കല്‍പറ്റ കേന്ദ്രീയ വിദ്യാലയത്തില്‍ 2026-27 അദ്ധ്യായന വര്‍ഷത്തില്‍ അഞ്ച്, പന്ത്രണ്ട് ക്ലാസുകളില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. അപേക്ഷ ഫോറം https://kalpetta.kvs.ac.in ല്‍ ലഭ്യമാണ്. അപേക്ഷകള്‍ ഏപ്രില്‍ എട്ടിനകം വിദ്യാലയത്തില്‍ നല്‍കണം. ഫോണ്‍: 04936 298400

ജില്ലയില്‍ വിദ്യാഭ്യാസ വകുപ്പില്‍ ഹൈ സ്‌കൂള്‍ ടീച്ചര്‍ (അറബിക്) (കാറ്റഗറി നമ്പര്‍ 285/2025) തസ്തികയിലേക്ക് 2026 ഫെബ്രുവരി 23ന് നിലവില്‍ വന്ന റാങ്ക് പട്ടികയില്‍ ഉള്‍പ്പെട്ട ഉദ്യോഗാര്‍ഥിയെ നിയമന ശിപാര്‍ശ നല്‍കിയതിനാല്‍ 2026 മാര്‍ച്ച് 17 ന് പട്ടിക റദ്ദായതായി പി.എസ്.സി ഓഫീസര്‍ അറിയിച്ചു.

ജില്ലയില്‍ വിദ്യാഭ്യാസ വകുപ്പില്‍ ഹൈ സ്‌കൂള്‍ ടീച്ചര്‍ (തമിഴ്) (കാറ്റഗറി നമ്പര്‍ 248/2024) തസ്തികയിലേക്ക് 2026 ഫെബ്രുവരി 23ന് നിലവില്‍ വന്ന റാങ്ക് പട്ടികയില്‍ ഉള്‍പ്പെട്ട ഉദ്യോഗാര്‍ഥിയെ നിയമന ശിപാര്‍ശ നല്‍കിയതിനാല്‍ 2026 മാര്‍ച്ച് 19 ന് പട്ടിക റദ്ദായതായി പി.എസ്.സി ഓഫീസര്‍ അറിയിച്ചു.

മാര്‍ച്ച് മാസത്തെ പച്ചത്തേയിലയുടെ വില കിലോഗ്രാമിന് 16.43 രൂപയായി നിശ്ചയിച്ചതായി അസിസ്റ്റന്റ് ഡയറക്ടര്‍ അറിയിച്ചു. പച്ച തേയിലയുടെ വില തീര്‍പ്പാക്കുമ്പോള്‍ ഫാക്ടറികള്‍ ശരാശരി വില പാലിച്ച് വിതരണക്കാര്‍ക്ക് നല്‍കണം. 

മാനന്തവാടി, പേരിയ, വാളാട് വില്ലേജുകളിലെ ഡിജിറ്റല്‍ സര്‍വെ പ്രകാരമുള്ള ഭൂവിവരങ്ങള്‍ അറിയുന്നതിന് മാനന്തവാടി റീ-സര്‍വെ സൂപ്രണ്ടാഫീസില്‍ സൗകര്യം ഏര്‍പ്പെടുത്തിയതായി അസിസ്റ്റന്റ് ഡയറക്ടര്‍ അറിയിച്ചു. തോമാട്ടുചാല്‍ വില്ലജിലെ ഭൂവിവരങ്ങള്‍ സൂല്‍ത്താന്‍ ബത്തേരി റീ-സര്‍വെ സൂപ്രണ്ടാഫീസില്‍ ലഭ്യമാണ്. ഓഫീസ് സമയങ്ങളില്‍ നേരിട്ടെത്തി വിവരങ്ങള്‍ പരിശോധിക്കാം.

ഓപ്പറേഷൻ ബ്രേക്ക്ത്രൂവിൻ്റെ  ഭാഗമായി കൊച്ചി നഗരസഭാ പരിധിയിലെ വിവിധ ശുചീകരണ പ്രവർത്തനങ്ങൾ ജില്ലാ കളക്ടർ ജി പ്രിയങ്ക നേരിട്ട് വിലയിരുത്തി. 

വരാനിരിക്കുന്ന കാലവർഷത്തിന് മുന്നോടിയായി നഗരത്തിലെ വെള്ളക്കെട്ടുകൾ ഒഴിവാക്കുക എന്ന ലക്ഷ്യത്തോടെയാണ് ജില്ലാ കളക്ടറുടെ നേതൃത്വത്തിലുള്ള ഈ പരിശോധന.  
നഗരസഭയുടെ കീഴിലുള്ള പ്രധാന തോടുകളുടെയും കാനകളുടെയും ശുചീകരണ പുരോഗതി അവർ വിലയിരുത്തി. വരും ദിവസങ്ങളിലും നഗരസഭയുടെ വിവിധ ഭാഗങ്ങളിൽ നേരിട്ടുള്ള പരിശോധന തുടരുമെന്ന് ജില്ലാ കളക്ടർ അറിയിച്ചു.

ജില്ലാ ഭരണകൂടത്തിന്റെയും സ്വീപ്പിന്റെയും നേതൃത്വത്തിൽ ശ്രീചിത്തിര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ആന്റ് ടെക്നോളജിയിൽ വോട്ടർ അവബോധ പരിപാടി സംഘടിപ്പിച്ചു.

ശ്രീചിത്ര മെഡിക്കൽ സൂപ്രണ്ട് ഡോ. കവിത രാജ അധ്യക്ഷത വഹിച്ചു. ജനാധിപത്യത്തിൽ ഓരോ വോട്ടിന്റെയും പ്രാധാന്യവും ഉത്തരവാദിത്വമുള്ള പൗരന്മാരായി എല്ലാവരും വോട്ട് ചെയ്യേണ്ടതിന്റെ ആവശ്യകതയും അവർ വിശദീകരിച്ചു. അസിസ്റ്റന്റ് കളക്ടറും ജില്ലാ സ്വീപ്പ് നോഡൽ ഓഫീസറുമായ ഡോ ശിവശക്തിവേൽ.സി മുഖ്യപ്രഭാഷണം നടത്തി.

തിരുവനന്തപുരം സ്വീപ്പിന്റെ നേതൃത്വത്തിൽ ശ്രീകാര്യം നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് ആൻഡ് ഹിയറിംഗിൽ വോട്ടർമാരുടെ ബോധവൽക്കരണ പരിപാടി നടന്നു. ബധിരരും കേൾവിക്കുറവുള്ളവരും കേൾവിക്കുറവുള്ളവരുമായ വിദ്യാർത്ഥികൾക്കായി സംഘടിപ്പിച്ച പരിപാടിയിൽ അസിസ്റ്റന്റ് കളക്ടറും സ്വീപ്പ്  നോഡൽ ഓഫിസറുമായ സി.ശിവശക്തിവേൽ മുഖ്യാതിഥിയായിരുന്നു. നിഷിന്റെ മുൻ എക്സിക്യൂട്ടീവ് ഡയറക്ടർ ഡോ.സുജ കുന്നത്ത് അധ്യക്ഷത വഹിച്ചു.

നിയമസഭാ തിരഞ്ഞെടുപ്പിനോടനുബന്ധിച്ച് ക്രമസമാധാന പാലനം സുരക്ഷാബോധം ഉറപ്പുവരുത്തുന്നതിന്റെയും പൊതുജനങ്ങളില്‍ വര്‍ധിപ്പിക്കുന്നതിന്റെയും ഭാഗമായി ടൗണ്‍ സൗത്ത് പോലീസ് സ്റ്റേഷന്‍ പരിധിയില്‍ കേരള പോലീസും കര്‍ണാടക റിസര്‍വ് പോലീസും സംയുക്തമായി റൂട്ട് മാര്‍ച്ച് സംഘടിപ്പിച്ചു.

നിയമസഭാ തിരഞ്ഞെടുപ്പിനോടനുബന്ധിച്ച് ക്രമസമാധാന പാലനം ഉറപ്പുവരുത്തുന്നതിന്റെയും പൊതുജനങ്ങളില്‍ സുരക്ഷാബോധം  വര്‍ധിപ്പിക്കുന്നതിന്റെയും ഭാഗമായി ചാലിശ്ശേരി പോലീസ് സ്റ്റേഷന്‍ പരിധിയില്‍ കേരള പോലീസും കര്‍ണാടക റിസര്‍വ് പോലീസും സംയുക്തമായി റൂട്ട് മാര്‍ച്ച് സംഘടിപ്പിച്ചു.