പെരുങ്കടവിള ബ്ലോക്ക് പഞ്ചായത്തിന് കീഴിലെ വെള്ളറട സാമൂഹികാരോഗ്യകേന്ദ്രത്തിൽ ബ്ലോക്ക് പ്രോജക്ട് ഡോക്ടറുടെ താത്കാലിക നിയമനത്തിന് (കരാർ അടിസ്ഥാനത്തിൽ) ജൂൺ  15 രാവിലെ 11ന് ഓഫീസിൽ വാക്ക് ഇൻ ഇന്റർവ്യൂ നടത്തും. താത്പര്യമുള്ള ഉദ്യോഗാർത്ഥികൾ രജിസ്‌ട്രേഷൻ സർട്ടിഫിക്കറ്റിന്റെയും യോഗ്യത തെളിയിക്കുന്ന സർട്ടിഫിക്കറ്റുകളുടെയും അസൽ രേഖകളുമായി അന്നേ ദിവസം രാവിലെ 10.30 ന് വെള്ളറട സാമൂഹികാരോഗ്യകേന്ദ്രത്തിൽ എത്തണം. പ്രായപരിധി 60 വയസ്സ്.

ലോകകപ്പ് ഫുട്ബോളിന്റെ ആവേശത്തിനൊപ്പം വിദ്യാർഥികളിൽ ലഹരിവിരുദ്ധ ബോധവൽക്കരണം ശക്തിപ്പെടുത്താൻ പൊതുവിദ്യാഭ്യാസ വകുപ്പ് നടപ്പിലാക്കുന്ന ‘സ്‌കൂളുകളിൽ നിന്നും വൺ മില്യൺ തൂഫാൻ ഗോളുകൾ @ 

തിരുവനന്തപുരം ജില്ലാ ലേബർ ഓഫീസറുടെ കാര്യാലയത്തിലേക്ക് തൊഴിൽ തർക്കങ്ങൾ പരിഹരിക്കുന്നതിനും തൊഴിൽ വകുപ്പുമായി ബന്ധപ്പെട്ട മറ്റ് പരിശോധനകൾ നടത്തുന്നതിനും വാഹനം കരാർ അടസ്ഥാനത്തിൽ ലഭ്യമാക്കുന്നതിന് ദർഘാസ് ക്ഷണിച്ചു. വാഹനം 30/06/2027 വരെ കരാർ അടിസ്ഥാനത്തിൽ ഡ്രൈവർ ഉൾപ്പെടെ വിട്ടുനൽകേണ്ടതാണ്. വാഹനങ്ങൾക്ക് 5 വർഷത്തിൽ കൂടുതൽ പഴക്കം പാടില്ല.

* അന്താരാഷ്ട്ര ആർക്കൈവ്‌സ് വാരാഘോഷം ആരംഭിച്ചു

കുഴല്‍മന്ദം ബ്ലോക്ക് പഞ്ചായത്ത് വാര്‍ഷിക പദ്ധതിയുടെ ഭാഗമായി വനിതാ ഗ്രൂപ്പ് സംരംഭകര്‍ക്ക് പരമാവധി 3,75,000 രൂപ വരെ സബ്സിഡി അനുവദിക്കുന്നു. താല്‍പര്യമുള്ളവര്‍ ബ്ലോക്ക് വ്യവസായ വികസന ഓഫീസറുമായി ബന്ധപ്പെടുക. ഫോണ്‍: 9188127143.
 

പാലക്കാട് താലൂക്ക് വികസന സമിതി യോഗം താലൂക്ക് കോണ്‍ഫറന്‍സ് ഹാളില്‍ ചേര്‍ന്നു. വി.കെ ശ്രീകണ്ഠന്റെ എം.പിയുടെ പ്രതിനിധി പ്രകാശ് കാഴ്ചപറമ്പില്‍ അധ്യക്ഷനായി. കല്‍പ്പാത്തി ഹോമിയോ ആശുപത്രി മാറ്റുന്നതുമായി ബന്ധപ്പെട്ട് നഗരസഭയ്ക്കകത്ത് അനുയോജ്യമായ കെട്ടിടം അനുവദിക്കുന്നതിന് ജില്ലാ കലക്ടര്‍ മുഖേന സര്‍ക്കാരിന്റെ ശ്രദ്ധയില്‍പ്പെടുത്താന്‍ സമിതി തീരുമാനിച്ചു.

കാലവര്‍ഷം ആരംഭിച്ചതിനാല്‍ പകര്‍ച്ചവ്യാധികള്‍ക്കെതിരേ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ടി വി റോഷ് അറിയിച്ചു. വീടിനു ചുറ്റും കൊതുക് വളരാനുള്ള സാഹചര്യം ഇല്ലാതാക്കാനും ഭക്ഷണാവശിഷ്ടങ്ങളും മറ്റ് മാലിന്യങ്ങളും അലക്ഷ്യമായി വലിച്ചെറിഞ്ഞ് എലിശല്യം ഉണ്ടാകാതെ ശ്രദ്ധിക്കണം. പൊതുജനങ്ങള്‍ പരിസര -വ്യക്തി-ആഹാര ശുചിത്വവും കൃത്യമായി പാലിക്കണം. മഴവെള്ളം കെട്ടിനില്‍ക്കുന്ന സാഹചര്യം കൊതുകുജന്യരോഗങ്ങളായ ഡെങ്കിപ്പനി,  മലമ്പനി എന്നിവയ്ക്കും കെട്ടികിടക്കുന്ന വെള്ളവുമായുള്ള സമ്പര്‍ക്കം ജന്തുജന്യരോഗമായ എലിപ്പനിക്കും  വഴിയൊരുക്കും.