ജില്ലാ തിരഞ്ഞെടുപ്പ് ബോധവൽക്കരണ പരിപാടിയായ സ്വീപ് ക്യാമ്പയിന്റെ ഭാഗമായി, കൂത്തുപറമ്പ് നിർമലഗിരി കോളേജിന്റെ ആഭിമുഖ്യത്തിൽ തിരഞ്ഞെടുപ്പ് ബോധവൽക്കരണ റാലി നടത്തി. 
എൻ.എസ്.എസ് പ്രോഗ്രാം ഓഫീസർമാരായ ദീപു, മഞ്ജു എന്നിവരുടെ നേതൃത്വത്തിൽ നിർമലഗിരി കോളേജിലെ എൻ.എസ്.എസ് വിദ്യാർത്ഥികൾ വോട്ടവകാശത്തിന്റെ പ്രാധാന്യത്തെക്കുറിച്ച് പൊതുസമൂഹത്തിലും പ്രത്യേകിച്ച് പുതുതലമുറയിലും അവബോധം സൃഷ്ടിക്കുന്നതിനായി കോളേജ് ഓഡിറ്റോറിയത്തിൽ നിന്ന് റാലി തുടങ്ങി.

നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട് സ്ഥാനാര്‍ത്ഥികളുടെ വരവ്-ചെലവുകണക്ക് രജിസ്റ്ററുകളുടെ രണ്ടാമത്തെയും മൂന്നാമത്തെയും സൂക്ഷ്മ പരിശോധനകള്‍ക്ക് നിശ്ചയിച്ചിരുന്ന തീയതികളില്‍ മാറ്റം. 

രണ്ടാംഘട്ട പരിശോധന ഏപ്രില്‍ നാലിന് കളക്ടറേറ്റ് റൗണ്ട് കോണ്‍ഫറന്‍സ് ഹാളില്‍ എക്‌സ്‌പെന്‍ഡിച്ചര്‍ ഒബ്‌സര്‍വറുടെ നേതൃത്വത്തില്‍ നടക്കും. രാവിലെ 10.30ന് കല്‍പറ്റ, ഉച്ചയ്ക്ക് 1.30ന് മാനന്തവാടി, വൈകിട്ട് മൂന്നിന് സുല്‍ത്താന്‍ ബത്തേരി മണ്ഡലങ്ങളിലെ സ്ഥാനാര്‍ത്ഥികളുടെ രേഖകള്‍ പരിശോധിക്കും. 

ജില്ലയിലെ മുഴുവൻ നിയമസഭ മണ്ഡലങ്ങളിലെയും സ്ഥാനാർഥികളുടെ തിരഞ്ഞെടുപ്പ് അക്കൗണ്ടിന്റെ വരവ് ചിലവ് കണക്ക് ആദ്യഘട്ട പരിശോധന  നടത്തി.

സിവിലിലെ പ്ലാനിംഗ് ഓഫീസ് കോൺഫറൻസ് ഹാളിൽ ചിലവ് നിരീക്ഷകരായ ടി സ്വപ്ന, ധീരജ്, വികാസ് സിംഗ് എന്നിവരാണ് പരിശോധന നടത്തിയത്. കണക്കുകളിലെ പൊരുത്തക്കേട് സംബന്ധിച്ചു നോട്ടീസ് ലഭിച്ചവർ 48 മണിക്കൂറിനുള്ളിൽ പിഴവുകൾ പരിഹരിച്ചു അതാത് വരണാധികാരിയ്ക്ക് റിപ്പോർട്ട്‌ സമർപ്പിക്കണമെന്ന് അധികൃതർ അറിയിച്ചു. അടുത്ത ഘട്ട പരിശോധനകൾ ഏപ്രിൽ 4, 7 തീയ്യതികളിൽ നടക്കും. 

എക്സ്പെൻഡിച്ചർ നോഡൽ ഓഫീസർ സി എം സുനിൽ കുമാർ, മറ്റ് ഉദ്യോഗസ്ഥർ എന്നിവർ പങ്കെടുത്തു. 

നിയമസഭാ പൊതു തെരഞ്ഞെടുപ്പുമായി ബന്ധപ്പെട്ട് ജില്ലയില്‍ സ്ഥാനാര്‍ത്ഥികളുടെ വരവ്-ചെലവ് കണക്കുകളുടെ ആദ്യഘട്ട പരിശോധന പൂര്‍ത്തിയായി. കളക്ടറേറ്റ് റൗണ്ട് കോണ്‍ഫറന്‍സ് ഹാളില്‍ നടന്ന പരിശോധനക്ക് ചെലവ് നിരീക്ഷക കനിക ഹസിജ നേതൃത്വം നല്‍കി.

രജിസ്റ്ററുകള്‍ കൃത്യമായി സൂക്ഷിക്കാത്തതോ ആവശ്യമായ ബില്ലുകളും ഇന്‍വോയിസുകളും സമര്‍പ്പിക്കാത്തതോ ആയ സ്ഥാനാര്‍ത്ഥികള്‍ക്ക് 48 മണിക്കൂറിനകം വിശദീകരണം നല്‍കണമെന്ന വ്യവസ്ഥയില്‍ നോട്ടീസ് നല്‍കി. പരിശോധനയില്‍ പങ്കെടുക്കാതിരുന്ന നാല് സ്ഥാനാര്‍ത്ഥികള്‍ക്കും നോട്ടീസ് നല്‍കി. 

മുണ്ടേരി ഗവ. ഹയർസെക്കൻഡറി സ്കൂളിലെ ബൂത്ത് നമ്പർ 40 ജില്ലയിലെ ഭിന്നശേഷി ഉദ്യോഗസ്ഥർ നിയന്ത്രിക്കുന്ന ബൂത്തായി പ്രഖ്യാപിച്ച് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടർ അരുൺ.കെ.വിജയൻ ഉത്തരവിട്ടു. ജില്ലാ സാമൂഹ്യ നീതി ഓഫീസർ നിർദ്ദേശിച്ച ഭിന്നശേഷി ഉദ്യോഗസ്ഥരെ അവരുടെ സമ്മതത്തോടെ ഇവിടെ തിരഞ്ഞെടുപ്പ് ചുമതലകളിൽ നിയമിച്ച് ഉത്തരവിടുകയും ചെയ്തതായി കളക്ടർ അറിയിച്ചു.

നിയമസഭാ തെരഞ്ഞെടുപ്പുമായി ബന്ധപ്പെട്ട പരാതികള്‍ ഉള്ളവര്‍ക്ക് പോലീസ് നിരീക്ഷകന് പരാതി സമര്‍പ്പിക്കാം. കല്‍പറ്റ റസ്റ്റ് ഹൗസില്‍ പ്രവര്‍ത്തിക്കുന്ന നിരീക്ഷകന്റെ ഓഫീസില്‍ രാവിലെ 9.30 മുതല്‍ 11 വരെ നേരിട്ടോ 04936 284014, 9487262589  എന്നീ നമ്പറുകളിലോ polobserver2026@gmail.com എന്ന ഇ-മെയില്‍ വിലാസത്തിലോ പരാതി നല്‍കാം. 

അവശ്യ സർവീസ് വിഭാഗത്തിൽ ഉൾപ്പെടുന്നവരുടെ വോട്ടിംഗ് ജില്ലയിൽ ചൊവ്വാഴ്ച തുടങ്ങി.

കേന്ദ്ര സര്‍ക്കാര്‍ നടപ്പിലാക്കുന്ന ബേട്ടി ബച്ചാവോ ബേട്ടി പഠാവോ പദ്ധതിയുടെ ഭാഗമായി ജില്ലാ ഭരണകൂടം, ജില്ലാ വനിതാ ശിശു വികസന വകുപ്പ്, പട്ടികവര്‍ഗ വികസന വകുപ്പ് എന്നിവയുടെ സംയുക്താഭിമുഖ്യത്തില്‍ സംഘടിപ്പിച്ച ഹെര്‍ സ്റ്റോറി ഷോര്‍ട്ട് ഫിലിം വര്‍ക്ക് ഷോപ്പ് സമാപിച്ചു. ജില്ലാ വനിതാ ശിശു വികസന ഓഫീസര്‍ കെ.ആര്‍. ബിന്ദുബായി പരിപാടി ഉദ്ഘാടനം ചെയ്തു. കണിയമ്പറ്റ ഗവ. മോഡല്‍ റസിഡന്‍ഷ്യല്‍ സ്‌കൂളില്‍ നടന്ന പരിപാടിയില്‍ പങ്കെടുത്ത വിദ്യാര്‍ത്ഥിനികള്‍ക്ക് സര്‍ട്ടിഫിക്കറ്റുകളും മെഡലുകളും വിതരണം ചെയ്തു. വിദ്യാര്‍ത്ഥികളുടെ ഷോര്‍ട്ട് ഫിലിം പ്രദര്‍ശിപ്പിച്ചു. സ്‌കൂള്‍ മാനേജര്‍ ഷൈനി അധ്യക്ഷത വഹിച്ചു.

പനമരം വില്ലേജ് ഓഫീസ് പരിസരത്തുള്ള രണ്ട് മാവുകളിലെ കണ്ണിമാങ്ങ ഏപ്രില്‍ 16ന് ഉച്ചയ്ക്ക് 2.30ന് പനമരം വില്ലേജ് ഓഫീസ് പരിസരത്ത് ലേലം ചെയ്യും. ഫോണ്‍: 04935240231

വൈദ്യുതി മുടങ്ങും

എച്ച് ടി ലൈൻ അറ്റകുറ്റപ്പണി  നടക്കുന്നതിനാൽ ഏച്ചൂർ വൈദ്യുത സെക്ഷനിലെ വാണിയൻചാൽ, പുന്നക്കാമൂല, കൊങ്ങണംങ്കോട് ട്രാൻസ്ഫോർമർ പരിധിയിൽ ഏപ്രിൽ ഒന്ന് ബുധനാഴ്ച രാവിലെ 09:30 മുതൽ ഉച്ചക്ക് ഒന്ന് വരെ വൈദ്യുതി മുടങ്ങും

കേബിൾ ലൈൻ പണി നടക്കുന്നതിനാൽ ഏച്ചൂർ സെക്ഷനിലെ കെട്ടാനച്ചേരി, ഏച്ചൂർകോട്ടം ട്രാൻസ്ഫോർമർ പരിധിയിൽ ഏപ്രിൽ ഒന്ന് ബുധനാഴ്ച രാവിലെ ഒൻപത് മണി മുതൽ വൈകിട്ട് അഞ്ചു വരെ ഭാഗികമായി വൈദ്യുതി മുടങ്ങും.