പുത്തൂർ ഗ്രാമപഞ്ചായത്തിന് കീഴിലുള്ള കുടുംബാരോഗ്യ കേന്ദ്രത്തിൽ സംയുക്ത പദ്ധതി നിർവ്വഹണം 2025-2026 പാലിയേറ്റീവ് പരിചരണം പദ്ധതിയുടെ ഭാഗമായി മരുന്നുകൾക്ക് ക്വട്ടേഷൻ ക്ഷണിച്ചു. ജനുവരി 15 ഒരു മണി വരെ ക്വട്ടേഷനുകൾ സ്വീകരിക്കും. കൂടുതൽ വിവരങ്ങൾക്കായി പുത്തൂർ കുടുംബാരോഗ്യ കേന്ദ്രത്തെ ബന്ധപ്പെടുക.

കോട്ടയം: മീനച്ചിൽ ഗ്രാമപഞ്ചായത്ത് പത്താം വാർഡിലെ 71-ാം നമ്പർ അങ്കണവാടിയിൽ (പൂവരണി പള്ളി) ആരംഭിക്കുന്ന അങ്കണവാടി കം ക്രഷിൽ വർക്കർ, ഹെൽപ്പർ തസ്തികകളിലേക്ക് അപേക്ഷ ക്ഷണിച്ചു. മീനച്ചിൽ ഗ്രാമപഞ്ചായത്തിൽ സ്ഥിരതാമസക്കാരായ 18നും 35നുമിടയിൽ പ്രായമുള്ള വനിതകൾക്ക് അപേക്ഷിക്കാം. പ്ലസ് ടു പാസായവർക്ക് വർക്കർ തസ്തികയിലേക്കും പത്താം ക്ലാസ് പാസായവർക്ക് ഹെൽപ്പർ തസ്തികയിലേക്കും അപേക്ഷിക്കാം. പത്താം വാർഡിലുള്ളവർക്ക് മുൻഗണന ഉണ്ടായിരിക്കും. അവസാന തീയതി: ജനുവരി 16.ഫോൺ:  9188959700.

പുത്തൂർ ഗ്രാമപഞ്ചായത്തിന് കീഴിലുള്ള കുടുംബാരോഗ്യ കേന്ദ്രത്തിൽ സംയുക്ത പദ്ധതി നിർവ്വഹണം 2025-2026 ട്രൈബൽ കോളനികളിൽ "മെഡിക്കൽ ക്യാമ്പും മരുന്ന് വിതരണവും" പദ്ധതിയുടെ ഭാഗമായി മരുന്നുകൾക്ക് ക്വട്ടേഷൻ ക്ഷണിച്ചു. ജനുവരി 15 ഉച്ചക്ക് ഒരു മണി വരെ ക്വട്ടേഷനുകൾ സ്വീകരിക്കും. കൂടുതൽ വിവരങ്ങൾക്കായി പുത്തൂർ കുടുംബ ആരോഗ്യ കേന്ദ്രത്തെ ബന്ധപ്പെടുക.

കോട്ടയം: സംസ്ഥാന യുവജനക്ഷേമ ബോർഡിന്റെ നേതൃത്വത്തിൽ യുവതീ യുവാക്കളുടെ കലാപരമായ കഴിവുകൾ പ്രോത്സാഹിപ്പിക്കുന്നതിന്റെ ഭാഗമായി  നാടൻപാട്ട് മത്സരം 'മണിനാദം-2026' സംഘടിപ്പിക്കുന്നു. നടൻ കലാഭവൻ മണിയുടെ സ്മരണയ്ക്കായി ജില്ലയിലെ യൂത്ത് ക്ലബ്ബുകളുടെ നേതൃത്വത്തിലാണ് മത്സരം സംഘടിപ്പിക്കുന്നത്. ഓരോ ടീമിലും പരമാവധി 10 അംഗങ്ങൾക്ക് പങ്കെടുക്കാം.
ജില്ലാതല മത്സരത്തിൽ ഒന്നാം സ്ഥാനം നേടുന്ന ടീമിനെ സംസ്ഥാനതല മത്സരത്തിലേക്ക് നാമനിർദ്ദേശം ചെയ്യും.

കോട്ടയം: മാഞ്ഞൂർ ക്ഷീരവികസന ഓഫീസിൽ ഡയറി പ്രൊമോട്ടറെ കരാറടിസ്ഥാനത്തിൽ നിയമിക്കുന്നതിന് അപേക്ഷ ക്ഷണിച്ചു. മാഞ്ഞൂർ ക്ഷീരവികസന യൂണിറ്റ് പരിധിയിൽ താമസക്കാരായ 18-45 വയസിന് ഇടയിൽ പ്രായമുള്ളവർക്ക് അപേക്ഷിക്കാം. അപേക്ഷകൾ ജനുവരി 13 ന് വൈകുന്നേരം അഞ്ചിന് മുൻപ് മാഞ്ഞൂർ ക്ഷീരവികസന ഓഫീസിൽ ലഭിക്കണം. എസ്.എസ്.എൽ.സി. യോഗ്യതയും കമ്പ്യൂട്ടർ പരിജ്ഞാനവുമുള്ളവർക്ക് അപേക്ഷിക്കാം. കോട്ടയം ഈരയിൽക്കടവിലുള്ള ജില്ലാ ക്ഷീരവികസന വകുപ്പ് ഡെപ്യൂട്ടി ഡയറക്ടറുടെ ഓഫീസിൽ വച്ച് ജനുവരി 14 ന് രാവിലെ 11.30 ന് ഇന്റർവ്യൂ നടത്തും. വിശദവിവരത്തിന് മാഞ്ഞൂർ ക്ഷീരവികന ഓഫീസുമായി ബന്ധപ്പെടണം.
 

ശ്രീ കൊക്കുളങ്ങര ഭഗവതി ക്ഷേത്രത്തിലെ മകരചൊവ്വ വേലാഘോഷത്തോടനുബന്ധിച്ച് വെടിക്കെട്ട് പൊതുപ്രദർശനത്തിന് അനുമതി നിരസിച്ചുകൊണ്ട് അഡീഷണൽ ജില്ലാ മജിസ്‌ട്രേറ്റ് ഉത്തരവിട്ടു. എക്‌സ്പ്ലോസീവ് ആക്ട് 1884 ലെ 6c (1)(c) ആക്ട് പ്രകാരമാണ് ഉത്തരവ്.

കോട്ടയം: കെൽട്രോണിന്റെ കോട്ടയം നോളജ് സെന്ററിൽ വിവിധ തൊഴിലധിഷ്ഠിത കോഴ്സുകളിലേക്ക് പ്രവേശനം ആരംഭിച്ചു. അഡ്വാൻസ്ഡ് ഡിപ്ലോമ ഇൻ ഗ്രാഫിക്സ്, വെബ് ആൻഡ് ഡിജിറ്റൽ ഫിലിം മേക്കിങ്, ഡിപ്ലോമ ഇൻ കമ്പ്യൂട്ടർ ഹാർഡ്വെയർ ആൻഡ് നെറ്റ്വർക്ക് മെയിന്റനൻസ് വിത്ത് ഇ ഗാഡ്ഗറ്റ് ടെക്നോളജീസ്, പ്രൊഫഷണൽ ഡിപ്ലോമ ഇൻ ഫയർ ആൻഡ് സേഫ്റ്റി, പ്രൊഫഷണൽ ഡിപ്ലോമ ഇൻ  ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മന്റ്, ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ, ഡിപ്ലോമ ഇൻ ടാലി ആൻഡ് ഫോറിൻ അക്കൗണ്ടിങ് മാനേജ്മന്റ്, ഡി.സി.എ, പി.ജി.ഡി.സി.എ. എന്നീ കോഴ്സുകളിലേക്കാണ് പ്രവേശനം. ഫോൺ: 9605404811, 04812304031.

തൃശ്ശൂർ കെൽട്രോൺ നോളജ് സെന്ററിൽ സർക്കാർ അംഗീകൃത കോഴ്സുകളായ ഡിപ്ലോമ ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ്, ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ എന്നീ കോഴ്സുകളിലേക്ക് അപേക്ഷ ക്ഷണിച്ചു. യോഗ്യത പ്ലസ് ടു, വി എച്ച് എസ് സി. 

 കൂടുതൽ വിവരങ്ങൾക്കായി വിലാസം: ഹെഡ് ഓഫ് സെന്റർ, കെൽട്രോൺ നോളജ് സെന്റർ, ഫസ്റ്റ് ഫ്ലോർ, ബി എസ് എൻ എൽ സെന്റർ, പോസ്റ്റ് ഓഫീസ് റോഡ്, തൃശ്ശൂർ. 

ഫോൺ : 0487 2429000, 9846400091, 8714273648

കേരള സർക്കാരിൻറെ നൈപുണ്യ വികസന സംരംഭമായ അസാപ്‌ കേരളയുടെ കമ്മ്യൂണിറ്റി സ്കിൽ പാർക്ക് ലക്കിടിയിലേക്ക് ഫിറ്റ്നസ് ട്രെയിനർ കോഴ്സിലേക്ക് അപേക്ഷ ക്ഷണിച്ചു. പ്രായപരിധി 18 വയസ്സ്. അടിസ്ഥാന യോഗ്യത പ്ലസ്ടു.

കോഴ്സിൽ പങ്കെടുക്കാൻ താല്പര്യമുള്ളവർ https://forms.gle/bW3ZExKEYUn4uGSq7 ലിങ്ക് വഴി അപേക്ഷിക്കാവുന്നതാണ്. 

ഫോൺ : 9495999667, 9895967998

അപേക്ഷിക്കേണ്ട അവസാന തീയതി ജനുവരി 7.

കോട്ടയം: സാമൂഹികനീതി വകുപ്പിന്റെ നേതൃത്വത്തിൽ ഭിന്നശേഷി സമൂഹത്തിന്റെ ശാക്തീകരണവും സാമൂഹിക ഉൾച്ചേരലും മുഖ്യലക്ഷ്യമാക്കി 'സവിശേഷം - കാർണിവൽ ഓഫ് ദ ഡിഫറന്റ്' ഭിന്നശേഷി കലാമേള ജനുവരി 19, 20, 21 തീയതികളിൽ തിരുവനന്തപുരത്ത് നടക്കും. ക്ലാസ്സിക്കൽ ഡാൻസ്(വ്യക്തിഗതം, ഗ്രൂപ്പ്), സിനിമാറ്റിക്/ഗ്രൂപ്പ് ഡാൻസ്(വ്യക്തിഗതം, ഗ്രൂപ്പ്), സ്‌കിറ്റ്/മൈം(വ്യക്തിഗതം, ഗ്രൂപ്പ്), ലൈറ്റ് മ്യൂസിക്/ക്ലാസ്സിക്കൽ മ്യൂസിക്/ഫിലിം സോംഗ്(വ്യക്തിഗതം), തിരുവാതിര/മാർഗ്ഗംകളി/ ഒപ്പന,സ്പെഷ്യൽ പെർഫോമൻസ്(ഗ്രൂപ്പിനം) എന്നീ
ആറ് ഇനങ്ങളിലാണ് മത്സരം.