കുഞ്ഞനംപാറ ഹൈസൻ മോട്ടോർസിന് മുന്നിൽ ജനുവരി ആറിന് രാവിലെ 05:30-ന് നടന്ന   വാഹനാപകടത്തിൽ 40 വയസ്സ് പ്രായം(പുരുഷൻ) തോന്നിക്കുന്ന ഒരാൾക്ക് ഗുരുതര പരിക്ക് പറ്റി. ഇയാളെ ചികിത്സക്കായി തൃശ്ശൂർ ജില്ല ജനറൽ ആശുപത്രിയിൽ എത്തിച്ചെങ്കിലും രാവിലെ 05:51 നു മരണം സ്ഥിരീകരിച്ചു.

സംഭവത്തിൽ ഒല്ലൂർ പോലീസ് സ്റ്റേഷനിൽ ക്രൈം നമ്പർ 0035/2026 ആയി കേസ് രജിസ്റ്റർ ചെയ്ത് അന്വേഷണം നടത്തിവരികയാണ്. ഫോട്ടോയിൽ കാണുന്ന വ്യക്തിയെക്കുറിച്ച് എന്തെങ്കിലും വിവരങ്ങൾ ലഭിക്കുന്നവർ അടുത്തുള്ള പോലീസ് സ്റ്റേഷനിലോ കൺട്രോൾ റൂമിലോ അല്ലെങ്കിൽ താഴെ പറയുന്ന ഫോൺ നമ്പറുകളിലോ അറിയിക്കുക.

വാഹനം ആവശ്യം

ഐ എച്ച് ആർ ഡി യുടെ കീഴിൽ വരടിയത്ത് പ്രവർത്തിക്കുന്ന ടെക്നിക്കൽ ഹയർ സെക്കൻഡറി സ്കൂളിൽ ജനുവരി മാസത്തിൽ ആരംഭിക്കുന്ന പി. എസ്.സി അംഗീകൃത കോഴ്സുകളായ സർട്ടിഫിക്കറ്റ് കോഴ്സ് ഇൻ ലൈബ്രറി ആൻഡ് ഇൻഫർമേഷൻ സയൻസ് ( യോഗ്യത- എസ്.എസ്.എൽ.സി),  ഡി.സി.എ  ( യോഗ്യത- പ്ലസ് ടു) ,  പി.ജി ഡി.സി.എ( യോഗ്യത- ഡിഗ്രി) എന്നീ ഓൺലൈൻ കോഴ്സുകളിലേക്ക് അപേക്ഷ നൽകുന്നതിനുള്ള തീയതി നീട്ടി. താത്പര്യമുള്ളവർ ജനുവരി 15ന് മുൻപായി ഓൺലൈനായോ നേരിട്ടോ അപേക്ഷ സമർപ്പിക്കണം.

വെബ് സൈറ്റ് - www.ihrdadmissions.org
ഫോൺ - 8547005022, 9496217535

ബിസിൽ  ട്രെയിനിംഗ്  ഡിവിഷൻ   ജൂലൈയിൽ  ആരംഭിക്കുന്ന രണ്ടു വർഷം, ഒരു വർഷം, ആറു മാസം ദൈർഘ്യമുള്ള മോണ്ടിസ്സോറി, പ്രീ - പ്രൈമറി, നഴ്സ്സറി ടീച്ചർ ട്രെയിനിംഗ് കോഴ്‌സുകളിലേക്ക് അപേക്ഷ ക്ഷണിച്ചു. ഡിഗ്രി/ പ്ലസ് ടൂ/ എസ്.എസ്.എൽ.സി  യോഗ്യതയുള്ള വനിതകൾക്ക് അപേക്ഷിക്കാം. ഫോൺ- 7994449314.

വിവരാവകാശനിയമം ദുരുപയോഗം ചെയ്യുന്ന രീതിയിലുള്ള അപേക്ഷകൾ ഫയൽ ചെയ്ത് വിവരാവകാശ കമ്മീഷന്റേയും സ്ഥാപനങ്ങളുടേയും വിലപ്പെട്ട സമയം അപഹരിക്കരുതെന്ന് ഹർജിക്കാരനായ നിബിൻ കള്ളിക്കാട്ടിനെ താക്കീതു ചെയ്ത്  സംസ്ഥാന വിവരാവകാശ കമ്മീഷണർ താക്കീത് ചെയ്തു. നിബിൻ കള്ളിക്കാട്ട് സമർപ്പിച്ച വിവിധ വിവരാവകാശ അപ്പീൽ ഹർജികൾ തള്ളിക്കൊണ്ട് സംസ്ഥാന വിവരാവകാശ കമ്മീഷണർ ഉത്തരവ് പുറപ്പെടുവിച്ചു.

സംസ്ഥാന സ്കൂൾ കലോത്സവത്തോടനുബന്ധിച്ച് ലഹരിക്കെതിരെ വിദ്യാർഥികൾ അണിനിരക്കുന്ന പ്രതിരോധ ശൃംഖല നാളെ (ജനുവരി 9) തൃശ്ശൂർ സ്വരാജ് റൗണ്ടിൽ സംഘടിപ്പിക്കും. വൈകീട്ട് മൂന്ന് മണിയോടുകൂടിയാണ് പ്രതിരോധ ശൃംഖല സൃഷ്ടിക്കുക.

ജില്ലയിലെ വിവിധ വിദ്യാലയങ്ങളിൽ നിന്നുള്ള 10,000ത്തോളം വിദ്യാർഥികൾ പരിപാടിയിൽ പങ്കാളികളാകും. ലഹരിവിരുദ്ധ സന്ദേശം സമൂഹത്തിലേക്ക് ശക്തമായി എത്തിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിക്കുന്നത്. മന്ത്രിമാരും ജനപ്രതിനിധികളും ഉൾപ്പെടെ നിരവധി പ്രമുഖർ പ്രതിരോധ ശൃംഖലയിൽ പങ്കുചേരും.

തൃശൂർ കലോത്സവച്ചൂടിലേക്ക് നീങ്ങുമ്പോൾ 64-ാമത് കേരള സ്‌കൂൾ കലോത്സവത്തിൽ കലോത്സവം തീം സോങ്ങ്  രചിച്ച് സംഗീതം നൽകി പാടുന്ന വിദ്യാർത്ഥികളെ നേരിൽക്കണ്ട് അഭിനന്ദിച്ച് ഉന്നതവിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ.ആർ.ബിന്ദു.വിദ്യാർത്ഥികൾ തന്നെയാണ് രചന, സംഗീതം, ആലാപനം നിർവ്വഹിച്ചിരിക്കുന്നത് എന്നതാണ് പ്രത്യേകത. പാലക്കാട്, ജി.എച്ച്. എസ്.എസ് പൊറ്റശ്ശേരിയിലെ വിദ്യാർത്ഥികളാണ് ഈ വർഷം തീം സോങ് കലോത്സവവേദിയിൽ അവതരിപ്പിക്കുന്നത്.

  സംസ്ഥാന കശുമാവ് കൃഷി വികസന ഏജന്‍സിയില്‍ ഫീല്‍ഡ് ഓഫീസര്‍ തസ്തികയില്‍ കരാര്‍ നിയമനം നടത്തും. യോഗ്യത: ബി.എസ്.സി -അഗ്രിക്കള്‍ച്ചര്‍/ബോട്ടണി/ ഫോറസ്ട്രി, ബന്ധപ്പെട്ട മേഖലയില്‍ എട്ട് വര്‍ഷത്തെ പ്രവൃത്തി പരിചയം. ചെയര്‍മാന്‍, കെ.എസ്.എ.സി.സി, അരവിന്ദ് ചേമ്പേഴ്സ്, മുണ്ടയ്ക്കല്‍ വെസ്റ്റ്, കൊല്ലം 691001 വിലാസത്തില്‍ ജനുവരി 15നകം അപേക്ഷ ലഭിക്കണം. അപേക്ഷാ മാതൃകയ്ക്ക്:   www.ksacc.kerala.gov.in . ഫോണ്‍: 0474 2760456.

 ജില്ലാ ചാരായനിരോധന ജനകീയ മോണിറ്ററിംഗ് കമ്മിറ്റി യോഗം ജനുവരി 17ന് രാവിലെ 10.30 ന് കലക്‌ട്രേറ്റ് കോണ്‍ഫറന്‍സ് ഹാളില്‍  ചേരും.
 

ചവറ  ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനില്‍ ഇരട്ട യോഗ്യത സര്‍ട്ടിഫിക്കറ്റ് പദ്ധതിയിലേക്ക്  എട്ടാം സെമസ്റ്റര്‍ എന്‍ജിനീയറിങ് വിദ്യാര്‍ഥികള്‍ക്ക്  അപേക്ഷിക്കാം.   തിരഞ്ഞെടുക്കുന്ന  മേഖലയില്‍ തൊഴില്‍ നൈപുണ്യ - പ്രായോഗിക പരിശീലനത്തിനും   തൊഴില്‍  നിയമനത്തിനും അവസരമുണ്ടാകും.    പരിശീലനകാലയളവ്: ആറു മാസം.  പരിശീലന ചെലവ് വിദ്യാര്‍ഥി വഹിക്കണം.  ജനുവരി 20 മുതല്‍ പ്രവേശനം;   പരിശീലന ക്ലാസ് ഫെബ്രുവരി രണ്ടിന് ആരംഭിക്കും.   വിവരങ്ങള്‍ക്ക്  : www.iiic.ac.in  ഫോണ്‍:  8078980000.