നിയമസഭ തിരഞ്ഞെടുപ്പിന്റെ ഭാഗമായി വടകര താഴെ അങ്ങാടിയിലെ സൈക്ലോണ്‍ ഷെല്‍ട്ടറില്‍ താമസിച്ചുവരുന്ന ബി.എസ്.എഫിലെ 103 ബറ്റാലിയന്‍ അംഗങ്ങള്‍ക്കായി രാത്രികാല രക്തപരിശോധനാ ക്യാമ്പ് സംഘടിപ്പിച്ചു. മലമ്പനി, മന്ത് രോഗനിര്‍ണയത്തിനായി ജില്ലാ വെക്ടര്‍ കണ്‍ട്രോള്‍ യൂണിറ്റിന്റെ ആഭിമുഖ്യത്തിലാണ് രക്ത പരിശോധന നടത്തിയത്.

ക്യാമ്പിന് ജില്ലാ വെക്ടര്‍ കണ്‍ട്രോള്‍ യൂണിറ്റിലെ ഹെല്‍ത്ത് ഇന്‍സ്‌പെക്ടര്‍ എം കെ അബ്ദുസ്സലാം, ഫീല്‍ഡ് അസിസ്റ്റന്റ് രാമചന്ദ്രന്‍, ഫീല്‍ഡ് വര്‍ക്കര്‍മാര്‍, സേനയിലെ ഉന്നത ഉദ്യോഗസ്ഥര്‍ എന്നിവര്‍ നേതൃത്വം നല്‍കി.

കല്യാശ്ശേരി മണ്ഡലത്തിൽ സുഗമമായ തിരഞ്ഞെടുപ്പ് ഉറപ്പുവരുത്തുന്നതിന് തിരഞ്ഞെടുപ്പ് നിരീക്ഷകർ, സ്ഥാനാർത്ഥികൾ, പോലീസ്, റവന്യൂ ഉദ്യോഗസ്ഥർ എന്നിവരുടെ യോഗം ചേർന്നു. പൊതുനിരീക്ഷകനായ സത്നം സിങ് ഉദ്‌ഘാടനം ചെയ്തു. തിരഞ്ഞെടുപ്പുമായി ബന്ധപ്പെട്ട് പ്രശ്നമുണ്ടായാൽ നിരീക്ഷകരെ ബന്ധപ്പെടമെന്ന് പൊതുനിരീക്ഷകനായ സത്നം സിങ്, ചെലവ് നിരീക്ഷക ടി സ്വപ്ന, പോലീസ് നിരീക്ഷകൻ ടെൻസിങ് ലോതൻ ലെപ്ച്ച എന്നിവർ അറിയിച്ചു. കല്യാശ്ശേരി മണ്ഡലം വരണാധികാരി കെ. എൻ ബിന്ദു, കല്യാശ്ശേരി ബ്ലോക്ക് പഞ്ചായത്ത് സെക്രട്ടറി രജിമ എന്നിവർ പങ്കെടുത്തു. 

കല്യാശ്ശേരി മണ്ഡലത്തിലെ നിരീക്ഷകരുമായി ബന്ധപ്പെടാനുള്ള ഫോൺ നമ്പർ 

നിയമസഭ തിരഞ്ഞെടുപ്പിന് മുന്നോടിയായി തിരുവമ്പാടി, കൊടുവള്ളി മണ്ഡലങ്ങളിലെ തിരഞ്ഞെടുപ്പ് സാമഗ്രികളുടെ വിതരണ, സ്വീകരണ, വോട്ടെണ്ണല്‍ കേന്ദ്രങ്ങള്‍ ജില്ലാ കലക്ടര്‍ സ്നേഹില്‍ കുമാര്‍ സിങ് സന്ദര്‍ശിച്ചു. തിരുവമ്പാടി മണ്ഡലത്തിന്റെ സ്വീകരണ, വിതരണ, വോട്ടെണ്ണല്‍ കേന്ദ്രവും കൊടുവള്ളിയുടെ വോട്ടെണ്ണല്‍ കേന്ദ്രവുമായ കൂടത്തായി സെന്റ് മേരീസ് സ്‌കൂള്‍, കൊടുവള്ളി മണ്ഡലത്തിന്റെ സ്വീകരണ, വിതരണ കേന്ദ്രമായ കെ.എം.ഒ ഹയര്‍സെക്കന്‍ഡറി സ്‌കൂള്‍ എന്നിവയാണ് സന്ദര്‍ശിച്ചത്. 

കൊടുവള്ളി നിയോജക മണ്ഡലത്തില്‍ 13 സ്ഥാനാര്‍ത്ഥികള്‍. ഇതോടെ 2026 നിയമസഭ തിരഞ്ഞെടുപ്പില്‍ ജില്ലയില്‍ മത്സരിക്കുക 100 സ്ഥാനാര്‍ഥികള്‍. 

പാചകവാതക വിതരണം: കൺട്രോൾ റൂം തുറന്നു 

പാചകവാതക വിതരണവുമായി ബന്ധപ്പെട്ട പ്രശ്നങ്ങൾക്ക് അടിയന്തിര പരിഹാരം കാണുന്നതിന് ജില്ലാ/താലൂക്ക് സപ്ലൈ ഓഫീസുകളിൽ എമർജൻസി സെല്ലിൽ കൺട്രോൾ റൂം തുറന്നു. 

ജില്ലാ കൺട്രോൾ റൂം : 9496360616, താലൂക്ക് കൺട്രോൾ റൂം - തലശ്ശേരി : 9745602057, തളിപ്പറമ്പ് : 9961113885, ഇരിട്ടി: 9961386809, പയ്യന്നൂർ : 9539470999, കണ്ണൂർ : 9746634050

ക്വട്ടേഷൻ ക്ഷണിച്ചു

നിയമസഭ തിരഞ്ഞെടുപ്പിൽ വോട്ടർമാരുടെ പങ്കാളിത്തം വർധിപ്പിക്കാൻ ജില്ലാ ഭരണകൂടത്തിന്റെ നേതൃത്വത്തിൽ നടത്തിവരുന്ന സ്വീപ്പ് പ്രചാരണ പരിപാടികളുടെ ഭാഗമായി ജലഘോഷയാത്ര സംഘടിപ്പിച്ചു. ഫിഷറീസ് വകുപ്പിന്റെ സഹകരണത്തോടെ പുതിയാപ്പ ഹാർബറിൽ സംഘടിപ്പിച്ച പരിപാടി ജില്ലാ കലക്ടർ സ്നേഹിൽ കുമാർ സിങ് ഫ്ലാഗ് ഓഫ് ചെയ്തു. സ്വീപ്പ് ബോട്ട് ഇൻസ്റ്റലേഷൻ അനാച്ഛാദനവും കലക്ടർ നിർവഹിച്ചു.  

ബ്യൂട്ടി തെറാപ്പിസ്റ്റ് കോഴ്സ്

കോഴിക്കോട് ഗവ. വനിത ഐ.ടി.ഐയില്‍ ഐ.എം.സി നടത്തുന്ന ബ്യൂട്ടി തെറാപ്പിസ്റ്റ് കോഴ്സിലേക്ക് അഡ്മിഷന്‍ ആരംഭിച്ചു. യോഗ്യത: എസ്.എസ്.എല്‍.സി. പ്രായപരിധിയില്ല. ഫോണ്‍: 9539853888, 8086010400.

റാങ്ക് പട്ടിക റദ്ദായി

ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍ (മാത്തമാറ്റിക്സ്, കാറ്റഗറി നമ്പര്‍: 550/2024) തസ്തികയുടെ റാങ്ക് പട്ടികയില്‍ ഉള്‍പ്പെട്ട ഏക ഉദ്യോഗാര്‍ഥിയെ നിയമന ശിപാര്‍ശ ചെയ്തതിനാല്‍ റാങ്ക് പട്ടിക റദ്ദായതായി പി.എസ്.സി ജില്ലാ ഓഫീസര്‍ അറിയിച്ചു.

നിയമസഭ തിരഞ്ഞെടുപ്പുമായി ബന്ധപ്പെട്ട് ഇലക്ഷന്‍ എക്‌സ്പന്റിച്ചര്‍ ഏജന്റുമാര്‍ക്ക് പരിശീലനം സംഘടിപ്പിച്ചു. കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിശീലന പരിപാടിയില്‍ 13 മണ്ഡലങ്ങളില്‍ നിന്നുമുള്ള രാഷ്ട്രീയ പാര്‍ട്ടി എക്‌സ്പന്റിച്ചര്‍ ഏജന്റുമാര്‍ പങ്കെടുത്തു. ജില്ലാ കലക്ടര്‍ സ്‌നേഹില്‍ കുമാര്‍ സിങ് പരിശീലന പരിപാടി സന്ദര്‍ശിച്ചു.

കേരള സംസ്ഥാന ഹജ്ജ് കമ്മിറ്റി മുഖേന ഹജ്ജിന് പുറപ്പെടുന്നവരുടെ കൂടെ യാത്ര ചെയ്ത് സൗദിയില്‍ സേവനം ചെയ്യുന്നതിന് തിരഞ്ഞെടുക്കപ്പെട്ട സ്റ്റേറ്റ് ഹജ് ഇന്‍സ്‌പെക്ടര്‍മാരുടെ ദ്വിദിന റസിഡന്‍ഷ്യല്‍  പരിശീലന ക്യാംപ് കരിപ്പൂര്‍ ഹജ്ജ് ഹൗസില്‍ തുടങ്ങി. സംസ്ഥാന ഹജ്ജ് കമ്മിറ്റി ചെയര്‍മാന്‍ ഡോ. ഹുസൈന്‍ സഖാഫി ചുള്ളിക്കോട് ഉദ്ഘാടനം ചെയ്തു. കേരളത്തില്‍ നിന്ന് ഹജ്ജ് വേളയില്‍ സേവനത്തിനായി തിരഞ്ഞെടുക്കപ്പെട്ട ഹജ്ജ് ഓഫീസര്‍, ഹജ്ജ് സൂപ്രണ്ട്, ഡോക്ടര്‍, പാരാമെഡിക്കല്‍ ജീവനക്കാര്‍ ഉള്‍പ്പെട്ട ഡപ്യൂട്ടേഷനിസ്റ്റുകള്‍ക്കും സ്റ്റേറ്റ് ഹജ്ജ് ഇന്‍സ്പെക്ടര്‍മാര്‍ക്കുമാണ്  വിപുലമായ പരിശീലനം ഒരുക്കിയത്.