എം.ബി.എ (ട്രാവൽ ആൻഡ് ടൂറിസം) 2026-28 ബാച്ചിലേക്കുള്ള അഭിമുഖം ഏപ്രിൽ 6 രാവിലെ 10.30 ന് തൈക്കാട് കിറ്റ്സ് ക്യാമ്പസിൽ നടക്കും. 50 ശതമാനം മാർക്കിൽ കുറയാതെയുള്ള ബിരുദമാണ് അടിസ്ഥാന യോഗ്യത. അവസാന വർഷ ബിരുദ വിദ്യാർഥികൾക്കും കെ-മാറ്റ്/ സി-മാറ്റ്/ ക്യാറ്റ് പ്രവേശന പരീക്ഷ സ്കോർ കാർഡ് ഉള്ളവർക്കും തയ്യാറെടുക്കുന്നവർക്കും അഭിമുഖത്തിൽ പങ്കെടുക്കാം.

കൊല്ലം ജില്ലയിലെ അവശ്യസര്‍വ്വീസ് വിഭാഗത്തില്‍ പെട്ട ജീവനക്കാർക്ക്  ഇന്ന് (മാര്‍ച്ച് 31) മുതല്‍ വോട്ട് രേഖപ്പെടുത്താം. വോട്ട് രേഖപ്പെടുത്തുന്നതിനായി ജില്ലയിലെ എല്ലാ നിയോജക മണ്ഡലങ്ങളിലും പോസ്റ്റൽ വോട്ടിംഗ് കേന്ദ്രങ്ങൾ (പി.വി.സി) സജ്ജീകരിച്ചിട്ടുണ്ട്. അവശ്യ സർവീസ് വിഭാഗത്തിൽ (എ വി ഇ എസ്) ഉൾപ്പെട്ട ഫോം 12 ഡി വഴി മുൻകൂട്ടി അപേക്ഷ സമർപ്പിച്ചവർക്കാണ് ഈ സൗകര്യം പ്രയോജനപ്പെടുത്താൻ സാധിക്കുക.  മാർച്ച് 31 മുതൽ ഏപ്രിൽ 6 വരെയാണ് ജില്ലയിലെ കേന്ദ്രങ്ങളിൽ വോട്ട് രേഖപ്പെടുത്താനുള്ള സമയം അനുവദിച്ചിരിക്കുന്നത്.

ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ  ആരോഗ്യപ്രശ്നങ്ങൾക്ക് കാരണമാകും. ആയതിനാൽ പൊതുജനങ്ങൾ താഴെ പറയുന്ന നിർദേശങ്ങൾ പാലിക്കേണ്ടതാണ്.

* പകൽ 11 am മുതല്‍ 3 pm വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.

* ദാഹമില്ലെങ്കിലും വെള്ളം കുടിക്കുന്നത് തുടരുക. പരമാവധി ശുദ്ധജലം കുടിക്കുക. 

* നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.

* അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങള്‍ ധരിക്കുക.

2026 നിയമസഭാ തിരഞ്ഞെടുപ്പുമായി ബന്ധപ്പെട്ട്  ജില്ലയിലെ തിരഞ്ഞെടുപ്പ് പ്രവർത്തനങ്ങൾ പൂർണമായും ഹരിതചട്ടം പാലിക്കണമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടർ എൻ ദേവിദാസ്.  തിരഞ്ഞെടുപ്പുമായി ബന്ധപ്പെട്ട ഔദ്യോഗിക പരസ്യങ്ങൾ, സൂചകങ്ങൾ, ബോർഡുകൾ ബാനറുകൾ തുടങ്ങിയവ പ്ലാസ്റ്റിക്, പി.വി.സി ഫ്ളക്സ്, പോളിസ്റ്റർ, കൊറിയൻ ക്ലോത്ത് തുടങ്ങിയവാ ഒഴിവാക്കണം. പുന:ചംക്രമണ സാധ്യത ഇല്ലാത്ത എല്ലാത്തരം സാമഗ്രികളും ഒഴിവാക്കി 100 ശതമാനം കോട്ടൺ, പി.സി.ബി സർട്ടിഫൈ ചെയ്തു പോളി എത്തിലിൻ തുടങ്ങിയ പരിസ്ഥിതി സൗഹൃദ വസ്തു‌ക്കൾ  മാത്രമേ പ്രചാരണ പരിപാടികൾക്ക് ഉപയോഗിക്കുവാൻ പാടുള്ളൂ. 

ഉദ്യോഗസ്ഥ സംഘം വോട്ടറുടെ വീട്ടിലെത്തി വോട്ട് രേഖപ്പെടുത്തി വാങ്ങുന്ന ഹോം വോട്ടിംഗ് ഇന്ന് (മാർച്ച്‌ 30). 

കണ്ണൂർ ജില്ലയിൽ ആകെ 19,276 ഹോം വോട്ടിംഗ് അപേക്ഷകളാണ് അംഗീകരിച്ചിട്ടുള്ളത്. ഇതിൽ 14,138 പേർ 85 വയസിന് മുകളിൽ പ്രായമുള്ള വിഭാഗത്തിൽപ്പെട്ടവരും 5138 പേർ ഭിന്നശേഷി വിഭാഗത്തിൽപ്പെട്ടവരുമാണ്.  

ഇരിക്കൂർ മണ്ഡലത്തിലാണ് കൂടുതൽ ഹോം വോട്ടർമാർ-2204; കുറവ് അഴീക്കോടും-1308. 

ഹോം വോട്ടിനായി 203 ഉദ്യോഗസ്ഥ സംഘങ്ങളാണ്  ജില്ലയിലുള്ളത്. റിസർവ് ആയി ഒരു നിയമസഭ മണ്ഡലത്തിൽ ഒന്ന് എന്ന തോതിൽ 11 സംഘങ്ങളുമുണ്ട്. 

 നിയമസഭ പൊതുതിരഞ്ഞെടുപ്പുമായി ബന്ധപ്പെട്ട് പൊതുജനങ്ങൾ, രാഷ്ട്രീയ പാർട്ടി പ്രതിനിധികൾ, സ്ഥാനാർത്ഥികൾ തുടങ്ങിയവർക്ക്  മട്ടന്നൂർ നിയമസഭ മണ്ഡലവുമായി ബന്ധപ്പെട്ട പരാതികൾ നേരിട്ടോ ഫോൺ വഴിയോ പൊതു നിരീക്ഷകനായ മുഹമ്മദ് സൊഹൈലിനെ അറിയിക്കാം. ചൊവ്വ, വെള്ളി ദിവസങ്ങളിൽ മട്ടന്നൂർ റസ്റ്റ് ഹൗസിൽ നേരിട്ടോ, 8138845263 എന്ന നമ്പറിലോ ആണ് ബന്ധപ്പെടേണ്ടത്.

നിയമസഭ തിരഞ്ഞെടുപ്പുമായി ബന്ധപ്പെട്ട് പോളിംഗ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥർക്കുള്ള
നിയമന ഉത്തരവ്  ഓർഡർ പോർട്ടലിൽ  പ്രസിദ്ധീകരിച്ചു. 
https://order.ceo.kerala.gov.in ൽ ലോഗിൻ ചെയ്താൽ നിയമന ഉത്തരവ് ലഭിക്കും.

പോളിംഗ് ഡ്യൂട്ടി ലഭിച്ച ഉദ്ദ്യോഗസ്ഥർ അവരുടെ ഫോട്ടോ, ബാങ്ക് അക്കൗണ്ട് വിവരങ്ങൾ, എപിക് നമ്പർ എന്നിവ ഓർഡർ പോർട്ടലിൽ മാർച്ച്‌ 30 നകം അപ്ഡേറ്റ് ചെയ്യണം.

എല്ലാ സ്ഥാപന മേധാവികളും പോളിംഗ് ഡ്യൂട്ടി ലഭിച്ച ഉദ്യോഗസ്ഥർക്കുള്ള നിയമന ഉത്തരവ് മാർച്ച്‌ 30 നകം ബന്ധപ്പെട്ട ഉദ്യോഗസ്ഥർക്ക് കൈമാറി വിവരം ഓർഡർ പോർട്ടലിൽ രേഖപ്പെടുത്തണമെന്ന് നോഡൽ ഓഫീസർ അറിയിച്ചു.