കേരള വാട്ടര്‍ അതോറിറ്റി മലപ്പുറം പി.എച്ച്. സബ്ഡിവിഷന്‍ വിവിധ പ്രവൃത്തികള്‍ക്ക് ദര്‍ഘാസ് ക്ഷണിച്ചു. ദര്‍ഘാസ് സ്വീകരിക്കുന്ന സ്വീകരിക്കുന്ന അവസാന തിയതി ജൂണ്‍ 15. ഫോണ്‍- 8547638398. വെബ്‌സൈറ്റ്- www.etenderds.kerala.gov.in

ട്രോളിങ് നിരോധന കാലയളവില്‍ തൊഴില്‍ നഷ്ടപ്പെടുന്ന യന്ത്രവത്കൃത മത്സ്യബന്ധന യാനങ്ങളിലെ മത്സ്യത്തൊഴിലാളികള്‍ക്കും അനുബന്ധ തൊഴിലാളികള്‍ക്കും പീലിംഗ് തൊഴിലാളികള്‍ക്കും സൗജന്യ റേഷന്‍ അനുവദിക്കുന്നതിന് അര്‍ഹരായവരില്‍ നിന്നും അപേക്ഷ ക്ഷണിച്ചു. അപേക്ഷകള്‍ ജില്ലയിലെ തീരദേശ മത്സ്യഭവന്‍ ഓഫീസുകളില്‍ ജൂണ്‍ 11 നകം ലഭ്യമാക്കണം. ഫോണ്‍- 0494-2666428.

അരീക്കോട് ഗവ. ഐ.ടി.ഐ.യില്‍ ഐ.എം.സി.യുടെ ആഭിമുഖ്യത്തില്‍ എസ്.എസ്.എല്‍.സി, പ്ലസ്-ടു, ഡിഗ്രി. പി.ജി. യോഗ്യതയുള്ളവര്‍ക്ക് തൊഴിലധിഷ്ഠിത പ്ലേസ്‌മെന്റ് സപ്പോര്‍ട്ടോടു കൂടിയ എ.ഐ. ഇന്റഗ്രേറ്റഡ്, എയര്‍ കാര്‍ഗോ ഷിപ്പിംഗ് ആന്റ് ലോജിസ്റ്റിക്‌സ് മാനേജെന്റ് കോഴ്സ്, ഡിപ്ലോമ ഇന്‍ ഏവിയേഷന്‍ മാനേജ്‌മെന്റ് ആന്‍ഡ് എയര്‍ലൈന്‍ ക്യാബിന്‍ ക്രൂ, ഡിപ്ലോമ ഇന്‍ ഹ്യൂമന്‍ റിസോഴ്‌സ് മാനേജ്‌മെന്റ് എന്നീ കോഴ്‌സുകളിലേക്ക് പ്രവേശനം ആരംഭിച്ചു. ഇന്റേണ്‍ഷിപ്പ്, ഇംഗ്ലീഷ് ഭാഷാ പരിജ്ഞാനം, വ്യക്തിത്വ വികസനം എന്നിവയില്‍ പ്രത്യേക പരിശീലനവും നല്‍കും. ഫോണ്‍: 8590082853, 9037723093.

ജില്ലയിലെ വിവിധ സാമൂഹിക, കുടുംബാരോഗ്യ കേന്ദ്രങ്ങളിലും പൊന്നാനി താലൂക്ക് ആശുപത്രിയിലും തദ്ദേശ സ്ഥാപനങ്ങള്‍ വഴി നടത്തുന്ന സായാഹ്ന ഒ.പി.യില്‍ ഡോക്ടര്‍ നിയമനത്തിനുള്ള അഭിമുഖം ജൂണ്‍ എട്ടിന് രാവിലെ 9.30 ന് മലപ്പുറം ജില്ലാ മെഡിക്കല്‍ ഓഫീസില്‍ നടക്കും. താത്പര്യമുള്ള ഉദ്യോഗാര്‍ഥികള്‍ ടി.സി.എം.സി.രജിസ്‌ട്രേഷന്‍ സര്‍ട്ടിഫിക്കറ്റ്, എം.ബി.ബി.എസ്് സര്‍ട്ടിഫിക്കറ്റ്, എസ്.എസ്.എല്‍.സി സര്‍ട്ടിഫിക്കറ്റ്, പ്രവൃത്തിപരിചയ സര്‍ട്ടിഫിക്കറ്റ്, ആധാര്‍ കാര്‍ഡ് എന്നിവയുടെ  അസലും ഓരോ പകര്‍പ്പും സഹിതം അഭിമുഖത്തിന് ഹാജരാകണം. ഫോണ്‍- 0483- 2736241.

മലപ്പുറം സൈനിക വിശ്രമ കേന്ദ്രത്തില്‍ പാര്‍ട് ടൈം സ്വീപ്പര്‍ തസ്തികയില്‍ കരാറടിസ്ഥാനത്തില്‍ 179 ദിവസത്തേക്ക് നിയമനം നടത്തുന്നതിന് വിമുക്ത ഭടന്‍മാര്‍ / അവരുടെ ആശ്രിതര്‍ എന്നിവരില്‍ നിന്നും അപേക്ഷ ക്ഷണിച്ചു. അപേക്ഷിക്കേണ്ട അവസാന തിയതി ജൂണ്‍ 10. വിശദ വിവരങ്ങള്‍ ജില്ലാ സൈനിക ക്ഷേമ ഓഫീസില്‍ ലഭ്യമാണ്. ഫോണ്‍- 0483- 2734932.

മലപ്പുറം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചര്‍- ഇംഗ്ലീഷ് (കാറ്റഗറിനം.603/2024) തസ്തികയിലേക്കുള്ള അഭിമുഖം ജൂണ്‍ 12ന് കേരള പബ്ലിക് സര്‍വ്വീസ് കമ്മീഷന്റെ കോഴിക്കോട് ജില്ലാ ഓഫീസിലും ജൂണ്‍ 17, 18, 19 തീയതികളില്‍ പബ്ലിക് സര്‍വ്വീസ് കമ്മീഷന്റെ മലപ്പുറം, തൃശൂര്‍ ജില്ലാ ഓഫീസുകളിലും ജൂണ്‍ 17, 18 തീയതികളില്‍ പബ്ലിക് സര്‍വ്വീസ് കമ്മീഷന്റെ കോഴിക്കോട് മേഖലാ ഓഫീസിലും നടക്കും. അര്‍ഹരായ ഉദ്യോഗാര്‍ത്ഥികള്‍ക്ക് എസ്.എം.എസ്, പ്രൊഫൈല്‍ എന്നിവ വഴി അറിയിപ്പ് നല്‍കിയിട്ടുണ്ട്.

മലപ്പുറം: ജില്ലാ സാക്ഷരതാമിഷന്റെ ആഭിമുഖ്യത്തില്‍ നടത്തുന്ന പരിസ്ഥിതിവാരാചണത്തിന്റെ ജില്ലാതല ഉദ്ഘാടനം പരിസ്ഥിതി പ്രതിജ്ഞാ ചൊല്ലി ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്സണ്‍ ആലിപ്പറ്റ ജമീല നിര്‍വ്വഹിച്ചു. ജില്ലാ പഞ്ചായത്ത് അംഗം കെ.ടി അഷ്‌റഫ് അധ്യക്ഷത വഹിച്ചു. ജില്ലാ സാക്ഷരതാമിഷന്‍ കോ-ഓര്‍ഡിനേറ്റര്‍ പി. വി ശാസ്തപ്രസാദ്, അസിസ്റ്റന്റ് കോ-ഓര്‍ഡിനേറ്റര്‍ എം. മുഹമ്മദ് ബഷീര്‍, ഓഫീസ് ജീവനക്കാരായ കെ.ശരണ്യ, കെ. മൊയ്തീന്‍ കുട്ടി, ജസീല എം.കെ, പ്രീനകുമാരി എന്നിവര്‍ പങ്കെടുത്തു. ജൂണ്‍ ഏഴിന് ഞായറാഴ്ച തുല്യത പഠനകേന്ദ്രങ്ങളില്‍ വാരാചരണത്തിന്റെ ഭാഗമായി വിവിധ പ്രവര്‍ത്തനങ്ങള്‍ നടത്തും.

മഴ മുന്നറിയിപ്പുകളുടെ പശ്ചാത്തലത്തിൽ കോട്ടയം ജില്ലയിൽ ഇന്നു  ( ജൂൺ 6, ശനി )മുതൽ തിങ്കളാഴ്ച (ജൂൺ 8 ) വരെ (മൂന്ന് ദിവസം) ജില്ലയിലെ എല്ലാവിധ ഖനന പ്രവർത്തനങ്ങളും, ധാതു ഗതാഗതവും നിരോധിച്ച്  ജില്ലാ കളക്ടർ ചേതൻ കുമാർ മീണ ഉത്തരവായി.

ലോക പരിസ്ഥിതി ദിനത്തിന്റെ ഭാഗമായി കാര്‍ഷിക വികസന കര്‍ഷക ക്ഷേമ വകുപ്പിന്റെ നേതൃത്വത്തില്‍ ഫലവൃക്ഷ ക്യാമ്പയിനിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡണ്ട് പി എ ജബ്ബാര്‍ ഹാജി പൂക്കോട്ടൂർ പി.കെ.എം.ഐ.സി.  സ്‌കൂള്‍ പരിസരത്ത് ഫലവൃക്ഷ തൈ നട്ട് നിര്‍വഹിച്ചു. പൂക്കോട്ടൂര്‍ ഗ്രാമപഞ്ചായത്ത് പ്രസിഡണ്ട് അനീസ കോടാലി അധ്യക്ഷത വഹിച്ചു. മലപ്പുറം ബ്ലോക്ക് പഞ്ചായത്ത് പ്രസിഡണ്ട്  റെജുല പെലത്തൊടി മുഖ്യപ്രഭാഷണം നടത്തി. മലപ്പുറം ജില്ലാ പ്രിന്‍സിപ്പല്‍ കൃഷി ഓഫീസര്‍ ഇന്‍ ചാര്‍ജ് കെ പി സുരേഷ് പരിസ്ഥിതി ദിന സന്ദേശം നല്‍കി. പരിസ്ഥിതി സംരക്ഷണ പ്രധാന്യം ഉള്‍കൊള്ളുന്ന പ്രതിജ്ഞ ചൊല്ലി. ഹെഡ്മാസ്റ്റര്‍ എം.

ലോക പരിസ്ഥിതി ദിനത്തോടനുബന്ധിച്ച് മലപ്പുറം സിവില്‍ സ്റ്റേഷന്‍ പരിസരത്ത് നടന്ന പരിസ്ഥിതി ദിനാചരണം എ.ഡി.എം. സി.എസ്. രാജേഷ് ഉദ്ഘാടനം ചെയ്തു. സിവില്‍ സീനിയര്‍ ചേംബര്‍ ഇന്റര്‍നാഷണല്‍ മഞ്ചേരി ലീജിയനും ലക്സോണ്‍ ടാറ്റ മലപ്പുറവും ഹരിത കേരള മിഷനും ചേര്‍ന്നാണ് ദിനാചരണം സംഘടിപ്പിച്ചത്. പരിപാടിയുടെ ഭാഗമായി വൃക്ഷത്തൈ നട്ടുപിടിപ്പിക്കുകയും തൈകള്‍ വിതരണം ചെയ്യുകയും ചെയ്തു. വിവിധ വകുപ്പ് ജീവനക്കാരും സീനിയര്‍ ചേംബര്‍, ലക്‌സോണ്‍ ടാറ്റ പ്രതിനിധികളും ചടങ്ങില്‍ സംബന്ധിച്ചു.