നിയമസഭാ തെരഞ്ഞെടുപ്പുമായി ബന്ധപ്പെട്ട് മാധ്യമ നിരീക്ഷണത്തിനും രാഷ്ട്രീയ പരസ്യങ്ങള്‍ക്ക് അനുമതി നല്‍കുന്നതിനുമായി ജില്ലാ ഇന്‍ഫര്‍മേഷന്‍ ഓഫീസില്‍ പ്രവര്‍ത്തിക്കുന്ന എംസിഎംസി (മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിംഗ് കമ്മിറ്റി) പ്രവര്‍ത്തനങ്ങള്‍ ഊര്‍ജിതമാക്കി. പത്രങ്ങള്‍, ടെലിവിഷന്‍ ചാനലുകള്‍, പ്രാദേശിക കേബിള്‍ ചാനലുകള്‍, റേഡിയോ, സാമൂഹമാധ്യമങ്ങള്‍ ഉള്‍പ്പെടെയുള്ള 24 മണിക്കൂറും എംസിഎംസിയുടെ നിരീക്ഷണത്തിലാണ്. സ്ഥാനാര്‍ത്ഥികളുടെയും രാഷ്ട്രീയ പാര്‍ട്ടികളുടേയും സോഷ്യല്‍ മീഡിയ അക്കൗണ്ടുകളും നിരീക്ഷിക്കും. 
 

കളരിപ്പയറ്റ് ഉൾപ്പെടെയുള്ള ആയോധന കലകളിലൂടെ വോട്ട് രേഖപ്പെടുത്താനുള്ള ബോധവൽക്കരണ പ്രവർത്തനങ്ങളുമായി 'ഇങ്ക് ഇറ്റ് കണ്ണൂർ' പരിപാടി. നിയമസഭ തിരഞ്ഞെടുപ്പിനോടനുബന്ധിച്ച് ജില്ലാ ഭരണകൂടം നടപ്പിലാക്കുന്ന സ്വീപ് ക്യാമ്പയിനായ ‘ഇങ്ക് ഇറ്റ് കണ്ണൂരി’ൻ്റെ ഭാഗമായാണ് കണ്ണൂർ സെന്റ് ആഞ്ചലോസ് ഫോർട്ടിൽ വിവിധ ബോധവൽക്കരണ പരിപാടികൾ സംഘടിപ്പിച്ചത്. 

'നിങ്ങളുടെ വോട്ട്, നിങ്ങളുടെ നാളെ' എന്ന മുദ്രാവാക്യം ഉയർത്തി യുവാക്കളെയും സ്ത്രീകളെയും ഉൾപ്പെടെ സമൂഹത്തിലെ എല്ലാ വിഭാഗങ്ങളെയും തിരഞ്ഞെടുപ്പിൽ പങ്കാളികളാക്കുക എന്നതാണ് ക്യാമ്പയിന്റെ ലക്ഷ്യം.

പൊതുജനങ്ങൾ, രാഷ്ട്രീയ പാർട്ടി പ്രതിനിധികൾ, സ്ഥാനാർത്ഥികൾ തുടങ്ങിയവർക്ക് ഇരിക്കൂർ നിയമസഭ മണ്ഡലവുമായി ബന്ധപ്പെട്ട പരാതികൾ പൊതുനിരീക്ഷകനെ അറിയിക്കാം.

പൊതു നിരീക്ഷകനായ  ബസന്ത് കുറെയെ തിങ്കൾ മുതൽ ശനി വരെ ഇരിക്കൂർ റസ്റ്റ് ഹൗസ് ഓഫീസിലെ കോൺഫറൻസ് ഹാളിൽ വൈകുന്നേരം 4 മുതൽ 5 വരെ നേരിട്ടും, അല്ലാതെ 9188942629 നമ്പറിലും ബന്ധപ്പെടാം.

നിയമസഭാ തെരഞ്ഞെടുപ്പില്‍ വോട്ടര്‍മാരുടെ പങ്കാളിത്തം ഉറപ്പാക്കുന്ന 'സ്വീപ്' പ്രചാരണ പരിപാടികളുടെ ഭാഗമായി പടിഞ്ഞാറേക്കര അഴിമുഖത്ത് 'കൈറ്റ് ഫെസ്റ്റ് സംഘടിപ്പിച്ചു. പരിപാടിയില്‍ തിരൂര്‍ സബ് കളക്ടര്‍ ദിലീപ് കെ കൈനിക്കര, ഇലക്ഷന്‍ ജനറല്‍ ഒബ്‌സെര്‍വര്‍ ഷെവാങ് ഗ്യാച്ചോ ബൂട്ടിയ (തിരൂര്‍, കോട്ടക്കല്‍), എക്‌സ്‌പെന്‍ഡീച്ചര്‍ ഒബ്‌സര്‍വര്‍മാരായ അനുരാഗ് ശ്രീവാസ്തവ, മഹീന്ദ്ര പ്രതാപ് സിംഗ് എന്നിവർ പങ്കാളികളായി.

സംസ്ഥാന ഹജ്ജ് കമ്മിറ്റി വഴി ഹജ്ജിന് പുറപ്പെടുന്നവരുടെ കൂടെ സേവനം ചെയ്യുന്നതിന് തിരഞ്ഞെടുക്കപ്പെട്ട സ്റ്റേറ്റ് ഹജ്ജ് ഇൻസ്‌പെക്ടർമാരുടെ ദ്വിദിന റസിഡൻഷ്യൽ  പരിശീലന ക്യാംപ് കരിപ്പൂർ ഹജ്ജ് ഹൗസിൽ സമാപിച്ചു. രണ്ടാം ദിനത്തിലെ ആദ്യ സെഷൻ ഫിസിക്കൽ ട്രൈനിംഗ് കരിപ്പൂർ അന്താരാഷ്ട്ര വിമാനത്താവളം സി.ഐ.എസ്.എഫ് അസി. കമാന്റഡന്റ് സുനിൽ റജ്വാർ ഫ്‌ളാഗ് ഓഫ് ചെയ്തു. സാങ്കേതിക പരിശീലനം സെഷനിൽ നോഡൽ ഓഫിസർ പി.കെ അസ്സൈൻ ക്ലാസെടുത്തു,.  എയർലൈൻസ് പ്രതിനിധികളായ കെ.പി. ഹനി (ഫ്‌ളൈ നാസ്), ജി. ഋഷികുമാർ (ആകാശ എയർ) എന്നിവർ അവതരണം നടത്തി.

വൈദ്യുതി മുടങ്ങും 

കെ.എസ്.ഇ.ബി ഏച്ചൂർ വൈദ്യുതി സെക്ഷന് കീഴിലെ തണ്ടപ്പുറം, ഏച്ചുർ കോട്ടം എന്നീ ട്രാൻസ്‌ഫോർമർ പരിധിയിൽ മാർച്ച്‌ 30 ന് രാവിലെ 9.30 മുതൽ വൈകുന്നേരം അഞ്ചു വരെ വൈദ്യുതി മുടങ്ങും.

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയിലേക്ക് നിയോഗിക്കപ്പെട്ട തെരഞ്ഞെടുപ്പ് നിരീക്ഷകര്‍ പൊതുജനങ്ങളൈ നേരില്‍ കണ്ട് പരാതി സ്വീകരിക്കും. പൊതു നിരീക്ഷകരായ ഷെവാങ് ഗ്യാച്ചോ ബുട്ടിയ (തിരൂര്‍, കോട്ടക്കല്‍), എം.ബി. രാജേഷ് ഗൗഡ (മഞ്ചേരി, പെരിന്തല്‍മണ്ണ, മങ്കട, മലപ്പുറം), രാജേന്ദ്രകുമാര്‍ (തവനൂര്‍, പൊന്നാനി) എന്നിവര്‍ മലപ്പുറം ഗസ്റ്റ് ഹൗസില്‍ ക്യാമ്പ് ചെയ്ത് പരാതികള്‍ സ്വീകരിക്കും. ഷെവാങ് ഗ്യാച്ചോ ബുട്ടിയ, എം.ബി. രാജേഷ് ഗൗഡ -മാര്‍ച്ച് 31 മുതല്‍ ഏപ്രില്‍ എട്ട് വരെ ഉച്ചയ്ക്ക് 2.30 മുതല്‍ 3.30 വരെ രാജേന്ദ്രകുമാര്‍ -ഏപ്രില്‍ ഒന്ന് മുതല്‍ ഏപ്രില്‍ എട്ട് വരെ ഉച്ചയ്ക്ക് 2.30 മുതല്‍ 3.30 വരെ

നിയമസഭാ തിരഞ്ഞെടുപ്പിൽ ആലപ്പുഴ ജില്ലയിൽ 100 ശതമാനം വോട്ടിംഗ് ലക്ഷ്യമിട്ട് നടത്തുന്ന പ്രചാരണ പരിപാടികളുടെ (സ്വീപ്) ഭാഗമായി    സെവൻസ് ഫുട്ബോൾ മത്സരം സംഘടിപ്പിച്ചു. ആലപ്പുഴ ആൽപൈറ്റ് ടർഫിൽ നടന്ന മത്സരത്തിൽ സ്വീപ് നോഡൽ ഓഫീസറും കുടുംബശ്രീ ജില്ലാ മിഷൻ കോ ഓർഡിനേറ്ററുമായ എസ് രഞ്ജിത്ത് ഉദ്ഘാടനം ചെയ്തു. വോട്ട് ചെയ്യുന്നതിന്റെ പ്രാധാന്യത്തെക്കുറിച്ച് ജനങ്ങളിൽ അവബോധം ഉണ്ടാക്കുക എന്നതാണ് പദ്ധതിയിലൂടെ ലക്ഷ്യമിടുന്നത്. ആലപ്പി വെറ്ററൻസും ആലപ്പി യൂത്തും തമ്മിലുള്ള സെവൻസ് ഫുട്ബോൾ മത്സരമാണ് നടന്നത്. മത്സരത്തിൽ ആലപ്പി യൂത്ത് 1-0 ന് വിജയിച്ചു.

വോട്ടെടുപ്പ് ദിവസം തെരഞ്ഞെടുപ്പ് ചുമതല നിര്‍വഹിക്കേണ്ട പോളിംഗ് ഉദ്യോഗസ്ഥരുടെ രണ്ടാം ഘട്ട റാന്‍ഡമൈസേഷന്‍ മലപ്പുറം ജില്ലാ കളക്ടര്‍ ഡോ. വിനയ് ഗോയലിന്റെ അധ്യക്ഷതയില്‍ കളക്ടറുടെ ചേംബറില്‍ നടന്നു. 20 ശതമാനം റിസര്‍വ് ഉള്‍പ്പെടെ 4435 പ്രിസൈഡിംഗ് ഓഫീസര്‍മാര്‍, 4435 ഫസ്റ്റ് പോളിംഗ് ഓഫീസര്‍മാര്‍, 8870 പോളിങ് ഓഫീസര്‍മാര്‍ എന്നിവരക്കം 17740 പോളിങ് ഉദ്യോഗസ്ഥരെയാണ് തിരഞ്ഞെടുത്തത്.

ജില്ലാ സാക്ഷരതാമിഷന്റെ നേതൃത്വത്തില്‍ തുല്യത സമ്പര്‍ക്ക പഠന കേന്ദ്രങ്ങളില്‍ ഇലക്ടറല്‍ ലിറ്ററസി ക്ലാസ്സ് സംഘടിപ്പിച്ചു. തെരഞ്ഞെടുപ്പിന്റെ ആവശ്യകത എല്ലാ ജനവിഭാഗങ്ങളിലും എത്തിക്കുന്നതിന്റെ ഭാഗമായി ഇലക്ടറല്‍ ലിറ്ററസി ക്ലാസ്സുകള്‍, വോട്ടര്‍ പ്രതിജ്ഞ, വോട്ട് മരം നടീല്‍, വോട്ട് ഓര്‍മ്മകള്‍ പങ്കുവെയ്ക്കല്‍ തുടങ്ങിയ പ്രവര്‍ത്തനങ്ങള്‍ നടന്നു.