കണ്ണൂര്‍ ഗവ. ഐ.ടി.ഐയില്‍ മൂന്നുമാസ വെല്‍ഡര്‍ ടിഗ് ആന്‍ഡ് മിഗ് കോഴ്‌സിലേക്ക് അപേക്ഷ ക്ഷണിച്ചു. ഫോണ്‍: 7560865447

കണ്ണൂര്‍ ഗവ. ഐ.ടി.ഐയില്‍ ഹ്രസ്വകാല സര്‍ട്ടിഫിക്കേഷന്‍ ഇന്‍ സൈബര്‍ സെക്യൂരിറ്റി, ഡിപ്ലോമ ഇന്‍ പ്രൊഫഷണല്‍ അക്കൗണ്ടിങ്ങ്, ടാലി, ജി.എസ്.ടി ഫയലിങ്ങ്, ഡിപ്ലോമ ഇന്‍ മൊബൈല്‍ ഫോണ്‍ ടെക്നോളജി, സിസിടിവി ടെക്നോളജി കോഴ്സുകളിലേക്ക് അപേക്ഷ ക്ഷണിച്ചു. ഫോണ്‍: 9745479354

ഗവൺമെന്റ് / ഗവൺമെന്റ്-എയ്ഡഡ്/ ഐ എച്ച് ആർ ഡി / കേപ്പ് / സ്വാശ്രയ  പോളിടെക്‌നിക് കോളേജുകളിലേക്കു ഡിപ്ലോമ പ്രവേശനത്തിനുള്ള രണ്ടാമത്തെ അലോട്ട്‌മെന്റ് ലിസ്റ്റ് പ്രസിദ്ധീകരിച്ചു. ഈ ലിസ്റ്റ് പ്രകാരം അഡ്മിഷൻ ലഭിച്ചിരിക്കുന്ന എല്ലാ അപേക്ഷകരും (നേരത്തെ ഫീസ് അടച്ചു അഡ്മിഷൻ എടുത്തവർ ഒഴികെ) അലോട്ട്‌മെന്റ് ലഭിച്ച സ്ഥാപനങ്ങളിൽ മുഴുവൻ ഫീസടച്ച് പ്രവേശനം നേടേണ്ടതാണ്.

മാനന്തവാടി താലൂക്ക് വികസന സമിതി യോഗം ജൂലൈ അഞ്ചിന് രാവിലെ 10.30 ന് താലൂക്ക് കോണ്‍ഫറന്‍സ് ഹാളില്‍ ചേരുമെന്ന് തഹസില്‍ദാര്‍ അറിയിച്ചു.

രാജ്യത്തെ ഉയര്‍ന്ന സിവിലിയന്‍ ബഹുമതിയായ പത്മ പുരസ്‌കാരത്തിന് അപേക്ഷ ക്ഷണിച്ചു. വിവിധ മേഖലകളില്‍  മികച്ചതും അസാധാരണവുമായ നേട്ടങ്ങള്‍/സേവനം, വിശിഷ്ട പ്രവര്‍ത്തനങ്ങള്‍ എന്നിവയ്ക്കാണ് പുരസ്‌കാരം. അപേക്ഷകള്‍ ജൂലൈ 15 നകം സിവില്‍ സ്റ്റേഷനിലെ ജില്ലാ കളക്ടറുടെ ഓഫീസിലോ https://awards.gov.in ഓണ്‍ലൈനായോ നല്‍കാം. പുരസ്‌കാരത്തിന് ശിപാര്‍ശ  ചെയ്യപ്പെടുന്ന വ്യക്തികളുടെ അതത് മേഖലയിലെ,വിഷയത്തിലെ വിശിഷ്ടവും അസാധാരണവുമായ നേട്ടങ്ങള്‍/സേവനം വ്യക്തമായി  രേഖപ്പെടുത്തണം. കൂടുതല്‍ വിവരങ്ങള്‍ക്ക്  https://padmaawards.gov.in ലഭിക്കും.

കേരള കര്‍ഷകത്തൊഴിലാളി ക്ഷേമനിധി ബോര്‍ഡില്‍ അംഗങ്ങളായ എല്ലാ തൊഴിലാളികളും പേര്, ജനനന തീയതി, മൊബൈല്‍ നമ്പര്‍, ആധാര്‍ കാര്‍ഡ്, ബാങ്ക് പാസ്സ്ബുക്ക്, വയസ്സ് തെളിയിക്കുന്ന രേഖ, ഫോട്ടോ എന്നിവ എ ഐ ഐ എസ് സോഫ്റ്റ് വെയറില്‍ ഉള്‍പ്പെടുത്തണമെന്ന് ജില്ലാ ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. അക്ഷയ കേന്ദ്രങ്ങള്‍, ക്ഷേമനിധി ഓഫീസ് എന്നിവ മുഖേനെയോ സ്വന്തമായോ അപ്ഡേറ്റ് ചെയ്യാം. ഫോണ്‍: 9847471144

തദ്ദേശ സ്വയംഭരണ വകുപ്പ് പനമരം ബ്ലോക്ക് പഞ്ചായത്തിന്റെ നേതൃത്വത്തില്‍  ലോക ലഹരി വിരുദ്ധ ദിനാചരണത്തിന്റെ  ഭാഗമായി ബോധവത്ക്കരണ പരിപാടികള്‍ സംഘടിപ്പിച്ചു. വിദഗ്ധര്‍ വിദ്യാര്‍ത്ഥികളുമായി ഓപ്പണ്‍ ഫോറം,  ദൃശ്യവിഷ്‌കാരം എന്നിവ നടത്തി. കണിയാമ്പറ്റ ഗവ. ഹയര്‍സെക്കന്‍ഡറി സ്‌കൂളില്‍ നടന്ന പരിപാടി തദ്ദേശ സ്വയംഭരണ വകുപ്പ് ഡെപ്യൂട്ടി ഡയറക്ടര്‍ ജോമോന്‍ ജോര്‍ജ്ജ് ഉദ്ഘാടനം ചെയ്തു. ബോധവത്ക്കരണ ക്ലാസില്‍ ഹയര്‍ സെക്കന്‍ഡറി  വിദ്യാര്‍ത്ഥികളും അധ്യാപകരും നൂതന ആശയങ്ങള്‍ ചര്‍ച്ച ചെയ്തു. നടവയലില്‍ പ്രവര്‍ത്തിക്കുന്ന മുക്തി ഡി-അഡിക്ഷന്‍ സെന്ററിലെ പ്രവര്‍ത്തകര്‍ ലഹരിക്കെതിരെ ഹ്രസ്വ നാടകം അവതരിപ്പിച്ചു.

ജില്ലയിൽ നടപ്പാക്കുന്ന അംബേദ്കർ സെറ്റിൽമെന്റ് പദ്ധതികളുടെ നിർവ്വഹണം വേഗത്തിലാക്കാൻ ബന്ധപ്പെട്ട പഞ്ചായത്തുകൾക്ക് ജില്ലാ കലക്ടർ അരുൺ. കെ. വിജയൻ  നിർദ്ദേശം നൽകി. കലക്ടറേറ്റ് കോൺഫറൻസ് ഹാളിൽ ചേർന്ന നിർവ്വഹണ പുരോഗതി അവലോകന യോഗത്തിലാണ് കലക്ടർ പഞ്ചായത്ത് സെക്രട്ടറിമാർക്ക് നിർദ്ദേശം നൽകിയത്. പദ്ധതികൾക്ക് പെരിങ്ങോം-വയക്കര, പയ്യാവൂർ, പടിയൂർ, കൊട്ടിയൂർ, കേളകം, ചെറുപുഴ പഞ്ചായത്തുകൾ രണ്ടാഴ്ചക്കുള്ളിൽ ഡി.പി.ആർ സമർപ്പിക്കാനും നിർദ്ദേശം നൽകി. 

ജില്ലാപഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി നടപ്പിലാക്കുന്ന ആറളം ജി എച്ച് എസ് സ്‌കൂളിന് ഭൂമി വാങ്ങല്‍ പദ്ധതിയുടെ ഭാഗമായി കളരിക്കാട് എന്ന സ്ഥലത്ത് സ്‌കൂളിന്റെ അധീനതയിലുള്ള ഭൂമിയിലേക്ക് റോഡ് നിര്‍മ്മിക്കുന്നതിന് സ്ഥലം വിട്ടു നല്‍കാന്‍ തയ്യാറുള്ള ഭൂവുടമകളില്‍ നിന്നും താല്‍പര്യപത്രം ക്ഷണിച്ചു. ആറ് മീറ്റര്‍ വീതിയും 10 സെന്റില്‍ കുറയാത്തതുമായ സ്ഥലത്തിന്റെ ആധാരവും അനുബന്ധരേഖകളും താല്‍പര്യപത്രവും സഹിതം ജൂലൈ ഏഴിനകം ജില്ലാപഞ്ചായത്ത് കാര്യാലയത്തില്‍ എത്തണം. ഫോണ്‍: 0497 2700205

ജില്ലാ പഞ്ചായത്തിൻ്റെ 'കരുതലോടെ കൂടൊരുക്കാം' എന്ന വ്യക്തിത്വ വികസന പദ്ധതിയുടെ  ഭാഗമായി വിദ്യാർഥികൾക്കായി  വായന പക്ഷാചരണം ജില്ലാതല ക്വിസ് മത്സരം സംഘടിപ്പിച്ചു. 

ആലപ്പുഴ ജൻഡർ പാർക്കിൽ ജില്ലാ പഞ്ചായത്ത് വൈസ് പ്രസിഡൻ്റ് എൻ എസ് ശിവപ്രസാദ്   'അറിവഴക്'  എന്ന പേരിൽ സംഘടിപ്പിച്ച മത്സരം ഉദ്ഘാടനം ചെയ്തു.