വൈപ്പിൻ മണ്ഡലംതല മെഗാമെഡിക്കൽ ക്യാമ്പ് ഈ മാസം 18ന് എടവനക്കട് എച്ച് ഐ എച്ച് എസിൽ നടത്തുമെന്ന് കെ എൻ ഉണ്ണിക്കൃഷ്ണൻ എംഎൽ അറിയിച്ചു. ഇതിനു മുന്നോടിയായി സ്വാഗത സംഘം ഇന്ന് (8) വൈകുന്നേരം നാലിന് സ്കൂളിൻ്റെ ഓഡിറ്റോറിയത്തിൽ വച്ച് രൂപീകരിക്കും.

അസാപ് കേരളയും എസ്.സി.എം.എസ് വാട്ടർ ഇൻസ്റ്റിറ്റ്യൂട്ടും സംയുക്തമായി നടത്തുന്ന സർക്കാർ അംഗീകൃത വേസ്റ്റ് വാട്ടർ ട്രീറ്റ്മെന്റ് പ്ലാന്റ് ഓപ്പറേറ്റർ സർട്ടിഫിക്കറ്റ് കോഴ്സിലേക്ക് അപേക്ഷ ക്ഷണിച്ചു. പത്താം ക്ലാസ്, പ്ലസ് ടു, ഐ.ടി.ഐ അല്ലെങ്കിൽ ഡിപ്ലോമ യോഗ്യതയുള്ളവർക്ക് അപേക്ഷിക്കാം.ആറാഴ്ചത്തെ പരിശീലനവും ഇന്റേൺഷിപ്പും ഉൾപ്പെടുന്ന കോഴ്സ് ജനുവരി 12-ന് എറണാകുളം കറുകുറ്റി എസ്.സി.എം.എസ് കാമ്പസിൽ ആരംഭിക്കും. വിജയകരമായി പൂർത്തിയാക്കുന്നവർക്ക് പ്ലേസ്മെന്റ് അസിസ്റ്റൻസ് ലഭ്യമാണ്.

ഫോൺ :9895250910

9497039516

തിരുവനന്തപുരം മുട്ടടയിലുള്ള ഐ.എച്ച്.ആർ.ഡി റീജിയണൽ സെന്ററിൽ ജനുവരി 15-ന് ആരംഭിക്കുന്ന വിവിധ കമ്പ്യൂട്ടർ കോഴ്സുകളിലേക്ക് അപേക്ഷ ക്ഷണിച്ചു. ബിരുദം, പ്ലസ് ടു, എസ്.എസ്.എൽ.സി എന്നിവയാണ് യോഗ്യത. ഫുൾ ടൈം, പാർട്ട് ടൈം, ഓൺലൈൻ, ഓഫ്‌ലൈൻ, ഈവനിംഗ് ബാച്ചുകൾ ലഭ്യമാണ്.ജനുവരി 15 വരെ അപേക്ഷകൾ സമർപ്പിക്കാം.

ഫോൺ : 0471-2550612, 9400519491, 8547005087

കേരള മത്സ്യത്തൊഴിലാളി ക്ഷേമനിധി ബോർഡിൻ 40-ാംവാർഷികത്തോടനുബന്ധിച്ച് "തീരദർശനം 2026 ക്ഷേമ പദ്ധതികളുടെ വിലയിരുത്തലും, പുതിയ പദ്ധതികളുടെ ആസൂത്രണവും" സംബന്ധിച്ച് സെമിനാർ സംഘടിപ്പിക്കുന്നു. ടൗൺ ഹാളിൽ ജനുവരി 9, 10 തീയതികളിലായി നടത്തുന്ന സെമിനാറിന്റെ ഉദ്ഘാടനം എൻ ഐ എഫ് എച്ച് എ ടി ടി ഡയറക്ടർ ഡോ.സി.എസ് ഷൈൻ കുമാർ നിർവഹിക്കും. മത്സ്യ ബോർഡ് ചെയർമാൻ കൂട്ടായി ബഷീറിന്റെ അദ്ധ്യക്ഷതയിൽ നടക്കുന്ന സെമിനാറിൽ ഫിഷറീസ് വകുപ്പിലെ ഉദ്യോഗസ്ഥരും, മത്സ്യത്തൊഴിലാളി, അനുബന്ധത്തൊഴിലാളി സംഘടന പ്രതിനിധികളും പങ്കെടുക്കും.

എറണാകുളം സർക്കാർ മെഡിക്കൽ കോളേജിലെ നെഫ്രോളജി,കാർഡിയോളജി,ജനറൽ മെഡിസിൻ,ഒ.ബി.ജി എന്നീ വിഭാഗങ്ങളിലേക്ക് ജൂനിയർ റെസിഡന്റുമാരെ കരാർ അടിസ്ഥാനത്തിൽ നിയമിക്കുന്നു.

എം.ബി.ബി.എസ്,കേരള സ്റ്റേറ്റ് മെഡിക്കൽ കൗൺസിൽ രജിസ്ട്രേഷൻ എന്നിവയാണ് അടിസ്ഥാന യോഗ്യതകൾ.താല്പര്യമുള്ള ഉദ്യോഗാർത്ഥികൾ പ്രായം, യോഗ്യത എന്നിവ തെളിയിക്കുന്ന ഒറിജിനൽ രേഖകൾ സഹിതം ജനുവരി 20-ന് രാവിലെ 11 ന് മുൻപായി മെഡിക്കൽ കോളേജിലെ അഡ്മിനിസ്ട്രേറ്റീവ് ബ്ലോക്കിൽ ഹാജരാകേണ്ടതാണ്.

മോട്ടോർ വാഹന വകുപ്പിന്റെ നേതൃത്വത്തിൽ റോഡ് സുരക്ഷാ മാസാചരണത്തിന്റെ ഭാഗമായി കാക്കനാട് സിവിൽ സ്റ്റേഷനിൽ ഡ്രൈവർമാർക്ക് സൗജന്യ നേത്ര - രക്ത പരിശോധനാ ക്യാമ്പ് സംഘടിപ്പിച്ചു. ജില്ലാ കളക്ടർ ജി.പ്രിയങ്ക ഉദ്ഘാടനം ചെയ്തു. 

റോഡ് സുരക്ഷ എന്നത് ഒരു വ്യക്തിയെ മാത്രം ബാധിക്കുന്ന കാര്യമല്ലെന്നും സുരക്ഷിതമായി വാഹനം ഓടിക്കാൻ ശാരീരിക ആരോഗ്യവും മാനസികാരോഗ്യവും അനിവാര്യമാണെന്നും ജില്ലാ കളക്ടർ പറഞ്ഞു.

കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ ജനുവരിയിൽ ആരംഭിക്കുന്ന വിവിധ ടീച്ചർ ട്രെയിനിംഗ് കോഴ്സുകളിലേക്ക് വനിതകളിൽ നിന്നും അപേക്ഷ ക്ഷണിച്ചു.രണ്ട് വർഷം, ഒരു വർഷം, ആറ് മാസം എന്നിങ്ങനെ ദൈർഘ്യമുള്ള മോണ്ടിസോറി, പ്രീ-പ്രൈമറി, നഴ്സറി ടീച്ചർ ട്രെയിനിംഗ് കോഴ്സുകളിലേക്കാണ് അവസരം.ഡിഗ്രി, പ്ലസ് ടു, എസ്.എസ്.എൽ.സി എന്നിവയാണ് അടിസ്ഥാന യോഗ്യതകൾ.

ഫോൺ : 7994449314

വനിത ശിശുവികസന വകുപ്പിന് കീഴിലുള്ള കൊച്ചി അർബൻ 1 ഐ.സി.ഡി.എസ് പ്രോജക്‌ട് ഓഫീസ് പരിധിയിലെ 95-ാം നമ്പർ അങ്കണവാടി കം ക്രഷിലേക്ക് ഹെൽപ്പർ തസ്‌തികയിലേക്ക് വനിതകളിൽ നിന്നും അപേക്ഷ ക്ഷണിച്ചു. കൊച്ചി കോർപ്പറേഷനിലെ 7-ാം ഡിവിഷനിൽ സ്ഥിരതാമസക്കാരും എസ്.എസ്.എൽ.സി പാസ്സായവരുമായിരിക്കണം അപേക്ഷകർ.സേവന തൽപ്പരതയും മതിയായ ശാരീരിക ക്ഷമതയുമുള്ള 18-നും 35-നും ഇടയിൽ പ്രായമുള്ളവർക്ക് അപേക്ഷിക്കാം.താൽപര്യമുള്ളവർ ജനുവരി 17-ന് വൈകീട്ട് 5 ന് മുമ്പായി മങ്ങാട്ടുമുക്കിലുള്ള കൊച്ചി അർബൻ 1 ഐ.സി.ഡി.എസ് പ്രോജക്ട് ഓഫീസിൽ അപേക്ഷകൾ സമർപ്പിക്കേണ്ടതാണ്.

ഫോൺ : 0484 - 2227284

പട്ടികജാതി വികസന വകുപ്പിന് കീഴിൽ ആലുവയിൽ പുതുതായി നിർമ്മിച്ച ആൺകുട്ടികൾക്കായുള്ള പോസ്റ്റ്‌മെട്രിക് ഹോസ്റ്റൽ കെട്ടിടം ശുചീകരിക്കുന്നതിനായി ക്വട്ടേഷൻ ക്ഷണിച്ചു.ജനുവരി 12 വരെ ക്വട്ടേഷനുകൾ സമർപ്പിക്കാം.

ഫോൺ : 0484 2422256

മഹാരാജാസ് കോളേജ് 150-ാം വാർഷികാഘോഷങ്ങളുടെ ഭാഗമായി രസതന്ത്ര വിഭാഗം സംഘടിപ്പിക്കുന്ന മെഗാ അലൂമിനി മീറ്റ് ‘ റീ ബോണ്ട് 2026 ‘ ജനുവരി 10 ന് രാവിലെ 10-ന് കെമിസ്ട്രി ഗാലറിയിൽ നടക്കും.വി എസ് എസ് സി മുൻ ഡെപ്യൂട്ടി ഡയറക്ടർ ഡോ. കെ.എൻ. നൈനാൻ,പ്രമുഖ അർബുദരോഗ വിദഗ്ദ്ധൻ ഡോ. വി.പി. ഗംഗാധരൻ, ശാന്തി സ്വരൂപ് ഭട്‌നഗർ പുരസ്‌കാര ജേതാവ് പ്രൊഫ. സുബി ജേക്കബ് ജോർജ് എന്നിവർ ചടങ്ങിൽ വിശിഷ്ടാതിഥികളാകും.