച്ച് തുടര്‍ നര്‍പടി സ്വീകരിക്കുമെന്ന്  ജില്ലാ സപ്ലൈ ഓഫീസര്‍ അറിയിച്ചു.

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയില്‍ ഏറ്റവും കൂടുതല്‍ സര്‍വീസ് വോട്ടുള്ളത് അടൂര്‍ നിയോജക മണ്ഡലത്തില്‍, 1170 പേര്‍. ജില്ലയില്‍ അഞ്ചു മണ്ഡലങ്ങളിലായി 3255 പുരുഷന്‍മാരും 175 സ്ത്രീകളുമുള്‍പ്പെടെ 3430 സര്‍വീസ് വോട്ടുകള്‍.

നിയമസഭ തിരഞ്ഞെടുപ്പിനോടനുബന്ധിച്ച് ജില്ല ഭരണകൂടത്തിന്റെയും സ്വീപിന്റെയും നേതൃത്വത്തില്‍ സംഘടിപ്പിക്കുന്ന 'സ്ലോ റണ്‍' കാമ്പയിന്‍ ഇന്ന് (മാര്‍ച്ച് 28, ശനി) രാവിലെ എട്ടിന് ജില്ല കലക്ടര്‍ എസ് പ്രേം കൃഷ്ണന്‍ ഫ്ളാഗ് ഓഫ് ചെയ്യും. കലക്ടറേറ്റ് ഗേറ്റ് മുതല്‍ ഗാന്ധി സ്‌ക്വയര്‍ വരെയാണ് സ്ലോ റണ്‍. വോട്ട് ചെയ്യാനുള്ള അവബോധം വര്‍ധിപ്പിക്കുകയാണ് ലക്ഷ്യം. പത്തനംതിട്ട 14 കേരള ബറ്റാലിയന്‍ എന്‍സിസി അംഗങ്ങള്‍, ഉദ്യോഗസ്ഥര്‍, വിദ്യാര്‍ഥികള്‍ തുടങ്ങിയവര്‍ പങ്കെടുക്കും.
 

നിയമസഭ തിരഞ്ഞെടുപ്പിന്റെ ചെലവ് നിരീക്ഷണവുമായി ബന്ധപ്പെട്ട് സ്ഥാനാര്‍ഥികളുടെ ഏജന്റുമാര്‍ക്ക്