കേരള സർക്കാരിൻറെ നൈപുണ്യ വികസന സംരംഭമായ അസാപ്‌ കേരളയുടെ കമ്മ്യൂണിറ്റി സ്കിൽ പാർക്ക് ലക്കിടിയിലേക്ക് ഫിറ്റ്നസ് ട്രെയിനർ കോഴ്സിലേക്ക് അപേക്ഷ ക്ഷണിച്ചു. പ്രായപരിധി 18 വയസ്സ്. അടിസ്ഥാന യോഗ്യത പ്ലസ്ടു.

കോഴ്സിൽ പങ്കെടുക്കാൻ താല്പര്യമുള്ളവർ https://forms.gle/bW3ZExKEYUn4uGSq7 ലിങ്ക് വഴി അപേക്ഷിക്കാവുന്നതാണ്. 

ഫോൺ : 9495999667, 9895967998

അപേക്ഷിക്കേണ്ട അവസാന തീയതി ജനുവരി 7.

കോട്ടയം: സാമൂഹികനീതി വകുപ്പിന്റെ നേതൃത്വത്തിൽ ഭിന്നശേഷി സമൂഹത്തിന്റെ ശാക്തീകരണവും സാമൂഹിക ഉൾച്ചേരലും മുഖ്യലക്ഷ്യമാക്കി 'സവിശേഷം - കാർണിവൽ ഓഫ് ദ ഡിഫറന്റ്' ഭിന്നശേഷി കലാമേള ജനുവരി 19, 20, 21 തീയതികളിൽ തിരുവനന്തപുരത്ത് നടക്കും. ക്ലാസ്സിക്കൽ ഡാൻസ്(വ്യക്തിഗതം, ഗ്രൂപ്പ്), സിനിമാറ്റിക്/ഗ്രൂപ്പ് ഡാൻസ്(വ്യക്തിഗതം, ഗ്രൂപ്പ്), സ്‌കിറ്റ്/മൈം(വ്യക്തിഗതം, ഗ്രൂപ്പ്), ലൈറ്റ് മ്യൂസിക്/ക്ലാസ്സിക്കൽ മ്യൂസിക്/ഫിലിം സോംഗ്(വ്യക്തിഗതം), തിരുവാതിര/മാർഗ്ഗംകളി/ ഒപ്പന,സ്പെഷ്യൽ പെർഫോമൻസ്(ഗ്രൂപ്പിനം) എന്നീ
ആറ് ഇനങ്ങളിലാണ് മത്സരം.

 കുട്ടംകുളം നവീകരണത്തിന്റെ ഭാഗമായി ബുധനാഴ്ച മുതൽ കൂടൽമാണിക്യം ക്ഷേത്രത്തിന്റെ കിഴക്കേ നടയിലെ റോഡിൽ ഗതാഗത നിയന്ത്രണം ഉണ്ടാകുമെന്ന് മന്ത്രി ഡോ.ആർ ബിന്ദു അറിയിച്ചു.

കോട്ടയം: ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ കാര്യാലയത്തിന്റെയും സർക്കിൾ കാര്യാലയങ്ങളുടെയും ഔദ്യോഗിക ആവശ്യങ്ങൾക്ക് കരാർ അടിസ്ഥാനത്തിൽ വാഹനം വാടകയ്ക്ക് നൽകുന്നതിന് താത്പര്യമുള്ള വ്യക്തികൾ, ഏജൻസികൾ എന്നിവരിൽ നിന്ന് ദർഘാസ് ക്ഷണിച്ചു. വാഹനങ്ങൾ 2018 ജനുവരി ഒന്നിന് ശേഷം രജിസ്റ്റർ ചെയ്തതായിരിക്കണം. ജനുവരി 28 വൈകുന്നേരം നാലു വരെ ദർഘാസുകൾ നൽകാം. ഫോൺ: 0481 2564677.  
 

മലപ്പുറത്ത് അഡീഷണല്‍ ജില്ലാ മജിസ്ട്രേറ്റായി (എ.ഡി.എം) കെ. ദേവകി ചുമതലയേറ്റു. വയനാട് എ.ഡി.എം ആയിരുന്നു. വയനാട് സ്പെഷ്യൽ എൽ.എ ഡപ്യൂട്ടി കളക്ടർ, മലപ്പുറം കളക്ടറേറ്റിൽ ഹുസൂർ ശിരസ്തദാർ, കൊണ്ടോട്ടി, ഏറനാട്, പെരിന്തല്‍മണ്ണ താലൂക്കുകളില്‍ തഹസില്‍ദാര്‍ എന്നീ പദവികളിലും സേവനമനുഷ്ഠിച്ചിട്ടുണ്ട്. പാലക്കാട് ജില്ലയിലെ കുളക്കാട് സ്വദേശിയായ കെ. ദേവകി പെരിന്തല്‍മണ്ണയിലാണ് താമസം.

തീവ്ര വോട്ടര്‍ പട്ടിക പരിഷ്‌കരണവുമായി ബന്ധപ്പെട്ട് ഇലക്ടറല്‍ റോള്‍ ഒബ്സര്‍വര്‍ കെ. ബിജുവിന്റെ നേതൃത്വത്തില്‍ കളക്ടറേറ്റില്‍ രാഷ്ട്രീയ പാര്‍ട്ടി പ്രതിനിധികളുടെ യോഗം ചേര്‍ന്നു. കുറ്റമറ്റ രീതിയില്‍ വോട്ടര്‍പട്ടിക പ്രസിദ്ധീകരിക്കുന്നതിന് അദ്ദേഹം രാഷ്ട്രീയ കക്ഷികളുടെ സഹകരണം അഭ്യര്‍ഥിച്ചു. യോഗത്തില്‍ എസ്.ഐ.ആറുമായി ബന്ധപ്പെട്ട വിഷയങ്ങള്‍ പാര്‍ട്ടി പ്രതിനിധികള്‍ ഉന്നയിച്ചു.

ആരോഗ്യവകുപ്പിന്റെ നേതൃത്വത്തില്‍ ദേശീയ വിര വിമുക്ത ദിനാചരണം സംഘടിപ്പിച്ചു. മലപ്പുറം സെന്റ്. ജെമ്മാസ് ഹയര്‍ സെക്കന്‍ഡറി സ്‌കൂളില്‍ സംഘടിപ്പിച്ച ദിനാചരണത്തിന്റെ ജില്ലാതല ഉദ്ഘാടനം തിരൂര്‍ സബ് കളക്ടര്‍ ദിലീപ് കൈനിക്കര വിദ്യാര്‍ഥികള്‍ക്ക് ആല്‍ബന്റസോള്‍ ഗുളിക നല്‍കി നിര്‍വഹിച്ചു. പരിപാടിയില്‍ ഡി.എംഒ ഡോ. ടി.കെ. ജയന്തി അധ്യക്ഷത വഹിച്ചു. ദിനാചരണ സന്ദേശം ഡെപ്യൂട്ടി ഡിഎംഒ ഡോ. ഷിബുലാല്‍ നല്‍കി.

പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ മില്‍മയുമായി ചേര്‍ന്ന് പട്ടികജാതി-പട്ടികവര്‍ഗ വിഭാഗത്തില്‍പ്പെട്ട തൊഴില്‍ രഹിതര്‍ക്കായി നടപ്പിലാക്കുന്ന സ്വയംതൊഴില്‍ പദ്ധതിയിലേക്ക് യോഗ്യരായവരില്‍ നിന്നും അപേക്ഷ ക്ഷണിച്ചു. 18നും 60 നും മധ്യേ പ്രായമുള്ള സംരംഭകത്വ ഗുണമുള്ളവര്‍ക്ക് അപേക്ഷിക്കാം. പാലിനും, അനുബന്ധ ഉത്പന്നങ്ങള്‍ക്കും വിപണന സാധ്യതയുള്ള അനുയോജ്യമായ സ്ഥലങ്ങളില്‍ 'മില്‍മ ഷോപ്പി/'മില്‍മ പാര്‍ലര്‍' ആരംഭിക്കാന്‍ തെരഞ്ഞെടുക്കുന്നവര്‍ക്ക് അവസരം ലഭിക്കും. വായ്പ കോര്‍പറേഷന്റെ നിബന്ധനകള്‍ക്ക് വിധേയമായി അനുവദിക്കും. തിരിച്ചടവ് കാലാവധി അഞ്ച് വര്‍ഷമായിരിക്കും.

യുവജനക്ഷേമ ബോര്‍ഡ് കലാഭവന്‍ മണിയുടെ സ്മരണാര്‍ത്ഥം 'മണിനാദം 2026' എന്ന പേരില്‍ ജില്ലാ, സംസ്ഥാന തലങ്ങളില്‍ നാടന്‍പാട്ട് മത്സരം സംഘടിപ്പിക്കും. യുവജനക്ഷേമ ബോര്‍ഡില്‍ അഫിലിയേറ്റ് ചെയ്ത യൂത്ത്/യുവ/അവളിടം ക്ലബ്ബ് ടീമുകള്‍ക്കാണ് പങ്കെടുക്കാന്‍ അവസരം. പങ്കെടുക്കുന്നവരുടെ പ്രായം 18നും 40നും ഇടയിലാവണം. ടീം അംഗങ്ങളുടെ എണ്ണം 10, പരമാവധി സമയം 10 മിനിറ്റ് എന്നിങ്ങനെയാണ്. ജില്ലാതലത്തില്‍ ഒന്നും രണ്ടും മൂന്നും സ്ഥാനക്കാര്‍ക്ക് യഥാക്രമം 25000, 10000, 5000 എന്നിങ്ങനെയാണ് സമ്മാനത്തുക. ജില്ലയില്‍ ഒന്നാം സ്ഥാനം ലഭിക്കുന്നവര്‍ക്ക് തൃശൂര്‍ ചാലക്കുടിയില്‍ നടക്കുന്ന സംസ്ഥാനതല മത്സരത്തില്‍ പങ്കെടുക്കാന്‍ അവസരമുണ്ട.

അലിഗഡ് മുസ്ലിം സര്‍വകലാശാല മലപ്പുറം കേന്ദ്രത്തിന്റെ അധീനതയിലുള്ള കശുമാവുകളിലെ കശുവണ്ടി (തൊലിയോടുകൂടി) ശേഖരിക്കുന്നതിന് (വ്യക്തി/രജിസ്റ്റര്‍ ചെയ്ത സ്ഥാപനം/കരാറുകാരന്‍) ടെന്‍ഡര്‍ ക്ഷണിച്ചു. സീല്‍ ചെയ്ത ക്വട്ടേഷന്‍ കവറില്‍  '2026 സീസണിലെ 90 കശുമാവുകളുടെ ക്വട്ടേഷന്‍' എന്ന് രേഖപ്പെടുത്തി ഡയറക്ടര്‍, അലിഗഡ് മുസ്ലിം സര്‍വകലാശാല, മലപ്പുറം കേന്ദ്രം എന്ന വിലാസത്തില്‍ നേരിട്ടോ തപാലിലോ ജനുവരി 14 നകം ലഭ്യമാക്കണം.ഫോണ്‍-04933 229299, 9961124211.