തൃശ്ശൂര്‍ ജില്ലാ പഞ്ചായത്തിന്റെ നേതൃത്വത്തില്‍ ഭിന്നശേഷിക്കാര്‍ക്കായി നടപ്പിലാക്കുന്ന മുച്ചക്ര വാഹന വിതരണോദ്ഘാടനം ജൂണ്‍ എട്ടിന് നടത്തും. രാവിലെ 11 ന് ജില്ലാ പഞ്ചായത്ത് കാര്യാലയത്തിന് മുന്‍വശത്താണ് പരിപാടി. ഫോണ്‍: 0487 2321702.

 ചാലക്കുടി മോഡല്‍ റസിഡന്‍ഷ്യല്‍ സ്‌കൂളില്‍ 2026-27 അധ്യയന വര്‍ഷത്തില്‍ കമ്പ്യൂട്ടര്‍ ഇന്‍സ്ട്രക്ടര്‍, ലൈബ്രേറിയന്‍ എന്നീ തസ്തികകളിലേക്ക് കരാര്‍ അടിസ്ഥാനത്തില്‍ താത്കാലിക നിയമനം നടത്തുന്നു. സ്ഥാപനത്തില്‍ താമസിച്ച് ജോലി ചെയ്യാന്‍ താത്പര്യമുള്ള ഉദ്യോഗാര്‍ത്ഥികള്‍ വെള്ളക്കടലാസില്‍ തയ്യാറാക്കിയ അപേക്ഷ, ബയോഡേറ്റ, യോഗ്യത, വയസ്, പ്രവൃത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസലും പകര്‍പ്പും സഹിതം ജൂണ്‍ 11 ന് സ്‌കൂളില്‍ നേരിട്ട് അഭിമുഖത്തിന് ഹാജരാകണം.

ചേർത്തല - മാരാരിക്കുളം റെയിൽവേ സ്റ്റേഷനുകൾക്കിടയിലുള്ള   മാരാരി ക്ഷേത്രം ഗേറ്റ്  ജൂൺ എട്ടിന് രാവിലെ എട്ട് മണി മുതൽ ജൂൺ 13-ന് വൈകിട്ട് ആറ് മണി വരെ അടിയന്തര അറ്റകുറ്റപ്പണികൾക്കായി അടച്ചിടുമെന്ന് റെയിൽവേ സീനിയർ സെക്ഷൻ എഞ്ചിനീയർ അറിയിച്ചു.
ഇതുവഴിയുള്ള വാഹനങ്ങൾ അടുത്തുള്ള പൂപ്പള്ളിക്കാവ് ക്ഷേത്രം ഗേറ്റ് , മാരാരി സൗത്ത് ഗേറ്റ്  എന്നിവയിലൂടെ പോകണം.

തദ്ദേശ സ്വയംഭരണ സ്ഥാപനങ്ങളിലെ സെക്രട്ടറിമാർക്കും അസിസ്റ്റന്റ് സെക്രട്ടറിമാർക്കും മാലിന്യ പരിപാലന ചട്ടവുമായി ബന്ധപ്പെട്ട പരിശീലന പരിപാടി സംഘടിപ്പിച്ചു. 
 ആലപ്പുഴ ജില്ലാ പഞ്ചായത്ത് കോൺഫറൻസ് ഹാളിൽ  നടന്ന പരിപാടിയിൽ   ശുചിത്വ മിഷൻ കോ-ഓർഡിനേറ്ററും ഡെപ്യൂട്ടി ഡയറക്ടറുമായ  ഡി ഷിൻസ്  ക്ലാസുകൾ നയിച്ചു.                                                 

രണ്ട് സെഷനുകളിലായി നടന്ന പരിശീലന പരിപാടിയിൽ മാലിന്യ പരിപാലന ചട്ടത്തിലെ പ്രധാന വ്യവസ്ഥകൾ, തദ്ദേശസ്ഥാപനങ്ങളുടെ ഉത്തരവാദിത്വങ്ങൾ, ഫലപ്രദമായ മാലിന്യ സംസ്കരണ നടപടികൾ എന്നിവ വിശദമായി അവതരിപ്പിച്ചു.

ആലപ്പുഴ ജില്ലാ ക്യാൻസർ കെയർ സൊസൈറ്റിയുടെ കീഴിൽ പ്രവർത്തിക്കുന്ന
ആലപ്പുഴ  ഗവ. ടി.ഡി. മെഡിക്കൽ കോളേജ് ആശുപത്രി കോംപ്ലക്സിൽ പ്രവർത്തിക്കുന്ന സി.ടി. സ്കാൻ സെന്ററിലേക്ക്  ഡാറ്റാ എൻട്രി ഓപ്പറേറ്റർ ട്രെയിനികളെ നിയമിക്കുന്നു. 

ആറ് മാസക്കാലയളവിലേക്ക് ഉള്ള ഈ നിയമനത്തിന് പ്രതിമാസം 7000 രൂപ സ്റ്റൈഫൻഡ് ലഭിക്കും. കേരള സർക്കാർ അംഗീകൃത യൂണിവേഴ്സിറ്റിയിൽ നിന്നുമുള്ള ബിരുദവും, അംഗീകൃത ഡി.സി.എ. ( കമ്പ്യൂട്ടർ ആപ്ലിക്കേഷൻ ഡിപ്ലോമ) യോഗ്യതയുമുള്ളവർക്ക് അപേക്ഷിക്കാം. ഉദ്യോഗാർഥികളുടെ പ്രായം 2026 മേയ് 31 ന്   40 വയസ്സ് കവിയരുത്. 

ലോക സൈക്കിൾ ദിനാചരണത്തിന്റെയും ഒരു വർഷത്തെ സുവർണ ജൂബിലി ആഘോഷങ്ങളുടെയും ഭാഗമായി  നാഷണൽ ട്രാൻസ്‌പോർട്ടേഷൻ പ്ലാനിങ് ആൻഡ് റിസർച്ച് സെന്റർ (നാറ്റ്പാക്) സൈക്ലത്തോൺ 2026 സംഘടിപ്പിച്ചു. സെക്രട്ടറിയേറ്റിനു മുന്നിൽ ചാണ്ടി ഉമ്മൻ എം എൽ എ ഫ്‌ലാഗ് ഓഫ് ചെയ്തു.

2026-27 അധ്യയന വർഷത്തെ ഹയർസെക്കണ്ടറി (വൊക്കേഷണൽ) പ്രവേശനത്തിന്റെ ട്രയൽ അലോട്ട്‌മെന്റ് https://admission.vhseportal.kerala.gov.in 

2026-28 അധ്യയന വർഷത്തെ ഡി എൽ എഡ് കോഴ്‌സിലേക്കുള്ള അഡ്മിഷൻ https://kbpe.kerala.gov.in/deled2026 മുഖേന ജൂൺ 15 ന് വൈകിട്ട് 5 വരെ അപേക്ഷിക്കാം.

സംസ്ഥാനത്ത് ഷിഗെല്ല രോഗം റിപ്പോർട്ട് ചെയ്ത സാഹചര്യത്തിൽ പരിശോധന കർശനമാക്കാൻ ഭക്ഷ്യ സുരക്ഷാ വകുപ്പിന് നിർദ്ദേശം നൽകിയതായി ആരോഗ്യമന്ത്രി കെ മുരളീധരൻ.

MWPSC സ്റ്റേറ്റ് കോ-ഓർഡിനേറ്റർ തസ്തികയിൽ ഒരു വർഷത്തേക്ക് കരാർ നിയമനം നടത്തുന്നതിന് അപേക്ഷ ക്ഷണിച്ചു. സാമൂഹ്യ പ്രവർത്തനം/ സോഷ്യോളജിയിൽ ബിരുദാനന്തര ബിരുദം, വേർഡ് പ്രോസസിംഗിൽ സർക്കാർ അംഗീകൃത കമ്പ്യൂട്ടർ കോഴ്സ് പാസ്, മലയാളം, ഇംഗ്ലീഷ് ഭാഷകളിൽ ടൈപ്പ് റൈറ്റിംഗ് എന്നിവയാണ് യോഗ്യത.