തരൂർ മുതൽ പഴമ്പാലക്കോട് വരെയുള്ള ഭാഗത്ത് അറ്റകുറ്റപണികള്‍ തുടങ്ങുന്നതിനാൽ ഏപ്രിൽ ഒന്ന് മുതൽ പ്രവർത്തി പൂർത്തിയാവുന്നത് വരെ ഈ ഭാഗത്തെ റോഡ് ഗതാഗതം ഭാഗികമായി തടസ്സപ്പെടുമെന്ന് അസി.എഞ്ചിനീയർ അറിയിച്ചു.

കെ.എസ്.ബി.സി.ഡി.സിയുടെ (കേരള സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍) വടക്കഞ്ചേരി ഓഫീസ് ഞായറാഴ്ച്ച (മാര്‍ച്ച് 29) തുറന്ന് പ്രവര്‍ത്തിക്കുമെന്ന് ഉപജില്ലാ ഓഫീസര്‍ അറിയിച്ചു.

വാര്‍ഷിക സ്റ്റോക്കെടുപ്പുമായി ബന്ധപ്പെട്ട് ഏപ്രില്‍ ഒന്ന്, നാല്, ആറ് തീയതികളില്‍ ഷൊര്‍ണൂര്‍ മേഖല സ്റ്റേഷനറി ഓഫീസില്‍ നിന്നും സ്റ്റേഷനറി വിതരണം ഉണ്ടായിരിക്കില്ലെന്ന് അസി. സ്റ്റേഷനറി കണ്‍ട്രോളര്‍ അറിയിച്ചു.

75,269  പ്രചരണ സാമഗ്രികൾ നീക്കം ചെയ്തു

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയില്‍ പരിശോധന ശക്തമാക്കിയിരിക്കെ, രേഖകളില്ലാതെ കടത്താന്‍ ശ്രമിച്ച 6,89,000 രൂപ സ്റ്റാറ്റിക് സര്‍വൈലന്‍സ് ടീം (എസ്.എസ്.ടി) പിടിച്ചെടുത്തു. വിവിധ മണ്ഡലങ്ങളില്‍ നടത്തിയ പരിശോധനയിലാണ് തുക കണ്ടെടുത്തത്. കോങ്ങാട് മണ്ഡലത്തില്‍ നിന്ന് എസ്.എസ്.ടി (3) നടത്തിയ പരിശോധനയില്‍ 4,19,000 രൂപയാണ്  കണ്ടെടുത്തത്. മണ്ണാര്‍ക്കാട് മണ്ഡലത്തിലെ മട്ടത്തുകാട് ചെക്ക്പോസ്റ്റില്‍ നിന്ന് ഒരു ലക്ഷം രൂപയും ചിറ്റൂരില്‍ നിന്ന് 1,70,000 രൂപയും പിടിച്ചെടുത്തു.

പട്ടത്തലച്ചി - എടുപ്പുകുളം റോഡില്‍ അറ്റകുറ്റപ്പണി നടക്കുന്നതിനാല്‍ മാര്‍ച്ച് 25 മുതല്‍ പ്രവൃത്തി പൂര്‍ത്തിയാവുന്നത് വരെ ഭാഗീകമായ ഗതാഗത നിയന്ത്രണം ഉണ്ടായിരിക്കുമെന്ന് അസി. എഞ്ചിനീയര്‍ അറിയിച്ചു.