നിയമസഭാ തിരഞ്ഞെടുപ്പുമായി ബന്ധപ്പെട്ട പെരുമാറ്റച്ചട്ടലംഘനം കൂടുതല്‍ കാര്യക്ഷമമായി കണ്ടെത്തുന്നതിന് സജ്ജീകരിച്ച സി വിജില്‍ ആപ്പിലൂടെ ജില്ലയില്‍ 17433 പരാതികള്‍ പരിഹരിച്ചു. ആലത്തൂര്‍ 1196, ചിറ്റൂര്‍ 1579, കോങ്ങാട് 1386, മലമ്പുഴ 2902, മണ്ണാര്‍ക്കാട് 1432, നെന്മാറ 1026, ഒറ്റപ്പാലം 1468, പാലക്കാട് 1653, പട്ടാമ്പി 353, ഷൊര്‍ണൂര്‍ 1953, തരൂര്‍ 1051, തൃത്താല 1434 എന്നിങ്ങനെയാണ് മണ്ഡലാടിസ്ഥാനത്തില്‍ പരിഹരിച്ച പരാതികള്‍. മാര്‍ച്ച് 31 വരെയുള്ള കണക്കാണിത്.

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയില്‍ എക്സൈസ് റെയ്ഡുകള്‍ ശക്തമാക്കിയതായി ഡെപ്യൂട്ടി എക്‌സൈസ് കമ്മീഷണര്‍ ടി എന്‍ സുധീര്‍ അറിയിച്ചു. സ്പെഷ്യല്‍ ഡ്രൈവിന്റെ ഭാഗമായി എന്‍ഫോഴ്സ്മെന്റ് പ്രവര്‍ത്തനം ശക്തിപ്പെടുത്തിയതിനെ തുടര്‍ന്ന് 159 അബ്കാരി കേസുകളും, 74 മയക്കുമരുന്ന് കേസുകളിലുമായി 189 പ്രതികളെ അറസ്റ്റ് ചെയ്തു.

പാചകവാതക ക്ഷാമവുമായി ബന്ധപ്പെട്ട പരാതികള്‍ പരിഹരിക്കുന്നതിനായി ജില്ലാ/ താലൂക്ക് തലങ്ങളില്‍ 24ഃ7 വ്യവസ്ഥയില്‍ പ്രവര്‍ത്തിക്കുന്ന വാര്‍ റൂമുകള്‍ ജില്ലയില്‍ പ്രവര്‍ത്തനം ആരംഭിച്ചതായി ജില്ലാ കളക്ടര്‍ അറിയിച്ചു.  ജില്ലാ സപ്ലൈ ഓഫീസിലും ഏഴ് താലൂക്ക് സപ്ലൈ ഓഫീസുകളിലുമാണ് വാര്‍ റൂമുകള്‍ ആരംഭിച്ചത്.

പരാതികള്‍ അറിയിക്കാം

വിദ്യാഭ്യാസ ഉപഡയറക്ടർ ഓഫീസിലെ ജൂനിയര്‍ സൂപ്രണ്ട് വി എം വിനോദ്കുമാര്‍ വിരമിച്ചു. 24 വര്‍ഷത്തെ സേവനത്തിന് ശേഷമാണ് വിരമിക്കാൻ.

ഷോളയൂര്‍  ഗോഞ്ചിയൂര്‍ ഉന്നതിയില്‍  ജന പങ്കാളിത്തത്തോടെ സ്വീപ് - ഇലക്ഷന്‍ ബോധവല്‍കരണ പരിപാടി

  തിരഞ്ഞെടുപ്പ് ദിനത്തില്‍ ഡ്യൂട്ടിക്ക് നിയോഗിക്കപ്പെട്ടിട്ടുള്ള അവശ്യ സര്‍വീസില്‍ ഉൾപെട്ട കോങ്ങാട് മണ്ഡലത്തിലെ ജീവനക്കാര്‍ക്ക് പോസ്റ്റല്‍ വോട്ടിങ്ങിനുള്ള ക്രമീകരണം ഏര്‍പ്പെടുത്തിയതായി കോങ്ങാട് നിയമസഭാ മണ്ഡലം വരണാധികാരി എം എം ജോവിന്‍ അറിയിച്ചു. ഇന്ന് (മാര്‍ച്ച് 31) മുതല്‍  ഏപ്രില്‍ ആറ് വരെ ജില്ലാ ലേബര്‍ ഓഫീസിലെ ഡെപ്യൂട്ടി ലേബര്‍ ഓഫീസറുടെ മുറിയില്‍ തയ്യാറാക്കിയിട്ടുള്ള പോസ്റ്റല്‍ വോട്ടിങ്ങ് സെന്ററില്‍ രാവിലെ പത്ത് മുതല്‍ വൈകീട്ട് അഞ്ച് വരെ ജീവനക്കാര്‍ക്ക് വോട്ട് ചെയ്യാം. അര്‍ഹരായ ജീവനക്കാര്‍ക്ക് ഏപ്രില്‍ രണ്ട് വരെ ഫോം 12 ല്‍ അപേക്ഷ നല്‍കാം.

നിയമസഭാ തിരഞ്ഞെടുപ്പില്‍ വോട്ടര്‍മാരുടെ പൂര്‍ണ്ണ പങ്കാളിത്തം ഉറപ്പാക്കുന്നതിനായി തിരഞ്ഞെടുപ്പ് കമ്മീഷന്റെ ആഭിമുഖ്യത്തില്‍ നടപ്പിലാക്കുന്ന സ്വീപ് (SVEEP) പദ്ധതിയുടെ ഭാഗമായി കുടുംബശ്രീ ജില്ലാ മിഷന്റെ നേതൃത്വത്തില്‍ പറമ്പിക്കുളത്ത് വിപുലമായ പ്രചാരണ പരിപാടികള്‍ സംഘടിപ്പിച്ചു.  കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ പി ഉണ്ണികൃഷ്ണന്‍  ഉദ്ഘാടനം നിര്‍വഹിച്ചു.

'ജനാധിപത്യത്തിന്റെ പെണ്‍കരുത്ത്' ക്യാമ്പയിന്റെ ഭാഗമായി നടത്തിയ സമ്മതിദായിക പ്രതിജ്ഞ നെന്മാറ ഇലക്ഷന്‍ ഓഫീസര്‍ ടി പി കാര്‍ത്തികേയന്‍

കാവശ്ശേരി പൂരത്തോടനുബന്ധിച്ച് ക്രമസമാധാന പാലനത്തിനും സുഗമമായ ഗതാഗത സൗകര്യത്തിനുമായി ഇന്ന് (മാര്‍ച്ച് 31) പ്രദേശത്ത് ഗതാഗത നിയന്ത്രണം ഏര്‍പ്പെടുത്തിയതായി ആലത്തൂര്‍ പോലീസ് അറിയിച്ചു. പൂരത്തിന് എത്തുന്ന ജനത്തിരക്ക് പരിഗണിച്ച് പ്രധാന പാതകളില്‍ ഗതാഗത ക്രമീകരണങ്ങള്‍ ഉണ്ടാവും.

ഭിന്നശേഷി വിഭാഗത്തിന്റെ മേൽ നോട്ടത്തിൽ  ഒരു ബൂത്തും