ഗവ. മുസ്ലിം വൊക്കേഷണല്‍ ഹയര്‍ സെക്കണ്ടറി സ്‌കൂള്‍ കാസര്‍കോട്, തളങ്കര എച്ച്.എസ്സ്.ടി ഇംഗ്ലീഷ് തസ്തികയിലേക്ക് നിയമനത്തിനുള്ള കൂടിക്കാഴ്ച്ച ഒമ്പതിന് രാവിലെ 11 ന് നടക്കും.
 

നീലേശ്വരം താലൂക്ക് ആശുപത്രിയിലേക്ക് ഡോക്ടര്‍, സെക്യൂരിറ്റി നിയമനത്തിനുള്ള കൂടിക്കാഴ്ച്ച ജനുവരി ഒമ്പതിന് ഉച്ചക്ക് 2.30ന് നടക്കും. ഡോക്ടര്‍ - യോഗ്യത - എം.ബി.ബി.എസ്, ടി.സി.എം.സി പെര്‍മനന്റ് രജിസ്ട്രേഷന്‍.സെക്യൂരിറ്റി  - വിമുക്ത ഭടന്മാര്‍ക്ക് - പ്രായപരിധി - 50 വയസ്.ഫോണ്‍ - 04672282933.
 

കാസര്‍കോട് പുല്ലൂര്‍-പെരിയ ഗ്രാമപഞ്ചായത്തില്‍ പെരിയ ബസാറില്‍ പ്രവര്‍ത്തിച്ചുവരുന്ന മാവേലി സ്റ്റോര്‍ സൂപ്പര്‍ മാര്‍ക്കറ്റായി ഉയര്‍ത്തുന്നതിന്റെ ഔപചാരിക ഉദ്ഘാടനം ജനുവരി 11ന് രാവിലെ 10.30ന് ഭക്ഷ്യ പൊതു വിതരണ ഉപഭോക്തൃ കാര്യ ലീഗല്‍ മെട്രോളജി വകുപ്പ് മന്ത്രി അഡ്വ. ജി.ആര്‍ അനില്‍ നിര്‍വഹിക്കും. സി.എച്ച് കുഞ്ഞമ്പു എം.എല്‍.എ അധ്യക്ഷത വഹിക്കും. രാജ്മോഹന്‍ ഉണ്ണിത്താന്‍ എം.പി മുഖ്യാതിഥിയാകും.

ഹൊസ്ദുര്‍ഗ്  താലൂക്കില്‍ പുല്ലൂര്‍  ശ്രീ വിഷ്ണുമംഗലം ക്ഷേത്രത്തില്‍ രണ്ട് പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമതം ആചരിക്കുന്ന ആളുകള്‍ക്ക് അപേക്ഷിക്കാം. അപേക്ഷകള്‍ മലബാര്‍ ദേവസ്വം ബോര്‍ഡ്, കാസര്‍കോട് ഡിവിഷന്‍ നീലേശ്വരത്തുള്ള അസിസ്റ്റന്റ് കമ്മീഷണറുടെ ഓഫീസില്‍ ജനുവരി 24 നകം ലഭിക്കണം.  
 

കാസര്‍കോട് താലൂക്കില്‍ ആളിഞ്ചെ ശ്രീ മഹാവിഷ്ണു ക്ഷേത്രത്തില്‍ അഞ്ച് പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമതം ആചരിക്കുന്ന ആളുകള്‍ക്ക് അപേക്ഷിക്കാം. അപേക്ഷകള്‍ മലബാര്‍ ദേവസ്വം ബോര്‍ഡ്, കാസര്‍ഗോഡ് ഡിവിഷന്‍ നീലേശ്വരത്തുള്ള അസിസ്റ്റന്റ് കമ്മീഷണറുടെ ഓഫീസില്‍ ജനുവരി 24 നകം ലഭിക്കണം.
 

മഞ്ചേശ്വരം താലൂക്കില്‍ കണ്ണൂര്‍ ഗ്രാമത്തില്‍  അനന്തപുരം  ശ്രീ അനന്തപത്മനാഭ സ്വാമി ക്ഷേത്രത്തില്‍ അഞ്ച് പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമതം ആചരിക്കുന്ന ആളുകള്‍ക്ക് അപേക്ഷിക്കാം. അപേക്ഷകള്‍ മലബാര്‍ ദേവസ്വം ബോര്‍ഡ്, കാസര്‍ഗോഡ് ഡിവിഷന്‍ നീലേശ്വരത്തുള്ള അസിസ്റ്റന്റ് കമ്മീഷണറുടെ ഓഫീസില്‍ ജനുവരി 24 നകം ലഭിക്കണം.
 

കേരളത്തിലെ യുവതീ -യുവാക്കള്‍ക്ക് നൈപുണ്യ പരിശീലനത്തിനും മത്സരപരീക്ഷകള്‍ക്ക് തയ്യാറെടുക്കുന്നതിനും പ്രതിമാ സം 1,000 രൂപ നല്‍കുന്ന മുഖ്യമന്ത്രി യുടെ 'കണക്ട് ടു വര്‍ക്ക്' പദ്ധതിയിലേക്ക് അപേക്ഷ ക്ഷണിച്ചു .eemployment.kerala.gov.in പോര്‍ട്ടലില്‍ ഓണ്‍ലൈ നായിഅപേക്ഷിക്കാം.കേരളത്തില്‍ സ്ഥിരതാമസക്കാരായ 18 വയസ്പൂര്‍ത്തിയായവരും 30 വയസ് കവിയാത്തവരുമായിരിക്കണം അപേക്ഷകര്‍.കുടുംബ വാര്‍ഷിക വരുമാനം ഒരു ലക്ഷം രൂപയില്‍ കവിയാന്‍ പാടില്ല.

അപേക്ഷ ക്ഷണിച്ചു

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡി വിഷന്‍ ജനുവരി മാസം ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടി സ്സോറി, പ്രീ - പ്രൈമറി, നഴ്സറി ടീച്ചര്‍ ട്രെയിനിംഗ് കോഴ്സുകള്‍ക്ക് ഡിഗ്രി, പ്ലസ് ടു, എസ്.എസ്.എല്‍.സി യോഗ്യതയുള്ള വനിതകളില്‍ നിന്നും അപേക്ഷ ക്ഷണിച്ചു. ഫോണ്‍- 7994449314.

2000 നിരക്ഷരര്‍ ജില്ലയില്‍ സാക്ഷരതാ പരീക്ഷ എഴുതുന്നു. ജില്ലയുടെ സാക്ഷരതാ ശതമാനം ഉയര്‍ത്തുന്നതിന് വേണ്ടി ദേശീയ സാക്ഷരതാ പദ്ധതിയുടെ ഭാഗമായി നടത്തുന്ന 100 സാക്ഷരതാ ക്ലാസ്സുകള്‍ വിജയകരമായി മുമ്പോട്ടു നീങ്ങുന്നു.വൈകീട്ട് നാല് മുതല്‍ ആറ് വരെയാണ് ക്ലാസ്സ്. പുതിയ ജനപ്രതിനിധികള്‍ ക്ലാസ്സുകള്‍ സന്ദര്‍ശിക്കുന്നുണ്ട്. 2026 ജനുവരി 25ന് നടക്കുന്ന മികവ് ഉത്സവം സാക്ഷരതാ പരീക്ഷയില്‍ ഇവര്‍ പങ്കെടുക്കുന്നതാണ്. മടിക്കൈയില്‍ സാക്ഷരത ക്ലാസ്സിലെ പഠിതാക്കള്‍ക്ക് ഗ്രാമ പഞ്ചായത്ത് പ്രസിഡണ്ട് വി.പ്രകാശന്‍ 73 കാരിയായ പൂമണി അംബിക്ക് നല്‍കി പഠനോപകരണങ്ങള്‍ വിതരണം ചെയ്തു.

കുഷ്ഠരോഗ നിവാരണ ലക്ഷ്യവുമായി ആരോഗ്യവകുപ്പ് സംഘടിപ്പിക്കുന്ന അശ്വമേധം 7.0 ക്യാമ്പയിന്റെ ജില്ലാതല ഉദ്ഘാടനം കുമ്പള ഗവ: സീനിയര്‍ ബേസിക് സ്‌കൂളില്‍ നടന്നു. കാസര്‍കോട് ബ്ലോക്ക് പഞ്ചായത്ത് പ്രസിഡന്റ് അബ്ദുള്ള കുഞ്ഞി ചെര്‍ക്കള പരിപാടി ഉദ്ഘാടനം ചെയ്യ്തു.സമൂഹത്തില്‍ മറഞ്ഞു കിടക്കുന്ന കുഷ്ഠരോഗത്തെ ഗൃഹ സന്ദര്‍ശനത്തിലൂടെ കണ്ടുപിടിച്ച് രോഗനിര്‍ണയം നടത്തി ചികിത്സ ലഭ്യമാക്കുകയാണ് അശ്വമേധം ക്യാമ്പയിനിലൂടെ ലക്ഷ്യമിടുന്നത്. സമൂഹത്തില്‍ ഇപ്പോഴും കുഷ്ഠരോഗം ഉണ്ട്. കേരളത്തില്‍ പതിനായിരത്തില്‍ 0.11എന്ന് നിരക്കില്‍ കുഷ്ഠരോഗം റിപ്പോര്‍ട്ട് ചെയ്യപ്പെടുന്നുണ്ട്. കൂടാതെ കുട്ടികളിലും രോഗം കണ്ടുപിടിക്കപ്പെടുന്നുണ്ട്.