കുഴല്‍മന്ദം ബ്ലോക്ക് പഞ്ചായത്ത് വാര്‍ഷിക പദ്ധതിയുടെ ഭാഗമായി വനിതാ ഗ്രൂപ്പ് സംരംഭകര്‍ക്ക് പരമാവധി 3,75,000 രൂപ വരെ സബ്സിഡി അനുവദിക്കുന്നു. താല്‍പര്യമുള്ളവര്‍ ബ്ലോക്ക് വ്യവസായ വികസന ഓഫീസറുമായി ബന്ധപ്പെടുക. ഫോണ്‍: 9188127143.
 

പാലക്കാട് താലൂക്ക് വികസന സമിതി യോഗം താലൂക്ക് കോണ്‍ഫറന്‍സ് ഹാളില്‍ ചേര്‍ന്നു. വി.കെ ശ്രീകണ്ഠന്റെ എം.പിയുടെ പ്രതിനിധി പ്രകാശ് കാഴ്ചപറമ്പില്‍ അധ്യക്ഷനായി. കല്‍പ്പാത്തി ഹോമിയോ ആശുപത്രി മാറ്റുന്നതുമായി ബന്ധപ്പെട്ട് നഗരസഭയ്ക്കകത്ത് അനുയോജ്യമായ കെട്ടിടം അനുവദിക്കുന്നതിന് ജില്ലാ കലക്ടര്‍ മുഖേന സര്‍ക്കാരിന്റെ ശ്രദ്ധയില്‍പ്പെടുത്താന്‍ സമിതി തീരുമാനിച്ചു.

കാലവര്‍ഷം ആരംഭിച്ചതിനാല്‍ പകര്‍ച്ചവ്യാധികള്‍ക്കെതിരേ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ടി വി റോഷ് അറിയിച്ചു. വീടിനു ചുറ്റും കൊതുക് വളരാനുള്ള സാഹചര്യം ഇല്ലാതാക്കാനും ഭക്ഷണാവശിഷ്ടങ്ങളും മറ്റ് മാലിന്യങ്ങളും അലക്ഷ്യമായി വലിച്ചെറിഞ്ഞ് എലിശല്യം ഉണ്ടാകാതെ ശ്രദ്ധിക്കണം. പൊതുജനങ്ങള്‍ പരിസര -വ്യക്തി-ആഹാര ശുചിത്വവും കൃത്യമായി പാലിക്കണം. മഴവെള്ളം കെട്ടിനില്‍ക്കുന്ന സാഹചര്യം കൊതുകുജന്യരോഗങ്ങളായ ഡെങ്കിപ്പനി,  മലമ്പനി എന്നിവയ്ക്കും കെട്ടികിടക്കുന്ന വെള്ളവുമായുള്ള സമ്പര്‍ക്കം ജന്തുജന്യരോഗമായ എലിപ്പനിക്കും  വഴിയൊരുക്കും.

കാലവര്‍ഷത്തെ മുന്‍നിര്‍ത്തിയുള്ള പ്രതിരോധനടപടികള്‍ ശക്തമാക്കണമെന്ന് ജില്ലയുടെ ചുമതലയുളള പൊതുവിദ്യാഭ്യാസ വകുപ്പ് മന്ത്രി എന്‍ ഷംസുദ്ദീന്‍. കലക്ട്രേറ്റ് കോൺഫറൻസ് ഹാളിൽ മഴക്കാല മുന്നൊരുക്ക പ്രവര്‍ത്തനങ്ങള്‍ അവലോകനം ചെയ്യുകയായിരുന്നു അദ്ദേഹം. അടിയന്തരസാഹചര്യങ്ങളെ നേരിടാന്‍ ജില്ല തയ്യാറെടുപ്പുകള്‍ നടത്തിയിട്ടുണ്ട്. അപകടാവസ്ഥയിലുള്ള മരങ്ങള്‍/ ശിഖരങ്ങള്‍ മുറിച്ചുമാറ്റുന്നതിന് നടപടി സ്വീകരിച്ചു.

ഇലക്ട്രിക്കല്‍ ഇന്‍സ്‌പെക്ടറേറ്റ് നടത്തുന്ന വയര്‍മാന്‍ എഴുത്തുപരീക്ഷ നാട്ടകം ഗവണ്മെന്റ് പോളിടെക്നിക് കോളജില്‍ വച്ച് ജൂണ്‍13ന് രാവിലെ 10 മുതല്‍ നടത്തും. ഹാള്‍ ടിക്കറ്റ് https://samraksha.celkerala.gov.in എന്ന വെബ് സൈറ്റില്‍ ലഭിക്കും. ഫോണ്‍: 0471-2339233.

ഒളശ്ശ സര്‍ക്കാര്‍ അന്ധവിദ്യാലയത്തില്‍ എച്ച്.എസ്.ടി(സോഷ്യല്‍ സയന്‍സ്, ഹിന്ദി), ഉപകരണ സംഗീതം(കാഴ്ച പരിമിതര്‍ക്കായി നീക്കിവെച്ചത്) എന്നീ അധ്യാപക തസ്തികകളില്‍ താല്‍ക്കാലിക ഒഴിവുണ്ട്. അഭിമുഖം ജൂണ്‍ 11 വ്യാഴാഴ്ച രാവിലെ 10ന് സ്‌കൂള്‍ ഓഫീസില്‍. ഫോണ്‍: 9544118933,9400774299.

സ്റ്റേറ്റ് റിസോഴ്സ് സെന്‍ററിന്‍റെ ആഭിമുഖ്യത്തിലുള്ള എസ്.ആര്‍.സി കമ്മ്യൂണിറ്റി കോളജ് യോഗ അസോസിയേഷന്‍ ഓഫ് കേരളയുടെ  സഹകരണത്തോടെ നടത്തുന്ന ഡിപ്ലോമ ഇന്‍ യോഗ ടീച്ചര്‍ ട്രെയിനിംഗ് പ്രോഗ്രാമിന് അപേക്ഷ ക്ഷണിച്ചു.  അടിസ്ഥാന യോഗ്യത പ്ലസ് ടു. 18 വയസ്സ് പൂര്‍ത്തിയാക്കിയിരിക്കണം. ഉയര്‍ന്ന പ്രായപരിധിയില്ല.  https://app.srccc.in/register എന്ന ലിങ്കിലൂടെ  അപേക്ഷിക്കണം. അവസാന തീയതി ജൂണ്‍ 30. വിശദാംശങ്ങള്‍ www.srccc.in എന്ന വെബ്‌സൈറ്റില്‍ ലഭിക്കും. കോട്ടയം ജില്ലയിലെ പഠന കേന്ദ്രം: യോഗ അസോസിയേഷന്‍ ഓഫ് കേരള, കാരാപ്പുഴ സര്‍വീസ് സഹകരണ ബാങ്ക് ഹാള്‍,കോട്ടയം. ഫോണ്‍: 9495519686, 9447208381

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി.ജി. ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ് ടൂ), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ്.എസ്.എല്‍.സി) തുടങ്ങിയ കോഴ്‌സുകളിലേക്ക് അപേക്ഷക്ഷണിച്ചു. ഫോണ്‍: 7994449314.