തീവ്ര വോട്ടര്‍ പട്ടിക പരിഷ്‌കരണവുമായി ബന്ധപ്പെട്ട് ഇലക്ടറല്‍ റോള്‍ ഒബ്സര്‍വര്‍ കെ. ബിജുവിന്റെ നേതൃത്വത്തില്‍ കളക്ടറേറ്റില്‍ രാഷ്ട്രീയ പാര്‍ട്ടി പ്രതിനിധികളുടെ യോഗം ചേര്‍ന്നു. കുറ്റമറ്റ രീതിയില്‍ വോട്ടര്‍പട്ടിക പ്രസിദ്ധീകരിക്കുന്നതിന് അദ്ദേഹം രാഷ്ട്രീയ കക്ഷികളുടെ സഹകരണം അഭ്യര്‍ഥിച്ചു. യോഗത്തില്‍ എസ്.ഐ.ആറുമായി ബന്ധപ്പെട്ട വിഷയങ്ങള്‍ പാര്‍ട്ടി പ്രതിനിധികള്‍ ഉന്നയിച്ചു.

ആരോഗ്യവകുപ്പിന്റെ നേതൃത്വത്തില്‍ ദേശീയ വിര വിമുക്ത ദിനാചരണം സംഘടിപ്പിച്ചു. മലപ്പുറം സെന്റ്. ജെമ്മാസ് ഹയര്‍ സെക്കന്‍ഡറി സ്‌കൂളില്‍ സംഘടിപ്പിച്ച ദിനാചരണത്തിന്റെ ജില്ലാതല ഉദ്ഘാടനം തിരൂര്‍ സബ് കളക്ടര്‍ ദിലീപ് കൈനിക്കര വിദ്യാര്‍ഥികള്‍ക്ക് ആല്‍ബന്റസോള്‍ ഗുളിക നല്‍കി നിര്‍വഹിച്ചു. പരിപാടിയില്‍ ഡി.എംഒ ഡോ. ടി.കെ. ജയന്തി അധ്യക്ഷത വഹിച്ചു. ദിനാചരണ സന്ദേശം ഡെപ്യൂട്ടി ഡിഎംഒ ഡോ. ഷിബുലാല്‍ നല്‍കി.

പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ മില്‍മയുമായി ചേര്‍ന്ന് പട്ടികജാതി-പട്ടികവര്‍ഗ വിഭാഗത്തില്‍പ്പെട്ട തൊഴില്‍ രഹിതര്‍ക്കായി നടപ്പിലാക്കുന്ന സ്വയംതൊഴില്‍ പദ്ധതിയിലേക്ക് യോഗ്യരായവരില്‍ നിന്നും അപേക്ഷ ക്ഷണിച്ചു. 18നും 60 നും മധ്യേ പ്രായമുള്ള സംരംഭകത്വ ഗുണമുള്ളവര്‍ക്ക് അപേക്ഷിക്കാം. പാലിനും, അനുബന്ധ ഉത്പന്നങ്ങള്‍ക്കും വിപണന സാധ്യതയുള്ള അനുയോജ്യമായ സ്ഥലങ്ങളില്‍ 'മില്‍മ ഷോപ്പി/'മില്‍മ പാര്‍ലര്‍' ആരംഭിക്കാന്‍ തെരഞ്ഞെടുക്കുന്നവര്‍ക്ക് അവസരം ലഭിക്കും. വായ്പ കോര്‍പറേഷന്റെ നിബന്ധനകള്‍ക്ക് വിധേയമായി അനുവദിക്കും. തിരിച്ചടവ് കാലാവധി അഞ്ച് വര്‍ഷമായിരിക്കും.

യുവജനക്ഷേമ ബോര്‍ഡ് കലാഭവന്‍ മണിയുടെ സ്മരണാര്‍ത്ഥം 'മണിനാദം 2026' എന്ന പേരില്‍ ജില്ലാ, സംസ്ഥാന തലങ്ങളില്‍ നാടന്‍പാട്ട് മത്സരം സംഘടിപ്പിക്കും. യുവജനക്ഷേമ ബോര്‍ഡില്‍ അഫിലിയേറ്റ് ചെയ്ത യൂത്ത്/യുവ/അവളിടം ക്ലബ്ബ് ടീമുകള്‍ക്കാണ് പങ്കെടുക്കാന്‍ അവസരം. പങ്കെടുക്കുന്നവരുടെ പ്രായം 18നും 40നും ഇടയിലാവണം. ടീം അംഗങ്ങളുടെ എണ്ണം 10, പരമാവധി സമയം 10 മിനിറ്റ് എന്നിങ്ങനെയാണ്. ജില്ലാതലത്തില്‍ ഒന്നും രണ്ടും മൂന്നും സ്ഥാനക്കാര്‍ക്ക് യഥാക്രമം 25000, 10000, 5000 എന്നിങ്ങനെയാണ് സമ്മാനത്തുക. ജില്ലയില്‍ ഒന്നാം സ്ഥാനം ലഭിക്കുന്നവര്‍ക്ക് തൃശൂര്‍ ചാലക്കുടിയില്‍ നടക്കുന്ന സംസ്ഥാനതല മത്സരത്തില്‍ പങ്കെടുക്കാന്‍ അവസരമുണ്ട.

അലിഗഡ് മുസ്ലിം സര്‍വകലാശാല മലപ്പുറം കേന്ദ്രത്തിന്റെ അധീനതയിലുള്ള കശുമാവുകളിലെ കശുവണ്ടി (തൊലിയോടുകൂടി) ശേഖരിക്കുന്നതിന് (വ്യക്തി/രജിസ്റ്റര്‍ ചെയ്ത സ്ഥാപനം/കരാറുകാരന്‍) ടെന്‍ഡര്‍ ക്ഷണിച്ചു. സീല്‍ ചെയ്ത ക്വട്ടേഷന്‍ കവറില്‍  '2026 സീസണിലെ 90 കശുമാവുകളുടെ ക്വട്ടേഷന്‍' എന്ന് രേഖപ്പെടുത്തി ഡയറക്ടര്‍, അലിഗഡ് മുസ്ലിം സര്‍വകലാശാല, മലപ്പുറം കേന്ദ്രം എന്ന വിലാസത്തില്‍ നേരിട്ടോ തപാലിലോ ജനുവരി 14 നകം ലഭ്യമാക്കണം.ഫോണ്‍-04933 229299, 9961124211.

കുടിശ്ശികയായ 4,83,000 രൂപ ഈടാക്കുന്നതിനായി മങ്കട വില്ലേജില്‍  ജപ്തി ചെയ്ത സര്‍വേ നമ്പര്‍ 62/1-37ല്‍പെട്ട 1.82 ആര്‍സ് ഭൂമി ജനുവരി 19ന് രാവിലെ 11ന് മങ്കട വില്ലേജ് ഓഫീസ് കോംപൗണ്ടില്‍ വച്ച് ലേലം ചെയ്യും. ഫോണ്‍-04933 227230.

ദേശീയപാത 966-ല്‍ കൊണ്ടോട്ടി ടൗണ്‍ വരുന്ന ഭാഗങ്ങളില്‍ നിര്‍മാണ പ്രവൃത്തികള്‍ നടക്കുന്നതിനാല്‍ നാളെ മുതല്‍ (ജനുവരി 7) പ്രവൃത്തി പൂര്‍ത്തീകരിക്കുന്നതു വാഹന ഗതാഗത നിയന്ത്രണം ഏര്‍പ്പെടുത്തി. വാഹനങ്ങള്‍ സ്റ്റാര്‍ ജങ്ഷന്‍ - മേലങ്ങാടി - എയര്‍പോര്‍ട്ട് റോഡ് വഴിയും കൊണ്ടോട്ടി - ഒമാനൂര്‍ - കിഴിശ്ശേരി - ചുങ്കം റോഡ് വഴിയും തിരിഞ്ഞുപോകണം. അസാപ് കേരളയുടെ ലക്കിടി കമ്മ്യൂണിറ്റി സ്‌കില്‍ പാര്‍ക്കില്‍ ഫിറ്റ്നസ് ട്രെയിനര്‍ കോഴ്‌സിലേക്ക് അപേക്ഷ ക്ഷണിച്ചു. 18 വയസ്സ് പൂര്‍ത്തിയായവര്‍ക്ക് പുതിയ ബാച്ചിലേക്ക് പ്രവേശനം നേടാം. പ്ലസ്ടുവാണ് അടിസ്ഥാന യോഗ്യത. വിദ്യാഭ്യാസം പൂര്‍ത്തിയാവണം.

അസാപ് കേരളയുടെ ലക്കിടി കമ്മ്യൂണിറ്റി സ്‌കില്‍ പാര്‍ക്കില്‍ ഫിറ്റ്നസ് ട്രെയിനര്‍ കോഴ്‌സിലേക്ക് അപേക്ഷ ക്ഷണിച്ചു. 18 വയസ്സ് പൂര്‍ത്തിയായവര്‍ക്ക് പുതിയ ബാച്ചിലേക്ക് പ്രവേശനം നേടാം. പ്ലസ്ടുവാണ് അടിസ്ഥാന യോഗ്യത. വിദ്യാഭ്യാസം പൂര്‍ത്തിയാവണം. താത്്പര്യമുള്ളവര്‍ https://forms.gle/bW3ZExKEYUn4uGSq7  എന്ന ലിങ്ക് വഴി ജനുവരി ഏഴിനകം അപേക്ഷിക്കണം.  ഫോണ്‍-9495999667, 9895967998.

പ്രധാനമന്ത്രി ഗ്രാമസഡക് യോജന പദ്ധതിയില്‍ മങ്കട ബ്ലോക്കിലെ ചുള്ളിക്കോട് മുതല്‍ നെച്ചിക്കുത്ത് വരെ ടാറിങ് പ്രവൃത്തികള്‍ നടക്കുന്നതിനാല്‍ ജനുവരി ഒന്‍പത് മുതല്‍ 11 വരെ വാഹന ഗതാഗതം പൂര്‍ണമായി തടസ്സപ്പെടും. ഇതുവഴി വരുന്ന വാഹനങ്ങള്‍ നാറാണത്തു വഴിയും വറ്റല്ലൂര്‍ വഴിയും തിരിഞ്ഞു പോകണം.

ഏറനാട് താലൂക്കില്‍ മലപ്പുറം വില്ലേജിലെ 430 /1എ 3എ1 സര്‍വ്വേ നമ്പറില്‍ ഉള്‍പ്പെട്ട 0.0343 ഹെക്ടര്‍ ഭൂമിയിലെ തടികളുടെ ലേലം ജനുവരി ഒന്‍പതിന് രാവിലെ 11ന് മലപ്പുറം വില്ലേജ് ഓഫീസ് പരിസരത്ത് നടക്കും. ഫോണ്‍- 0483 2766121.