കോട്ടയം: മുഖ്യമന്ത്രിയുടെ 'കണക്ട് ടു വർക്ക്' സ്‌കോളർഷിപ്പ് പദ്ധതിയിലേക്ക് അപേക്ഷ ക്ഷണിച്ചു. പത്ത്,പ്ലസ് ടു, ഐ.ടി.ഐ,ഡിപ്ലോമ, ഡിഗ്രിയ്ക്ക് ശേഷം യു.പി.എസ്.സി, പി.എസ്.സി, എസ്.എസ്.ബി, ആർ.ആർ.ബി തുടങ്ങിയ കേന്ദ്ര സംസ്ഥാന റിക്രൂട്ട്മെന്റ് ഏജൻസികൾ നടത്തുന്ന മത്സര പരീക്ഷയ്ക്ക് തയ്യാറെടുക്കുന്നവർക്കും കേന്ദ്ര, സംസ്ഥാന സർക്കാരുകളോ, പൊതുമേഖലാ സ്ഥാപനങ്ങളോ, സർവ്വകലാശാലകളോ, അംഗീകൃത സ്വകാര്യ സ്ഥാപനങ്ങളോ നടത്തുന്ന നൈപുണ്യ പരിശീലനം നേടുന്നവർക്കും സ്‌കോളർഷിപ്പിന് അപേക്ഷിക്കാം. അപേക്ഷകർ 18 നും 30 നുമിടയിലുള്ളവരായിരിക്കണം. പ്രതിമാസം 1000 രൂപയാണ് സ്‌കോളർഷിപ്പ്.

ദേശീയപാതയിലെ കായംകുളം കെ.എസ്.ആർ.ടി.സി ജംഗ്ഷൻ  മുതൽ തൈക്കാവ് അല്ലെങ്കിൽ എം.എസ്. എം  കോളേജ്  വരെ  ഉയരപ്പാത നിർമ്മിക്കണമെന്ന് യു പ്രതിഭ എം എൽ എയും അമ്പലപ്പുഴ മണ്ഡലത്തിലെ പായൽക്കുളങ്ങരയിലും വളഞ്ഞവഴി എസ് എൻ കവലയിലും രണ്ട് അടിപ്പാതകൾ അനുവദിക്കണമെന്ന് ആവശ്യപ്പെട്ടുകൊണ്ട് എച്ച് സലാം  എം എൽ എ യും ജില്ലാ വികസന സമിതിയിൽ  പ്രമേയം അവതരിപ്പിച്ചു.  ജനങ്ങളുടെ നിരന്തരമായ ആവശ്യവും  ഈ പ്രദേശങ്ങളുടെ പ്രത്യേകതയും പരിഗണിച്ചാണ് എംഎൽഎമാർ ദേശീയപാത അതോറിറ്റിയുടെ അടിയന്തര ഇടപെടൽ ആവശ്യപ്പെട്ടു കൊണ്ട്  പ്രമേയം അവതരിപ്പിച്ചത്.

കോട്ടയം: പാമ്പാടി രാജീവ് ഗാന്ധി ഇൻസ്റ്റിറ്റ്യൂട്ട് ഓഫ് ടെക്നോളജി - ഗവൺമെന്റ് എൻജിനീയറിങ് കോളജിൽ കെ.ടി.യു മൂല്യ നിർണയ ക്യാമ്പിൽ ക്യാമ്പ് അസിസ്റ്റന്റ് ആയി ദിവസക്കൂലി വ്യവസ്ഥയിൽ ജോലി ചെയ്യാൻ താത്പര്യമുള്ളവരിൽനിന്ന്  അപേക്ഷ ക്ഷണിച്ചു. ഡിഗ്രി യോഗ്യതയുള്ളവർക്ക് അപേക്ഷിക്കാം. പ്രവൃത്തിപരിചയമുള്ളവർക്ക് മുൻഗണന. താത്പര്യമുള്ളവർ  ബയോഡാറ്റ, യോഗ്യത സർട്ടിഫിക്കറ്റുകൾ എന്നിവയുമായി ജനുവരി ഒൻപതിന് രാവിലെ 10 ന് കോളജ് പ്രിൻസിപ്പലിന്റെ കാര്യാലയത്തിൽ നടക്കുന്ന പ്രയോഗിക പരീക്ഷയിലും ഇന്റർവ്യൂവിലും ഹാജരാകണം. ഫോൺ: 0481 2507763.

കോട്ടയം: നാനാടം പാലം പുനർനിർമാണ പ്രവർത്തനങ്ങൾ ആരംഭിക്കുന്നതിനാൽ ഉദയനാപുരം ഗ്രാമപഞ്ചായത്തിലെ കണ്ടത്തിപ്പറമ്പ്-നാനാടം റോഡ് വഴിയുള്ള ഗതാഗതം ജനുവരി 12 മുതൽ പൂർണമായി നിരോധിക്കുമെന്ന് പൊതുമരാമത്ത് വകുപ്പ് അസിസ്റ്റന്റ്്്് എൻജിനീയർ അറിയിച്ചു.

കോട്ടയം: സംസ്ഥാന യുവജന കമ്മീഷൻ ജില്ലാ കോ-ഓർഡിനേറ്റർമാരെയും ലീഗൽ അഡൈ്വസർമാരെയും തെരഞ്ഞെടുക്കാൻ തിരുവനന്തപുരം വികാസ് ഭവനിലുള്ള യുവജന കമ്മീഷൻ ആസ്ഥാനത്ത് ജനുവരി 13-ന്  രാവിലെ 10 മുതൽ 12 വരെ വാക്ക് ഇൻ ഇന്റർവ്യൂ നടക്കും. 18-40 വയസിനിടയിൽ പ്രായമുള്ളവർക്ക് പങ്കെടുക്കാം. പ്രവൃത്തി പരിചയമുള്ളവർക്ക് മുൻഗണന. ഉദ്യോഗാർഥികൾ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ, ഫോട്ടോ എന്നിവയുമായി അന്നു രാവിലെ ഒൻപതിന് യുവജന കമ്മീഷൻ ആസ്ഥാനത്ത് എത്തണം. ഫോൺ: 0471 2308530.

കോട്ടയം: ജില്ലാ എംപ്ലോയബിലിറ്റി സെന്ററിന്റെ  ആഭിമുഖ്യത്തിൽ പ്രമുഖ സ്വകാര്യ സ്ഥാപനങ്ങളിലെ നൂറിലധികം ഒഴിവുകളിലേക്ക് ജനുവരി ഒൻപതിന് രാവിലെ 10 മുതൽ അഭിമുഖം നടത്തും. ജില്ലാ എംപ്ലോയ്‌മെന്റ് എക്സ്ചേഞ്ചിൽ പ്രവർത്തിക്കുന്ന എംപ്ലോയബിലിറ്റി സെന്ററിലാണ് അഭിമുഖം. ഫോൺ: 8138908657, 0481-2563451.

കോട്ടയം: മാടപ്പള്ളി ശിശുവികസന പദ്ധതി ഓഫീസിലേക്കു വാഹനം വാടകയ്ക്ക് നൽകുന്നതിന് റീ ടെൻഡർ ക്ഷണിച്ചു. ജനുവരി 20ന്് ഉച്ചകഴിഞ്ഞ് രണ്ടുവരെ ടെൻഡറുകൾ നൽകാം. വിശദവിവരങ്ങൾക്ക് മാടപ്പള്ളി ശിശുവികസന പദ്ധതി ഓഫീസിൽ ബന്ധപ്പെടണം. ഫോൺ: 0481-2472425, 8281999155.

കോട്ടയം: സംസ്ഥാനത്തെ ഫർണിച്ചർ വ്യവസായ, ഗാർഹിക തൊഴിൽ മേഖലയിലെ കൂലി പുതുക്കി നിശ്ചയിക്കുന്നതിനായി ആലപ്പുഴ, കോട്ടയം, എറണാകുളം ജില്ലകളിലെ  തൊഴിലാളികൾക്കായി മിനിമം വേതന ഉപദേശക സമിതിയുടെ തെളിവെടുപ്പ് ജനുവരി ഒൻപതിന് രാവിലെ 11ന്  എറണാകുളം ഗവൺമെന്റ് ഗസ്റ്റ് ഹൗസിൽ നടക്കും.

കോട്ടയം: ജില്ലയിൽ വിദ്യാഭ്യാസ വകുപ്പിൽ  ഹൈസ്‌കൂൾ ടീച്ചർ ഗണിതശാസ്ത്രം (കാറ്റഗറി നമ്പർ 552/2024) തസ്തികയിലേക്ക് പ്രസിദ്ധീകരിച്ച ചുരുക്കപ്പട്ടികയിൽ ഉൾപ്പെട്ട ഉദ്യോഗാർഥികൾക്കുള്ള അഭിമുഖം ജനുവരി 14ന് ജില്ലാ പി.എസ്.സി. ഓഫീസിൽ വച്ചു നടത്തും.

കോട്ടയം: ഞീഴൂർ ക്ഷീരഗ്രാമം പദ്ധതിയുടെ ഭാഗമായുള്ള പശു യൂണിറ്റ് പദ്ധതികളിലേയ്ക്ക് അപേക്ഷ ക്ഷണിച്ചു. താത്പര്യമുള്ളവർ ജനുവരി 15 ന് വൈകുന്നേരം അഞ്ചിന് മുൻപായി ക്ഷീരവികസന വകുപ്പിന്റെ www.ksheerasree.kerala.gov.in എന്ന പോർട്ടൽ വഴി രജിസ്റ്റർ ചെയ്യണം. ഫോൺ: ക്ഷീരവികസന ഓഫീസർ- 9745469600, ഡയറി ഫാം ഇൻസ്ട്രക്ടർ- 9497667065, ഡയറി പ്രൊമോട്ടർ - 9447675703.