ജില്ലയിലെ വിവിധ ആരോഗ്യ സ്ഥാപനങ്ങളില്‍ കരാറടിസ്ഥാനത്തില്‍ ഡോക്ടറെ നിയമിക്കുന്നു. പീഡിയാട്രീഷ്യന്‍, ഇ.എന്‍.ടി, ഗൈനക്കോളജിസ്റ്റ്, പാലിയേറ്റീവ് മെഡിസിന്‍, ജനറല്‍ മെഡിസിന്‍, ഒഫ്താല്‍മോളജി, സൈക്യാട്രി, പി.എം.ആര്‍, ഡെര്‍മറ്റോളജി (അര്‍ബന്‍ പോളി ക്ലിനിക്) വിഭാഗങ്ങളിലേക്കാണ് നിയമനം. ബന്ധപ്പെട്ട വിഷയങ്ങളില്‍ യോഗ്യതയുള്ളവര്‍ക്ക് അപേക്ഷിക്കാം.  പ്രായപരിധി 67 വയസ്.  ഉദ്യോഗാര്‍ത്ഥികള്‍ ജൂലൈ 11 വൈകിട്ട് അഞ്ചിനകം  www.arogyakeralam.gov.in ല്‍ ഓണ്‍ലൈനായി  അപേക്ഷിക്കണം. എന്‍.എച്ച്.എം ഓഫീസില്‍ നേരിട്ടോ, തപാലായോ, ഇ-മെയില്‍ മുഖേനയോ അപേക്ഷ സ്വീകരിക്കില്ല.

കേരള സംസ്ഥാന ഭവന നിര്‍മ്മാണ ബോര്‍ഡ് മലപ്പുറം ഡിവിഷന്‍ ഓഫീസില്‍ നിന്ന് ദുര്‍ബല/താഴ്ന്ന വരുമാനക്കാര്‍ക്ക് വേണ്ടിയുള്ള ഗൃഹശ്രീ ഭവന പദ്ധതി പ്രകാരം 2025-26 വര്‍ഷത്തേക്കുള്ള സ്‌പോണ്‍സര്‍ഷിപ്പിനുള്ള അപേക്ഷ ക്ഷണിച്ചു.

മങ്കട ഗവ. കോളേജില്‍ 2025-26 അധ്യയന വര്‍ഷത്തില്‍ ഇംഗ്ലീഷ് വിഷയത്തിലേക്ക് അതിഥി അധ്യാപകരെ നിയമിക്കുന്നു. കോഴിക്കോട് കോളേജ് വിദ്യാഭ്യാസ ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ള നെറ്റ്/പി.എച്ച്.ഡി യോഗ്യതയുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ജൂലൈ 8ന് രാവിലെ 10ന് കോളേജില്‍ നേരിട്ട് അഭിമുഖത്തിന് ഹാജരാകണമെന്ന് പ്രിൻസിപ്പൽ അറിയിച്ചു.

എൽ ടി ലൈനിനു സമീപമുള്ള മരച്ചില്ലകൾ വെട്ടി മാറ്റുന്നതിനാൽ പന്നിയോട്ട് ട്രാൻസ്‌ഫോർമർ പരിധിയിൽ ജൂലൈ അഞ്ച് ശനിയാഴ്ച  രാവിലെ എട്ട് മുതൽ 12 വരെയും വട്ടപ്പൊയിൽ കനാൽ ട്രാൻസ്‌ഫോർമർ പരിധിയിൽ രാവിലെ 11:30  മുതൽ വൈകിട്ട് മൂന്ന് വരെയും ഭാഗികമായി വൈദ്യുതി മുടങ്ങും.

എച്ച് ടി ലൈനിന് സമീപമുള്ള മരം മുറിക്കുന്നതിനാൽ കാവും ചാൽ, ധർമക്കിണർ, ചെക്കികുളം ട്രാൻസ്‌ഫോർമർ പരിധിയിൽ രാവിലെ  9:30 മുതൽ ഉച്ചയ്ക്ക് ഒരു മണി വരെ വൈദ്യുതി മുടങ്ങും.

ജില്ലാ പട്ടികജാതി വികസന വകുപ്പിൽ കമ്മ്യൂണിറ്റി സോഷ്യൽ വർക്കർമാരെ നിയമിക്കുന്നു. എം.എസ് ഡബ്ലിയു ആണ് യോഗ്യത. ജൂലൈ പത്താം തീയതി രാവിലെ 10  മുതൽ  ഇന്റർവ്യൂ നടക്കും. ജില്ലാ പട്ടികജാതി വികസന ഓഫീസിൽ വച്ചാണ് ഇന്റർവ്യൂ നടക്കുക. ഇനിയും അപേക്ഷ സമർപ്പിക്കാൻ സാധിക്കാത്തവർക്ക് ജൂലൈ ഏഴാം തീയതി വൈകുന്നേരം 5  വരെ അപേക്ഷിക്കാം. അപേക്ഷ ഓഫീസിൽ നേരിട്ട് എത്തിക്കണം.
ഫോൺ : 04832 734901

വെസ്റ്റ്ഹില്‍, തിക്കോടി, കുറ്റിപ്പുറം, അങ്ങാടിപ്പുറം, ഒലവക്കോട്, മുളങ്കുന്നത്തുകാവ് എന്നീ എഫ്.സി.ഐ ഗോഡൗണുകളില്‍ നിന്ന് സപ്ലൈകോ തിരൂര്‍ ഡിപ്പോ ഗോഡൗണിലേക്കും ഡിപ്പോയുടെ കീഴിലുള്ള വിവിധ ഔട്ട്‌ലെറ്റുകളിലേക്കും എം.ഡി.എം.എസ്/ഡബ്ലിയു.ബി.എന്‍.പി പദ്ധതികളില്‍ ഉള്‍പ്പെട്ട ഭക്ഷ്യധാന്യങ്ങള്‍ സ്റ്റോക്ക് എത്തിക്കുന്നതിന്  ട്രാന്‍സ്‌പോര്‍ട്ടിങ് കോണ്‍ട്രാക്ടര്‍മാരെ നിയമിക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനില്‍ ഓരോ സ്ഥലത്തേക്കും ഭക്ഷ്യധാന്യങ്ങള്‍ എത്തിക്കുന്നതിന് മെട്രിക് ടണ്ണിലുള്ള നിരക്ക് പ്രത്യേകം കാണിക്കണം.