ഗുരുവായൂർ, മണലൂർ, കുന്നംകുളം എന്നീ നിയോജകമണ്ഡലങ്ങളിലെ പോൾഡ് ഇവിഎം കേന്ദ്രങ്ങൾ സജ്ജീകരിച്ചിരിക്കുന്ന ഗുരുവായൂർ ശ്രീകൃഷ്ണ കോളേജ് ജില്ലാ ഇലക്ഷൻ ഓഫീസറും ജില്ലാ കളക്ടറുമായ ശിഖ സുരേന്ദ്രൻ സന്ദർശിച്ചു. മൂന്ന് നിയോജകമണ്ഡലങ്ങളിലേയും പോൾഡ് ഇവിഎമുകൾ സൂക്ഷിക്കുന്ന സ്ട്രോങ്ങ്‌ റൂമുകളും കൗണ്ടിങ് ഹാളുകളും കളക്ടർ പരിശോധിച്ച് സുരക്ഷയും പ്രവർത്തനവും ഉറപ്പ് വരുത്തി.

 നിയമസഭാ തിരഞ്ഞെടുപ്പിന്റെ ഭാഗമായി സ്വീപിന്റെ (SVEEP) നേതൃത്വത്തിൽ കളക്ടറേറ്റ് അങ്കണത്തിൽ വടംവലി മത്സരം സംഘടിപ്പിച്ചു. 'കൈയല്ല വിരലാണ് കരുത്ത്' എന്ന ആശയം മുൻനിർത്തി നടന്ന പരിപാടിയിൽ കളക്ടറേറ്റിലെ വിവിധ വകുപ്പുകളിൽ നിന്നുള്ള ജീവനക്കാർ പങ്കെടുത്തു. ജില്ലാ കളക്ടർ ശിഖ സുരേന്ദ്രൻ മത്സരം ഉദ്ഘാടനം നിർവഹിച്ചു.

അഞ്ഞൂർ റോഡ്, ഗുരുവായൂർ - ആൽത്തറ - പൊന്നാനി റോഡ്, ഗുരുവായൂർ ചൂണ്ടൽ റോഡ് എന്നീ റോഡുകളിൽ പൊതുമരാമത്തു വകുപ്പിന്റെ അധീനതയിലുള്ള സ്ഥലത്ത് അനധികൃതമായി നിർമ്മിച്ചിരിക്കുന്നതും സ്ഥാപിച്ചിരിക്കുന്നതുമായ കടകൾ 1 ബോർഡുകൾ, ബസ് ഷെൽട്ടറുകൾ, മറ്റു നിർമ്മിതികൾ എല്ലാം തന്നെ സ്വമേധയാ എടുത്തു മാറ്റണമെന്ന് അസിസ്റ്റൻറ് എക്സിക്യൂട്ടീവ് എൻജിനീയർ അറിയിച്ചു. അല്ലാത്ത പക്ഷം ഇനിയൊരു അറിയിപ്പ് കൂടാതെ നിർമ്മിതികൾ പൊതുമരാമത്തു വകുപ്പ് പൊളിച്ചുമാറ്റി വസ്‌തുവകകൾ കണ്ടുകെട്ടി അതിനുള്ള ചെലവുകൾ  പിഴ സഹിതം ബന്ധപ്പെട്ട വ്യക്തികളിൽ നിന്നും ഈടാക്കുന്നതാണ്.

തൃശ്ശൂര്‍ ജില്ലയിലെ പ്രധാനമന്ത്രിയുടെ സന്ദര്‍ശനവുമായി ബന്ധപ്പെട്ട് സുരക്ഷാ ക്രമീകരണത്തിന്റെ ഭാഗമായി തൃശ്ശൂര്‍ കോര്‍പ്പറേഷന്‍ പരിധിയിലെ എയര്‍ സ്‌പേയ്‌സില്‍ പ്രൈവറ്റ് ഹെലികോപ്റ്റര്‍, ഡ്രോണ്‍, ഹാംഗ് ഗ്ലൈഡറുകള്‍ എന്നിവയുടെ ഉപയോഗം മാര്‍ച്ച് 29 ന് ഉച്ചയ്ക്ക് ഒരു മണി മുതല്‍ വൈകിട്ട് 7 മണി വരെ നിരോധിച്ചു കൊണ്ട് ജില്ലാ കളക്ടര്‍ ഉത്തരവിറക്കി.

ജില്ലയിൽ തിരഞ്ഞെടുപ്പ് നടക്കുന്ന 54 പോളിംഗ്  സ്റ്റേഷനുകളിൽ മാറ്റം വരുത്തി. 42 പോളിംഗ് സ്റ്റേഷനുകളും 12 പോളിംഗ്  ബിൽഡിങ്ങുകളുമാണ് മാറ്റം വരുത്തിയത്. വോട്ടർമാരുടെ സൗകര്യാർത്ഥം രാഷ്ട്രീയ പാർട്ടികളുമായി സംസാരിച്ച് ഇലക്ഷൻ കമ്മീഷന്റെ അനുമതിയോടെയാണ് ഈ മാറ്റങ്ങൾ വന്നിട്ടുള്ളത്. മണ്ഡലം, നിലവിലെ പോളിംഗ് സ്റ്റേഷൻ, ( മാറ്റം വരുത്തിയ പോളിംഗ് സ്റ്റേഷൻ) എന്ന ക്രമത്തിൽ.

ചേലക്കര, കുന്നംകുളം, വടക്കാഞ്ചേരി മണ്ഡലങ്ങളുടെ നിരീക്ഷകനായ ബൻവർലാൽ (9188942531), ഗുരുവായൂർ, മണലൂർ, ഒല്ലൂർ, തൃശ്ശൂർ മണ്ഡലങ്ങളുടെ നിരീക്ഷകനായ എസ്.പ്രകാശ് (9188942532), നാട്ടിക, കൈപ്പമംഗലം, ഇരിങ്ങാലക്കുട മണ്ഡലങ്ങളുടെ നിരീക്ഷകനായ സന്ദീപ്കുമാർ  (9188942533), പുതുക്കാട്, ചാലക്കുടി, കൊടുങ്ങല്ലൂർ മണ്ഡലങ്ങളുടെ നിരീക്ഷകനായ രാജേഷ്കുമാർ (9188942534) എന്നിവർ  നൽകിയിരിക്കുന്ന ഫോൺ നമ്പർ മുഖേന പൊതുജനങ്ങളിൽ നിന്ന് പരാതികൾ സ്വീകരിക്കും.

ഏറ്റവും കൂടുതല്‍ മണലൂര്‍ നിയമസഭാ മണ്ഡലത്തില്‍ - 10 സ്ഥാനാര്‍ത്ഥികള്‍

ഏറ്റവും കുറവ് നാട്ടിക നിയമസഭാ മണ്ഡലത്തില്‍ - 3 സ്ഥാനാര്‍ത്ഥികള്‍

നിയമസഭാ മണ്ഡലം, സ്ഥാനാര്‍ത്ഥിയുടെ പേര്, പ്രതിനിധീകരിക്കുന്ന രാഷ്ട്രീയ പാര്‍ട്ടി, ചിഹ്നം എന്ന ക്രമത്തില്‍:

 മണലൂര്‍:

ജില്ലാ ലീഗൽ സർവീസ് അതോറിറ്റിയുടെ ആഭിമുഖ്യത്തിൽ മാനവീയം വീഥിയിൽ ഇന്ന് (മാർച്ച് 28) വൈകീട്ട്  6 മണിക്ക് വോട്ടേഴ്സ് ബോധവത്ക്കരണ പരിപാടി സംഘടിപ്പിക്കും. കേരള ലീഗൽ സർവീസ് അതോറിറ്റി ചെയർമാനും ഹൈക്കോടതി സീനിയർ ജഡ്ജിയുമായ ജസ്റ്റിസ്‌ ജയശങ്കരൻ നമ്പ്യാർ പരിപാടി ഉദ്ഘാടനം ചെയ്യും.

ചടങ്ങിൽ ജില്ലാ കളക്ടർ അനു കുമാരി, അസിസ്റ്റന്റ് കളക്ടർ ശിവശക്തിവേൽ, തിരുവനന്തപുരം സ്വീപ്പ് ടീമംഗങ്ങൾ തുടങ്ങിയവർ പങ്കെടുക്കും.

വോട്ടിംഗ് പ്രചാരണ ബോധവത്കരണ പ്രവർത്തനങ്ങളുടെ ഭാഗമായി സ്വീപ്  നിശാഗന്ധിയിൽ മൈമും പപ്പറ്റ് ഷോയും സംഘടിപ്പിച്ചു.  ഡയോസ്‌കോറസ് കോളേജ് ഓഫ് ഫാർമസിയിലെ വിദ്യാർത്ഥികൾ അവതരിപ്പിച്ച മൈമമും''എന്റെ വോട്ട് എന്റെ അഭിമാനം'' എന്ന സന്ദേശം പ്രചരിപ്പിച്ചുകൊണ്ടുള്ള സുനിൽ പട്ടിമറ്റത്തിന്റെ പപ്പറ്റ് ഷോയും പൊതുജനങ്ങൾക്ക് കൗതുകമായി.   സമൂഹത്തിലെ വിവിധ വിഭാഗങ്ങളിലേക്ക് വോട്ടവകാശ ബോധവത്കരണം എത്തിക്കുന്നതിന്റെ ഭാഗമായാണ് പരിപാടി സംഘടിപ്പിച്ചതെന്ന്  അസി. കളക്ടർ ഡോ. ശിവശക്തിവേൽ സി പറഞ്ഞു, തിരുവനന്തപുരം സ്വീപ് അംഗങ്ങൾ, എൽ.എസ്.ജി.ഡി പ്രതിനിധികൾ, ശുചിത്വമിഷൻ അംഗങ്ങൾ എന്നിവർ പങ്കെടുത്തു

ആദ്യഘട്ട റാൻഡമൈസേഷൻ പൂർത്തിയാക്കി  കളക്ടററേറ്റിലെ സ്‌ട്രോംഗ് റൂമിൽ സൂക്ഷിച്ചിട്ടുള്ള ഇലക്ട്രോണിക് വോട്ടിംഗ് മെഷീനുകൾ ഇന്ന് അതത് മണ്ഡലങ്ങളിലെ റിട്ടേണിംഗ് ഓഫീസർമാർക്ക്  കൈമാറും. രാവിലെ 9.30ന് കളക്ടറേറ്റിലെ സ്‌ട്രോംഗ് റൂമിൽ ആദ്യ മെഷീൻ വർക്കല റിട്ടേണിംഗ് ഓഫീസർ കബനി സിക്ക് കൈമാറി ജില്ലാ തിരഞ്ഞെടുപ്പ് ഉദ്യോഗസ്ഥയും ജില്ലാ കളക്ടറുമായ അനു കുമാരി ഇ വി എം വിതരണം ഉദ്ഘാടനം ചെയ്യും.